റൂമിൽ ബെഡ്ഡിൽ കേറി ഞാൻ കമിഴ്ന്നു കിടന്ന ശേഷമാണ് എന്റെ ശരീരത്തിന്റെ വിറയൽ കുറഞ്ഞു വന്നത്. ഹൃദയം പതിയെ ശാന്തമായ നിലയിലേക്ക് മടങ്ങുന്നത് അറിഞ്ഞു. കിഡ്നിയിൽ മൂര്‍ച്ചയുള്ള എന്തോ കുത്തി വെച്ചിരുന്നത് പോലത്തെ ആ ഫീലിങ്ങ് പതിയെ മാറി.
“ചേട്ടാ…?” അന്നേരമാണ് ജൂലി വിളിച്ചുകൊണ്ട് ബെഡ്ഡിൽ കേറി എന്റെ അടുത്ത് ഇരിക്കുന്നത് ഞാൻ അറിഞ്ഞത്.
ഒരു നെടുവീര്‍പ്പോടെ എഴുനേറ്റിരുന്ന് ജൂലിയെ ഞാൻ നോക്കി.
“ചേട്ടൻ പറഞ്ഞതും ശെരിയാണ്. നമ്മുടെ വിവാഹം കഴിഞ്ഞ് എന്റെ പ്രശ്നങ്ങൾ മനസ്സിലായതും മൂന്ന്‌ മാസത്തിൽ തന്നെ ഞാൻ സെക്സിനെ അവോയ്ട് ചെയ്ത് ചേട്ടനെയും എന്നില്‍ നിന്നും അകറ്റി നിർത്തി…. രണ്ടു മാസത്തിനു മുമ്പ്‌ വരെയും ഞാൻ ഒരു ഉമ്മ പോലും തരാതെ ചേട്ടനെ ഒഴിവാക്കി സെക്സിനെ വെറുത്തും ഭയത്തോടുമാണ് ജീവിച്ചത്… അതൊക്കെ എന്റെ തെറ്റുകൾ തന്നെയാണ്… ഈയിടെയായി ഞാൻ ചിന്തിച്ച് എന്റെ ഭയത്തെ മാറ്റി ചേട്ടനോട് ജീവിക്കാൻ തുടങ്ങിയത്‌ പോലെ ആദ്യമെ ഞാൻ ചെയ്യാത്തത് എന്റെ കുറ്റം തന്നെയാണ്. കഴിഞ്ഞ ആറു മാസത്തിനിടേയാണ് ചേട്ടൻ തെറ്റി തുടങ്ങിയത്‌. ആ കാര്യത്തില്‍ നിന്നും വളരെ സ്പഷ്ടമാണ്, എന്നില്‍ നിന്നും വേണ്ടതൊന്നും കിട്ടാത്തത് കൊണ്ടാണ് ചേട്ടൻ മറ്റുള്ളവരിലേക്ക് തിരിഞ്ഞതെന്ന്….!! എന്നിട്ടും ചേട്ടനെ മാത്രം കുറ്റപ്പെടുത്തി കഴിഞ്ഞ രാത്രി അത്തരം വാക്കുകൾ ഞാൻ പ്രയോഗിക്കാൻ പാടില്ലായിരുന്നു.” ജൂലി നിറ കണ്ണുകളോടെ പറഞ്ഞു.
“എത്ര ന്യായീകരിച്ചാലും ഞാൻ ചെയ്തത് തെറ്റ് തന്നെയാണ്, ജൂലി. നിന്നില്‍ നിന്നും കിട്ടാത്തത് കൊണ്ട് തന്നെയാണ് മറ്റുള്ള സ്ത്രീകളെ ഞാൻ ആഗ്രഹിച്ചു തുടങ്ങിയത്‌.. സാഹചര്യം കിട്ടിയപ്പോള്‍ ഞാൻ അവരുമായി ബന്ധപ്പെട്ടത്. പക്ഷേ എങ്ങനെ ന്യായീകരിച്ചാലും അതൊക്കെ ശരിയായി മാറില്ല. തെറ്റ് തെറ്റു തന്നെയാണ്. പിന്നെ, നിന്നോട് ഞാൻ പറയാത്ത കാര്യങ്ങള്‍ വേറെയും ഉണ്ട്, ജൂലി. അതു നി അറിഞ്ഞാല്‍ എന്നെ നീ വെറുത്തു പോകും.”
അത്രയും പറഞ്ഞിട്ട് ഞാൻ തല താഴ്ത്തിയിരുന്നു. ജൂലി ശ്വാസം ആഞ്ഞെടുത്ത ശേഷം പതിയെ റിലീസ് ചെയ്തു. എന്നിട്ട് എന്റെ മുഖം പിടിച്ച് പതിയെ ഉയർത്തി എന്റെ കണ്ണുകളിൽ നോക്കി. അവളുടെ നോട്ടം എന്റെ കണ്ണിലൂടെ തുളച്ചിറങ്ങി എന്റെ തലച്ചോറിലും മനസ്സിലും പരത്തുന്നത് പോലെ അനുഭവപ്പെട്ടു.
ജൂലിയുടെ കണ്ണില്‍ സങ്കടവും വേദനയും മാത്രം നിറഞ്ഞു നിന്നു. പക്ഷേ എന്നോട് ദേഷ്യമോ വെറുപ്പോ ആ കണ്ണുകളില്‍ കണ്ടില്ല.
“എനിക്ക് കൂടുതൽ ഒന്നും അറിയാൻ താല്പര്യമില്ല, ചേട്ടാ. നമുക്ക് ഇക്കാര്യം ഒഴിവാക്കാം, പ്ലീസ്.” ജൂലി അലിവോടെ പറഞ്ഞു.
അതുകേട്ട് ഞാൻ അന്തിച്ചു നോക്കി. എനിക്ക് വിശ്വസിക്കാന്‍ കഴിഞ്ഞില്ല.
ജൂലിയുടെ ചുണ്ടില്‍ വേദന നിറഞ്ഞ പുഞ്ചിരി വിടര്‍ന്നു.
“എനിക്ക് ചേട്ടനെ വെറുക്കാന്‍ കഴിയുന്നില്ല… സ്നേഹിക്കാതിരിക്കാൻ കഴിയുന്നില്ല…. ആദ്യം ദേഷ്യം തോന്നുമെങ്കിലും ചേട്ടന്റെ അവിഹിതങ്ങളെ ഞാൻ പോലും അറിയാതെ എന്റെ മനസ്സിൽ ന്യായീകരിച്ചു പോകുന്നു….”
അത്രയും പറഞ്ഞിട്ട് ജൂലി മുന്നോട്ട് ആഞ്ഞ് എന്റെ തുടകൾക്ക് ഇരു വശത്തും കാല്‍ മുട്ടകള്‍ ഊന്നി നിന്ന് എന്നെ കെട്ടിപിടിച്ചു. ഞാനും അവളെ എന്നോട് ചേര്‍ത്തു പിടിച്ചു.
“ചേട്ടൻ വെറും മദ്യപാനിയോ… ഭാര്യയെ ഏതു നേരവും മാനസികമായും ശാരീരികമായും വേദനിപ്പിക്കുന്ന വ്യക്തിയോ… ഭാര്യയെ സ്നേഹിക്കാത്ത വ്യക്തിയോ ആയിരുന്നെങ്കില്‍ ഞാൻ ചിലപ്പോ ചേട്ടനെ വെറുത്തു പോയേനെ. ഞാൻ ചേട്ടനെ പൂര്‍ണമായി തൃപ്തിപ്പെടുത്തിയിട്ടും ചേട്ടൻ പരസ്ത്രീ ബന്ധം ആഗ്രഹിച്ച് പോയിരുന്നു എന്നുണ്ടെങ്കില്‍ എനിക്ക് വെറുപ്പ് തോന്നുമായിരുന്നു. പക്ഷേ ചേട്ടന് എന്നോടുള്ള സ്നേഹവും കരുതലും എത്രയാണെന്ന് എനിക്കറിയാം. ചേട്ടന്റെ ജീവന്റെ തുടിപ്പായി എന്നെ കരുതുന്നതും ഞാൻ എപ്പോഴും മനസ്സിലാക്കിയിട്ടുണ്ട്. എന്റെ ജീവന്റെ തുടിപ്പും ചേട്ടൻ തന്നെയാണ്. ചേട്ടൻ ഇല്ലാത്ത ജീവിതം എന്റെ മരണ തുല്യമാണ്.” പറഞ്ഞിട്ട് ജൂലി എന്റെ നെറ്റിയില്‍ അവളുടെ ചുണ്ടിനെ അമർത്തി. “ഇനി നമുക്ക് ഈ ചർച്ച വേണ്ട, ചേട്ടാ. എനിക്ക് നമ്മുടെ തെറ്റുകളും എന്റെ രോഗത്തെ കുറിച്ചും ചിന്തിക്കാനെ താല്പര്യമില്ല.”
അത്രയും പറഞ്ഞിട്ട് അവൾ എന്റെ തോളില്‍ അവളുടെ കഴുത്തിനെ താങ്ങി കിടന്നു.
എനിക്ക് മനസില്‍ ഭാരം കുറഞ്ഞതായി അനുഭവപ്പെട്ടു. ആശ്വാസത്തോടെ ജൂലിയെ ഞാൻ മുറുകെ പുണർന്നു.
“ശെരി ചേട്ടാ, രാവിലെ മുതൽ ചേട്ടൻ ഒന്നും കഴിച്ചു കാണില്ല എന്നറിയാം. ചേട്ടൻ വരൂ, നമുക്ക് കഴിക്കാം.” പറഞ്ഞിട്ട് അവള്‍ എന്നെ വിട്ട ശേഷം ബെഡ്ഡിൽ നിന്നിറങ്ങി.
ഞാൻ മടിച്ച് അങ്ങനെതന്നെ ഇരുന്നു.
“എന്തേ…?” ജൂലിയുടെ മുഖത്ത് പെട്ടന്ന് ആശങ്ക പടർന്നു.
“അമ്മായിയുടെ മുഖത്തും സാന്ദ്രയുടെ മുഖത്തും നോക്കാനുള്ള കരുത്ത് എനിക്കില്ല. അതുകൊണ്ട്‌ ഞാൻ വരുന്നില്ല, നീ ചെന്ന് കഴിച്ചിട്ട് വന്നാല്‍ മതി. എനിക്ക് ഉറക്കം വരുന്നു.” പറഞ്ഞിട്ട് ഞാൻ അവള്‍ക്ക് മുഖം കൊടുക്കാതെ ബെഡ്ഡിൽ കിടന്ന് അങ്ങോട്ട് തിരിഞ്ഞു.
ജൂലി തർക്കിച്ചില്ല. അവള്‍ നടന്നു പോകുന്ന ഒച്ച എനിക്ക് കേട്ടു. കുറെ കഴിഞ്ഞ് അവള്‍ റൂമിൽ കേറി വന്നതും ഞാൻ അറിഞ്ഞു.
“ചേട്ടൻ വരൂ, ഭക്ഷണം ഞാൻ ഇങ്ങോട്ട് കൊണ്ടുവന്നിട്ടുണ്ട്, നമുക്ക് കഴിക്കാം.”
ഉടനെ ഞാൻ തിരിഞ്ഞു കിടന്ന് എന്റെ പ്രിയപ്പെട്ടവളെ നോക്കി. അവള്‍ എല്ലാം കൊണ്ടുവന്ന് ബെഡ്ഡിനടുത്തുള്ള സ്റ്റഡി മേശയിൽ നിരത്തുന്നത് കണ്ടു.
അവള്‍ കൊണ്ട് വച്ച ഹോട്ട് ബോക്സ് തുറന്നതും ഗോതമ്പ് പൊറോട്ട ആണെന്ന് മനസ്സിലായി. അടപ്പുള്ള സ്റ്റീല്‍ പാത്രം അവൾ തുറന്നതും മുട്ട റോസ്റ്റ് ആണെന്ന് കണ്ടു.
ഉടനെ ഞാൻ ചാടി എഴുന്നേറ്റു. എന്റെ വായിൽ ഊറി വന്ന കൊതി വെള്ളത്തെ ഞാൻ വലിയ ഷോ കാണിച്ച് വിഴുങ്ങിയത് കണ്ട് ജൂലി ചിരിച്ചു.
എനിക്ക് ഏറ്റവും ഇഷ്ട്ടപ്പെട്ടു ആഹാരത്തിന്‍റെ ലിസ്റ്റില്‍ ഒന്നാംസ്ഥാനം പിടിച്ച വിഭവം. വിടര്‍ന്ന കണ്ണുകളോടെ ഞാൻ ജൂലിയെ നോക്കി.
“സാമേട്ടന്റെ അമൃതം…” കുസൃതിയോടെ ജൂലി ചിരിച്ചിട്ട് കുഞ്ഞിനോട് എന്നപോലെ എന്നെ അവള്‍ മാടി വിളിച്ചു.
ഞാൻ വേഗം നാലു കാലില്‍ കട്ടിലിന്‍റെ ഈ അറ്റത്ത് നിന്നും അടുത്ത അറ്റത്തേക്ക് പാഞ്ഞു. ജൂലി കൌതുകവും വാത്സല്യപൂർവ്വവും എന്നെതന്നെ നോക്കി നിന്നു.
ഞാൻ അപ്പുറത്ത് ചെന്ന് ബെഡ്ഡിൽ നിന്നും നിലത്തിറങ്ങിയതും പുഞ്ചിരിയോടെ ജൂലി എനിക്കുവേണ്ടി മേശയുമായി ചേര്‍ന്നു കിടന്ന കസേരയെ പുറത്തേക്ക്‌ വലിച്ച് എനിക്ക് ഇരിക്കാൻ പാകത്തിന് ഇട്ടുതന്നു.
ഞാൻ അതിൽ ഇരുന്നതും ജൂലി ഒരു വശത്ത് തിരിഞ്ഞ് എന്റെ മടിയില്‍ അമർന്നു. ഞാൻ ചിരിച്ചുകൊണ്ട് സ്നേഹത്തോടെ അവളുടെ മാറിന് താഴെ കൈകൾ ചുറ്റി അവളെ എന്നോട് ചേര്‍ത്തു പിടിച്ചതും ജൂലി എന്റെ മൂക്കില്‍ അവളുടെ കവിൾ കൊണ്ട് തഴുകിയ ശേഷം പ്രതീക്ഷയോടെ കാത്തിരുന്നു.
