” മറ്റന്നാളോ“
അവളൊരു അമ്പരപ്പോടെ മുഖമുയർത്തി അവനെ നോക്കി
” അ. അതുകൊണ്ട് നാളെ വൈകുന്നേരം തന്നെ പുറപ്പെടണം“
“നാളെയോ“
“അം“
“വേണ്ട ഉണ്ണിയേട്ടാ. രണ്ടു ദിവസം കൂടി കഴിഞ്ഞട്ട് പോകാം“
“അത്യാവിശ്യമായിട്ട് ചെല്ലാൻ പറഞ്ഞത് കൊണ്ടല്ലെ“
” എന്നാ ഞാനും വരട്ടെ ഏട്ടന്റെ കൂടെ. ഞാനിവിടെ ഒറ്റക്ക്,എനിക്ക് പറ്റില്ല“
“നിന്നെ പിന്നെ കൊണ്ടുപോകാം ഏട്ടൻ. അവിടെ ഞാനും വരുണും ഒരെ ഫ്ലാറ്റിൽ അല്ലെ. അവന് വേറെ ഫ്ലാറ്റോറൂമോ ഒന്ന് ശരിയാകട്ടെ അതു മാത്രമല്ല ചിലപ്പോൾ കമ്പനിയെ റെപ്രസെന്റ് ചെയ്ത് യാത്ര പോകേണ്ടിവരും. അത്കൊണ്ട് എന്റെ ലച്ചൂട്ടി ഇവിടെ തന്നെ നിൽക്ക്“
“എനിക്ക് പറ്റില്ലേട്ടാ . ഞാൻ എങ്ങനെയാ. എനിക്ക് കാണാൻ തോന്നുവാണെങ്കിലോ“
“എന്റെ ലച്ചൂട്ടിക്ക് എന്നെ കാണാൻ തോന്നുവാണെങ്കിൽ ദേ ഇത് ഓർത്താൽ മതി“
അത് പറഞ്ഞവൻ അവളുടെ നെറുകയിൽ അമർത്തി മുത്തി. അവനെ ഇറുകി പിടിച്ചു കൊണ്ടവൾ ഒരുതേങ്ങലോടെ അത് ഏറ്റുവാങ്ങി
ലക്ഷ്മിയും അവളുടെ മുത്തങ്ങളാൽ അവനെ പൊതിഞ്ഞു. ശേഷം അവന്റെ നെഞ്ചിലേക്ക് വീണു കരഞ്ഞു. തന്റെപ്രിയതമയോട് കള്ളം പറഞ്ഞതിൽ അവന്റെ ഉള്ളമൊന്ന് നീറി
” ഏട്ടൻ പോയിട്ടെന്നാ തിരിച്ചു വരിക“
“അത്… അതറിയില്ല മോളെ. അതികം വൈകാതെ തന്നെ തിരിച്ചു വരാം“
” എന്നാലും കല്യാണം കഴിഞ്ഞിട്ട് രണ്ട് ദിവസമല്ലെ തികഞ്ഞുള്ളൂ. സ്നേഹിച്ച് തുടങ്ങിയതല്ലെ ഉള്ളൂ ഏട്ടാഞാൻ“
” ഏട്ടന്റെ ലച്ചു ഈ ഏടനെയും കൂടി സങ്കപ്പെടുത്തരുത്. എനിക്കും പോകാൻ ഇഷ്ടയിട്ടല്ല. അത്രക്കുംഅത്യാവിശ്യമായത് കൊണ്ടാ. നമ്മുടെ ജീവിതത്തിന്റെ കാര്യമല്ലെ“
” ജീവിതത്തിന്റെയോ“
അവൾ സംശയത്തോടെ ചോദിച്ചു
പെട്ടന്ന് എന്ത് പറയണമെന്നറിയാതെ അവൻ കുഴങ്ങി
” അ അത്. ആ ജീവിതത്തിന്റെ കാര്യം. ഞാൻ ജോലിക്ക് പോയാൽ അല്ലെ നമുക്ക് ജീവിക്കാൻ പറ്റു“
“ഉം“
അവളൊന്ന് മൂളി എന്നിട്ടവനെ ഇറുകെ പിടിച്ചു.
അവനും അവളെ തന്റെ മാറോട് ചേർത്ത് കിടത്തി
🌸🌸🌸🌸🌸🌸🌸🌸🌸🌸🌸🌸
രാവിലെ എഴുന്നേറ്റതും ലക്ഷ്മിയുടെ മാറോട് ഒരു കുഞ്ഞിനെ പോലെ പറ്റി ചേർന്ന് കിടക്കുകയായിരുന്നു ഉണ്ണി. അവനെ പതിയെ അടർത്തിമാറ്റികൊണ്ടവൾ എണീറ്റു
കുളിച്ചിറങ്ങി അടുക്കളയിലേക്ക് ചെന്നതും കരഞ്ഞു കലങ്ങി വീർത്തിരിക്കുന്ന കണ്ണുകൾ കണ്ടപ്പോൾ ശോഭചോദിച്ചു
“എന്താ മോളെ എന്ത് പറ്റി. കരഞ്ഞോ മോള്“
“ഉം“
അവളൊന്ന് മൂളുക മാത്രം ചെയ്തു
” അവൻ വഴക്കു പറഞ്ഞോ മോളെ“
“ഇല്ലമ്മെ. ഉണ്ണിയേട്ടൻ ഇന്ന് വൈകിട്ട് ബാഗ്ലൂർക്ക് തിരിച്ചു പോകുവാ എന്ന്. ഓഫിസിൽ നിന്നു വിളിച്ചിരുന്നു. അത്യാവശ്യമായി ചെല്ലണമെന്ന്. ഞാനും കൂടെ വരട്ടെ എന്ന് ചോദിച്ചപ്പോൾ യത്ര പോകേണ്ടിവരും അത് കൊണ്ട്വേണ്ടാന്ന് പറഞ്ഞു“
“ശരിയാ മോളെ യാത്രയൊക്കെ വേണ്ടി വരും. അങ്ങനെ വന്നാൽ മോളവിടെ ഒറ്റക് നിൽക്കേണ്ടിവരും. എന്റെ കുട്ടിസങ്കടപ്പെടണ്ട. അവൻ വേഗം തിരിച്ച് വന്ന് മോളെയും കൊണ്ടുപോകും മോള് നോക്കിക്കോ. മോളെകാണാതിരിക്കാൻ അവന് പറ്റില്ല“
“എന്താ രാവിലെ തന്നെ അമ്മയും മോളും“
പ്രഭാകരൻ ആയിരുന്നു അത്
“ഏട്ടൻ എഴുന്നേറ്റോ. വേറെ ഒന്നുമല്ല ഉണ്ണിക്കിന്ന് അത്യാവശ്യമായി ബാഗ്ലൂർക്ക് പോകണമെന്ന്. മോളെകൊണ്ടുപോകുന്നില്ല അവന് ചിലപ്പോൾ യാത പോകേണ്ടിവരുമെന്ന്“
“അയ്യോ അതാണേ കരഞ്ഞ് കണ്ണൊകെ വീർപ്പിച്ച് വെച്ചിരിക്കണ. അവൻ പോയിട്ട് പെട്ടന്ന് വരും മോളെ“
അതു പറഞ്ഞ് കൊണ്ട് പ്രഭാകരൻ അവളുടെ നെറുകയിൽ തലോടി
രാവിലത്തെ ഭക്ഷണത്തിന് ശേഷം പാത്രങ്ങൾ കഴുകി കൊണ്ടിരുന്ന ലക്ഷ്മിയുടെ അടുത്തേക്ക് വന്ന് ശോഭപറഞ്ഞു
” മോളെ“
“എന്താ അമ്മെ“
“മോള് മുറിയിലേക്ക് ചെല്ല് ബാക്കി അമ്മ കഴുകിക്കോളാം. അവന്റെ ഡ്രസ്സൊക്കെ എടുത്ത് വെക്കണ്ടെ“
” ഞാനിത് കഴുകി കഴിഞ്ഞ് പൊയ്ക്കോളാം അമ്മെ“
“വേണ്ട വേണ്ട ബാക്കി അമ്മ ചെയ്തോളാം“
ലക്ഷ്മി കൈ കഴുകി മുറിയിലേക്ക് നടന്നു…
🌺🌺🌺🌺🌺🌺🌺🌺🌺🌺🌺🌺🌺🌺🌺
ലക്ഷ്മി കൈ കഴുകി മുറിയിലേക്ക് നടന്നു
മുറിയിലെത്തിയ ലക്ഷ്മി കാണുന്നത് ബെഡിൽ കണ്ണുമടച്ച് കിടക്കുന്ന ഉണ്ണിയെ ആയിരുന്നു
അവളവന്റെ അടുത്തു ചെന്നിരുന്നു അവനെ വിളിച്ചു
“എന്ത് പറ്റി ഉണ്ണിയേട്ടാ. എന്താ ഈ അലോചിക്കണെ“
” ഏ.. ഒന്നുമില്ലടോ“
” ഇതെന്താ കണ്ണെക്കെ നിറഞ്ഞിരിക്കണത്. മനസ്സിന് വല്ല സങ്കടവും ഉണ്ടോ“
“എനിക്ക് ഒരു കുഴപ്പവും ഇല്ലടാ“
” ഞാൻ ഏട്ടന് കൊണ്ടുപോകാനുള്ള ഡ്രസ്സ് എടുത്ത് വെക്കാം. എത്ര ദിവസത്തേക്കുള്ള താ എടുക്കണ്ടത്“
“ഡ്രസ്സൊക്കെ കുറച്ചു കഴിഞ്ഞ് എടുത്തു വെക്കാം നീ എന്റെ അടുത്ത് കുറച്ചു നേരം വന്നിരിക്ക്“
ലക്ഷ്മി കട്ടിലിലേക്ക് ഒന്നുകൂടെ കയറി ചാരിയിരുന്നു.
ലക്ഷ്മി ഇരുന്നതും ഉണ്ണി അവളുടെ മടിയിലേക്ക് കിടന്നു. അവളവന്റെ നെറുകയിൽ ഒന്ന് ചുംബിച്ച് മുടിയിലൂടെകൈയ്യോടിച്ചു കൊണ്ടിരുന്നു
“ഉണ്ണിയേട്ടാ“
അവൾ അലിവോടെ അവനെ വിളിച്ചു
“ഉം“
“ഉണ്ണിയേട്ടന് എന്നോട് എന്തെങ്കിലും പറയാനുണ്ടോ“
അവൻ കണ്ണ്തുറന്ന് അവളുടെ മുഖത്തേക്ക് തന്നെ നോക്കി
” ഇല്ലടാ. എന്താ ഇപ്പോൾ അങ്ങനെ ചോദിച്ചത്“
“എനിക്ക് അങ്ങനെ തോന്നി“
” ലച്ചു ഞാൻ ഒരു കാര്യം ചോദിക്കട്ടെ. അതിന് സത്യസന്തമായി ഉത്തരം പറയുവോ നീ“
“ആ എന്താ ഉണ്ണിയേട്ടാ. ചോദിക്ക്“
“നി എന്നോട് നിന്റെ ജീവിതത്തിൽ നമ്മുടെ കല്യാണം കഴിയുന്നതിന് മുൻപുള്ള ഒരു പാട് കാര്യങ്ങൾ പറഞ്ഞു. നിനക്ക് എന്നെക്കുറിച്ച് ഒന്നും അറിയണ്ടെ“
” ആദ്യമൊക്കെ ആഗ്രഹം ഉണ്ടായിരുന്നു. ചോദിക്കാനും ഒരുങ്ങിയതാ. പക്ഷെ പിന്നെ ഓർത്തു വേണ്ടാന്ന്”
“അതെന്താ“
“അതെന്താന്ന് വെച്ചാൽ. എല്ലാവരുടെയും ജീവിതം ഒരെ പോലെ അല്ലല്ലോ ചിലരുടെ ജീവിതം എന്നുംസന്തോഷമുള്ളതായിരിക്കും ചിലരുടെ സന്തോഷം കുറഞ്ഞതും എന്നാൽ ചിലരുടെ ജീവതം ഒരിക്കലും സന്തോഷംഅനുഭവിക്കാത്തത് ആയിരിക്കും മറ്റു ചിലർ സ്വന്തം ജീവിതത്തെ വെറുത്തു ജീവിക്കുന്നവർ അങ്ങനെപലതരത്തിലുള്ള ആൾക്കാർ അല്ലെ നമ്മുടെ മുന്നിൽ. കല്യാണത്തിന് മുൻപ് വരെയുള ഉണ്ണിയെട്ടന്റെ ജീവിതംനല്ലതായിരുന്നാലും ചിത്തായായിരുന്നാലും ഉണ്ണിയേട്ടന് എന്ന് സ്വയം അത് എന്നോട് പറയാൻ തോന്നുന്നോഅന്ന് പറഞ്ഞാൽ മതി. ഒരിക്കലും ഞാനായിട്ട് നിർബന്ധിക്കില്ല“
“തന്റെ ജീവിതത്തിൽ എപ്പോഴെങ്കിലും പ്രണയം ഉണ്ടായിട്ടുണ്ടോ“
അ ചോദ്യം കേട്ടപ്പോൾ ലക്ഷ്മി ഉണ്ണിയെ ഒന്ന് നോക്കി
“ഇത് ഞാൻ പറയണോ വേണ്ടയോ എന്ന് ഒരുപാട് ആലോചിച്ചതാ. ഏട്ടൻ ചോദിച്ച സ്ഥിതിക്ക് പറയാം. ആരുടെജീവിതത്തിലാ പ്രണയം ഇല്ലാത്തത്. എനിക്കുമുണ്ടായിരുന്നു ഒരണ്ണം. ഞാൻ ഡിഗ്രിക്ക് പഠിച്ചിരുന്ന സമയത്ത്. എന്റെ സെയിം ബാച്ച് സെയിം ക്ലാസ്സ്. പേര് നിഖിൽ. അത്യവിശ്യം നന്നായി പഠിക്കും എന്ത് പരുപാടി വന്നാലുംഅതിന്റെയെല്ലാം മുൻപിൽ തന്നെ കാണും. ഒരു കോൺസ്റ്റബിളിന്റെ മകൻ ആയിരുന്നു. അത് കൊണ്ട്കൂട്ടിപോലീസെന്നാ എല്ലാവരും വിളിച്ചിരുന്നത്. നന്നായി പാട്ട് പാടും വരക്കും എഴുതും ഡാൻസും കളിക്കും. ഒരുഅഡാറ് കലാകാരൻ. ക്ലാസ്സിൽ എല്ലാവരോടും നല്ല കമ്പനിയൊക്കെയായിരുന്നു പുള്ളി. ഞങ്ങൾ നല്ല ഫ്രണ്ട്സ്ആയിരുന്നു. ഞാനറിയാതെ തന്നെ എങ്ങനെയൊക്കയോ അവനോട് ഫ്രണ്ട്ഷിപ്പിൽ കവിഞ്ഞൊരിഷ്ടം ഉള്ളിൽവന്ന് കയറി. ഒരു ദിവസം ഇലക്ഷന്റെ സമയം അവൻ കോളെജിൽ ചുമ്മാ ഇരുന്നപ്പോൾ ഞാൻ അവനോട്ചോദിച്ചു കറങ്ങാൻ
പോയാലൊ എന്ന് അവൻ ആദ്യമൊന്നും സമ്മതിച്ചില്ല പക്ഷെ അത് കഴിഞ്ഞ് എന്റെ ശല്യംസഹിക്കവയ്യാതെ അവൻ വന്നു. അങ്ങനെ അവനുമായി എന്റെ സ്കൂട്ടിയിൽ ഞങ്ങൾ പുറപ്പെട്ടു. വണ്ടി ചെന്ന്നിന്നത് അവൻ സ്ഥിരം ബസ്സ് കയറാറുള്ള സ്‌റ്റോപ്പിൽ. അവിടെ വണ്ടി നിർത്തി ഞാൻ അവനോട് ചോദിച്ചുഇനിയെങ്ങോട്ടാ നിന്റെ വീടെന്ന്. അപ്പോഴുള്ള അവന്റെ മുഖത്തെ വെപ്രാളം കണ്ണാടിയിലൂടെ ഞാൻകാണുന്നുണ്ടായിരുന്നു. അങ്ങനെ അവന്റെ വീട്ടിൽ ചെന്നു. ഞാൻ പ്രതിക്ഷച്ചതൊന്നുമല്ല പിന്നീടവിടെ നിന്നത്.
