“”””””അല്ല, ഒരാളെ തലയ്ക്ക് അടിക്കുമ്പോഴേക്ക് കുപ്പി പൊട്ടൂലേ?? അപ്പൊ ബാക്കിയുള്ളോരെ തലയ്ക്കിട്ട് എങ്ങനെ അടിക്കും??””””””
വാതില് ശക്തിയിൽ അടഞ്ഞ ശബ്ദത്തിന്റെ കൂടെ അനന്തുവിന്റെ സംശയം കൂടി കേട്ടപ്പോൾ ഞാനവനെ പ്രത്യേകിച്ച് ഭാവങ്ങൾ ഒന്നുമില്ലാതെ നോക്കിയിരുന്ന് പോയി….
“”””””എന്നാ നമുക്ക് ബാക്കി അടി പുറത്ത് ന്ന് ആക്കിയാലോ??””””””
എന്റെയാ അഭിപ്രായത്തിനോട് എല്ലാർക്കും പൂർണ്ണ സമ്മതമായിരുന്നു….
അല്ലെങ്കിലും നേരം ഇരുട്ടി തുടങ്ങിയാ പിന്നെ ഞങ്ങടെ വെള്ളമടി ഒക്കെ പുറത്ത് വെച്ചാണ്…..
റൂഫ് ടോപ്പിലുള്ള മുറി നോക്കി സെലക്റ്റ് ചെയ്യാനുള്ള കാരണം തന്നെ ഈ ഓപ്പൺ ടെറസാണ്, രാത്രി വെള്ളമടിക്കാനും, പകല് ഇടയ്ക്ക് പന്ത് തട്ടി കളിക്കാനും, തുടങ്ങി ഈയൊരു സെറ്റപ്പ് കൊണ്ട് അങ്ങനെ ഒരുപാട് ഗുണങ്ങളുണ്ട്….
“””””പുറത്തേക്ക് ഷിഫ്റ്റ് ചെയ്യാണെങ്കിൽ ഒരഞ്ഞൂറും കൂടി എടുക്കണം അഞ്ഞൂറാനെ”””””
അനന്തു പറഞ്ഞത് കേട്ട് ഞാൻ ഭാസിയണ്ണനെ നോക്കിയപ്പോൾ “എന്തിനാ അഞ്ഞൂറാക്കുന്നേ, ഒരു ഫുൾ തന്നെ എടുക്കാം” എന്നാ മനസ്സ് പറയുന്നത് എനിക്ക് വായിക്കാൻ സാധിച്ചു….
ഞാനും ആ അഭിപ്രായത്തിന് പിന്തുണ പ്രഖ്യാപിച്ചതോടെ അടുത്ത അഞ്ഞൂറ്
വാങ്ങി വരേണ്ട ഉത്തരവാദിത്തം സ്വാഭാവികമായും ശക്കീബിന്റെ തലയിലായി, അതിനുള്ള കമ്മിഷൻ അവന് ഒരു പ്ലേറ്റ് ചിക്കൻ കബാബും…
*****
“””””വിക്കിയേ…. തീപ്പെട്ടി??”””””
പുറത്ത് ടെറസിലേക്ക് ഇറങ്ങിയിട്ട് ഭാസിയണ്ണൻ ചോദിച്ചപ്പോൾ എന്റെ പോക്കറ്റിൽ കിടന്ന ലൈറ്റർ ഞാനെടുത്ത് അണ്ണന് കൊടുത്തു….
അനന്തു ഗ്ലാസ്സും ടച്ചിങ്‌സും എല്ലാമെടുത്ത് പുറത്ത് ടെറസിന്റെ ഒരു മൂലയിലുള്ള മേശയിൽ കൊണ്ടുപോയി വെച്ച ശേഷം ഓരോന്ന് ഒഴിച്ചപ്പോൾ അതും ഞങ്ങള് വേഗം തന്നെ അകത്താക്കി….
അത് കഴിഞ്ഞ് ആ അഞ്ഞൂറ് തീർത്ത ശേഷം ശക്കീബ് വാങ്ങികൊണ്ട് വന്ന അടുത്ത അഞ്ഞൂറ് തീർക്കുമ്പോഴേക്ക് അനന്തു വാളും വെച്ച് ടെറസിൽ തന്നെ ഓഫായിരുന്നു…
ഞാനും ഭാസിയണ്ണനും ഓരോ കഥയും പറഞ്ഞിരുന്ന് സാധനം മുഴുവൻ അടിച്ച് തീർക്കുന്നത് വരെ ശക്കീബ് ഫോണിൽ കാര്യമായി പബ്ജി കളിക്കുകയായിരുന്നു, അവന്റെ കൂടെ കളിക്കുന്ന ചെങ്ങായിമാരുടെ ഒരവസ്ഥ…. വെടി വെക്കുന്നതിനേക്കാൾ കൂടുതൽ അവൻ തെറിയാണ് വിളിക്കുന്നത്…
അതിനിടെ വെള്ളമെടുക്കാനും മിച്ചറ് എടുക്കാനും ഒക്കെ ഞാൻ രണ്ട് മൂന്ന് തവണ അകത്തേക്ക് ചെന്നപ്പോൾ നിക്കി സിറ്റിങ് റൂമിൽ ലാപ്പും പിടിച്ച് ഇരിപ്പുണ്ടായിരുന്നെങ്കിലും എന്നെ കണ്ടഭാവം നടിച്ചില്ല, ഞാൻ ഒന്ന് രണ്ട് തവണ പോയി അടുത്തിരുന്ന് ചുമച്ചൊക്കെ നോക്കിയെങ്കിലും പ്രതീക്ഷിച്ചത് പോലെ തന്നെ പെണ്ണ് തിരിഞ്ഞ് നോക്കിയത് പോലുമില്ല….
അതോണ്ട് രാത്രി എല്ലാം ശരിയാക്കാം എന്ന വിശ്വാസത്തിൽ ഞാൻ ഭാസിയണ്ണന്റെ കൂടെ ഇരുന്ന് സന്യാസിയെ അകത്താക്കി…
“””””വ്..വിക്കി മോനേ….. അണ്ണൻ പോട്ടേ??””””””
അവസാനത്തെ ലവ്സിപ്പും അടിച്ച ശേഷം സിഗരറ്റിന്റെ പുകയൂതി വിട്ടുകൊണ്ട് ഭാസിയണ്ണൻ ചോദിച്ചു
“””””ഇന്നിനി പോണ്ടണ്ണാ…. നാളെ രാവിലെ പോവാ…””””””
“”””””ഏയ്, അത് ശരിയാവൂല്ല…. രാവിലെ കാന്റീൻ തുറക്കണം”””””””
അണ്ണൻ രണ്ട് കാലിൽ നേരെ നിൽക്കാൻ ബുദ്ധിമുട്ടിക്കൊണ്ടാണത് പറയുന്നത്…. അതോണ്ട് അണ്ണനെ വീട്ടിൽ കൊണ്ടാക്കി കൊടുക്കാൻ ഞാൻ ശക്കീബിനോട് പറഞ്ഞു….
“””””മൈരേ ഈ കളിയൊന്ന് തീരട്ടെ””””
“””””ഓന്റൊര് കളി…. എണീറ്റ് പോയേടാ””””””
എന്നും പറഞ്ഞ് അവന്റെ കയ്യിൽ നിന്നും ഫോൺ തട്ടിപറിച്ച് വാങ്ങിയപ്പോൾ എന്നെ രണ്ട് തെറിയും വിളിച്ചിട്ട് അവൻ അണ്ണനെ കൊണ്ടാക്കാൻ പോയി…
*****
അതോടെ അടിച്ച് ഔട്ടായി കിടക്കുന്ന അനന്തുവിനെ നക്ഷത്രങ്ങളൊന്നും ഇല്ലാതെ തനിച്ച് പോസ്റ്റ്‌ അടിച്ചിരിക്കുന്ന ചന്ദ്രന് കൂട്ട് കിടക്കാൻ വിട്ടുകൊണ്ട് ഞാൻ അകത്തേക്ക് നടന്നു…
ചെറുതായി ആടുന്നത് പോലെ തോന്നുന്നു…
അകത്ത് ചെന്നപ്പോൾ നിക്കി ലാപ്പും മടിയിൽ വെച്ച് അതിൽ കണ്ണും നട്ട് ഇരിപ്പാണ്… ഞാൻ അവൾക്കരികിൽ പോയി ഇരുന്നു, ബട്ട് ഇപ്പഴും പ്രതികരണമില്ല…
“””””നിക്സേ….. മിണ്ട്””””””
അകത്ത് കിടക്കുന്ന സന്യാസി നൽക്കുന്ന ധൈര്യത്തിൽ ഞാനവളെ തോണ്ടി കൊണ്ട് പറഞ്ഞു… പക്ഷെ അവളെന്റെ കൈ തട്ടി മാറ്റി…
“”””””ഡീ പെണ്ണേ, വിട്ട്കള….. ച്ചോറി””””””
അവളെ തോണ്ടി കൊണ്ട് വീണ്ടും പറഞ്ഞപ്പോൾ പെണ്ണ് ലാപ്പിൽ നിന്നും കണ്ണെടുത്തു, എന്നിട്ട് എന്നെയൊന്ന് തുറിച്ച് നോക്കി…
“”””””മിണ്ട്…”””””””
“”””””ഞാൻ കാര്യായിട്ട് ഒരു പണി ചെയ്യാ….. കള്ളും കുടിച്ച് വന്ന് ശല്യം ചെയ്താ അടിച്ച് മോന്തേന്റെ ഷേപ്പ് ഞാൻ മാറ്റും……””””””
നേരത്തെ കയറി വന്നപ്പോൾ അനന്തൂന് നേരെ ചാടിയതിന്റെ ഡബിൾ സ്ട്രോങ്ങിൽ അവളെന്നോട് പറഞ്ഞു…
പല്ല് കടിച്ചുകൊണ്ട്
“””””””എണീറ്റ് അവിടെവിടേലും പോയി കിടക്ക്…”””””””
എന്ന് കൂടിയവൾ കൂട്ടി ചേർത്തു… എന്നാലും കുറച്ച് നേരം കൂടി അവിടെ ഇരുന്ന് പെണ്ണിന്റെ ചൂട് ഒന്ന് തണുപ്പിക്കാൻ നോക്കി,
മ്ഹും നോ രക്ഷ….. ഒടുക്കം ഞാൻ എഴുന്നേറ്റ് ബെഡ് റൂമിൽ പോയി ശക്കീബ് വരുന്നത് വരെ കുറച്ച് നേരം വെറുതേ കിടക്കാമെന്ന് കരുതി കിടന്നു….
അങ്ങനെ കിടന്നതേ ഓർമ്മയുള്ളു, ഔട്ട് കംപ്ലീറ്റ്ലി…
പിന്നെ ഞാൻ ഉണരുന്നത് എന്റെ നെഞ്ചിൽ എന്തോ അനങ്ങുന്നത് പോലെ തോന്നിയപ്പോഴാണ്, നോക്കിയപ്പോൾ നേരത്തെ എന്റെ മുഖത്തിന്റെ ഷേപ്പ് മാറ്റുമെന്ന് പറഞ്ഞ് ഞെട്ടിച്ച ഐറ്റം നല്ല സുഖമായി എന്റെ നെഞ്ചിൽ തലവെച്ച് കിടക്കുകയാണ്…. പുറത്ത് വെളിച്ചം വീണ് തുടങ്ങിയിട്ടില്ലാത്തത് കൊണ്ട് നേരം വെളുത്തിട്ടില്ലെന്ന് മനസ്സിലായി, അതോണ്ട് അവളെ തലയിൽ തലോടി കൊണ്ട് ഞാൻ അങ്ങനെ കിടന്നു…. ആ കിടത്തം വീണ്ടും ഒരു സുഖമുള്ള നിദ്രയ്ക്ക് വഴിയൊരുക്കി….
*****
“””””അതേ….. കൂയ്……. മക്കൾസ്…….”””””””
വാതിലിൽ ശക്തമായ മുട്ടും ഒപ്പം ശക്കീബിന്റെ വിളിയുമാണ് എന്നെ ഉണർത്തിയത്…. അതേ സമയം എന്റെ നെഞ്ചിൽ കിടന്ന് ഞെരങ്ങി കൊണ്ട് നിക്കിയും കണ്ണ് തുറന്നു….
“”””””പടച്ചോനെ രണ്ടും കൂടി തമ്മീ തല്ലി ചത്തോ”””””
ഞങ്ങടെ അനക്കം ഒന്നും കേൾക്കാതെ ശക്കീബ് പുറത്ത് നിന്ന് പറയുന്നത് കേട്ടപ്പോൾ ഞാൻ പുഞ്ചിരിച്ചുകൊണ്ട് എന്റെ നെഞ്ചിൽ കിടന്ന് കോട്ടുവാ ഇട്ട് ഞെളിയുന്ന നിക്കിയെ ചേർത്ത് പിടിച്ചു…
അപ്പോഴാണ് പെണ്ണ് ഞാൻ എഴുന്നേറ്റ കാര്യം അറിയുന്നത്, ഉടനെ അവളെന്റെ ദേഹത്ത് നിന്നും ചാടി എഴുന്നേറ്റു…
“”””””കെട്ടിറങ്ങിയോ??””””””
അവളെ സംശയത്തോടെ നോക്കി കിടന്ന എന്നോട് നിക്കി ചോദിച്ചപ്പോൾ ഞാൻ “ഇറങ്ങി” എന്ന് തലയാട്ടി അറിയിച്ചു….
തൊട്ടടുത്ത നിമിഷം അവളെന്റെ മേലേക്ക് കയറി ഇരുന്നിട്ട് സൈഡിൽ കിടന്ന തലയണയെടുത്ത് എന്റെ മുഖത്ത് വെച്ച് അമർത്തി, പ്രതീക്ഷിക്കാതെയുള്ള നീക്കമായത് കൊണ്ട് എനിക്ക് ഒന്നും ചെയ്യാൻ സാധിച്ചില്ല… ശ്വാസം മുട്ടിപോയി…
