അമ്മു ചേച്ചീയെന്നും വിളിച്ചവൻ മുണ്ടുമടക്കികുത്തി മുന്നോട്ടാഞ്ഞതും അമ്മു ബെഡിൽ ചാടിയേണീറ്റു നിന്നു….താഴെ കിടന്ന തലയിണയും എടുത്തു പിടിച്ച്….
“ഹരീ…..കളിക്കല്ലേ നീയ്…..” തലയണ അവനുനേരെ ഓങ്ങിയാണ് നിൽപ്….
“ഹാ….അതെന്നാ പരിപാടിയാ മോളേ…..ആറ്റുനോറ്റ് ഏട്ടനൊരു ഒഫീഷ്യൽ എൻട്രി നടത്തുമ്പോൾ മോളിങ്ങനെയാ പെരുമാറുന്നേ…..” അടക്കിപറഞ്ഞുകൊണ്ട് അമ്മു കട്ടിലിലൂടെ നടക്കുന്ന അതേ ചേലിൽ അവളെ വട്ടം പിടിക്കാനെന്നോണം ഹരിയും ചുറ്റുന്നുണ്ട്….
“ഏട്ടനാ……അയ്യേ…..കേട്ടിട്ടെനിക്ക് ഗുളുഗുളുന്ന് വരുന്ന്…..ബ്ലാഹ്…..” അമ്മുന്റെ മുഖത്ത് ചാണകത്തിൽ ചവിട്ടിയ ഭാവം….
“നിന്റെ ഗുളുഗുളു ഞാനിന്ന് മാറ്റിത്തരാടി അമ്മുച്ചേച്ചിയെ…..” പറയലും മുട്ടുകുത്തി ബെഡിലേക്ക് കയറലും കഴിഞ്ഞു….
“ദേ….എന്റെ മേത്തെങ്ങാനും തൊട്ടാ……”
“തൊട്ടാല്……” ഹരി മുട്ടല്പം കൂടെ മുന്നോട്ട് നിരക്കി….
“തൊട്ടാലൊന്നുല്ല….ദാ ഇതുപോലെ കിട്ടും….” തലയണ വച്ച് തലക്കിട്ടൊന്ന് കൊടുത്ത് അമ്മു കട്ടിലിൽ നിന്നും ചാടിയിറങ്ങി…
പെട്ടെന്ന് തന്നെ അലമാരക്ക് മുകളിൽ മടക്കിവെച്ചിരുന്ന പായെടുത്തു താഴേക്കിട്ടു….
“ലേശം കണ്ണിചോര കാട്ടെടി ദുഷ്ടേ…..” നിലത്തിട്ട പായയിലേക്ക് നോക്കി മോഹഭംഗ മനസുമായി ഹരി ബെഡിൽ നിന്നും താഴെയിറങ്ങി….
“ആ…എനിക്കല്പം കുറവാ….നോക്കിയൂറ്റി കുടിക്കുമ്പോ ആലോചിക്കണായിരുന്നു….” കയ്യിലിരുന്ന തലയിണ അവളാ പായിലേക്ക് ഇട്ടുകൊടുത്തു…എന്നിട്ട് കയറി ബെഡിലേക്കും ഇരുന്നു….
“അപ്പൊ മോളേട്ടനെ കട്ടിലിൽ കിടത്തൂലാ….”
“ഏട്ടനല്ല വട്ടൻ….മര്യാദക്ക് നിലത്തങ്ങു കിടന്നോ മോൻ…”
“അല്ലാ….ഒരുമ്മം വെക്കാൻ പാടില്ലാന്നൊന്നും അന്റുപ്പൂപ്പ…..” പായിൽ ഇരുന്നോണ്ട് തന്നെ കട്ടിലിലേക്ക് ഒന്നു ചായ്ഞ്ഞു…
“ഹരീ…..”
“വേണ്ട….ഞാൻ ഉറങ്ങി…”
കുല്സിതത്തിനൊന്നും അല്ല ചെക്കന്….വെറുതേ അവളെ തൊട്ടുതൊട്ട് മിണ്ടീം പറഞ്ഞും കിടക്കണം…ഒരു പൂതി….
പക്ഷേ ചില പ്രത്യേക കാര്യങ്ങളിൽ അവനെ കുടിച്ച വെള്ളത്തിൽ വിശ്വാസമില്ലാത്ത അമ്മു റിസ്ക് എടുത്തില്ല….
“എടിയേ…..” ലൈറ്റ് കെടുത്തി കിടക്കാൻ തുടങ്ങിയ അമ്മുവിന്റെ കാലിൽ ഒന്നു ഞോണ്ടി ഹരി….
“ഇനിയെന്താ വേണ്ടേ പോലും….”
“പങ്കു പറഞ്ഞേ കേട്ടായിരുന്നോ…..” കട്ടിലിനു നേർക്ക് ചെരിഞ്ഞു…
“എന്ത്…..”
“എന്നെ മെരുക്കാൻ നീ പാടുപെടുമെന്ന്…..”
ഓഹ്ഹ് ആ വോയ്സ് മോടുലേഷൻ ഈ വഴിക്ക് തിരിയാൻ ആയിരുന്നോ…
“ഒരു പാടുമില്ല….തോട്ടി വച്ചു പിടിച്ചോളാം ഞാൻ…മോനിപ്പോ ഒരുപാടങ്ങ് വഴിതെറ്റാണ്ട് കിടന്നുറങ്ങാൻ നോയ്ക്കെ…”
“തോട്ടി നീയല്ല ഞാനിട്ടാ കുരുക്കണ്ടേ….അത് നിന്നെ ക്കൊണ്ട് ആവത്തില്ല മോളേ…..”
അവൻ പറഞ്ഞതിലെ വൃത്തികേടവൾക്കു കത്തിയത് പക്ഷേ ഇച്ചിരി കഴിഞ്ഞിട്ടാ….
അടുത്ത നിമിഷം കട്ടിലിനടുത്തുകിടന്ന സ്റ്റൂളിന് മണ്ടയ്ക്ക് ഇരുന്ന വെള്ളം നിറച്ച വാട്ടർബോട്ടിൽ അവന്റെ നേർക്ക് പറന്നു വന്നു…
കിട്ടേണ്ടത് കിട്ടിയപ്പോൾ ഹരി മിണ്ടാണ്ട് കിടന്നുറങ്ങി….
രാവിലെ അടിച്ച അലാം ഓഫ് ചെയ്ത് അമ്മു താഴേക്ക് നോക്കി…
ഇരുട്ടായതുകൊണ്ട് കാണുന്നില്ല എണീറ്റില്ലെന്ന് തോന്നുന്നു…
എണീറ്റു ജനൽ കർട്ടൻ അല്പം നീക്കിയിട്ടു…തിണ്ണയിലെ ലൈറ്റിന്റെ വെളിച്ചം മുറിയിലെക്കെത്തും അപ്പോൾ…
പുതപ്പും മടക്കി വച്ചു ഉറങ്ങുന്ന ഹരിയെ നോക്കി ഒന്നു നിന്നു…
പിന്നെ മുട്ടുകുത്തി തറയിൽ ഇരുന്നു…
നെറ്റിയിലും മുഖത്തുമായി ചായ്ഞ്ഞുകിടക്കുന്ന മുടിയിഴകൾ പിന്നിലേക്കൊതുക്കി കൊടുത്തു…
കെട്ടിവെയ്ക്കാനുള്ള നീളമൊന്നും ഇല്ല പക്ഷേ നല്ല ഉള്ളുണ്ട്…
ഞാനിവിടെ ലോകത്തുള്ള സകല പ്രോഡക്ടസും യൂസെയ്തിട്ടും മുടി കൊഴിച്ചിലാ പക്ഷേ ബൈക്ക് കഴുകാൻ വാങ്ങണ ക്ലിനിക് പ്ലസിന്റെ ബാക്കി തലേൽ തേച്ചു കുളിക്കുന്ന ഇവന് കാടുപോലെയും…