ഉണ്ണിയുടെ മുഖം അവളിലേക്കടുത്തതും അവളുടെ വലതുകൈ അവന്റെ നെഞ്ചിൽ ചേർത്തവൾ കണ്ണു കൊണ്ട്ചുറ്റും പരതി. അവളുടെ നോട്ടം കണ്ടവന് ചിരിവന്നു
” വേണ്ടാട്ടോ. ആരെങ്കിലും കാണും“
” ഇവിടെ അങ്ങനെ ആരും വരാറില്ല. ഞാനും വരുണും ഇടക്ക് ഇവിടെ വന്നാ ഇരിക്കാറ്“
” എന്നാലും വേണ്ട“
“വേണം“
ഉണ്ണി അവന്റെ മുഖം അവളിലേക്കടുപ്പിച്ചു. അവന്റെ നിശ്വാസം അവളിൽ പതിഞ്ഞതും ലക്ഷ്മി കണ്ണുകൾഇറുക്കിയടച്ചു.
കാറ്റാടി മരങ്ങൾക്കിടയിൽ അവർ അവരുടെ പ്രണയം കൈമാറി.
അപ്പോഴെക്കും സന്ധ്യ കഴിഞ്ഞിരുന്നു. സൂര്യർ പൂർണ്ണമായും കടലിലേക്ക് ആഴ്ന്നിരുന്നു. പ്രകൃതിയെങ്ങുംമൂകമായ്, തിരമാലകൾ അപ്പോഴും ആർത്തുലച്ചു ശബദമുണ്ടാക്കിക്കൊണ്ടിരുന്നു.
അമ്പിളി അമ്മാവന്റെ വെട്ടം മരച്ചില്ലകൾക്കിടയിലൂടെ അവരെ പുണർന്നു.
അവനിലെ അടങ്ങാത്ത പ്രണയം അവളുടെ കഴുത്തിൽ നിന്ന് താഴെക്കുതിർന്നപ്പോൾ ലക്ഷ്മി ഉണ്ണിയെ തടഞ്ഞു. അപ്പോഴാണ് ഉണ്ണിക്ക് താനെവിടെയാണ് നിൽക്കുന്നത് എന്നുള്ള ബോധം മനസ്സിലേക്ക് വന്നത്. ഉണ്ണിഅവളെയൊന്ന് കണ്ണിറുക്കി കാണിച്ചു.
അവൻ ലക്ഷമിയുടെ കൈയ്യിൽ പിടിച്ചു കാറിന്റെ മുന്നിൽ വന്നു നിന്നുകൊണ്ട് അവളെ പൊക്കി കാറിനു മേലെകയറ്റി ഇരുത്തി. കാറിൽ ചാരി നിന്നുകൊണ്ടവൻ അവളുടെ ഇടുപ്പിലൂടെ കൈയ്യിട്ട് അവളെ അവനിലേക്ക്അടുപ്പിച്ചു.
ആ നിമിഷത്തിനായ് കാത്തുനിന്നവണ്ണം ലക്ഷ്മി ഉണ്ണിയുടെ തോളിലേക്ക് ചാഞ്ഞു.
” ലച്ചൂ“
“മ്മ്ഹ്“
” ഞാൻ നിന്നോട് ഒരു കാര്യം പറയാൻ പോകുവാ. നമ്മുടെ കല്യാണത്തിന് മുൻപ് എന്റെ ജീവിതത്തിൽ നടന്നഎനിക്ക് മറക്കാൻ പറ്റാത്ത കുറച്ചു കാര്യങ്ങള്. അത് നീ അറിയണം എന്ന് എനിക്ക് തോന്നി. നീ അതെങ്ങനെഉൾക്കൊള്ളും എന്ന പേടി ആയിരുന്നു എനിക്ക്. അതുകൊണ്ട ഇത്രയും നാൾ ഞാനത് മറച്ചുവെച്ചത്“
തിരിച്ചൊന്നും പറയാതെ അവൾ മൗനമായ് ഇരുന്നു
” ഇത് ഒരു പക്ഷെ നിനക്ക് അംഗീകരിക്കാൻ പറ്റിയില്ലെന്ന് വരാം. നിനക്ക് സങ്കടമായെന്ന് വരാം. പക്ഷെ നീഒരിക്കലും എന്നെ ഉപേക്ഷിച്ചു പോകരുത്“
ലക്ഷ്മി തലയുയർത്തി ഉണ്ണിയെ നോക്കി. ഉണ്ണിയപ്പോഴും വിദൂരതിലേക്ക് തന്നെ നോക്കിയിരുന്നു.
ഉണ്ണിമെല്ലെ പറഞ്ഞു തുടങ്ങി
” ഞാൻ ബാഗ്ലൂർ ആയിരുന്ന സമയത്ത് എനിക്ക് കുറച്ച് അഫെ..”
ലക്ഷ്മി വേഗം അവളുടെ ഇടതുകൈ കൊണ്ട് അവന്റെ വാപൊത്തി
” വേണ്ട പറയണ്ട. എനിക്കറിയാമായിരുന്നു ഞാൻ കേൾക്കാൻ ആഗ്രഹിക്കാത്ത എന്തോക്കെയോ കാര്യങ്ങൾഉണ്ണിയേട്ടന്റെ മനസ്സിൽ ഉണ്ടെന്ന്. പക്ഷെ അതൊക്കെ എന്നോട് പറയാൻ ഉണ്ണിയേട്ടൻ ആഗ്രഹിക്കുന്നുണ്ടെന്നും. നമ്മുടെ ആദ്യ രാത്രിയിൽ ഉണ്ണിയേട്ടന് അതെല്ലാം എന്നോട് പറയണമെന്നുണ്ടായിരുന്നില്ലെ“
ഉണ്ണി അതിശയഭാവത്തിൽ അവളെ നോക്കി
“നിനക്കെങ്ങനെ“
“മനസ്സിലാകും ഉണ്ണിയേട്ടാ. ഏട്ടന്റെ ഒരോ ചലനവും എനിക്ക് മനസ്സിലാകും.
ഓഫീസിൽ അത്യാവശ്യം ഉണ്ടെന്ന് കള്ളം പറഞ്ഞ് ബാഗ്ലൂർ പോയപ്പോഴും. അതിനു മുൻപ് എന്റെ മടിയിൽതലചായ്ച് കിടന്നപ്പോൾ എന്തെങ്കിലും പറയാനുണ്ടോ എന്ന് ചോദിച്ചപ്പോൾ ഇല്ലാന്ന് പറഞ്ഞ് ഒഴിഞ്ഞു മാറിയതും. ബാഗ്ലൂർ പോയ് കഴിഞ്ഞ് അധികം സമയം ഫോൺ വിളിക്കാതെ ഇരുന്നപ്പോഴും. ഓരോന്നും പറയുമ്പോൾ ഉള്ളശബ്ദത്തിലെ ഇടർച്ചയും. എല്ലാം എനിക്ക് മനസ്സിലാകും“
അത്രയും പറഞ്ഞ് അവനെ നോക്കിയതും തന്നെ തന്നെ നോക്കിയിരിക്കുന്ന ഉണ്ണിയെ ആണ് അവൾ കണ്ടത്. അവന്റെ കവിളിലൂടെ കണ്ണുനീർ തുള്ളികൾ ഒലിച്ചിറങ്ങുന്നുണ്ടായിരുന്നു.
ലക്ഷ്മി അവനെ അവളുടെ മാറിലേക്ക് അണച്ചുപിടിച്ചു
” അറിയണ്ട ഉണ്ണിയേട്ടാ എനിക്കൊന്നും. എന്റെ മനസ്സിൽ ഉണ്ണിയേട്ടൻ എന്നും എന്റെ മാത്രാ. എന്റെ മാത്രം. അങ്ങനെ മതിയെന്നും. എനിക്കതാ ഇഷ്ടം. എന്തായാലും ഇപ്പോൾ എല്ലാ പ്രശ്നങ്ങളും തീർന്നില്ലെ. അതുകൊണ്ട്ആ ചാപ്റ്റർ നമ്മുടെ ജീവിതത്തിൽ നിന്നു ക്ലോസ്“
ലക്ഷ്മി ഇതെല്ലാം പറയുമ്പോഴും ഒരു കുഞ്ഞിനെ പോലെ അവളുടെ നെഞ്ചിൽ പറ്റിചേർന്നു നിൽക്കുകയായിരുന്നുഉണ്ണി
” കഴിഞ്ഞു പോയതൊന്നും ഇനി ഓർക്കണ്ട. നമ്മുടെ ജീവിതത്തിൽ ഞാനും ഉണ്ണിയേട്ടനും അച്ഛനും അമ്മയും മതി. പിന്നെ നമുക്ക് ജനിക്കാൻ പോകുന്ന നമ്മുടെ കുഞ്ഞും“
ഉണ്ണിയൊരു കള്ള ചിരിയോടെ മുഖമുയർത്തി ലക്ഷ്മിയെ നോക്കി. അവൾ നാണത്താൽ മുഖം താഴ്ത്തി. അവൻഇരു കൈയ്യാലും അവളുടെ മുഖം കൈയ്യിലെടുത്ത് നെറുകയിൽ അമർത്തി മുത്തി
🌸🌸🌸🌸🌸🌸🌸🌸🌸🌸🌸🌸🌸🌸
തിരിച്ചു വീട്ടിലെത്തിയപ്പോൾ ശോഭയും പ്രഭാകരനും സിറ്റൗട്ടിൽ തന്നെ ഉണ്ടായിരുന്നു.
“രണ്ടു പേരും കൂടി ബീച്ചിൽ ആ പോയതെന്ന് തോന്നുന്നു“
“അമ്മക്ക് എങ്ങനെ മനസ്സിലായി“
“എടാ പോട്ട ഈ മണ്ണ് കണ്ടാൽ മനസ്സിലാകില്ലെ. പോയ് കുളിച്ചിട്ട് വാ ചോറ് എടുക്കാം“
മുറിയിൽ ചെന്നതും ലക്ഷ്മി കുളിക്കാനായി കയറി
ഉണ്ണി വരുണിനെ വിളിക്കുന്ന തിരക്കിലും.
ഉണ്ണി ഫോൺ കട്ടാക്കി തിരിഞ്ഞതും ലക്ഷ്മി കുളിച്ചിറങ്ങി അവന്റെ പുറകിൽ നിൽപ്പുണ്ടായിരുന്നു.
അവളെ നോക്കി നിൽക്കുന്ന ഉണ്ണിയുടെ മുന്നിലേക്ക് അവൾ കുങ്കുമചെപ്പ് നീട്ടി.
അവനതിൽ നിന്ന് ഒരുനുള് കുങ്കുമടുത്ത് അവളുടെ സീമന്തരേഖയിൽ അണിയിച്ചു ഒരു മുത്തവും കൊടുത്തതിനുശേഷം അവനും കുളിക്കാനായ് കയറി
കുളിച്ചിറങ്ങി താഴെക്ക് വന്നതും കഴിക്കാനുളതെല്ലാം റെഡിയായിരുന്നു.
കഴിക്കുന്നതിന്റെ ഇടക്കാണ് പെട്ടന്നവന് അത് ഓർമ വന്നത്
“അമ്മേ അച്ഛാ ഞാൻ ബാഗ്ലൂരിലെ ജോലി റിസൈൻ ചെയ്തു. ഇനി ഇവിടെ അച്ഛന്റെ കൂടെ ബിസിനസ്സ്നോക്കാനാണ് ഞാൻ തീരുമാനിച്ചത്“
അത് കേട്ടതും മൂന്നുപേരും ഉണ്ണിയെ നോക്കി
” ആ ശോഭേ നമ്മുടെ മോന് നല്ലബുദ്ധിയുധിച്ചല്ലോ“
പിന്നെ ചിരിയും കളിയുമായി സമയം കടന്നുപോയ്
ലക്ഷ്മിയുടെ മടിയിൽ കിടക്കുകയാരുന്നു ഉണ്ണി
” അയ്യോ ലച്ചു“
അവൻ ലക്ഷ്മിയുടെ മടിയിൽ നിന്ന് ചാടി എഴുന്നേറ്റു
“എന്താ. എന്താ ഉണ്ണിയേട്ടാ“
“ഒരു കുഞ്ഞ്. ഒരു കുഞ്ഞിന്റെ കരച്ചിൽ“
“എവിടെ. ഞാൻ കേൾക്കുന്നില്ലല്ലോ“
അപ്പോഴാണ് അവന്റെ മുഖത്തെ കള്ളച്ചിരി അവളുടെ കണ്ണിൽ പെടുന്നത്
“ദെ ഉണ്ണിയേട്ടാ ചുമ്മാ“
“ചുമ്മാതെ“
അവനവളുടെ വയറിലേക്ക് മുഖംപൂഴ്ത്തി കൊണ്ട് പറഞ്ഞു
” അല്ല ഒരു കുഞ്ഞൊക്കെ വേണ്ടെ ലച്ചുവെ“
നാണത്താൽ ഉണ്ണിയെ നോക്കാനാവാതെ അവൾ തിരിഞ്ഞു കിടന്നു
അവൻ അവളുടെ ഇടുപ്പിലൂടെ കൈയ്യിട്ട് ലക്ഷ്മിയെ അവനിലേക്ക് അടുപ്പിച്ചു. ചുടു ശ്വാസം പിൻകഴുത്തിൽതട്ടിയതും അവളൊന്നു പിടഞ്ഞു.
പിന്നീടുള്ള നിമിഷങ്ങളിൽ അവർ അവരുടെ പ്രണയത്തെ കൈമാറി. തന്റെ ജീവനെ നൽകി അവളിൽ നിന്ന്അടർന്നു മാറിയപ്പോഴും പടർന്നു കിടക്കുന്ന അവളുടെ സിന്ദൂര രേഖയിൽ അമർത്തി മുത്താൻ അവൻ മറന്നില്ല. വിയർത്തൊട്ടി അവന്റെ നെഞ്ചിൽ പറ്റിചേർന്ന് കിടക്കുമ്പോഴും അവളോടുള്ള അവന്റെ പ്രണയം അവളറിഞ്ഞു. അവന്റെ ഓരോ ഹൃദയമിടിപ്പിലൂടെയും
