ഫോൺ കൈയ്യിലെടുത്ത അവൾ കണ്ടത് തന്റെ പഴയ സഹപാഠി ലെനയുടെ യൂട്യൂബ് ചാനലിലെ പുതിയ വീഡിയോയുടെ നോട്ടിഫിക്കേഷൻ ആണ്.
ലെന,നതാഷയുടെ കൂടെ പഠിച്ചവൾ, ഇപ്പോൾ നാതാഷയേ പോലെ തന്നെ അറിയപ്പെടുന്ന സൈക്കോളജിസ്റ്റ്.
പുരുഷന്മാരെ വെറുക്കുന്നവൾ എന്ന് അവർക്കിടയിൽ അറിയപ്പെടുന്ന ലെനയുടെ വീഡിയോയുടെ ടൈറ്റിൽ കണ്ടതും നതാഷയുടെ ഉറക്കം പാടെ ഓടിപ്പോയി:
“ദാമ്പത്യം തകർക്കാൻ എത്തുന്ന മൂന്നാമൻ: ഇമോഷണൽ ട്രാപ്പുകൾ തിരിച്ചറിയുക.”
നതാഷ വിറയ്ക്കുന്ന കൈകളോടെ ആ വീഡിയോ പ്ലേ ചെയ്തു. സ്ക്രീനിൽ ലെനയുടെ ഗൗരവമേറിയ മുഖം തെളിഞ്ഞു:
”പല സ്ത്രീകൾക്കും സംഭവിക്കുന്ന ഒരു അബദ്ധമുണ്ട്.
സുരക്ഷിതമായ ഒരു കുടുംബജീവിതം മുന്നോട്ട് പോകുമ്പോൾ പെട്ടെന്ന് ഒരാൾ നിങ്ങളുടെ ജീവിതത്തിലേക്ക് കടന്നുവരും.
അയാൾ നിങ്ങളെ ഒരു സ്വർഗ്ഗത്തിലേക്ക് കൊണ്ടുപോകുമെന്ന് തോന്നിപ്പിക്കും.!!!
നിങ്ങളുടെ ഭർത്താവിൽ നിന്നും കിട്ടാത്ത ആവേശം അയാൾ തരും.!!!
പക്ഷേ ഓർക്കുക…
അയാൾക്ക് നിങ്ങളോട് പ്രണയമില്ല.!!
സന്തോഷകരമായ ഒരു കുടുംബം തകർക്കുക എന്ന ക്രിമിനൽ സൈക്കോളജിയാണ് അയാൾക്കുള്ളത്.!!
നിങ്ങളെക്കൊണ്ട് നിങ്ങളുടെ ഭർത്താവിനെ ചതിപ്പിക്കുമ്പോൾ അയാൾക്ക് ലഭിക്കുന്നത് ഒരുതരം ക്രൂരമായ വിജയമാണ്.”!!!
ലെനയുടെ ഓരോ വാക്കും നതാഷയുടെ ഹൃദയത്തിൽ ആഞ്ഞു തറച്ചു. സാമിന്റെ മുഖം അവളുടെ കൺമുന്നിൽ മിന്നിമറഞ്ഞു.
നതാഷ: (മനസ്സിൽ) “സാം… സാം ശരിക്കും എന്നെ സ്നേഹിക്കുകയാണോ? അതോ മാത്യുവുമായുള്ള എന്റെ ഈ ബന്ധം തകർക്കാൻ വന്ന ഒരു ക്രൂരനാണോ അയാൾ? മാത്യുവിനെ താൻ ചതിക്കുമ്പോൾ സാം ഉള്ളിൽ ചിരിക്കുകയാണോ?!!!”
ലെന വിവരിക്കുന്നത് സാമിനെക്കുറിച്ചാണോ എന്ന് നതാഷ ഭയപ്പെട്ടു.
സാമിനോടുള്ള തന്റെ ആവേശം വെറുമൊരു ട്രാപ്പ് ആണെന്ന തോന്നൽ അവളിൽ കുറ്റബോധം നിറച്ചു.
തന്റെ സുരക്ഷിതമായ കുടുംബജീവിതം ഏത് നിമിഷവും തകർന്നു വീഴാമെന്ന് അവൾക്ക് തോന്നി.
പെട്ടെന്ന് വാതിലിൽ ഒരു മുട്ട് കേട്ടു. “നതാഷാ… നീ ഇതുവരെ എഴുന്നേറ്റില്ലേ? ഹോസ്പിറ്റലിൽ പോകാൻ സമയമായി.”
പുറത്ത് മാത്യുവിന്റെ ശാന്തമായ ശബ്ദം.
നതാഷ ഞെട്ടിപ്പിടഞ്ഞ് എഴുന്നേറ്റു.
മാത്യുവിന്റെ ആ നിഷ്കളങ്കമായ ശബ്ദം കേൾക്കുമ്പോൾ അവൾക്ക് വല്ലാത്തൊരു ഭയം തോന്നി.
തന്റെ ജീവിതത്തിൽ ഒരു ഭീകരമായ കൊടുങ്കാറ്റ് വീശാൻ തുടങ്ങിയിരിക്കുന്നു എന്ന് അവൾ തിരിച്ചറിഞ്ഞു.
അവൾ വേഗത്തിൽ ഫ്രഷ് ആകാനായി ബാത്ത്റൂമിലേക്ക് ഓടി. പക്ഷേ കണ്ണാടിയിൽ നോക്കിയപ്പോൾ കണ്ടത് തന്റെ കഴുത്തിലെ ആ ചുവന്ന പാടുകളായിരുന്നു..സാമിന്റെ ആ വിജയമുദ്രകൾ!
ലെനയുടെ ഓരോ വാക്കുകളും നതാഷയുടെ ഹൃദയത്തിൽ ശൂലം പോലെ തറച്ചിരുന്നു. അവൾക്ക് മുന്നിൽ ബാത്റൂമിലെ കണ്ണാടിയിൽ സാമിന്റെ മുഖം തെളിഞ്ഞു വന്നു.
സാം തന്നെ സ്നേഹിക്കുകയല്ല, മറിച്ച് മാത്യുവും താനും തമ്മിലുള്ള ആ ബന്ധം തകർക്കാൻ വന്ന ഒരു ശത്രുവാണോ?
താൻ ഒരു വലിയ ട്രാപ്പിലാണോ വീണിരിക്കുന്നത്?
മാത്യുവിനോട് താൻ ചെയ്യുന്നത് വലിയ പാപമാണെന്ന തോന്നൽ ആ വീഡിയോ കണ്ടതോടെ അവളിൽ ഇരട്ടിയായി. സാം ഒരു ക്രൂരനായ വേട്ടക്കാരനായി അവളുടെ മനസ്സിൽ രൂപപ്പെട്ടു.!!
ആ കണ്ണാടിക്ക് മുന്നിൽ വാഷ്ബേസിൻ കേബിനെറ്റിൽ കൈകൾ കുത്തിവച്ചു നിന്ന അവൾക്ക് തന്റെ ബോധം നഷ്ടപ്പെടുന്നത് പോലെ തോന്നി…
ആ കണ്ണാടിയിൽ സാമിന്റെ രൂപം തന്നെ നോക്കി ആക്രോശിക്കുന്നത് പോലെ അവൾക്ക് തോന്നി..
മനസ്സ് കൈ വിടുമ്പോൾ താൻ തന്റെ
പേഷ്യന്റ്സ്നു പറഞ്ഞുകൊടുക്കാറുള്ള മെഡിറ്റേഷൻ രീതി അവൾ അവളിൽ തന്നെ നടപ്പിലാക്കി…
ആ കണ്ണാടിയിൽ നോക്കി ദീർഘമായി ശ്വാസമെടുത്തു…
അല്പസമയം ആ ശ്വാസത്തെ അവളുടെ ഉള്ളിൽ പിടിച്ചുകെട്ടി..