“അപ്പൊ നീയെന്റെ ലക്കി ചാം ആണോടി…നമ്മള് മുട്ടിമുട്ടി നിന്നോണ്ടല്ലേ ഇല്ലാരുന്നേൽ ഞാനിപ്പോ പടം….അങ്ങനെ നോക്കുമ്പോ നീയല്ലേ എന്റെ ലക്ക്….”
“ഒന്നു മിണ്ടാതിരുന്നേ ഹരി നീ…ചുണ്ട് ഞാൻ ഞൊട്ടിപ്പൊട്ടിക്കുട്ടോ…മരിക്കണ കാര്യാ പറയുന്നെ…അതും ഈ പെരുമഴയത്ത്….”
പറഞ്ഞതും അവന്റെ നെഞ്ചിലെ തൊലിയവൾ പിച്ചിയെടുത്തിരുന്നു…കൂടെ അഞ്ചാറ് രോമവും….
ഹരി ഈരെഴ് പതിനാലു ലോകവും കണ്ടുപോയി…
മഴ അത്രക്കങ്ങട് റൊമാന്റിക് അല്ലെന്ന് എന്തുകൊണ്ടോ അമ്മുവിന്നപ്പോൾ തോന്നി…
മഴയുടെ…എന്തിന്….രണ്ടാനമ്മയുടേത് ഒഴിച്ചാൽ മനുഷ്യന്റെ പോലും രൗദ്രഭാവം അവൾക്കത്ര പരിചയം ഇല്ലല്ലോ…..
“ആ എട്ടുകെട്ടിലെ തമ്പുരാട്ടിക്കുട്ടിക്ക് ഈ കുടില് പറ്റുന്നില്ലല്ലേ…..” ഹരിയൊരു നോവോടെ ചോദിച്ചു…
“പറ്റുന്നില്ലേൽ….തിരിച്ച് കൊണ്ടാക്കുവോ നീയെന്നെ….” ആ ചോദ്യം ഒട്ടുമേ പിടിക്കാതിരുന്ന അമ്മു ഒരു മുള്ളെറിഞ്ഞു….
“പോകുവോ നീയ്…..” മുള്ള് നല്ലോണം തന്നെ വെടിച്ചുകീറിയിട്ടുണ്ട്….
അവളൊന്നും മിണ്ടാതെ അവന്റെ കയ്യിൽ നിന്നും തലയുയർത്തി….എണീറ്റിരുന്നു….
“അങ്ങനെ പറഞ്ഞയക്കാനും മാത്രം സ്നേഹമേ ഈ ചങ്കിൽ നിനക്കെന്നോട് ഉള്ളോടാ…..” അമ്മു ആ നെഞ്ചിലേക്ക് കയറിക്കിടന്നു..എന്തിനോ കാതോർക്കാനെന്ന പോലെ ഇടനെഞ്ചിൽ കവിൾ ചേർത്തു ഇരു കയ്യും അവന്റെ തോളിൽ വച്ച് കമിഴ്ന്നു കിടന്നു…
അവന്റെ മുറിവിൽ നിന്നും ചോരപൊടിയുന്നപോലെ നീറി….
ചെയ്യാവുന്നതിന്റെ അങ്ങേയറ്റത്തെ ചതി ചെയ്ത് അവളുടെ ജീവിതം കുളം തൊണ്ടിയിട്ടു അവളീ കാണിക്കുന്ന സ്നേഹത്തിന് താൻ അർഹനല്ലെന്നുള്ള കുറ്റബോധം അവനെ പുകച്ചു നീറ്റുന്നുണ്ട് എപ്പോളും….
“എന്നോട് എങ്ങനെ പൊറുക്കാൻ കഴിഞ്ഞെന്റെ കുഞ്ഞേ….” എത്ര ശ്രമിച്ചിട്ടും ഇടറിപ്പോയി….
അമ്മു തലയുയർത്തി….
ഇരുട്ടിൽ അവന്റെ മുഖം തപ്പിപിടിച്ചെടുത്തു…
ഒന്നുയർന്നാ നെറ്റിയിലും നനവ്പടർന്ന കണ്തടത്തിലും മാറിമാറി ചുംബിച്ചു…..
പിന്നെ ചുണ്ടുകൊണ്ട് തന്നെ തപ്പിതടഞ്ഞവന്റെ ചുണ്ടിലും ചുണ്ട് ചേർത്തു കുറച്ചുനേരം അങ്ങനെ തന്നെ ഇരുന്നു….
പിന്നെയാ ചുണ്ട് പിൻവലിച്ചു അവന്റെ മുഖം ചെരിച്ചു കവിളിൽ കവിൾ ചേർത്തു കിടന്നു അമ്മു…
ഹരിയെല്ലാം ഏറ്റു വാങ്ങി അനങ്ങാതെ കിടന്നു….
അവനപ്പോൾ അത് അങ്ങേയറ്റം ആവശ്യം ആയിരുന്നു….
“ഹരീ….നമ്മളെപ്പോൾ കിസ്സെയ്താലും പ്രണയം മാത്രല്ല നിനക്ക് എന്നോട് ഉണ്ടായിരുന്നെ…അതിൽ കാമവും മിക്സ് ആയിരുന്നു…ഒരു ഇരുപത്തിയാറു വയസുകാരന് തോന്നാവുന്ന എല്ലാ വികാരവും വിചാരവും ഉൾക്കൊണ്ടത്…..അതെനിക്ക് നിന്റെ ശരീരത്തിന്റെ മാറ്റത്തിൽ അറിയാനും പറ്റുമായിരുന്നു….
പക്ഷേ….ഇപ്പോൾ ഉണ്ടല്ലോ…
നിനക്ക് ഇറക്ഷൻ ആയിട്ടേ ഇല്ലാ….ഞാൻ ഏഴയലത്തുകൂടെ പോയാൽ ബാലൻ k നായർ ആകുന്ന നീ ഇപ്പോ എത്ര നല്ല കുട്ടി ആണെന്ന് നിന്റെ ദേഹത്ത് കിടക്കുന്ന എനിക്ക് അറിയാം…
ഇപ്പോൾ നിനക്കെന്നോട് ഉള്ളത് കരുതൽ മാത്രാ…
ഇനി ഞാനിവിടെ ദാ ഇങ്ങനെ കിടക്കുമ്പോൾ എനിക്കെന്താ തോന്നുന്നെന്ന് അറിയോ….
Safe n secure……
ആ വീടിന്റെ രണ്ടാംനിലയിലെ അങ്ങേയറ്റത്തെ മുറിയിൽ ഒരു ബാല്യം മുഴുവൻ ഇടീം മിന്നലും ഇരുട്ടും പേടിയുള്ള ഒരുപാട് രാത്രികൾ ഒറ്റയ്ക്ക് കഴിച്ചുകൂട്ടിയ കുഞ്ഞി അമൃത ഒരിക്കലും അറിഞ്ഞിട്ടില്ലാത്ത അത്ര സുരക്ഷിതത്വം….
മനുഷ്യന് മനുഷ്യൻ തന്നെ വേണമെടാ….
അതു കളഞ്ഞിട്ട് എവിടേക്ക് ഓടിപ്പോകാനാ ഞാൻ….
പണ്ട് വായിച്ച ഡിസ്നെ സ്റ്റോറീസിലെ രാജകുമാരൻ വന്ന് വിളിച്ചാലും എനിക്ക് ദേ ഈ പൊട്ടൻ ചെക്കനെ മതിയേ…..“
”പൊട്ടൻ നിന്റെ തന്ത അമ്പലം വിഴുങ്ങിയാടി…..“ അത്രേം നേരം അവളുടെ ഫിലോസഫിയും കേട്ട് കിടന്നവൻ ആ വിളിയിൽ മനഃപൂർവം തന്നെ ചൊടിച്ചു….ഇല്ലേൽ ഈ പെണ്ണ് തന്നെ കരയിക്കും…
എല്ലാരുടെയും മുന്നിൽ കെട്ടിപൂട്ടിവെച്ചു കല്ലാക്കി മാറ്റിയതൊക്കെ ഇവൾ ഉരുക്കിയിറക്കുന്നുണ്ടോ എന്നൊരു സംശയം….