മതി മതി നിന്റ ഈ ആളെ മയക്കൽ ഒക്കെ ഞാൻ കുറെ കണ്ടിട്ടുള്ളതാ.
അച്ഛമ്മേ ഇനി അച്ഛമ്മ കൂടെയെ വഴക്ക് പറയാനുള്ളൂ.
പിന്നെ വഴക്ക് പറയാണ്ട് ഈ തറവാട്ടിലെ ആകെ ഉള്ളൊരു ആൺതരിയാ നീ.
അച്ഛമ്മേ അതിനിപ്പോ എന്താ അച്ഛമ്മേ.
ഇനി അച്ഛമ്മയോട്
പറയാതെ ഞാനെങ്ങോട്ടും പോകില്ല പോരെ.
വേണ്ട വേണ്ട എന്നോട് ഒന്നും പറയേണ്ട.
അച്ഛമ്മേ പിണങ്ങല്ലേ എന്റെ പോന്നു ഇന്ദിരാമ്മയല്ലേ.
ഇല്ലേൽ ഞാൻ മിണ്ടില്ല എന്ന് പറഞ്ഞോണ്ട് രാഹുൽ അരികിൽ നിന്നതും. അച്ഛമ്മ അവനെ നോക്കി ഒന്ന് ചിരിച്ചോണ്ട് അമ്മ വഴക്ക് പറഞ്ഞോ.
ഹ്മ് ഇല്ല പിന്നെ അച്ഛമ്മക്ക് എവിടുന്നു കിട്ടി ഇങ്ങിനെ ഒരു മരുമോളെ.
എന്താടാ എന്റെ മോൾക്ക് ഒരു കുഴപ്പം.
ഒരു കുഴപ്പവും ഇല്ല എപ്പോ നോക്കിയാലും മുഖം തെ ഇങ്ങിനെ കയറ്റി പിടിച്ചോണ്ട് നടക്കും അല്ലാതെ ഒരു കുഴപ്പവും ഇല്ല.
അച്ഛമ്മ ഒന്ന് ചിരിച്ചോണ്ട് ദേ അവൾ കാണേണ്ട ചെക്കാ പിന്നെ അത് മതി.
ഹോ അപ്പൊ അച്ഛമ്മക്കറിയാം അല്ലേ.
ദേ മിണ്ടാതിരുന്നേ അവൾ കേട്ടോണ്ട് വരും കേട്ടോ.
ഹോ കേൾക്കട്ടെ ഞാൻ ഉള്ളത് തന്നെ അല്ലേ പറഞ്ഞെ ദേ നോകിയെ എപ്പോഴും കവിളും വീർപ്പിച്ചോണ്ട് എന്ന് പറഞ്ഞ് തിരിഞ്ഞതും അമ്മയുടെ മുഖത്തേക്കായിരുന്നു.
അയ്യോ അച്ഛമ്മേ.
എന്താ മോനെ.
അമ്മകണ്ട് എന്നാ തോന്നുന്നേ.
ഹ്മ് നന്നായിപ്പോയി എന്റെ മോളെ പറ്റി ഇല്ലാത്തതു പറഞ്ഞതല്ലേ അനുഭവിച്ചോ ഞാൻ അമ്മേടേം മോന്റെയും ഇടയിലേക്ക് വരത്തെ ഇല്ല.എന്ന് പറഞ്ഞ് അച്ഛമ്മ തിരിഞ്ഞു നിന്നു ചിരിച്ചു.
ഹോ അമ്മയെ കുറിച്ചുള്ള കംപ്ലയിന്റ് പറയാൻ ആണല്ലേ മോൻ അച്ഛമ്മേടെ അടുത്തേക്ക് വന്നേ.
ഞാനൊന്നും പറഞ്ഞില്ല.
ഞാൻ കേട്ടതാണല്ലോ അച്ഛമ്മയും മോനും കൂടെ.
അല്ലേൽ തന്നെ ഞാനെന്തിനാ അമ്മയെ കുറ്റം പറയുന്നേ.
ദേ മര്യാദക്ക് റൂമിൽ ചെന്നിരുന്നു വല്ലതും പഠിക്കാൻ നോക്കെടാ എന്നിട്ട് അമ്മയെ പറ്റി നാടൊട്ടാകെ പറഞ്ഞ് നടക്കാം.
ഞാനാരോടും ഒന്നും
പറഞ്ഞില്ല ഞാനെന്റെ അച്ഛമ്മേടെ അടുത് ഇരിക്കുന്നത് കണ്ണിൽ പിടിക്കുന്നില്ല അല്ലെ.
മോനെ എന്നെ അതിലേക്കു വലിച്ചിഴക്കേണ്ട കേട്ടല്ലോ.
ആഹാ അപ്പൊ അച്ഛമ്മയും കയ്യൊഴിഞ്ഞോ ഈ അച്ഛമ്മയെയാണോ ഞാനിത്രയും കാലം വിശ്വസിച്ചേ.
അത് കേട്ട് അമ്മയുടെ മുഖത്തു ചെറിയ പുഞ്ചിരി വന്നു.
കണ്ടോ അച്ഛമ്മേ നിങ്ങടെ മരുമോൾ ഇല്ലെ ഭയങ്കര അഭിനേത്രിയാ.
എടാ മതി മതി നിന്നു കൊഞ്ചാതെ വല്ലതും പഠിക്കാൻ നോക്ക്.
ഹോ ഞാൻ പഠിച്ചോളാം പോരെ.
ഹ്മ് ഈ വർഷത്തെ റിസൾട്ട്‌ വരട്ടെ അപ്പോഴല്ലേ ബാക്കി.
ഹോ എല്ലാ വർഷത്തെയും പൊലെ തന്നെ ഈ വർഷവും കേട്ടല്ലോ.
ഹ്മ് നമുക്കു കാണാം അപ്പോഴല്ലേ ഇതിന്റെ ബാക്കി കിടക്കുന്നെ.
ഹോ ആയിക്കോട്ടെ എന്നും പറഞ്ഞോണ്ട് തല വെട്ടിച്ചോണ്ട് രാഹുൽ മുകളിലേക്കു തന്നെ കയറി പോയി.
അവന്റെ ആ പോക്ക് കണ്ടു ലേഖ ചിരിച്ചോണ്ട് ഇങ്ങിനെ ഒരുത്തൻ.
എന്റെ ലേഖേ അവൻ പഠിക്കാൻ ഒക്കെ മുന്നിൽ തന്നെ അല്ലെ പിന്നെന്തിനാ അവനെ നീ.
അതിലൊന്നിലും പിറകിൽ അല്ല അമ്മേ എന്നാലും അവൻ പോയിട്ട് രണ്ടു ദിവസം ആയില്ലേ.
ഹ്മ് എന്നാ ഇനി അവനോടു തർക്കിക്കാൻ നിൽക്കേണ്ട കേട്ടല്ലോ.
ഇല്ല അമ്മേ ഞാൻ അവനോട് ഒന്ന് പറഞ്ഞെന്നേയുള്ളൂ.
അമ്മേടെ പേരക്കുട്ടിയെ ഞാൻ ഒന്നും പറഞ്ഞിട്ടില്ല.
ഹ്മ് അവൻ ആസ്വദിക്കട്ടെ മോളെ ഇപ്പോയല്ലേ അവനെക്കൊണ്ട് പറ്റു കുറച്ചൂടെ കഴിഞ്ഞാൽ പിന്നെ ഉത്തരവാദിത്യങ്ങൾ ആയില്ലേ.
ഹ്മ് അതാ ഞാനും ഒന്നും പറയാത്തെ.
അല്ല ശ്രുതിമോളെവിടെ ലേഖേ.
അവൾ ദേ അപ്പുറത്തുണ്ട് വാശിയിലാ.
അതെന്തേ.
അവന്റെ കൂടെ പിറപ്പല്ലേ ആ വാശി അവൾക്കും ഉണ്ടാകാതിരിക്കില്ലല്ലോ.
അതെന്തേ മോളെ.
അവനിങ്ങനെ കറങ്ങി നടക്കുവാ എന്നെ എങ്ങോട്ടും പറഞ്ഞു വിടില്ല എന്നൊക്കെ പറഞ്ഞോണ്ട് പെണ്ണ് വാശിയിലാ.
അച്ഛമ്മ ഒന്ന് ചിരിച്ചോണ്ട് അവൻ ആൺകുട്ടിയാ എന്ന് പറഞ്ഞ് കൂടായിരുന്നോ.
ഹ്മ് എന്നിട്ട് വേണം പെണ്ണ് എന്റെ നേരെ ചാടാൻ ആൺകുട്ടികൾക്കെന്താ കൊമ്പുണ്ടോ എന്നൊക്കെ ചോദിച്ചോണ്ട്.
അവള്ക്ക് അച്ഛൻ വന്നിട്ട് പോകാം എന്ന് പറഞ്ഞില്ലേ.