”ആദീ… എന്ത്നാ ഈ കാണിക്കണേ… ആരെങ്കിലും ഉണരും… സച്ചുച്ചേട്ടനും അഞ്ജലിയേടത്തീം ഒക്കെ തൊട്ടപ്പുറത്തെ മുറിയിലാ ഉള്ളത്…”
അവൾ പരിഭ്രമത്തോടെ ചുറ്റും നോക്കി. അവളുടെ ആ വലിയ നീലക്കണ്ണുകളിൽ നിലാവിന്റെ തിളക്കമുണ്ടായിരുന്നു. ശ്വാസമിടിപ്പ് പെട്ടെന്ന് വേഗത്തിലായി.
”ആരും ഉണരില്ല… നീ കുറച്ചുനേരം ഇവിടെ ഇരിക്ക്…”
ഞാൻ അവളെ മെല്ലെ കട്ടിലിലേക്ക്, എന്റെ അരികിലായി ഇരുത്തി.
ഞാൻ അവളുടെ മുഖത്തേക്ക് നോക്കി. ആ നെറ്റിയിലേക്ക് വീണുകിടന്ന കുറുനിരകളെ ഞാൻ വിരലുകൾ കൊണ്ട് പതുക്കെ ഒതുക്കിവെച്ചു. എന്റെ വിരലുകൾ അവളുടെ കവിളിലൂടെ താഴേക്ക് വന്നപ്പോൾ അവൾ കണ്ണുകൾ ഇറുക്കിയടച്ചു. അവളുടെ ശരീരം നേരിയ തോതിൽ വിറയ്ക്കുന്നുണ്ടായിരുന്നു.
”എന്റെ സിരകളിൽ ഇപ്പോൾ ഒഴുകുന്നത് നിന്റെ ചോരയാ പാർവണേ… എന്നെക്കാൾ കൂടുതൽ എന്റെ ശരീരത്തിന് ഇപ്പോൾ അറിയാവുന്നത് നിന്നെയാണ്,”
ഞാൻ വളരെ പതുക്കെ അവളുടെ കാതിൽ പറഞ്ഞു.
അവൾ നാണത്തോടെ എന്റെ നെഞ്ചിലേക്ക് മുഖം ചേർത്തു. അവളുടെ ഹൃദയമിടിപ്പ് എനിക്ക് കൃത്യമായി കേൾക്കാമായിരുന്നു. എന്റെ കൈകൾ അവളുടെ ഇടുപ്പിലൂടെ ചുറ്റിപ്പിടിച്ചു. ആ തണുത്ത രാത്രിയിലും ഞങ്ങൾക്കിടയിൽ വല്ലാത്തൊരു ചൂടുണ്ടായിരുന്നു.
ഞാൻ പതുക്കെ അവളുടെ മുഖം ഉയർത്തി. ആ കണ്ണുകൾ പാതി അടഞ്ഞിരുന്നു. ചുണ്ടുകൾ വിറയ്ക്കുന്നുണ്ട്. ഞാൻ പതിയെ അവളുടെ നെറുകയിൽ ഒരു ചുംബനം നൽകി. പിന്നീട്, സകല പ്രണയവും ആവാഹിച്ച് എന്റെ ചുണ്ടുകൾ അവളുടെ ചുണ്ടുകളോട് ചേർത്തു. ആദ്യമൊന്ന് പകച്ചെങ്കിലും, പിന്നെ അവൾ തന്റെ ഇരുകൈകൾകൊണ്ടും എന്റെ കഴുത്തിൽ വട്ടംപിടിച്ച് ആ ചുംബനത്തിന്റെ ആഴങ്ങളിലേക്ക് അലിഞ്ഞുചേർന്നു.
മറ്റെല്ലാ ലോകവും ഞങ്ങൾക്കിടയിൽ നിന്നും മാഞ്ഞുപോകുന്നതുപോലെ തോന്നി. അവളുടെ അധരങ്ങളിലെ മധുരം എന്റെ സിരകളിലേക്ക് പടർന്നുകയറി. എന്റെ ചുടുനിശ്വാസങ്ങൾ അവളുടെ കഴുത്തിലേക്ക് പടർന്നു. എന്റെ വിരലുകൾ അവളുടെ കഴുത്തിലൂടെ താഴേക്ക് തെന്നിയിറങ്ങി, വളരെ മൃദുവായി ആ കുഞ്ഞി മുലകളിലൂടെ ഇഴഞ്ഞുനീങ്ങി.ഞാൻ കൈ പതിയെ ആ സ്പോൺജ് പോലെത്തെ മുലകളിലൊന്നമർത്തി “ആഹ് ” അവൾ ചെറുതായി വിറച്ചു.പ്രണയത്തിന്റെ ആ വലിയ ആവേശത്തിൽ അവളുടെ വസ്ത്രത്തിന്റെ കെട്ടുകൾ ഓരോന്നായി ഞാൻ അഴിച്ചു തുടങ്ങിയിരുന്നു…
പെട്ടെന്ന്, താഴേക്ക് നീങ്ങിയ എന്റെ കൈകളെ അവൾ സ്വന്തം കൈകൾകൊണ്ട് വളരെ പതുക്കെ തടഞ്ഞുനിർത്തി. ആ നീണ്ട ചുംബനത്തിൽ നിന്നും മെല്ലെ അടർന്നുമാറി അവൾ എന്റെ കണ്ണുകളിലേക്ക് നോക്കി. ശ്വാസമെടുക്കാൻ അവൾ വല്ലാതെ പാടുപെടുന്നുണ്ടായിരുന്നു. വല്ലാത്തൊരു പ്രണയവും അതിലേറെ നാണവും ആ മുഖത്തുണ്ടായിരുന്നു.
അവൾ തന്റെ വസ്ത്രം പതുക്കെ നേരെയാക്കിക്കൊണ്ട്, എന്റെ നെഞ്ചിലേക്ക് മുഖം ചേർത്തുവെച്ചു. എന്നിട്ട്
വളരെ പതുക്കെയുള്ള ശബ്ദത്തിൽ, ആ പഴയ പാലക്കാടൻ ഈണത്തിൽ അവൾ കാതിൽ മന്ത്രിച്ചു.
”ആദീ… ഈ ദേഹം ഇനി എന്റെ ആദിക്കുള്ളത് തന്ന്യല്ലേ… ആ താലീം കൂടി എന്റെ കഴുത്തില് വീഴണ വരെ, എന്റെ ആദിയൊന്ന് ക്ഷമിക്ക് ട്ടോ…എന്നിട്ട് പോരെ നമുക്ക് ഈ ഇണച്ചേരൽ “”
പ്രണയത്താൽ ചാലിച്ചെടുത്ത ആ വാക്കുകളിലെ നിഷ്കളങ്കതയ്ക്കും പരിശുദ്ധിക്കും മുന്നിൽ അവളോടുള്ള എന്റെ പ്രണയം ഒന്നുകൂടി ആഴമുള്ളതായി മാറുകയായിരുന്നു. പൂർണ്ണമായും എന്റേതായി മാറാൻ കൊതിക്കുന്ന ഒരു പെണ്ണിന്റെ ആഗ്രഹമായിരുന്നു ആ വാക്കുകളിൽ നിറഞ്ഞുനിന്നത്. ഞാൻ ചിരിച്ചുകൊണ്ട് അവളുടെ നെറുകയിൽ വലിയൊരു ചുംബനം കൂടി നൽകി.
”ആ താലിക്കായിട്ടല്ലേ പാർവണേ ഞാൻ ഈ ജന്മം മുഴുവൻ കാത്തിരിക്കുന്നത്…”
ഞാൻ അവളുടെ മുടിയിഴകളിൽ തലോടിക്കൊണ്ട് പറഞ്ഞു.
സമ്മതത്തോടെ അവൾ എന്റെ നെഞ്ചിലേക്ക് ഒന്നുകൂടി ചേർന്നു കിടന്നു. തണുത്ത പാലക്കാടൻ കാറ്റ് ആ ജനാലയിലൂടെ കടന്നുവന്ന് ഞങ്ങളെ പൊതിയുമ്പോൾ, ആ രാത്രിയിൽ ശരീരങ്ങൾക്കപ്പുറം രണ്ട് മനസ്സുകൾ പൂർണ്ണമായും ഒന്നായി ലയിച്ചുചേരുകയായിരുന്നു..