“ഞാൻ…..ഞാൻ ഹെല്പ് ചെയ്യട്ടെ…”
ഡോർ ഹാൻഡിലിൽ പിടിച്ചുകൊണ്ടു ഹരി അവളെ എന്തെന്ന മട്ടിൽ നോക്കി….
“അല്ല…കൈ ഇങ്ങനെ ഇരിക്കുമ്പോൾ പാടല്ലേ…സോപ്പ് ഒക്കെ ഇടുമ്പോ….ഞാൻ കുളിപ്പിച്ച് തരാ…..” മുഖത്ത് നോക്കാതെയാണ് പറയുന്നത്….
ഹാൻഡിലിൽ നിന്നും പിടിവിടാതെ കയ്യാട്ടി വിളിച്ചു…..
അമ്മു വന്നവനെ ചുറ്റിപ്പിടിച്ചു നിന്നു…
“ഇങ്ങനൊക്കെ സ്നേഹിച്ചാലേ ഞാനെന്നും പോയി പൊള്ളിച്ചിട്ട് വരൂട്ടോ…..” അടക്കാനാവാത്ത സ്നേഹത്തോടെ നെറുകയിൽ മുത്തി അങ്ങനെ തന്നെ ചുണ്ടുവച്ചുനിന്നു…..
“ഇനി ഞാൻ വിടില്ല….അല്ലാത്ത പണി കൊണ്ടൊക്കെ കിട്ടുന്നത് മതി….നമ്മള് മൂന്നുപേരല്ലേ ഉള്ളൂ….വേറെ കടോം നിനക്കില്ല…പിന്നെന്തിനാ ഈ മാടിനെ പോലെ പണിയെടുക്കുന്നെ….എന്തൊക്കെ ചെയ്താലെന്താ എല്ലാരേം കണ്ണിൽ കൊള്ളില്ലാത്തവനും…ചെയ്തിടത്തോളം ഒക്കെ മതി….”
“ഇതൊക്കെ എല്ലാർക്കും പറ്റുന്നതല്ലേ അമ്മു….”
“എനിക്ക് എല്ലാർടേം കാര്യം നോക്കണ്ട…നിന്റെ കാര്യം മാത്രം മതി….വാന്ന്….അമ്മ കാണാണ്ട് ഞാൻ കയറിവരാം വാഷ്റൂമിൽ….ഒറ്റക്ക് നീയെങ്ങനാ….”
തന്റെ പാവക്കുട്ടിയുടെ വിരൽ അറ്റുപോയപ്പോൾ നൊന്ത പത്തുവയസുകാരിയുടെ അമ്മ മനസാണ് അമ്മുവിനിപ്പോളും എന്ന് തോന്നും പ്രവർത്തി കണ്ടാൽ….
“അതൊന്നും വേണ്ടന്നെ….ഞാൻ വേഗം കുളിച്ചിട്ട് വരാം….ഒരുപാട് ഇങ്ങനെ അകത്തുകയറി നിൽക്കണ്ട….”
ഹരി കുളി കഴിഞ്ഞു വന്ന് ചായയും കുടിച്ചു അരുൺ വന്നപ്പോൾ ആ കൂടെ കവലക്ക് പോയി….
പിന്നെ തിരികെ വന്നപ്പോൾ രാത്രി ആയിരുന്നു….
ആ പോക്ക് കുഴപ്പമില്ലായിരുന്നുവെങ്കിലും ലേറ്റ് ആയി തിരിച്ചുവന്നത് അത്ര ഇഷ്ടപ്പെട്ടില്ല എന്നത് അമ്മുവിന്റെ മുഖം കണ്ടാൽ അറിയാം….
അത്താഴം കഴിക്കാൻ ഇരുന്നപ്പോളും ആ വാട്ടം അങ്ങനെ തന്നെ ഉണ്ട്….
ഹരി സ്പൂണ് കൊണ്ട് എന്തൊക്കെയോ കഴിച്ചെന്നു വരുത്തി എണീറ്റുപോയി….
അമ്മുവും മായയും പങ്കുവും നേരത്തെ കഴിച്ചിരുന്നു അവന് വരാൻ ലേറ്റ് ആയതുകൊണ്ട്….
ബാത്റൂമിൽ പോയി ലൈറ്റ് അണച്ച് അവൻ വരുമ്പോൾ അമ്മു കിടന്നിരുന്നു….
അലമാരിക്ക് മുകളിൽ മടക്കി വച്ചിരുന്ന പായെടുക്കാൻ ആഞ്ഞതും വിളിച്ചു…
“അതെടുക്കണ്ട…”
“പിന്നെ…”
“ഇവിടെ കിടന്നോ….” അവൾ ചെരിഞ്ഞു നീങ്ങികിടന്നിട്ട് ബെഡിൽ തൊട്ടുകാണിച്ചു….
“മേലുവേദന ഒക്കെ കാണില്ലേ….വാ ഇവിടെ കിടന്നോ….രണ്ടുപേർക്കും കിടക്കാൻ ബുദ്ധിമുട്ടാണെൽ ഞാൻ കിടന്നോളാം താഴെ….”
ഹരിയൊന്നും മിണ്ടാതെ വന്നു ബെഡിലേക്ക് കിടന്നു….കൈ മടക്കി തലക്കുകീഴേ വച്ചു അവൾക്കുനേരെ ചെരിഞ്ഞു….
“ഒരുമ്മ തരുവോ അമ്മു….” അവളോട് കുറച്ചുകൂടെ അടുത്തു വളരെ സ്വകാര്യത്തിൽ ആണ് ചോദ്യം….
“ആഹ ചങ്കരൻ തേങ്ങുമ്മേൽ കൃത്യമായി ലാൻഡ് ചെയ്തിട്ടുണ്ടല്ലോ…..”
“പറ്റുങ്കി താ പെണ്ണേ….”
“നിന്നെക്കൊണ്ട് എങ്ങനെ സാധിക്കുന്നെടാ ഹരീ….”
“ഒന്നു താട്ടെടി…ജാടയിടാണ്ട്….”
“ഈ പെർമിഷൻ ചോയ്ക്കാലൊക്കെ എന്റെ മുറീല് അന്നു കയറിയപ്പോൾ കാണിച്ചായിരുന്നെങ്കിൽ ഈ പൊല്ലാപ്പിന്റെ ഒക്കെ വല്ല ആവശ്യവും ഉണ്ടാകുമായിരുന്നോ….” അമ്മുവിന് വെറുതെ അങ്ങനെ മിണ്ടികിടക്കാൻ തോന്നി….
“എങ്കിൽ എനിക്ക് സ്വപ്നം കാണാൻ കൂടി കിട്ടുമായിരുന്നോ നിന്നെ….നിന്റ മുറച്ചെറുക്കന്റെ വീട്ടില് കണ്ടേനെ നീയ്….”
“ഓർമ്മിപ്പിക്കല്ലേ…….അതു മുടങ്ങീത് നന്നായെ ഉള്ളൂ….”
“മ്മ്മ് എന്തേ….നിനക്കിഷ്ടല്ലാത്ത കല്യാണം ആയിരുന്നോ…..”
“അതൊന്നുവല്ല….അപ്പച്ചി…..മൂപ്പത്തി വൻ സീനായിരുന്നു മോനേ….എന്നെ പച്ചക്ക് തിന്നേനെ ഇപ്പൊ….”
”അങ്ങനെ എനിക്ക് തിന്നാനുള്ള മൊതലൊന്നും വേറെവിടേം ദൈവം കൊടുക്കൂല മോളേ….അതേയ്….“
”മ്മ്…“
”ചോതിച്ചത് കിട്ടീല….“ ചൂണ്ടുവിരലും നടുവിരലും കൂടി അമ്മുവിന്റെ കീഴ്ച്ചുണ്ടിൽ താളം പിടിച്ച് തുടങ്ങിയിട്ടുണ്ട്….