ഉടനെ അവള്‍ എനിക്കു നേരെ തിരിഞ്ഞു കിടന്നിട്ട് അല്‍പ്പം ദേഷ്യത്തോടെ ചോദിച്ചു, “സാന്ദ്രയുടെ കോളേജിൽ ചേട്ടൻ എത്ര പെണ്ണുങ്ങളോടാ കൂട്ടു കൂടി നടക്കുന്നത്..?”
അവളുടെ ദേഷ്യം കണ്ടിട്ട് എന്നില്‍ ആശങ്ക നിറഞ്ഞു. അസ്വസ്ഥനായി ഞാൻ അവളെ നോക്കി അവളുടെ മനസ്സിനെ വായിക്കാൻ ശ്രമിച്ചു. പക്ഷേ ഒന്നും മനസ്സിലാക്കാൻ കഴിഞ്ഞില്ല.
“രാവിലെ സാന്ദ്രയെ കൊണ്ട് വിട്ടതും ഒരുപാട്‌ പെൺകുട്ടികൾ ചേട്ടനെ കുറിച്ച് അവളോട് അന്വേഷിക്കുന്നത് കേട്ടു.” അതും പറഞ്ഞ്‌ അവള്‍ ചോദ്യ ഭാവത്തില്‍ പുരികം ഉയർത്തി.
“എന്റെ ജൂലി, ഞാൻ സ്ഥിരമായി സാന്ദ്രയെ വിടാനും എടുക്കാനും അവിടെ പോകുന്നത് കൊണ്ടും, നമ്മുടെ മാളിലേക്ക് ഒരുപാട്‌ വിദ്യാര്‍ഥികള്‍ വരുന്നത് കൊണ്ടും ഒത്തിരി പേരോട് എനിക്ക് നല്ല പരിചയമുണ്ട്.. അവരില്‍ കുറച്ചുപേരോട് ഞാൻ കൂടുതൽ സംസാരിക്കാറുമുണ്ട്. അതുകൊണ്ട്‌ എന്നെ കാണാത്തത് കൊണ്ട് അവർ അന്വേഷിച്ചിട്ടുണ്ടാവും. അതിപ്പോ വല്യ കാര്യമായി എടുക്കേണ്ട ആവശ്യം എന്താ.”
“സാന്ദ്ര ക്യാമ്പസില്‍ കേറി പോയ ശേഷം നാലഞ്ച്‌ പയ്യന്മാർ വന്ന് എന്നോട് സംസാരിക്കുകയുണ്ടായി. ചേട്ടൻ ഒത്തിരി പെണ്‍കുട്ടിക്കളെ വളച്ചെടുത്ത് മയക്കി വെച്ചിരിക്കുന്നു എന്നും.. ഞാൻ സൂക്ഷിച്ചില്ലെങ്കിൽ എനിക്ക് ചേട്ടനെ നഷ്ടപെട്ടു പോകുമെന്നും അവന്മാർ പറഞ്ഞു. കൂടാതെ ഐഷ എന്ന പെണ്ണിനോട് ചേട്ടന് തെറ്റായ ബന്ധം ഉണ്ടെന്നും, അവൾ ചേട്ടനോട് ഫോണിലൂടെ ചീത്ത കാര്യങ്ങൾ സംസാരിക്കാറുണ്ട് എന്നും പറഞ്ഞു.” ജൂലി അത്രയും പറഞ്ഞിട്ട് പതിയെ എഴുനേറ്റിരുന്നു കൊണ്ട് എന്നെ നോക്കി.
ഞാൻ ഞെട്ടി പോയി. ഞാനും വേഗം എഴുന്നേറ്റിരുന്നു കൊണ്ട് അവളെ പരിഭ്രമത്തോടെ നോക്കി. എന്റെ മനസ്സിൽ പേടിയും കുറ്റബോധവും നിറഞ്ഞു.
വിറയ്ക്കുന്ന കൈ കൊണ്ട് എന്റെ മുഖം ഞാൻ ഉഴിഞ്ഞു.
“സാമേട്ടൻ എന്നോട് ഒരുപാട്‌ കാര്യങ്ങൾ മറയ്ക്കുന്നുവെന്ന് എനിക്കറിയാം. ഞാൻ വെറും വിഡ്ഢിയല്ല ചേട്ടാ.. എനിക്കും കാര്യങ്ങൾ ഊഹിക്കാനും മനസ്സിലാക്കാനും കഴിയും.”
ശെരിക്കും എന്താണ് പറയേണ്ടതെന്നറിയാതെ ഞാൻ കുഴങ്ങി. എന്റെ ശരീരം ചെറുതായി വിറയ്ക്കാനും തുടങ്ങിയിരുന്നു.
“പിന്നേ ഞായറാഴ്ച വെളുപ്പിന് ചേട്ടൻ ഫോണിലൂടെ ആരോടോ സെക്സ് കാര്യങ്ങൾ സംസാരിക്കുന്നത് ഞാൻ കേട്ടു. പക്ഷേ ഞാൻ സ്വപ്നം കണ്ടതാണെന്നാ കരുതിയത്. എന്നാൽ ഇപ്പൊ അത് എന്റെ വെറും സ്വപ്നം ആണെന്ന് ഞാൻ വിശ്വാസിക്കുന്നില്ല.” അവള്‍ കടുപ്പിച്ച് പറഞ്ഞിട്ട് എന്നെ വെറുപ്പോടെ നോക്കി.
പെട്ടന്ന് അവളുടെ കണ്ണുകൾ നിറഞ്ഞു വന്നു. എന്നാൽ അവളത് വേഗം തുടച്ചു കളഞ്ഞിട്ട് എന്നെ ദൃഢമായി നോക്കി.
“സാന്ദ്രയെ കോളേജില്‍ കൊണ്ടു വിടാൻ പോകാത്തതിന്റെ ശരിക്കുള്ള കാരണം എന്തായിരുന്നു..? ഞായറാഴ്ച വെളുപ്പിന് ചേട്ടൻ ഏതു സ്ത്രീയോടാ സെക്സ് കാര്യങ്ങൾ സംസാരിച്ചത്, ശെരിക്കും എന്തു ബന്ധമാണ് അവളുമായി ഉള്ളത്..? ഐഷയുമായി എന്താണ് ചേട്ടന്റെ ബന്ധം..?” എനിക്ക് എല്ലാത്തിന്റെയും സത്യാവസ്ഥ അറിയണം.”
പക്ഷേ ഞാൻ ഒന്നും പറയാതെ ബെഡ്ഡിൽ നോക്കിയിരുന്നു.
അതുകൊണ്ട്‌ ജൂലി തുടർന്നു, “അവിടെ ക്യാമ്പസിലെ ചില പെണ്‍കുട്ടികള്‍ ചേട്ടനെ നല്ല ഫ്രണ്ടായിട്ട് കാണുന്നുവെന്ന് എനിക്ക് മനസ്സിലാക്കാൻ കഴിഞ്ഞു. മറ്റുചിലര്‍ക്ക് ചേട്ടനോട് അട്രാക്ഷൻ ആണെന്നും ഞാൻ മനസ്സിലാക്കുന്നു, എന്നാൽ അതിലൊന്നും എനിക്ക് വിഷമമില്ല. അതൊക്കെ സ്വാഭാവികം ആണ്. പക്ഷെ ബാക്കിയുള്ള കാര്യങ്ങളുടെ സത്യാവസ്ഥ എനിക്ക് അറിയണം.” അത്രയും പറഞ്ഞിട്ട് ജൂലി കുറെ നേരത്തേക്ക് എന്നെയും നോക്കിയിരുന്നു.
പക്ഷേ അപ്പോഴും സംസാരിക്കാൻ കഴിയാതെ ഞാൻ ഇരുന്നു. ഈ നിമിഷം എന്റെ ജീവൻ നഷ്ട്ടപ്പെട്ടിരുന്നെങ്കിലെന്ന് ഞാൻ ആശിച്ചു.
“എനിക്ക് എല്ലാ കാര്യങ്ങളും അറിയണം. എന്നോട് വ്യക്തമായി കാര്യങ്ങൾ പറയാതെ ഇങ്ങനെ ഇരിക്കാനാണ് ഭാവമെങ്കിൽ ഈ നിമിഷം ഈ വീട്ടില്‍ നിന്നും ഞാൻ ഇറങ്ങി പോകും.” ജൂലി വളരെ സീരിയസ്സായി പറഞ്ഞിട്ട് വേഗം ബെഡ്ഡിൽ നിന്നിറങ്ങി.
“ജൂലി…. പ്ലീസ് പോകരുത്.” വേവലാതിപ്പെട്ട് ഞാനും വേഗം ബെഡ്ഡിൽ നിന്നിറങ്ങി അവളെ കൈയിൽ പിടിച്ചു.
ജൂലി ദേഷ്യത്തില്‍ എന്റെ കൈയിനെ കുടഞ്ഞു മാറ്റി.
ഉടനെ ഭയം കാരണം എന്റെ ഹൃദയം പൊട്ടിത്തെറിക്കുമെന്ന് തോന്നി. സങ്കടവും വേദനയും കുറ്റബോധവും എല്ലാം എനിക്കുണ്ടായി.
അവസാനം മനസ്സിൽ ഒരു തീരുമാനം എടുത്തുകൊണ്ട് ഞാൻ ജൂലിയുടെ മുഖത്തേക്ക് കുറ്റബോധത്തോടെ നോക്കി.
“സാന്ദ്രയുടെ ക്യാമ്പസില്‍ എനിക്ക് ഒരുപാട്‌ ഫ്രണ്ട്സ് ഉണ്ട്, ജൂലി. അതിൽ കൂടുതലും പെണ്‍കുട്ടികളാണ്. ഞാൻ….. ഞാൻ തെറ്റായ മനസ്സോടെയാണ് എല്ലാവരെയും കാണുന്നതും, സംസാരിക്കുന്നതും. പിന്നെ ചിലരോട് ഞാൻ വളരെ അടുപ്പത്തിലാണ് ഇടപഴകുന്നതും, അതും മനസ്സിൽ തെറ്റായ ചിന്തകളെ വളർത്തി കൊണ്ട്. അവരോടൊക്കെ ഞാൻ പഞ്ചാരയടിക്കുന്നു…., അവരെയൊക്കെ ഞാൻ വളയ്ക്കാനും ശ്രമിച്ചു. പക്ഷേ ഐഷയോടാണ് ഞാൻ കൂടുതൽ താല്‍പര്യം കാണിച്ചത്. അവളോട് പലപ്പോഴും ഞാൻ ഫോണിലൂടെ വൃത്തികെട്ട കാര്യങ്ങളാണ് ചർച്ച ചെയ്തിട്ടുള്ളത്…. എന്നാല്‍ ഇതുവരെ ഞങ്ങൾ തെറ്റൊന്നും ചെയ്തിട്ടില്ല. പക്ഷേ പിന്നീട് എന്താകുമെന്ന് എനിക്കറിയില്ലായിരുന്നു. ശെരിക്കും ഞാൻ വഴി തെറ്റി ജീവിക്കുകയാണ്, ജൂലി. ഏതു പെണ്ണിനെ എവിടെ വച്ച് ഞാൻ കേറി പിടിച്ചു പോകുമെന്ന് എനിക്ക് തന്നെ അറിയില്ലായിരുന്നു. സാന്ദ്രയുടെ പല കൂട്ടുകാരികളുടെ കൂടെയും കിടക്കാന്‍ വരെ ഞാൻ ആഗ്രഹിച്ചു പോയിരുന്നു. സാന്ദ്രയുടെ കൂട്ടുകാരികളോട് ഞാൻ കൂടുതൽ അടുക്കുന്നത് കൊണ്ടാണ്‌ ഞാനും സാന്ദ്രയും തമ്മില്‍ എപ്പോഴും പ്രശ്നം ഉണ്ടാവുന്നത്. അവസാനം ആ പ്രശ്നം ഒഴിവാക്കാൻ വേണ്ടിയും സാന്ദ്ര യുടെ കൂട്ടുകാരികളിൽ നിന്നൊക്കെ പിന്തിരിയണം എന്ന ചിന്തയോടും ആണ് സാന്ദ്രയുടെ ക്യാമ്പസ് പരിസരത്ത് പോലും പോകേണ്ടെന്നു ഞാൻ തീരുമാനിച്ചത്‌. അതുകൊണ്ടാണ് നിന്നോട് സാന്ദ്രയെ കൊണ്ട് വിടാനും എടുക്കാനും ഞാൻ പറഞ്ഞത്. പിന്നെ ഞായറാഴ്ച ഞാൻ സംസാരിച്ചത് സാന്ദ്രയുടെ ഒരു കൂട്ടുകാരിയുടെ അമ്മയോടാണ്. തിങ്കളാഴ്ച ഞങ്ങൾ ആദ്യമായി തെറ്റായ ബന്ധത്തില്‍ ഏര്‍പ്പെടുകയും ചെയ്തു പോയി..!!” എന്റെ ഭാര്യയുടെ മുഖത്ത് നോക്കാതെയാണ് അത്രയും ഞാൻ കുമ്പസരിച്ചത്.
ഞാൻ പറഞ്ഞു നിർത്തിയതും എന്റെ രണ്ടു കവിളിലും മാറിമാറി അടി വീണു… അതും ശക്തമായി.
ജൂലി കരഞ്ഞു കൊണ്ട് പിന്നെയും പിന്നെയും എന്റെ രണ്ടു കവിളത്തും അടിച്ചു കൊണ്ടേയിരുന്നു. ഞാൻ കണ്ണുമടച്ച് എല്ലാം ഏറ്റുവാങ്ങി.
എന്റെ കരണങ്ങള്‍ പുകഞ്ഞു നീറി. അടി കിട്ടിയ വേദന കൊണ്ടും കുറ്റബോധം കൊണ്ടും എന്റെ കണ്ണുകളില്‍ നിന്നും കണ്ണുനീര്‍ ഒലിച്ചു കൊണ്ടിരുന്നു. അവളുടെ അടികൊണ്ട് എന്റെ അണപ്പല്ലുകൾ പോലും ഭയങ്കരമായി വേദനിച്ചു.
