പക്ഷേ ഞാൻ അവിടേ നിന്നില്ല. വേഗം നടന്ന് പിന്നെയും ബൈക്കില്‍ കേറി ഇരുന്നു. എത്ര നേരം പ്രതിമ പോലെ ഇരുന്നു എന്നറിയില്ല, ഒരു കോൾ വന്നപ്പോഴാണ് ഞാൻ ഞെട്ടി ഉണര്‍ന്ന് മൊബൈൽ എടുത്തു നോക്കിയത്.
സമയം ഒന്‍പതര കഴിഞ്ഞോ….? താല്‍ക്കാലികമായി ഉപയോഗശൂന്യം ആയിരുന്നു എന്റെ തലച്ചോറിനെ തല കുടഞ്ഞ് പ്രവര്‍ത്തിപ്പിച്ചു കൊണ്ട്‌ ജൂലിയുടെ കോൾ ഞാൻ എടുത്തു.
“ചേട്ടൻ എവിടെയാ…?” ഞാൻ എടുത്ത ഉടനെ ജൂലി ആശങ്കയോടെ ചോദിച്ചു.
“അറിഞ്ഞിട്ട് എന്തിനാ…?” ഞാൻ ചൂടായി. “എന്തായാലും നീ സംശയിക്കും പോലെ പെണ്ണ് പിടിക്കാൻ ഇറങ്ങിയതല്ല.” ദേഷ്യത്തില്‍ പറഞ്ഞിട്ട് ഞാൻ കട്ടാക്കി.
പക്ഷേ ജൂലി പിന്നെയും കോൾ ചെയ്തു.
“ഞാനാണ് തെറ്റ് ചെയ്തതെന്നപോലെ ചേട്ടൻ എന്തിനാ എന്നോട് കോപിക്കുന്നത്..?” അവൾ ചോദിച്ചു. “ചേട്ടനെ സന്തോഷിപ്പിക്കാൻ എനിക്ക് കഴിവില്ല എന്ന് ഞാൻ സമ്മതിക്കുന്നു. പക്ഷേ ആ പ്രശ്നം തീർക്കാൻ ചേട്ടൻ വെറും ഒരാളുടെ കൂടെയാണോ പോയത്…?” അവള്‍ കടുപ്പിച്ച് ചോദിച്ചു.
എനിക്ക് അതിനുള്ള മറുപടി ഇല്ലായിരുന്നു.
“എത്ര പേരുടെ കൂടെയാ നിങ്ങൾ പോകുന്നത്…?” അവള്‍ സങ്കടത്തോടെ ചോദിച്ചു. പക്ഷേ പെട്ടന്ന് അവളുടെ സ്വരം കനത്തു. “കാണുന്നവരുടെ കൂടെയൊക്കെ അവിഹിത ബന്ധം പുലര്‍ത്തിക്കൊണ്ട് നടന്നത് ഞാനാണോ, ചേട്ടാ…? ഞാനാണോ നിങ്ങളെ വഞ്ചിച്ച്, അതോ നിങ്ങളാണോ എന്നെ വഞ്ചിച്ചത്…?” അവൾ ദേഷ്യത്തില്‍ ചോദിച്ചു. “എന്നിട്ട് എന്നോട് ചൂടായി സംസാരിക്കുകയും ചെയ്യുന്നു.” അവൾ കരയും പോലെ പറഞ്ഞു.
“എല്ലാം എന്റെ തെറ്റ് തന്നെയാ, സമ്മതിച്ചു. പക്ഷെ നിന്നില്‍ നിന്നും ശരീര സുഖം കിട്ടാതെ വന്നപ്പോൾ ഞാൻ എന്തു ചെയ്യണമായിരുന്നു..? മുമ്പ് നി എന്റെ ശരീരത്തെ വെറുപ്പോടെ മാത്രം കണ്ടിരുന്ന സമയങ്ങളില്‍ ഞാൻ എന്താണ് ചെയ്യേണ്ടിയിരുന്നത്…? നല്ല പ്രായത്തില്‍ അതിസുന്ദരിയായ ഭാര്യയെ കിട്ടിയിട്ടും ശാരീരിക ബന്ധം നിഷേധിക്കപ്പെട്ടപ്പോൾ ഞാൻ എന്ത് ചെയ്യണമായിരുന്നു…?” പതിഞ്ഞ ശബ്ദത്തില്‍ ഞാൻ നിർവികാരനായി ചോദിച്ചു.
“എന്റെ അസുഖം കാരണമല്ലേ അങ്ങനെ എനിക്ക് ജീവിക്കേണ്ടി വന്നത്…!” ജൂലി വേദനയോടെ പറഞ്ഞു. “എല്ലാം അറിഞ്ഞു കൊണ്ട്‌ ചേട്ടൻ എന്നെ കുറ്റപ്പെടുത്തുകയാണോ?” അവൾ സങ്കടപ്പെട്ടു.
“ഇപ്പോഴും നിനക്ക് അസുഖം മാറിയിട്ടില്ല, ജൂലി. പക്ഷേ കഴിഞ്ഞ കുറച്ച് ദിവസമായി മാത്രം നി എന്നോട് എങ്ങനെയാ അഡ്ജസ്റ്റ് ചെയ്തത്. നിന്റെ അസുഖത്തെ ട്രിഗർ ചെയ്യാതെ നി ചിന്തിച്ച് നിനക്ക് കഴിയുന്ന വിധം സെക്സിൽ ഏര്‍പ്പെട്ടില്ലേ..? ഇതൊക്കെ ആദ്യമെ നിനക്ക് ആവാമായിരുന്നല്ലോ…!! പക്ഷേ അന്നൊന്നും എന്നെ കുറിച്ച് നി ചിന്തിച്ചില്ല. ഞാൻ തെറ്റായ വഴിയില്‍ സഞ്ചരിക്കാന്‍ തുടങ്ങിയപ്പോൾ മാത്രമല്ലേ നി എന്നെ കുറിച്ച് ചിന്തിക്കാന്‍ തുടങ്ങിയത്‌…..?!” നിർവികാരനായി തന്നെ ഞാൻ കാര്യങ്ങൾ പറഞ്ഞു.
അതിന്‌ മറുപടിയായി തേങ്ങൽ മാത്രമാണ് കേട്ടത്.
“എല്ലാം നിന്റെ കുറ്റം ആണെന്ന് ഞാൻ പറയുന്നില്ല, ജൂലി. ഏറിയ തെറ്റുകൾ എന്റെ ഭാഗത്ത് നിന്നാണ്‌ സംഭവിച്ചത്. ഞാൻ തന്നെയാണ് നിന്നോട് ദ്രോഹം ചെയ്തത്… സാന്ദ്രയോട് തെറ്റ് ചെയ്തതും ഞാൻ തന്നെയാണ്. ദേവിയെ വശീകരിച്ചത് ഞാൻ തന്നെയാണ്. യാമിറ ചേച്ചിയുടെ കാര്യത്തിൽ മുന്‍കൈ എടുത്തതും ഞാൻ തന്നെയാണ്. “ ഒറ്റ ശ്വാസത്തിൽ പറഞ്ഞിട്ട് ഞാൻ ചെറുതായി കിതച്ചു.
എന്നിട്ട് ഞാൻ തുടർന്നു, “സ്ത്രീയില്‍ നിന്നും ലഭിക്കുന്ന പൂര്‍ണ സുഖത്തെ അറിയാൻ ഞാൻ ആഗ്രഹിച്ചു പോയി. അതൊരു ലഹരിയായി മാറുമെന്ന് ഞാൻ അറിഞ്ഞില്ല. അതുകൊണ്ട്‌ തെറ്റുകൾ പലതും ഞാൻ ചെയ്തു. ഒന്നുംതന്നെ ഞാൻ ന്യായീകരിക്കുന്നില്ല, ജൂലി. അതൊക്കെ എന്റെ തെറ്റാണെന്ന്‌ ഞാൻ അംഗീകരിക്കുന്നു. അതിനുള്ള ശിക്ഷ എന്താണെങ്കിലും സ്വീകരിക്കാൻ ഞാൻ തയാറാണ്. നിനക്ക് എങ്ങനെ വേണമെങ്കിലും എന്നെ ശിക്ഷിക്കാം. ഇനി എന്റെ ലിംഗത്തെ നി മുറിച്ചു കളഞ്ഞാലും എനിക്കൊരു പരാതിയും ഇല്ല…”
അത്രയും പറഞ്ഞിട്ട് ഞാൻ കട്ടാക്കി. ഭാഗ്യത്തിന്‌ ജൂലി പിന്നെയും വിളിച്ചില്ല. ആശ്വാസത്തോടെ ഞാൻ ശ്വാസം വലിച്ചു വിട്ടു. ഇപ്പോൾ എനിക്ക് സമാധാനമാണ് വേണ്ടത്. എന്റെ എല്ലാ ദുഃഖവും വേദനയും നഷ്ടവും എല്ലാം മനസ്സിന്റെ ആഴങ്ങളില്‍ പൂഴ്ത്തി വച്ചുകൊണ്ട്‌ ബൈക്ക് സ്റ്റാര്‍ട്ട് ചെയ്തു.
പെട്രോൾ കുറയുമ്പോള്‍ വീണ്ടും നിറച്ച ശേഷം ഞാൻ മനം പോയ പോക്കിൽ വണ്ടി വിട്ടു. സമയം കടന്നുപോയി. ഇടവിട്ടുള്ള ഫോൺ കോൾ പോലും എടുത്തു നോക്കാതെ ഞാൻ ഓടിച്ചു കൊണ്ടിരുന്നു. ഇടക്ക് പെയ്ത മഴയെ പോലും വകവെക്കാതെ ഞാൻ ഓടിച്ചു. ഒടുവില്‍ സൂര്യൻ അസ്തമിക്കുന്ന സമയമാണ് മനസ്സിന്റെ ഭാരം അല്‍പ്പം കുറഞ്ഞത്.
രാത്രി എട്ട് മണിക്കാണ് ഞാൻ വീട്ടില്‍ എത്തിയത്. പോർച്ചിൽ ഞങ്ങളുടെ കാര്‍ നില്‍ക്കുന്നത് കണ്ടു. ഗോപന്‍ വന്നിട്ട് പോയെന്ന് മനസ്സിലായി. ചിലപ്പോ അവന്റെ കോളും ഞാൻ എടുത്തു നോക്കാത്ത കൂട്ടത്തില്‍ ഉണ്ടാവും. ബൈക്ക് പോർച്ചിൽ വിട്ടിട്ട് വീട്ടില്‍ കേറി.
ഹാളില്‍ വിഷമിച്ചിരിക്കുന്ന മൂന്ന്‌ പേരുടെ മുഖത്ത് വീണുപോയ എന്റെ കണ്ണുകളെ തിരിച്ചു വലിച്ചു കൊണ്ട്‌ വേഗം നടന്ന് റൂമിൽ കേറി.
ജൂലി പുറകെ വരുന്നത് ഞാൻ അറിഞ്ഞു. ഞാൻ വേഗം തോര്‍ത്ത് എടുത്തുകൊണ്ട് ബാത്റൂമിൽ കേറി വാതിൽ അടച്ചു.
ഒരു മണിക്കൂറോളം ഷവറിന് താഴെ ഞാൻ നിന്നു. അവസാനം ആശങ്കയോടെ ജൂലി വാതിലിൽ തട്ടി വിളിക്കുന്നത് കേട്ടാണ് ഞാൻ സോപ്പ് തേച്ച് കുളി പൂര്‍ത്തിയാക്കിയ ശേഷം പുറത്തു വന്നത്.
ബെഡ്ഡിൽ വിഷമിച്ചിരിക്കുന്ന ജൂലിയുടെ മുഖത്ത് നോക്കാതെ ഞാൻ ലുങ്കിയും ഒരു ഷർട്ടും എടുത്തിട്ടു. ഷഡ്ഡി ഇടാനും മറന്നില്ല.
“ചേട്ടാ…!!”
അവളെ നോക്കാതെ ഞാൻ നേരേ ഹാളിലേക്ക് നടക്കാൻ തുടങ്ങിയതും ജൂലി എഴുനേറ്റ് പിന്നാലെ വന്നു.
നടന്ന് അമ്മായിയുടെ മുന്നില്‍ ചെന്നു നിന്നതും അമ്മായിയും സാന്ദ്രയും എഴുനേറ്റ് ആശങ്കയോടെ എന്നെ നോക്കി.
“സാന്ദ്രയോട് ഞാൻ തെറ്റാണ് ചെയ്തത്. ഞാനാണ് അവളോട് ഓരോന്ന് ചെയ്ത് അവളെ എന്നിലേക്ക് അടുപ്പിച്ചത്. എന്നെ വിശ്വസിച്ച നിങ്ങൾ എല്ലാവരോടും വിശ്വാസ വഞ്ചനയാണ് ഞാൻ കാണിച്ചത്. സംഭവിച്ചു പോയ കാര്യങ്ങളെ തിരികെ എടുക്കാൻ എനിക്ക് കഴിയില്ല, അതുകൊണ്ട്‌ പരിഹാരമായി എന്താണ് ചെയ്യേണ്ടത്‌ എന്നും എനിക്ക് അറിയില്ല. പക്ഷേ ഇനി ഒരിക്കലും ഞാൻ കാരണം നിസാര ബുദ്ധിമുട്ടുകൾ പോലും നിങ്ങളുടെ ഇളയ മകള്‍ക്ക് ഉണ്ടാവില്ല എന്ന ഉറപ്പ് മാത്രമേ എനിക്ക് തരാന്‍ കഴിയൂ. എന്റെ നിഴല്‍ പോലും അവളുടെ ദേഹത്ത് വീഴാതെ ഞാൻ ശ്രദ്ധിച്ചോളാം.”
അത്രയും പറഞ്ഞിട്ട് സ്തംഭിച്ചു നില്‍ക്കുന്ന ജൂലിയും സാന്ദ്രയും അമ്മായി എന്നിവരെ അവരുടെ പാട്ടിന്‌ വിട്ടിട്ട് ഞാൻ വേഗം തിരിഞ്ഞ് റൂമിലേക്ക് നടന്നു.
