“ചന്തിയിലെ വേദന…” ആര്യൻ അവളുടെ പിൻഭാഗത്തേക്ക് തല ഒന്ന് വെട്ടിച്ച് നോക്കിക്കൊണ്ട് പറഞ്ഞു.
ശാലിനിയുടെ മനസ്സ് വീണ്ടും ശക്തിയിൽ മിടിക്കാൻ തുടങ്ങി.
“ഛി…വൃത്തികെട്ടവൻ…പോടാ എഴുന്നേറ്റ്…” അവളിൽ ഉണ്ടാകുന്ന വേലിയേറ്റങ്ങൾ ഉള്ളിലടക്കി ശാലിനി പറഞ്ഞു.
“എന്നോട് ദേഷ്യപ്പെട്ടിട്ട് കാര്യമില്ല…അങ്ങനെ വിത്തൗട്ട് ആയിട്ട് കേറി ഇരുന്നാൽ ആർക്കായാലും വേദനിക്കും…” ആര്യൻ അവളെ കൂടുതൽ ചൂട് പിടിപ്പിക്കാൻ ശ്രമിച്ചു.
“ദേ ചെക്കാ…നീ എൻ്റെ കൈയിൽ നിന്ന് വാങ്ങിക്കും കേട്ടോ…എന്തായാലും ഇനി നിൻ്റെ പാട്ട സൈക്കിളിൽ കേറാൻ വരുന്നില്ല പോരേ…?” ശാലിനി തൈര് സ്പൂൺ വെച്ച് ശക്തിയിൽ ഇളക്കി.
“എന്നാലും ഷഡ്ഡി ഇടാമെന്ന് വിചാരിക്കരുത് കേട്ടോ…ഹഹ…” ആര്യൻ അത് പറഞ്ഞ് സ്വയം പൊട്ടിച്ചിരിച്ചു.
ശാലിനി അവനെ നോക്കി കണ്ണുരുട്ടി. അവൾ ഒന്നും മിണ്ടാതെ തൈരിലേക്ക് സവാള, തക്കാളി, ഉപ്പ് എന്നിവ ഇട്ട് സലാഡ് തയ്യാറാക്കാൻ വേണ്ടി ഇളക്കി കൊടുത്തു.
ശാലിനിയുടെ മൗനം ആര്യനെ അൽപ്പം സംശയത്തിൽ ആക്കി. പറഞ്ഞത് മോശമായി പോയോ എന്നൊരു തോന്നൽ അവനിൽ ഉണ്ടായി. പക്ഷേ ഇതിലും മോശമായ കാര്യങ്ങൾ പോലും ഇതിനോടകം തങ്ങൾ പരസ്പരം സംസാരിച്ചിട്ടുണ്ടല്ലോ എന്നും അവൻ ചിന്തിച്ചു. ചിലപ്പോൾ കളിയാക്കിയത് ഇഷ്ട്ടപ്പെട്ടു കാണില്ല അതാവും എന്ന് ആര്യൻ മനസ്സിൽ ഓർത്തു.
പപ്പടം എല്ലാം കാച്ചിയ ശേഷം അവൻ അതൊരു പാത്രത്തിലേക്ക് മാറ്റിയിട്ട് ആര്യൻ മെല്ലെ ശാലിനിയുടെ അരികിൽ പോയി നിന്നു.
“ഞാൻ സഹായിക്കണോ…?” ആര്യൻ ഒരു ചെറിയ കൊഞ്ചലോടെ ചോദിച്ചു.
ശാലിനി ഒന്നും മിണ്ടിയില്ല.
“ഇങ്ങ് തന്നേക്ക് ഇനി ഞാൻ ചെയ്യാം…” എന്ന് പറഞ്ഞ് ആര്യൻ കൈ നീട്ടി.
ശാലിനി പാത്രം നീക്കി മാറ്റിയ ശേഷം വീണ്ടും തനിയെ തുടർന്നു.
“അതേ…സോറി…ഞാൻ ചേച്ചിയെ ചൂടാക്കാൻ വേണ്ടി ഇതൊക്കെ മനപ്പൂർവം പറയുന്നതാണെന്ന് ചേച്ചിക്ക് അറിയാലോ പിന്നെന്തിനാ പിണങ്ങുന്നത്…?” ആര്യൻ അവളുടെ മുഖത്തേക്ക് നോക്കി സൗമ്യതയോടെ ചോദിച്ചു.
“അതേ…സൈക്കിളിൻ്റെ കുഴപ്പം തന്നെയാ…അതിൻ്റെ പുറകിൽ കൂടി ഒരു ചെറിയ സീറ്റ് പിടിപ്പിക്കണം എന്ന് ഞാൻ വിചാരിച്ചിരിക്കുവായിരുന്നു…” ആര്യൻ അവളുടെ ഭാഗത്താണ് ന്യായം എന്ന് വരുത്തി തീർക്കാൻ വേണ്ടി വെറുതെ തട്ടി വിട്ടു.
“ലിയ ചേച്ചി പറഞ്ഞു കാണും…” ശാലിനി സ്വരം അൽപ്പം കനപ്പിച്ചു. അതിൽ അവളുടെ കുശുമ്പ് വ്യക്തമായിരുന്നു.
“ശെടാ…ലിയ ചേച്ചി പറഞ്ഞാൽ മാത്രമേ ഞാൻ കേൾക്കത്തുള്ളോ…എൻ്റെ ശാലിനി ചേച്ചി പറയുന്നതും എനിക്ക് കാര്യമാ…” ആര്യൻ അവളുടെ തോളിൽ കൈ ചുറ്റിപ്പിടിച്ചുകൊണ്ട് അവളെ അനുനയിപ്പിക്കാൻ ശ്രമിച്ചു.
“ഹും…” എന്ന് മുരടിക്കൊണ്ട് ശാലിനി തോള് കുലുക്കി അവൻ്റെ കൈ തോളിൽ നിന്നും വിടുവിക്കാൻ ശ്രമിച്ചു. പക്ഷേ അത് ആര്യൻ മാറ്റാൻ വേണ്ടി ചെയ്തതല്ലെന്ന് അവന് മനസ്സിലായി. കാരണം അതിന് അത്ര ബലം പോരായിരുന്നു.
“അതേ…സോറി…തമാശിച്ചതാ…പിണങ്ങല്ലേ പ്ലീസ്…” ആര്യൻ കെഞ്ചി.
ശാലിനി സ്പൂണിട്ട് വേഗത്തിൽ ഇളക്കിക്കൊണ്ട് അവളുടെ അമർഷം കാണിച്ചു.
“അതേ സലാഡ് റെഡി ആയി…ഇനി ഇങ്ങനെ ഇളക്കണ്ടാ…ചേച്ചി വാ നമ്മൾക്ക് പോയി അമ്മൂട്ടിയെ വിളിച്ചോണ്ട് വരാം…” ആര്യൻ അവളുടെ പ്രവർത്തി കണ്ട് പറഞ്ഞു.
“ശെടാ…എന്ത് പറഞ്ഞാലാ ഇനി മിണ്ടുക…അതേ ഞാൻ സത്യമായിട്ടും ചേച്ചിയെ കളിയാക്കാൻ വേണ്ടി പറഞ്ഞതാ…”
“വായിൽ തോന്നിയതെല്ലാം വിളിച്ച് പറഞ്ഞിട്ട് എപ്പോഴും കളിയാണെന്ന് പറഞ്ഞാൽ മതിയല്ലോ…!” ഇത്തവണ ശാലിനി അവളുടെ അമർഷം വാക്കുകളിലൂടെ തന്നെ അറിയിച്ചു.
“അതിന് ഞാൻ എപ്പോഴും ഒന്നും ഇങ്ങനെ പറഞ്ഞിട്ടില്ലല്ലോ…” ആര്യൻ സൗമ്യതയൊടെ പറഞ്ഞു.
“ഇല്ലാ…ഒന്ന് ഓർത്ത് നോക്ക്…”
“എന്ത്…?” ആര്യൻ സംശയത്തോടെ ചോദിച്ചു.
“അന്നൊരിക്കൽ എൻ്റെ വിയർപ്പിന് നാറ്റം…ഇന്ന് ഞാൻ ഷ… ഇടാത്തവള്…എനിക്ക് വൃത്തി ഇല്ലായെന്നല്ലേ നീ ഇതുകൊണ്ടൊക്കെ ഉദ്ദേശിക്കുന്നത്…?” ശാലിനി കോപം കൊണ്ടു.