ശേഷം ഞങ്ങൾ എല്ലാവരും എന്തൊക്കെയോ സംസാരിച്ചും ചിരിച്ചും സമയം കളഞ്ഞു.
രണ്ട് മണിവരെ സമയം പോയത് പോലും ഞങ്ങൾ അറിഞ്ഞില്ല.
ആന്റിക്ക് ചിലപ്പോ ഇഷ്ട്ടം ആവില്ലെന്ന ചിന്ത ഉണ്ടായിരുന്നത് കൊണ്ട് ദേവിയോട് ഞാൻ അധികം സംസാരിക്കാൻ മിനക്കെട്ടില്ല… എന്നാല് ദേവി എല്ലാ സംസാരത്തിലും എന്നെ ഉള്പ്പെടുത്താൻ കാര്യമായി ശ്രമിച്ചു കൊണ്ടിരുന്നു. അവള് എന്തെങ്കിലും കാര്യം പറയുമ്പോൾ ഞാൻ അവളുടെ സംസാരം ശ്രദ്ധിക്കുന്നോ എന്നറിയാന് അവൾ പ്രത്യേകം താല്പര്യം കാണിക്കുന്നത് ഞാൻ അറിഞ്ഞു… അവള് ഏതെങ്കിലും തമാശ പറഞ്ഞാൽ പോലും ഞാൻ ചിരിക്കുന്നുണ്ടോ എന്നും അവള് നോക്കുമായിരുന്നു.
ഇടക്കിടക്ക് ഞങ്ങളുടെ കണ്ണുകൾ ഇടയുമ്പോൾ അവള് പുഞ്ചിരിക്കും.. ഞാൻ നേരിയ പുഞ്ചിരി സമ്മാനിച്ചിട്ട് വേഗം നോട്ടം മാറ്റുകയാണ് ചെയ്തിരുന്നത്.
“ശെരി പിള്ളാരെ, നമുക്കിനി ഊണ് കഴിക്കാം.” ആന്റി പറഞ്ഞു കൊണ്ട് എഴുനേറ്റു.
അവിടന്ന് കഴിക്കാൻ എനിക്ക് ചെറിയൊരു മടി തോന്നി. പക്ഷെ വിനിലയും ആന്റിയും എന്നെ പിടിച്ചു വലിച്ചു കൊണ്ട് നടന്നു. ഞാൻ ബലം പിടിക്കുന്നത് കണ്ട് ദേവി പോലും ചിരിച്ചു കൊണ്ട് പിറകില് നിന്ന് എന്നെ പതിയെ ഉന്തി കൊണ്ട് നടന്നു.
അവസാനം ഞാനും മടിയൊക്കെ കളഞ്ഞിട്ട് ആഹാരം കഴിക്കാനിരുന്നു.
ആഹാരം അടിപൊളി ആയിരുന്നു. അതിനെ അവരോട് പറഞ്ഞതും ആന്റിയും ദേവിയും സന്തോഷം പ്രകടിപ്പിച്ചു.
അങ്ങനെ കഴിച്ചതിന് ശേഷം ഞാനും വിനിലയും സുമി മോളും യാത്ര പറഞ്ഞ് പുറത്തേക്ക് വന്നു. ദേവിയും ആന്റിയും ഞങ്ങളെ അനുഗമിച്ചു.
ആന്റി സിറ്റവുട്ടിൽ തന്നെ നിന്നു. പക്ഷേ ദേവി കിങ്ങിണി മോളുമായി പുറത്ത് ബൈക്കിന്റെ അടുത്തേക്ക് വന്നു.
“അമ്മ ആരോടും ഇത്ര അടുപ്പം കാണിച്ചിട്ടില്ല, പ്രത്യേകിച്ച് ആണുങ്ങളോട്. പക്ഷേ ചേട്ടൻ ഇങ്ങോട്ട് വന്നു…. നിസ്സാരമായി അമ്മയുടെ സ്നേഹത്തെ പിടിച്ചുപറ്റുന്നു….. പോകുന്നു….!! ഒന്നുംതന്നെ വിശ്വസിക്കാൻ കഴിയുന്നില്ല.” ദേവി തലയാട്ടി. “എന്തായാലും ചേച്ചിയുടെ കൂടെ ചേട്ടനും ഇടക്കിടക്ക് ഇങ്ങോട്ട് വരണം, ട്ടോ..!”
ഞാൻ പുഞ്ചിരിക്കുക മാത്രം ചെയ്തു. എന്നിട്ട് കിങ്ങിണിക്ക് കഴുത്തിൽ ഇക്കിളി കാണിച്ചതും അവള് വിരണ്ടു തുള്ളി ചിരിച്ചു.
“പിന്നേ ചേട്ടാ, അന്ന് ഞാൻ റിപ്ലൈ ചെയ്യാത്തതിന് സോറി.” ദേവി പറഞ്ഞിട്ട് അസ്വസ്ഥതയോടെ നിന്നു.
“അത് സാരമില്ല. അറിയാത്തവരെ ഒഴിവാക്കുന്നത് തന്നെയാ നല്ലത്.” ഞാൻ അല്പ്പം മുന വച്ച് പറഞ്ഞതും ദേവിക്ക് മനസ്സിൽ കൊണ്ടത് പോലെ എന്നെ നോക്കി നിന്നു.
അവസാനം ഞങ്ങൾ യാത്രയും പറഞ്ഞ് അവിടുന്ന് തിരിച്ചു.
“നി ഒരു സംഭവം തന്നെയാണ്, സാം.” വഴിക്ക് വച്ച് വിനില എന്റെ തുടയിൽ തട്ടിക്കൊണ്ട് പറഞ്ഞു.
“എടി, ദേവാംഗന ആന്റിയോട് ഞാൻ സ്നേഹത്തില് സംസാരിച്ചു, അതോടെ ആന്റിക്കും എന്നെ ഇഷ്ട്ടപ്പെട്ടു.”
“തേങ്ങയാണ്… ആന്റിയെ കുറിച്ച് നിനക്ക് കൂടുതലൊന്നും അറിയില്ല, അതുകൊണ്ട നി ഇത്ര നിസ്സാരമായി പറഞ്ഞത്. എന്തൊക്കെയായാലും ഒറ്റ ദിവസത്തില് ഇങ്ങനെ ഒരു മാറ്റം അവര്ക്ക് വന്നു എന്നതിനെ എനിക്കും ദേവിക്കും വിശ്വസിക്കാനേ കഴിയുന്നില്ല. ഇത്ര മാത്രം സംസാരിക്കുന്നതും ചിരിക്കുന്നതും ഒന്നും ഞാൻ മുമ്പ് കണ്ടിട്ടില്ല… ദേവി പോലും കണ്ടിട്ടില്ല എന്നാ പറഞ്ഞത്. പോരാത്തതിന് നിന്നെ ആന്റിക്ക് ഒത്തിരി ഇഷ്ടപ്പെടുകയും ചെയ്തിരിക്കുന്നു.”
“എടി പ്ലീസ്, ഈ കാര്യം മതിയാക്കി നമുക്ക് വേറെ എന്തെങ്കിലും സംസാരിക്കാം.” ഞാൻ അസ്വസ്ഥതയോടെ പറഞ്ഞതും അവള് ചിരിച്ചു.
ശേഷം ഞങ്ങൾ വേറെ എന്തൊക്കെയോ സംസാരിച്ചു കൊണ്ട് വീടെത്തി.
ഹാളില് സാന്ദ്രയും ജൂലിയും അമ്മായിയും ടിവി നോക്കി കൊണ്ടിരുന്നു. എന്നെ കണ്ടതും സാന്ദ്രയുടെ കണ്ണുകൾ വിടര്ന്നു. ഞാനും ഒന്ന് പുഞ്ചിരിച്ചു.
“നല്ല ക്ഷീണം. ഞാൻ അല്പ്പ നേരം ഉറങ്ങട്ടെ…!” എന്ന് പറഞ്ഞതും സാന്ദ്രയുടെ മുഖം മങ്ങി.
“എനിക്കും കിടക്കണം…!” വിനിലയും പറഞ്ഞിട്ട് മുകളിലേക്ക് പോയി. പക്ഷെ സുമി നേരെ അമ്മായിയുടെ മടിയില് ചെന്നിരുന്നു.
ജൂലി എന്റെ മുഖത്തേക്ക് പോലും നോക്കിയില്ല.
ഞാൻ റൂമിൽ ചെന്ന് ചെറിയൊരു കുളിയും കഴിഞ്ഞ് ബെഡ്ഡിൽ കേറി കിടന്നത് മാത്രമേ ഓർമ്മയുള്ളു.
രാത്രി ഏഴ് മണിക്ക് സാന്ദ്ര വന്ന് വിളിച്ചപ്പോള് മാത്രമാണ് ഞാൻ ഉണര്ന്നത്. ആദ്യം വെപ്രാളം പിടിച്ച് എന്റെ ലുങ്കി നേരെ കിടക്കുന്നുവോ എന്നാണ് നോക്കിയത്. സാന്ദ്ര പൊട്ടിച്ചിരിച്ചു.
“വിനില ചേച്ചിക്ക് പോകാൻ സമയമായി, ചേട്ടനെ ഉണർത്താൻ പറഞ്ഞു. ചേട്ടൻ എണീറ്റ് മുഖം കഴുകി വരു.”
അവളുടെ സംസാരത്തിൽ നല്ല ഉത്സാഹം ഉണ്ടായിരുന്നതിനെ ഞാൻ ശ്രദ്ധിച്ചു.
ഞാൻ പോയി പല്ലും തേച്ച് മുഖവും വായും കഴുകി വന്നു. ഫുഡ് കഴിച്ച ശേഷം ഞാനും സുമിയും വിനിലയും ബൈക്കില് കേറി.
മഴക്കാർ ഉണ്ടെങ്കിലും ഭാഗ്യത്തിന് മഴ പെയ്തില്ല.
അവരെ വീട്ടില് കൊണ്ടാക്കിയ ശേഷം ഞാൻ തിരികെ വന്നപ്പോ സാന്ദ്രയും അമ്മായിയും ജൂലിയും ടിവിയിൽ ഒരു കോമഡി പ്രോഗ്രാം കാണുകയായിരുന്നു.
“ആഹ.. ഈ പ്രോഗ്രാം തുടങ്ങിയോ… ഞാനും ഇപ്പൊ വരാം.”
അതും പറഞ്ഞ് ഡ്രസ് മാറാനായി ഞാൻ റൂമിലേക്ക് ചെന്നതും ജൂലി എന്റെ പിന്നാലെ വന്നു. റൂമിൽ കേറിയ ഉടനെ പിന്നില് നിന്നും അവളെന്നെ കെട്ടിപിടിച്ചു.
“സോറി ചേട്ടാ. ഞാൻ അങ്ങനെ ഒന്നും പറയാൻ പാടില്ലായിരുന്നു.” ജൂലി വിഷമത്തോടെ പറഞ്ഞതും അവളെ ഞാൻ മുന്നിലേക്ക് വലിച്ച് കൊണ്ട് വന്നിട്ട് എന്നോട് ചേര്ത്തു പിടിച്ചു.
“അതൊന്നും സാരമില്ല. ഞാനാണ് കൂടുതല് തെറ്റും ചെയ്തത്. ഞാൻ—”
പെട്ടന്ന് ജൂലി എന്റെ വായ പൊത്തിപ്പിടിച്ചു.
“മതി… കഴിഞ്ഞത് ഒന്നും പറയേണ്ട… പ്ലീസ്.” അവള് കെഞ്ചി.
“ശെരി ഒന്നും ഞാൻ പറയില്ല.” അവളുടെ കൈ മാറ്റി കൊണ്ട് ഞാൻ പറഞ്ഞു.
“എനിക്ക് നല്ല തലവേദന എടുക്കുന്നു. ഞാൻ കിടക്കട്ടെ.” ജൂലി പറഞ്ഞതും ഞാൻ അവളെ വിട്ടു.
എനിക്കൊരു ചുംബനവും തന്നിട്ട് അവള് പോയി മരുന്നും കഴിച്ച് ബെഡ്ഡിൽ കേറി കിടന്നിട്ട് എന്നെ നോക്കി.
“ഞാൻ ഉറങ്ങും വരെ എന്റെ കൂടെ കിടക്കൂന്നേ..!” ജൂലി സ്നേഹത്തോടേയും ആഗ്രഹത്തോടെയും ആവശ്യപ്പെട്ടു.
ഉടനെ ഞാനും ഡ്രസ് ചേഞ്ച് ചെയ്ത് ഒരു ലുങ്കിയും അടിബെനിയനും ഇട്ടിട്ട് അവളുടെ അടുത്ത് കിടന്നതും അവളെന്നെ കെട്ടിപിടിച്ചു കൊണ്ട് എന്റെ നെഞ്ചില് മുഖം ചേര്ത്തു.