മഴനീർതുള്ളികൾ 4

Mazhaneerthullikal Part 4 | Author : Anamika

[ Previous Part ] [ www.kambi.pw ]

---

 

 

“അവരിപ്പോ കയറി വരും….”

 

അടർന്നുമാറാനുള്ള മടിയോടെ അമ്മു സ്ലാബിൽ നിന്നും ഊർന്നിറങ്ങി….

എന്നിട്ടവന്റെ നെഞ്ചിലേക്ക് ചാരി തന്നെ പിന്നെയും നിന്നു….

 

“ഒരുമ്മയ്ക്ക് ഫ്യൂസ് പോകാനുള്ളതേ ഉള്ളോ അമ്മുക്കുട്ടിയമ്മ…..” അവനവളെ ഇരുകൈ കൊണ്ടും ചേർത്തണച്ചു പിടിച്ചു…

 

“ഒരുമ്മേ……..” അമ്മു അകന്നു മാറി അവനെ കൂർപ്പിച്ചുനോക്കി…..

 

“ഇതാണോടാ കാലമാട ഉമ്മ….ഒരാഴ്ച പട്ടിണിക്കിട്ട എന്റെ അർജുൻ പോലും ഇത്രേം ആക്രാന്തം കാണിക്കൂല….നീ ഉമ്മിക്കുവല്ലല്ലോ എന്നെയങ്ങ് വിഴുങ്ങുവല്ലേ…..”

 

“അർജുനോ…..” പുരികം ചുളിഞ്ഞു…

 

അമ്മു അതിന് മറുടി പറയും മുന്പേ മായ ചക്ക ഉരിഞ്ഞുകൂട്ടിയ മുറവുമായി കയറി വന്നു…

 

ഹരി പെട്ടെന്ന് തിരിഞ്ഞ് അവിടുന്ന് പോയി….

 

“അമ്മുവേ….നിനക്ക് വറുക്കണോ പുഴുങ്ങണോ…മഴ ആയോണ്ട് വറുത്താൽ ഉണങ്ങി വരുവോന്ന് സംശയമാ…ചക്ക നന്നായിട്ട് വെള്ളം കുടിച്ചട്ടുണ്ട്….”

 

“എനിക്ക് എന്തായാലും ഓകെയാമ്മ….ഞാനിതൊന്നും അങ്ങനെ കഴിക്കാറില്ലായിരുന്നു…അവിടെ ബിന്ദു ചേച്ചി വക്കുന്നത് അത്ര ടേസ്റ്റ് ഇല്ല….പക്ഷെ എന്റെ മായക്കുട്ടന്റെ ഒരു രക്ഷേമില്ലാ…”

 

“ആ മതിമതിയെന്നെ സോപ്പിട്ടത്….പോയിരുന്നു പഠിക്കാൻ നോക്കിയേ…..”

 

“അല്ലാ പനി കുറഞ്ഞോ….” മായ അടുത്തേക്ക് വന്നു കഴുത്തിൽ തൊട്ട് നോക്കി….

 

“മ്മ്മ് കുറഞ്ഞു…രാവിലെ തന്നെ നല്ല കുറവുണ്ടായിരുന്നല്ലോമ്മ….”

 

“അയ്യോ മോളേ…ഇത് കൂടുതൽ ആകുന്നുണ്ടല്ലോ…..” അവളുടെ മുഖത്തെ പാട് മായ അപ്പോളാണ് കാണുന്നത്…

 

“ദേ മുഖത്തൊക്കെ പടർന്ന്….ലളിതേച്ചിയെ…ഒന്നിങ്ങു വന്നേ….”

 

അമ്മുവിന് മനസിലായില്ല…

ലളിതമ്മ കയറിവന്നു…

 

“ഇത് പൊടിക്കൈ കൊണ്ട് മാറുന്ന് തോന്നുന്നില്ലല്ലോ….ഇതിനു ആശ്പത്രീല് വല്ലോം പോകണ്ട വരൂലേ….”

 

അമ്മു അടുക്കളയിൽ നിന്നും ഹാളിലേക്ക് നടന്നു…

മുറിയിൽ കയറി കണ്ണാടിയിലൊന്ന് നോക്കാൻ….

 

ഹരി ഹാളിൽ ദീവാനിൽ കമിഴ്ന്നു കിടപ്പുണ്ട് കാല് രണ്ടും പുറത്താ….ടീവി ഓണാക്കി ഇട്ടേക്കുന്നു…

 

കണ്ണാടിയിൽ നോക്കുമ്പോളാണ് മേൽചുണ്ടിന് മുകളിലും കീഴ്ച്ചുണ്ടിനു താഴെ താടിക്ക് മുകളിലായിട്ടും ചുവന്ന പാട്…

ചുണ്ട് ചീർത്തു അരികിൽ അല്പം തൊലി പോയിരിക്കുന്നു…..

 

“എന്റെ ദൈവമേ….” തലയ്ക്കു കൈ കൊടുത്തുപോയി…

ഇനിയെങ്ങനെ നാളെ കോളേജിൽ പോകും…

 

വീട്ടിലുള്ളവരെ പോട്ടെന്നു വെക്കാം…പക്ഷെ അവള്….ചിന്നു…..കണ്ടാൽ ഉറപ്പായും പൊക്കും…രാവിലെ തന്നെ പനിയെന്നും പറഞ്ഞു മൂടിപ്പുതച്ചു കിടന്നോണ്ട് കണ്ടില്ലവൾ….

 

പക്ഷേയിത് ഉറപ്പായും കാണും…..

 

“എടി നീയേ ആ ടൗണിലുള്ള ഡോക്ടറുടെ വീട്ടിൽ പോയി ഒന്ന് കാണിച്ചു നോക്കിക്കേ….ഇതിങ്ങനെ വച്ചോണ്ടിരിന്നാൽ ഒരു പെങ്കൊച്ചല്ലേ…മുഖമൊക്കെ വൃത്തികേടായാലോ….ശോ എന്നാലും ഇതെന്ത് പറ്റിയതന്നാ….വല്ല പാറ്റയെങ്ങാനും നക്കിയതാണോ….”

 

മുറിവാതിൽക്കൽ വന്നുനിന്ന് ലളിതമ്മ മായയോട് പറയണത് കേട്ടിട്ട് അമ്മുവിന് ചിരീം കരച്ചിലും ഒരുമിച്ചു വരുന്നുണ്ട്….

 

നക്കിയതൊക്കെയാ പക്ഷെ പാറ്റയല്ലെന്ന് മാത്രം…അവളുള്ളിൽ ചിരിച്ചു…

 

ഹരിയിതൊക്കെ കേട്ടിട്ട് ഏതു വഴിക്ക് മുങ്ങുമെന്നറിയാതെ നിൽപ്പുണ്ട്…

 

മായ ഡോക്ടറുടെ ക്ലിനിക്കിൽ വിളിച്ചു…

 

“ഇനീപ്പോ എന്താ ചെയ്യാ…ഉച്ച കഴിഞ്ഞ് ക്ലിനിക് ഇല്ലാന്ന് ഇന്ന്…” മായ ഫോൺ വച്ചിട്ട് അമ്മുവിന്റെ നേരെ തിരിഞ്ഞു…

 

ഒരുത്തൻ ആകെ വെട്ടിലായി നിൽക്കുവാണ്…ഈ രണ്ടു പൊട്ടത്തികളും കൂടെ അവളെക്കൊണ്ട് ക്ലിനിക്കിൽ എങ്ങാനും പോയാൽ….

 

”എടാ……“ മായ സിറ്റൗട്ടിലേക്ക് ഇറങ്ങി ഷർട്ടിന്റെ സ്ലീവ് മടക്കികൊണ്ടിരിക്കുന്നവന്റെ അടുത്തേക്ക് ചെന്ന്…

 

”നീയെവിടേലും പോവണോ…..“