ശ്യേ ആകെ നാണക്കേടായി വാതിൽ കുറ്റിയിടേണ്ടതായിരുന്നു വേഗം തോർത്ത് എടുത്തുടുത്ത് ഞാൻ കുളിക്കാൻ കയറി
കുളി കഴിഞ്ഞിറങ്ങി ഒരു കാവി കളർ മുണ്ടുടുത്ത് ഫുൾ കൈ ബനിയനുമിട്ട് ഞാൻ പുറത്തിറങ്ങി ഹാളിന്റെ ഒരു മൂലയ്ക്കു പൂജാ മുറി പോലെ വേർതിരിച്ച ഒരു ഭാഗത്തു കത്തുന്ന നെയ്തിരിക്കു പുറകിലിരിക്കുന്ന ധ്വന്വന്തിരി വിഗ്രഹത്തിന്റെ അടുത്ത് പോയി തൊഴുതു മുന്നിലിരുന്ന ചെറിയ പാത്രത്തിൽ നിന്നു അല്പം ഭസ്മം എടുത്തു നെറ്റിയിൽ തൊട്ടു
ഇത്ര പെട്ടെന്ന് കുളി കഴിഞ്ഞോടാ
ടീച്ചറിന്റെ മുഖത്ത് ഒരു ഭാവ വ്യത്യാസവുമില്ലെങ്കിലും എനിക്കാ മുഖത്ത് നോക്കാൻ ഒരു ചമ്മൽ
വാ മോനെ ഭക്ഷണമെടുത്ത് വെച്ചു അമ്മ സ്നേഹപൂർവ്വം വിളിച്ചു
ടീച്ചറ് കൂടി വരട്ടേയമ്മേ എന്നിട്ട് കഴിക്കാം
ഇവിടെ അത്താഴം പതിവില്ല കുഞ്ഞേ കുട്ട്യോൾടെ അച്ഛൻ അഞ്ചര മണിക്ക് മുൻപ് കഴിക്കും അതോടെ ഇവിടുത്തേ അത്താഴം കഴിയും ഇതിപ്പോ മോൻ വരുന്ന കൊണ്ടു ഉണ്ടാക്കിയതാണ്
അമ്മക്ക് ബുദ്ധിമുട്ടായി അല്ലെ
മോനിരിത്തിരി ഭക്ഷണം ഉണ്ടാക്കാൻ എന്ത് ബുദ്ധിമുട്ട് കുറച്ചു ചോറു കൂടി ഇടട്ടെ
വേണ്ടമ്മേ ഇത് തന്നെ അധികമായി
കറികളൊക്കെ നന്നായോ
കുഞ്ഞേ
എത്ര നാളായിന്നറിയോ ഇത്രേം ടേസ്റ്റ് ഉള്ള ഒരു മാമ്പഴ പുളിശ്ശേരി കഴിച്ചിട്ട് അത് കൊണ്ടാ ഇത്രേം ചോറുണ്ടേ ഇപ്പൊ വയറ് പൊട്ടാറായി
മോന്റെ പ്രായത്തിലുള്ള കുട്ടികൾ വയറ് നിറയെ കഴിക്കണം
ഇനിയും കഴിച്ചാൽ ശ്വാസം മുട്ടും മതിയമ്മേ
അമ്മ നിർബന്ധിച്ചു എന്നെകൊണ്ട് കഴിപ്പിച്ച കൊണ്ട് എന്നും കഴിക്കുന്നതിന്റെ ഇരട്ടി ചോറാണ് ഉണ്ടേക്കുന്നത് ഇപ്പൊ പോയി കിടന്നാൽ ശരിയാവില്ല കുറച്ചു നേരം നടക്കാമെന്ന് കരുതി ഞാൻ വിശാലമായ മുറ്റത്തേക്കിറങ്ങി
ടീച്ചറിന്റെ അച്ഛൻ മുറ്റത്ത് കൂടി പതിയെ ഉല്ലാത്തുന്നുണ്ടായിരുന്നു ഞാനും അദ്ദേഹത്തോടൊപ്പം കൂടി
എന്തായി കുട്ടിയെ കഴിച്ചുവോ
ഉവ്വച്ഛാ
അമ്മയുണ്ടാക്കിയ മാമ്പഴ പുളിശ്ശേരി ബഹുകേമം ചോറുണ്ടത് കുറച്ചു അധികമായി പോയി അതോണ്ട് അല്പം നടക്കാം ന്നു വിചാരിച്ചു
നന്നായി അത്താഴം കഴിഞ്ഞാ അരകാതം നടക്കണമെന്നാ പഴമക്കാര് പറയണേ
ഉണ്ണിയുടെ വീട് ശരിക്കും ഏതു ജില്ലയാണ്
എന്നെക്കുറിച്ചുള്ള സർവ്വ കാര്യങ്ങളും അദ്ദേഹം ചോദിച്ചറിഞ്ഞു പ്രായ പൂർത്തിയായ മകളോടൊപ്പം വിദ്യാർത്ഥി എന്ന പേരിൽ കൂടെ വന്നത് ആരാ എത്തരക്കാരനാ എന്നൊക്കെ അറിയാനുള്ള ശ്രമമാണ് ആ ചോദ്യം ചെയ്യലെന്ന് എനിക്ക് തോന്നി
ടീച്ചറോട് പറഞ്ഞ പോലെ തന്നെ ഒരു സാധാരണ കർഷക കുടുംബത്തിലെ അംഗമാണ് എന്നെ ഞാൻ അച്ഛനോടും പറഞ്ഞുള്ളു
നടപ്പ് കഴിഞ്ഞു ഞങ്ങൾ കോലായിലെ കസേരകളിൽ ഇരുന്നു ആയുർവേദ ചികിത്സാ രീതികളെ കുറിച്ചും പ്രയോഗം പഥ്യം എണ്ണ കുഴമ്പ് നിർമ്മാണം അതിന്റെ കൂട്ടുകൾ പാകങ്ങൾ വ്യത്യാസങ്ങൾ പത പെടുത്തന്നതിലെ ചിട്ടകൾ അങ്ങനെ ഞങ്ങളുടെ സംസാരം നീണ്ടു പോയി രാത്രി ഏകദേശം രണ്ട് മണി ആയപ്പോഴാണ് ഞങ്ങൾ കിടന്നത് അദ്ദേഹത്തിനു എന്നെ നന്നായി
ബോധിച്ചു
പുലർച്ചെ അഞ്ചു മണിക്ക് അദ്ദേഹം വൈദ്യശാലയിലേക്കു പോവുമ്പോൾ ഞാൻ മുറ്റത്ത് നിന്നു കസർത്തു നടത്തുകയായിരുന്നു
എന്താ കുട്ടിയെ ഉറങ്ങിയില്ലേ നീ
എത്ര വൈകി കിടന്നാലും ഞാൻ പുലർച്ചെ തന്നെ ഉണരുമച്ഛ
വളരെ നല്ലത് എനിക്കിന്ന് അല്പം തിരക്കുള്ള ദിവസമാണ് എങ്കിലും കഴിവതും നേരത്തെ തിരിച്ചെത്താം ഉണ്ണിക്ക് ഇന്ന് മടങ്ങണോ
ഇല്ല എനിക്ക് കുറെ കാര്യങ്ങൾ കൂടി അറിയാനുണ്ട് ഞാൻ നാളെയെ മടങ്ങുന്നുള്ളു
ശരി പകൽ കുറച്ചു വിശ്രമിക്കു രാത്രി തീരെ ഉറങ്ങിയിട്ടില്ല ല്ലോ
ശരിയച്ഛാ
അദ്ദേഹം ടോർച്ചു തെളിച്ചു നടന്നു പോയി
ഏഴു മണിയോടെ കുളിയും കഴിഞ്ഞു ഡ്രസ്സ് മാറി ഞാൻ പുറത്തിറങ്ങി
ഉണ്ണി രാവിലെ എങ്ങോട്ടേലും പോവുന്നുണ്ടോ
ഇല്ല അമ്മേ
ചായ എടുക്കട്ടെ
ങ്ഹാ… ടീച്ചറെവിടെ അമ്മേ വീട്ടിൽ വന്നു കയറിയതിൽ പിന്നെ ആളെ കാണാനില്ല ല്ലോ
ശനിയാഴ്ച്ചയല്ലേ മോനെ അവൾ രാവിലെ അമ്പലത്തിൽ പോയി
എന്നോടൊന്നു പറഞ്ഞില്ല ല്ലോ അല്ലേൽ ഞാനും പോയേനെ