ഞാൻ പ്രതിമ പോലെ അനങ്ങാനാവാതെ അവൾ കരയുന്നതും നോക്കി നിന്നു.
പക്ഷേ കുറച്ചുനേരം കഴിഞ്ഞ് അവളുടെ കരച്ചില്‍ അടങ്ങി. കണ്ണും മുഖവും തുടച്ചു ശേഷം ജൂലി എന്നെ നോക്കി. “പറ ചേട്ടാ, ആരാണ്‌ ഈ സ്ത്രീ…? പറഞ്ഞില്ലെങ്കില്‍ ഇനി ഒരിക്കലും ചേട്ടൻ എന്നെ കാണില്ല. എന്റെ ശരീരത്ത് ജീവനും ഉണ്ടാവില്ല…” കലിയിൽ അവള്‍ ശബ്ദമുയർത്തി.
കുറെ നേരം ഞാൻ ഇതില്‍ നിന്നും ഊരി പോകാനുള്ള വഴി എന്താണെന്ന് തല പുകച്ചു നോക്കി. പക്ഷെ എന്തു നുണ പറഞ്ഞാലും അവളെ വിശ്വസിപ്പിക്കാന്‍ കഴിയുമെന്ന് തോന്നിയില്ല.
അതുകൊണ്ട്‌ സത്യം പറയാൻ ഞാൻ തീരുമാനിച്ചു.
ദേവിയെ ആദ്യമായി കണ്ടത് തൊട്ട് കഴിഞ്ഞ രാത്രി നടന്ന ഞങ്ങളുടെ സെക്സ് വരെയുള്ള കാര്യങ്ങൾ ഒക്കെയും തുറന്നു പറഞ്ഞു. യാമിറ നന്നായ കാര്യവും ഞാൻ അവളോട് പറഞ്ഞു. യാമിറയുമായി രണ്ട് തവണ മാത്രം ബന്ധം പുലര്‍ത്തി എന്നും അതിനുശേഷം അവരുമായി ബന്ധപ്പെട്ടിട്ടില്ല എന്ന സത്യവും ഞാൻ പറഞ്ഞു.
ഞാൻ പറഞ്ഞു തീരും വരെ ജൂലി തടസ്സം സൃഷ്ടിക്കാതെ എന്നെതന്നെ നോക്കി നിന്ന് എനിക്ക് പറയാനുള്ളത് മുഴുവനും കേട്ടു.
ഞാൻ പറഞ്ഞു കഴിഞ്ഞിട്ടും അവള്‍ ഒന്നും മിണ്ടിയില്ല. ഇപ്പോഴും അവളുടെ മുഖത്ത് സങ്കടവും ദേഷ്യവും ഉണ്ടായിരുന്നു.
“അന്ന് വിനില ചേച്ചി ചേട്ടനെയും കൂട്ടി കാണാന്‍ ചെന്നത് ഇതേ ദേവിയെ തന്നെയാണോ..? അതോ ഇത് വേറെ ദേവിയാണോ…?” നല്ല ദേഷ്യത്തില്‍ തന്നെ അവള്‍ ചോദിച്ചു.
“ഈ ദേവി തന്നെയാണ്.” താഴെ നോക്കി ഞാൻ പറഞ്ഞു.
ഞാൻ അങ്ങനെ പറഞ്ഞതും ജൂലി ദേഷ്യത്തില്‍ ഇറങ്ങി ഒറ്റ പോക്ക്. എനിക്കൊന്നും മനസ്സിലായില്ല. എന്നോട് കൂടുതൽ പ്രശ്നം ഉണ്ടാക്കാതെ ജൂലി പോകുന്നത് എനിക്ക് വിശ്വസിക്കാൻ കഴിഞ്ഞില്ല. അവള്‍ റൂമിന്റെ പുറത്ത്‌ പോയി മറയുന്നത് വരെ ഞാൻ നോക്കി നിന്നു.
ഈ കാര്യത്തിൽ എന്താണ് അവൾ ചെയ്യാൻ പോകുന്നത്..? ഇനി എന്തു സംഭവിക്കാന്‍ പോകുന്നു എന്നൊരു രൂപവും എനിക്കില്ലായിരുന്നു.
വരുന്നത് വരട്ടെ.. എനിക്കൊന്നും ചെയ്യാൻ കഴിയില്ല…! ഞാൻ ബാത്റൂമിൽ കേറി കുളിച്ചിട്ട് പുറത്തുവന്ന് ലുങ്കിയും വേറെ ടീ ഷര്‍ട്ടും എടുത്തിട്ടു. ജൂലിയെ ഫേസ് ചെയ്യാനുള്ള കരുത്ത് ഇല്ലാത്തത് കൊണ്ട് ഞാൻ ബെഡ്ഡിൽ കേറി കിടന്നു.
അല്‍പ്പം കഴിഞ്ഞ് ജൂലി എനിക്കുള്ള ചായയുമായി വന്ന് അതിനെ എനിക്ക് തന്നു. പക്ഷേ എന്റെ മുഖത്ത് മാത്രം അവൾ നോക്കിയില്ല. ഇപ്പോൾ ദേഷ്യം ഒന്നും മുഖത്ത് കണ്ടില്ല.. പക്ഷേ ഭയങ്കര സങ്കടം നിറഞ്ഞു നിന്നു.
“ജൂലി—”
പക്ഷേ അവള്‍ മിണ്ടാതെ ഇറങ്ങി പോയി.
വിഷമത്തോടെ ചായ കുടിച്ച ശേഷം ഞാൻ നേരെ കിച്ചനിലേക്ക് നടന്നു. ജൂലി കിച്ചനിൽ ഭിത്തിയിൽ ചാരി വിഷമത്തോടെ നില്‍ക്കുന്നതാണ് കണ്ടത്.
എന്നെ കണ്ടതും മുഖം വീർപ്പിച്ചു കൊണ്ട് അവള്‍ എന്റെ കൈയിൽ നിന്നും കാലി ഗ്ലാസ്സിനെ പിടിച്ചു വാങ്ങി. എന്നിട്ട് ചെന്ന് അതിനെ കഴുകി വച്ചു.
“ജൂലി—”
“മിണ്ടാതെ വന്ന് കഴിച്ചിട്ട് പോയി കിടന്നുറങ്ങാൻ നോക്ക്, ചേട്ടാ.” കലിയിൽ പറഞ്ഞിട്ട് അവൾ ഡൈനിംഗ് റൂമിലേക്ക് നടന്നു.
ഞാൻ പൊട്ടന്‍ കണക്ക് അവിടെതന്നെ നിന്നു.
“കഴിക്കാൻ വരുന്നില്ലേ..!!” ജൂലിയുടെ കോപത്തോടെയുള്ള കടുത്ത ശബ്ദം എന്റെ കാതിനെ തുളച്ചു. “ഇനി ഞാൻ അങ്ങോട്ട് വന്ന് താങ്ങിത്തൊഴുത് വിളിച്ചാലേ വരത്തുള്ളോ…? അതോ തൂകിയെടുത്തു കൊണ്ട് ഇരുത്തിയാലേ കഴിക്കുകയുള്ളോ..?” അവളുടെ നിന്ദാഗര്‍ഭമായ വാക്കുകൾ എന്നെ തേടിയെത്തി.
അതുകേട്ട് വിഷമിച്ചു നിൽക്കാനേ എനിക്ക് കഴിഞ്ഞുള്ളു.
“ഒന്ന് വരുന്നുണ്ടോ, എനിക്ക് വിശക്കുന്നു.” അവസാനം ദേഷ്യത്തില്‍ ജൂലി ശബ്ദം ഉയർത്തി.
ഉടനെ ഞാൻ നടന്ന് ഡൈനിംഗ് റൂമിൽ അവള്‍ക്ക് എതിര്‍ വശത്തുള്ള കസേരയില്‍ ചെന്നിരുന്നു. എന്റെ ഇടത് തുടയിൽ കൈ മുട്ട് ഊന്നി ഉള്ളം കൈ താടിക്കും കൊടുത്താണ് ഞാൻ ഇരുന്നത്.
അല്‍പ്പനേരം അവള്‍ എന്നെ കോപത്തോടെ നോക്കിയ ശേഷം എഴുനേറ്റ് പ്ലേറ്റിൽ ചപ്പാത്തിയും കടല കറിയും വിളമ്പി എടുത്തുകൊണ്ട് എന്റെ അടുത്തേക്ക് വന്നു. അതിനെ എന്റെ മുന്നില്‍ മേശപ്പുറത്ത് വച്ച ശേഷം എന്റെ പുറന്തലയിൽ അവളുടെ കൈ വച്ച ശേഷം ദേഷ്യത്തില്‍ താഴേക്ക് തള്ളിക്കൊണ്ട് പറഞ്ഞു,,
“എല്ലാം കാട്ടിക്കൂട്ടിയിട്ട് ഒന്നുമറിയാത്ത പാവത്തേപോലെ ഇരിക്കുന്നത് കണ്ടില്ലേ..!!”
പക്ഷേ എന്റെ കഷ്ടകാലത്തിന് ദേവി എന്റെ തലയില്‍ പിടിച്ചു താഴ്ത്തിയതും, എന്റെ തുടയിൽ ഞാൻ ഊന്നിയിരുന്ന കൈ മുട്ട് തെന്നി എന്റെ ഗ്രിപ് വിട്ടുപോയി. എന്റെ മുഖം നേരെ പ്ലേറ്റിലേ ചപ്പാത്തിക്ക് മുകളില്‍ പടർന്നു കിടന്ന ചൂടുള്ള കറിയില്‍ ചെന്ന് പതിഞ്ഞമർന്നു.
ഭാഗ്യത്തിന്‌ തിളച്ച കറി അല്ലായിരുന്നു. പക്ഷേ അത്യാവശ്യം ചൂടും എരിവും ഉണ്ടായിരുന്നു. കറി എന്റെ കണ്ണിലും മുഖത്തും മൂക്കിലും എല്ലാം കേറി.
വെപ്രാളപ്പെട്ട് ഞാൻ ചാടിയെഴുന്നേറ്റതും ഭക്ഷണവും പ്ലേറ്റും താഴെ വീണു ചിതറി.
ഞാൻ കരഞ്ഞു വിളിച്ചു. അപ്പോൾ എന്റെ മൂക്കിലൂടെ കറി ഉള്ളിലേക്ക് കടന്ന് എനിക്ക് ചുമ പൊട്ടി. കരഞ്ഞു ചുമച്ചു കൊണ്ട് എന്റെ ലുങ്കി പൊക്കി ഞാൻ മുഖം തുടച്ചു. എന്നിട്ട് വാഷ് ബേസിൻ തിരക്കി ഞാൻ ഓടി.
“ദൈവമേ….!! ഞാൻ എന്താണ് കാണിച്ചത്..?” വേദനയും സങ്കടവും പിന്നേ സ്വയം പഴിക്കുന്ന സ്വരത്തില്‍ ജൂലി കരഞ്ഞുപോയി.
എന്നിട്ട് അവളും എന്റെ അടുത്തേക്ക് കരഞ്ഞുകൊണ്ട് ഓടി വന്നു.
“സോറി ചേട്ടാ… അറിയാതെ സംഭവിച്ചു പോയി….” കരഞ്ഞു കൊണ്ട് വാഷ് ബേസിനിൽ നിന്നും വെള്ളം പിടിച്ച് വേഗത്തിൽ എന്റെ മുഖത്തെ ജൂലി കഴുകൻ തുടങ്ങി. അവള്‍ ഇടതടവില്ലാതെ കരഞ്ഞുകൊണ്ട് ക്ഷമയും ചോദിച്ചു കൊണ്ടിരുന്നു.
“കണ്ണ് തുറന്നു പിടിക്ക് ചേട്ടാ…” ജൂലി വിതുമ്പി.
കണ്ണുകൾ രണ്ടും കത്തിയെരിയുന്നത് പോലെയാണ് അനുഭവപ്പെട്ടത്. പക്ഷേ എങ്ങനെയോ ഞാൻ കണ്ണുകളെ തുറന്നും അടച്ചും വിരണ്ടു നിന്നു.
“ഇങ്ങനെ ശെരിയാവില്ല..!!” എന്നും പറഞ്ഞ്‌ എന്നെ പിടിച്ചു വലിച്ച് റൂമിലേക്ക് കൊണ്ടുപോയി. പിന്നെ ബാത്റൂമിൽ ഷവറിന് താഴെ കൊണ്ട് നിർത്തി. വെള്ളം തലയില്‍ വീഴാന്‍ തുടങ്ങിയതും ഞാൻ സ്വയം മുഖം എല്ലാം നല്ലോണം കഴുകി. കണ്ണും കുറേശെ തുറന്നു കഴുകി. അവസാനം എല്ലാം കഴുകി കളഞ്ഞെങ്കിലും ഒരുപാട്‌ നേരം കഴിഞ്ഞാണ് കണ്ണുകൾ തുറന്നു പിടിക്കാന്‍ കഴിഞ്ഞത്. പക്ഷേ നല്ല നീറ്റൽ ഉണ്ടായിരുന്നു.
“സോറി ചേട്ടാ.. സോറി ചേട്ടാ… സോറി ചേട്ടാ…!!” ജൂലി നിര്‍ത്താതെ മന്ത്രം പോലെ പറഞ്ഞു കൊണ്ടിരുന്നു.
അവസാനം പലവട്ടം സോപ്പ് ഉപയോഗിച്ച് കഴുകിയ ശേഷം, കണ്ണിലും മുഖത്തും പൂര്‍ണമായി നീറ്റൽ മാറിയില്ലെങ്കിലും, അല്‍പ്പം ആശ്വാസം തോന്നി.
“മതിയാക്ക് ജൂലി. നി അറിഞ്ഞു കൊണ്ട് ചെയ്തതല്ലെന്ന് അറിയാം.” അവസാനം കുറച്ചുകൂടെ ആശ്വാസം ലഭിച്ചപ്പോള്‍ ഞാൻ അവളോട് പറഞ്ഞു.
