നാവുകൊണ്ട് പറയുമ്പോളും അവന്റെ കൈകൾ അവളുടെ മുടിക്കെട്ടിൽ നിന്നും കുറച്ചിഴ ഇരുകവിളുകൾക്കും അരികിലായി അഴച്ചിട്ട് ചന്തം നോക്കുന്നുണ്ടായിരുന്നു…
”ഇങ്ങനൊക്കെ ഒരുപാട് ആലോചിച്ചാൽ ഒന്നും ഒരു വഴിക്കും എത്തില്ലടാ….എന്തിനാ ഇങ്ങനെ കാട് കയറിപ്പോണേ…ഞാനും നീയും….അതുമാത്രം നോക്കിയാൽ പോരെ…“ അമ്മു അവന്റെ ഇരുകൈപ്പത്തിയും തന്റെ കവിളോട് ചേർത്തു പിടിച്ച് അതിലേക്ക് മുഖം അമർത്തി അവനെ തന്നേ നോക്കി പ്രത്യാശയോടെ….
”അവസാനം സ്നേഹിച്ചട്ട് നിനക്ക് പറ്റുന്നവനല്ല എന്ന് ഒരു കാലത്ത് തോന്നിയാ… ഇട്ടിട്ട് പോയ…എനിക്കത് എത്രത്തോളം ഉൾക്കൊള്ളാൻ പറ്റുന്ന്അറിയില്ലാടി“
”അമ്മയ്ക്ക് നീയെന്നു വെച്ച ജീവനാ…നീയമ്മയെ കണ്ടിട്ടാ വീട്ടിൽ തന്നെ കൂടിയെന്നും എനിക്ക് ഡൌട്ട് ഉണ്ട്…ആ നിങ്ങൾ ഞാൻ കാരണം അകലരുത്…ഇപ്പൊ ഉള്ള ഈ ഒരു ഇതിൽ മുന്നോട്ട് പോയാൽ നിനക്കമ്മ ഉണ്ടാകും…പക്ഷെ നമ്മൾ തമ്മിൽ ഒരു റിലേഷൻ ആയി അത് പിന്നീട് ഇല്ലാതായാൽ അമ്മയും നീയും തമ്മിൽ ഇപ്പൊ ഉള്ള അതേ ബന്ധം തന്നെ ഉണ്ടാകണം എന്നില്ല…ബന്ധങ്ങൾ മുറിയുമ്പോൾ മനുഷ്യരല്ലേ വേദനിക്കും….“
”അതേയ്….മിസ്റ്റർ ഹരികൃഷ്ണന് ഈ ബോധോദയം ഒക്കെ എന്നുമുതലാ ഉണ്ടായേ….
മര്യാദക്ക് വല്ലോടത്തോടേം നടന്ന എന്നെ ഒതുക്കത്തിൽ കിട്ടുമ്പോൾ എല്ലാം പിടിച്ചുമ്മ വച്ച് കളിക്കുമ്പോൾ നിന്റെ ബോധം ഒക്കെ എവിടെയായിരുന്നു….
ബാക്കിയൊള്ളോൻറെ ഫസ്റ്റ് കിസ്സും കൊണ്ടോയി കളഞ്ഞിട്ട് ഡയലോഗ് അടിക്കണ കേട്ടാലും മതി….
“ഞാൻ….ഞാനുമ്മ വച്ചോണ്ട് മാത്രം ആണോടി നിനക്കെന്നോട്….”
“ദാ കിടക്കുന്നു….നിനക്കിതെന്തിന്റെ കേടാ ഹരി….ഞാനീ പറയണതൊക്കെ നീ ഏത് ചെവികൂടെയാടാ കേൾക്കുന്നേ….നിനക്കെന്നാടാ പറഞ്ഞാ മനസ്സിലാകാത്തെ….ഇതിലും ഇതിലും കൂടുതൽ ഞാനെന്ത് ചെയ്തിട്ടാടാ നിന്നെ ബോധ്യപ്പെടുത്തണ്ടേ….എനിക്കറീല്ല ദൈവമേ……”
അവസാനം ഇടറിപ്പോയി….
“പേടിയുണ്ടോ എന്റെ അമ്മൂമ്മക്ക്….”
അമ്മു മനസിലാകാതെ അവനെത്തന്നെ നോക്കി…
“സ്വന്തമായി കിട്ടിയ രണ്ടുപേരെ നഷ്ടപ്പെട്ടു പോകുമെന്ന്…” അവനവളുടെ ഇരുകണ്ണിലും മാറിമാറി നോക്കി…
“സങ്കടങ്ങളുടെ കൂട്ടിൽ ചിറകുമുളക്കാത്ത ഈ കുഞ്ഞിക്കിളി പിന്നെയും ഒറ്റയ്ക്കായി പോകുമെന്ന്…..മ്മ്…”
അവളുടെ നെഞ്ചിൽ ഇരമ്പിയാർക്കുന്ന കടൽ കണ്ണിൽ തീരം തൊടാൻ അലയടിച്ചുവരുന്നത് ഹരിക്ക് കാണാം….
“കരയല്ല്…..എനിക്കതിഷ്ടല്ല കാണാൻ…..” അവനവളുടെ കവിളിൽ വിരൽമുറുക്കിപിടിച്ചു….
വിതുമ്പൻ തുടങ്ങിയ ചുണ്ട് അമ്മു കടിച്ചുപിടിച്ചു….
“പറയ്….അതോണ്ടല്ലേ വാശി പിടിച്ച് എന്നെയിങ്ങനെ നേടിയെടുക്കാൻ നോക്കണേ….ശെരിക്കും പറഞ്ഞാൽ എന്നെയല്ല….എന്റമ്മയെ….”
“നിക്ക് നിന്നേം ഇഷ്ടാടാ….നിന്നേം വേണെടാ…..” അമ്മു എത്ര കടിച്ചുപിടിച്ചിട്ടും കരഞ്ഞുപോയി…
“കരയല്ലെന്നേ….” ഹരി അവളെ വലിച്ചു നെഞ്ചോടടുക്കിപിടിച്ചു….
ഏങ്ങൽ കുറച്ചൂടെ ഉച്ചത്തിലായി….
“കരയല്ലേ പൊന്നേ…..എനിക്കത് കാണാൻ വയ്യടി….ഞാൻ വെറുതെ പറയുന്നെ അല്ലാടി….ഞാനും എന്റമ്മയും എന്നും നിന്റേത് മാത്രം ആയിരിക്കും…നമ്മള് തമ്മിൽ സെറ്റ് ആയില്ലെങ്കിൽ നമ്മള് സെപ്പറേറ്റ് ആയാൽ അമ്മ എന്നെ വേറെ വിവാഹം കഴിപ്പിക്കും എന്നൊക്കെയുള്ളൊരു പേടിയുണ്ടല്ലേ അമ്മൂമ്മക്ക്…..അതൊന്നും വേണ്ട….നിനക്ക് വേണെങ്കിലും വേണ്ടെങ്കിലും ഹരിയിവിടെ തന്നേ കാണും…എന്റമ്മേം….” അവനവളുടെ പുറത്ത് പതിയെ തട്ടിക്കൊണ്ടിരുന്നു…
കുറച്ചു നേരം കഴിഞ്ഞു അമ്മു നെഞ്ചിൽ നിന്നും തലയുയർത്തി….കണ്ണും മുഖവും തുടച്ചു….
അതേയ് ഞാൻ എണീറ്റ് പോവാ…ഇവിടിരുന്നാൽ അടുത്ത കൊല്ലം ഡേറ്റ് ആനിവേഴ്സറിക്ക് പകരം ഞാൻ നിന്റെ ഡെത്ത്….അല്ലെ വേണ്ട വേറെ വല്ല ആനിവേഴ്സറിയും വയ്ക്കും…“
” ഹാ പോവല്ലേ….മഴ തൂളുന്ന്….കഴിഞ്ഞട്ട് പോകാം….“ അവളെ പിടിച്ച് അവന്റെ അരികിലേക്ക് ചാറൽ അടിക്കാതെ ഇരുത്തി…