”എടാ….
“മ്മ്മ്…”
“നീയിങ്ങനെ ആലോചിച്ചു കൂട്ടണ്ട…പറയണതൊക്കെ ശെരിയാ…നമ്മൾ തമ്മിൽ നല്ല അന്തരം ഉണ്ട് പക്ഷെ അതൊക്കെ പണ്ടല്ലേ…ഏകദേശം ഒരു കൊല്ലം ആകാറായില്ലേ ഞാൻ നിന്റവിടെ…എനിക്ക് ഈ കാലമത്രയും ചെല്ലും ചെലവും തന്നെയാരാ നീ തന്നെയല്ലേ…അമ്മയാന്ന് പറയാൻ നിക്കണ്ട….അതിന് കിട്ടണത് വീട്ടുചിലവിനു മുടക്കുവാന്നും എനിക്കുള്ളത് എല്ലാം നിന്റെ പോക്കറ്റീന്ന വരുന്നെന്നും മനസിലാക്കാൻ ഉള്ള വിവരമൊക്കെ എനിക്കുണ്ട്….”
“എടീ നിന്റെയീ അവസ്ഥക്ക് കാരണം തന്നെ ഞാനല്ലേ…നീ നിന്റെ വീട്ടിൽ എങ്ങനുമാ ഇപ്പൊ നിക്കണെങ്കിൽ എന്നെ തിരിഞ്ഞ് നോക്കുവോ…പോട്ടെ ഞാനെന്നൊരാളെ നീ കണ്ടിട്ടെങ്കിലും ഉണ്ടാകുവോ…ഇത് നിന്നെ ഇങ്ങനൊരു ഗതികേടിലാക്കി കൊണ്ടുവന്നു നിർത്തിയിട്ടു ഞാനത് മുതലെടുകുംപോലാവില്ലെടി……”
“തേങ്ങയാണ്…..നീയെന്റെന്ന് വാങ്ങുവേ….” മഴചാറൽ അടിച്ചിട്ടാവും അമ്മു കാലുമടക്കി ഹരിയോട് കുറച്ചുകൂടി ചേർന്നിരുന്നു….
“അന്നങ്ങനെ ഒരു ഇഷ്യൂ ഇണ്ടായിട്ടില്ലെങ്കിൽ നിന്നെ തിരിഞ്ഞ് നോക്കുവോന്ന് ഉള്ളത് സത്യം…
പക്ഷെ നിന്നെ കണ്ടിട്ടുപോലും ഉണ്ടോന്നുള്ളത്…ഞാൻ നിന്നെ കണ്ടട്ടൊക്കെ ഉണ്ട്ട്ടോ…”
“എന്ന്….അമ്മുച്ചേച്ചി എന്നെ ചെളിയിൽ ഉന്തി ഇട്ടപ്പോളോ….”ഹരി ഇടതുകൈ അവൾ ചാരി ഇരിക്കുന്ന മരം കൊണ്ടുള്ള തട്ടിനും അവൾക്കും ഇടയിലൂടെ കടത്തി ഇടുപ്പിലൂടെ ചുറ്റി പിടിച്ചു…
“അതല്ലടാ…അന്നൊരു ദിവസം ഇല്ലേ…കഴിഞ്ഞെന്റെ മുന്നത്തെ ഡിസംബറിൽ…നീ ആ കവലേൽ കിടന്ന് തല്ലുണ്ടാക്കിയില്ലേ…അന്ന് ഞാൻ കണ്ടിട്ടുണ്ടാരുന്ന്….”
അവന്റെ ഷർട്ടിന്റെ മടക്കിവെച്ച സ്ലീവിനിടയിലേക്ക് വിരല് കടത്തി അതും ചുരുട്ടി ഞെരിച്ചാണ് കഥ പറച്ചിൽ..
“അതെന്ന്…..” ഹരിക്ക് അങ്ങോട്ട് കത്തിയില്ല കുറെ ഉണ്ടല്ലോ അക്കൗണ്ടിൽ അതിൽ ഏതെന്നു മനസിലായില്ല….
“നീയേ ഒരു ഗ്രീൻ ൻ ബ്ലാക്ക് ചെക്ക് ഷർട്ടും ബ്ലാക്ക് മുണ്ടും ആയിരുന്നു…കുറെ പെൺപിള്ളേരും ഉണ്ടായിരുന്നു കയ്യടിക്കാൻ….” അതു പറഞ്ഞപ്പോ മുഖമൊന്ന് മാറി…
“ഓഹ് അതാ ബസിൽ വച്ചുണ്ടായെന്റെ ബാക്കിയ…ആ ഗവണ്മെന്റ് കോളേജിലെ പിള്ളേരില്ലേ അവരെ ബസിൽ വച്ചൊരുത്തൻ ഞോണ്ടി…അത് ചോദിക്കാൻ ചെന്ന അതിലൊരു കൊച്ചിന്റെ അച്ഛനെ അവനും കൂട്ടുകാരും കൂടെ തല്ലി…ഞാനതും കണ്ടോണ്ട് ചെന്നതാ…..അല്ലാണ്ടങ്ങനെ നീ വിചാരിക്കുമ്പോലെ ഞാനവൾമാരടെ മുന്നികിടന്ന് ഷോ ഇറകീതൊന്നും അല്ലന്നേ….”
“എന്ത് കാര്യത്തിന് ആണേലും നീയെന്തിനാ ഇങ്ങനെ തല്ലുണ്ടാകാൻ പോണെടാ…അന്നു കാണുമ്പോ മുണ്ടഴിഞ്ഞു പോകാറായിട്ടുണ്ടായിരുന്നു….മാനം പോയേനെ എങ്ങാനും ഊരി വീണരുന്നേൽ….”
“പിന്നിതെന്തോന്നിന് ഇട്ടേക്കുന്നെ ആടി….” പറഞ്ഞുംകൊണ്ടവൻ മടക്കികുത്തി ഉയർത്തി വച്ചിരുന്ന കാലിൽ നിന്നും തുടയിലെ മുണ്ട് വലിച്ചു താഴ്ത്തി ഷോർട്സ്ന്റെ തുമ്പ് കാണിച്ചുകൊടുത്തു….
“എന്റെ ദൈവമേ ഇതിനെക്കൊണ്ട്…..നിനക്ക് നാണോമില്ലെടാ അലവലാതി…..” അമ്മു വെപ്രാളത്തിൽ ആ മുണ്ട് വലിച്ചു കയറ്റി ഇട്ടു…
“ഓഹ്… നീയൊന്നും കണ്ടിട്ടില്ലാത്ത പോലെ….എത്ര വട്ടം രാവിലെ എണീറ്റു പോകുമ്പോൾ എന്റെ ഉടുമുണ്ട് മാറിക്കിടക്കണത് നേരെയിട്ടിട്ട് പോയിട്ടുണ്ട് നീ…എന്നട്ടാണോ…“ ഹരി പാതി പുച്ഛത്തിലും പാതി കളിയാക്കിയും പറഞ്ഞു…
”ങേഹ്….അപ്പൊന്നും നീ ഉറങ്ങുവല്ലാരുന്നോ…..“ അമ്മുവിന്റെ കണ്ണുതള്ളി….
”ചെല ദിവസം….“ കള്ളച്ചിരി ഉണ്ട്….
”വൃത്തികെട്ടവനേ…..അറിഞ്ഞോണ്ട് കെടക്കണേ ആലേ അപ്പൊ….“ അവള് ചുറ്റിപ്പിടിച്ചിരുന്ന വലതുകയിലെ ഇറച്ചി പിച്ചിയങ്ങ് എടുത്തു…
”നുള്ളാതെടി….എന്ത് വേദനയാന്ന് അറിയുവോ….“
”സോറി…എനിക്ക് കൂട്ടാവുമ്പോ അങ്ങനാ…നുള്ളാനും കടിക്കാനും ഒക്കെ തോന്നും….“ അമ്മു നുള്ളിയ ഇടത്ത് തിരുമ്മിക്കൊണ്ട് അവനോട് കുറച്ചുകൂടെ ഒട്ടിയിരുന്നു…
”എനിക്ക് വേറെ പലതുമാ തോന്നാറ്…“ ഹരി ഇടതുകൈ കൊണ്ടവളെ മഴ കൊള്ളാതെ തന്നിലേക്ക് ചേർത്തു പിടിച്ചു….