ജോയിന് ചെയ്തു പിന്നെ വിളിക്കാം എന്നു പറഞ്ഞു ഒരു sms മാത്രം വന്നു. ശരി എന്നു തിരിച്ചു മറുപടിയും കൊടുത്തു.
വീട്ടില് അല്ലല്ലോ അവള് ഇപ്പോള് ഉള്ളത് എന്ന ധൈര്യം അവളെ അങ്ങോട്ട് വിളിക്കാന് എന്നെ പ്രേരിപ്പിച്ചു. ഞാന് കോള് ചെയ്തപ്പോഴേക്കും അവള് കട്ട് ചെയ്തു.
ലഞ്ച് ടൈം ആയപ്പോള് അവള് വിളിച്ചു ഇങ്ങോട്ട്. അവിടെ കുറേപ്പേര് ഉണ്ടെന്നും ഫോണ് വിളിക്കാന് പറ്റില്ല എന്നും പറഞ്ഞു. അവിടുത്തെ വിശേഷങ്ങളും മറ്റുമായി കുറച്ചു നേരം സംസാരിച്ചു. കൂടി വന്നാല് ഒരു പത്തു മിനുട്ട്. പക്ഷേ എനിക്കത് മതിയായിരുന്നു.
അങ്ങിനെ മെസ്സേജും ഫോണ് വിളിയും ആയി ദിവസങ്ങള് കടന്നു പോയി. പക്ഷേ ഒരിക്കല് പോലും എന്നോടു ഐ ലവ് യു എന്നു പറഞ്ഞിട്ടില്ല അവള്. ഞാന് അങ്ങോട്ട് പറഞ്ഞാലും തിരിച്ചു ഒന്നും മിണ്ടാറില്ല.
ശരിക്കും അതെന്നെ നന്നായി വിഷമിപ്പിച്ചിരുന്നു. ഒരിക്കല് ഞാന് ആ കാര്യം അവളോടു സൂചിപ്പിച്ചപ്പോള് പറഞ്ഞ മറുപടി എന്നെ വല്ലാതെ ഉലച്ചു.
“എനിക്കു ഇപ്പൊഴും നിങ്ങളെ നീരജിന്റെ സ്ഥാനത്ത് കാണാന് കഴിയുന്നില്ല. ശ്രമിക്കുന്നുണ്ട്. പക്ഷേ നീരജിന്റെ മുഖം മറക്കാന് കഴിയുന്നില്ല.”
മനസില് നല്ല വിഷമം ഉണ്ടെങ്കിലും സാരമില്ല അതൊക്കെ ശരിയായിക്കോളും എന്നു പറഞ്ഞു സമാധാനിച്ചു.
പിന്നേയും നാളുകള് കടന്നു പോയി.
അവളെ നേരില് കാണണം എന്നു അതിയായ ആഗ്രഹം ഉണ്ടായിരുന്നു എനിക്കു. പക്ഷേ സാഹചര്യം മാത്രം ഉണ്ടായില്ല.
ഒരു ദിവസം വിളിച്ചപ്പോ അടുത്ത ഞായറാഴ്ച അവളുടെ ഒരു ഫ്രണ്ടിന്റെ കല്യാണം ഉണ്ട്. പൊയ്ക്കൊട്ടേ എന്നു എന്നോടു ചോദിച്ചു.
ആദ്യമായിട്ടാണ് എന്നോടു ഒരു അനുവാദം ചോദിക്കുന്നത് അവള്.
അപ്പോള് കുറേശ്ശെ അവളുടെ മനസിലേക്ക് ഞാന് കയറിതുടങ്ങി എന്നല്ലേ അര്ത്ഥം.
അതിനെന്നോട് അനുവാദം ചോദിക്കുന്നതെന്തിനാ എന്നു ഞാന് തിരിച്ചു ചോദിച്ചു.
“ഞാന് കൂടി വരട്ടെ?”
“അയ്യോ. വേണ്ട”
“പ്ലീസ്സ്. ഒന്നു കാണാന് അല്ലേ? ദൂരെ നിന്നു കണ്ടു പൊയ്ക്കോളാം ഞാന്”
“എന്നാലും വേണ്ട”
“നോക്കട്ടെ. ഞാന് പറയാം”
“ ഓക്കെ മോളൂ. ലവ് യു.”
ഫോണ് കട്ട് ആയി.
ഒരു പ്രാവശ്യം എങ്കിലും ഒരു ഐ ലവ് യു പറഞ്ഞൂടെ അവള്ക്ക് എന്നു ആലോചിച്ചു. ഇനി ഇപ്പോ അവളെ എനിക്കു കിട്ടില്ലേ? നീരജ് പിന്നേയും അവളെ വിളിക്കാന് തുടങ്ങിയാല് എനിക്കു അവളെ നഷ്ടപ്പെടും എന്നല്ലേ അവള് ഉദ്ദേശിക്കുന്നത് . വെറുതെ കൂടുതൽ പ്രതീക്ഷ എനിക്കു തരേണ്ട എന്നു കരുതി ആയിരിക്കില്ലേ . ചിന്തകൾ കാട് കയറുന്നു . എന്നെ ഇഷ്ടമാണെങ്കിലും എന്നേക്കാൾ ഇഷ്ടം അവൾക്കു നീരജിനോട് തന്നെ ആണ് എന്നു അവൾ തന്നെ പറഞ്ഞതല്ലേ . അവന് ഒരു നല്ല ജോലി കിട്ടിയിട്ട് വീണ്ടും അവളെ സമീപിച്ചാൽ തീർച്ചയായും നീരജിനെ തിരഞ്ഞെടുക്കില്ലേ . അപ്പോ ഞാൻ ആരായി . ഒഴിവാക്കിയാലോ ? പറ്റില്ല. അവൾ ഇല്ലാതെ എനിക്കിനി ജീവിക്കാൻ കഴിയും എന്നു തോന്നുന്നില്ല . എന്റെ ശ്വാസം തന്നെ ഇപ്പോ അവളാണ് .
അന്നു രാത്രി അവൾ മെസേജ് അയച്ചു . അവൾക്കു sms ഓഫർ ചെയ്തു കൊടുത്തിട്ടുണ്ടായിരുന്നു.
“ഹായ് “
“ഹായ് മോളൂ“
“കഴിച്ചോ ?“
“യെസ് . നിങ്ങൾ കഴിച്ചോ ?”
“ഞാനും കഴിച്ചു”
“ഒരു കാര്യം പറഞ്ഞാൽ വിഷമമാകുമോ ?”
“ഇല്ല . എന്താ പറ “
“കല്യാണത്തിന് നീരജ് കൂടി വരുന്നുണ്ട്.”
എന്റെ ചങ്കിൽ ഒരു വെള്ളിടി വെട്ടി. ഞാൻ വിചാരിച്ചത് തന്നെ സംഭവിക്കാൻ പോകുന്നു.
എനിക്കു മറുപടി പറയാൻ ഒന്നും ഉണ്ടായിരുന്നില്ല . കുറേ നേരം കഴിഞ്ഞും എന്റെ മറുപടി ഇല്ലാതിരുന്നപ്പോ അവൾ വീണ്ടും മെസേജ് അയച്ചു .
“വിഷമമായല്ലേ ? ഞാൻ പറയേണ്ട എന്നു വിചാരിച്ചതാണ് . പറയാതിരിക്കാൻ എനിക്കു പറ്റുന്നില്ല .”
“ഓക്കെ”