“എന്തിനാ ബൈക്കില്‍ തന്നെ ഇരുന്നു കളഞ്ഞത്.. ഇറങ്ങി വാ സാം. അകത്ത് വാ ജൂലി മോളെ. നിന്നെ കുറിച്ച് സാം ഒരുപാട്‌ പറഞ്ഞിട്ടുണ്ട്. നിന്റെ ഫോട്ടോയും ഞങ്ങൾക്ക് കാണിച്ച് തന്നിട്ടുണ്ട്. പക്ഷേ നേരിട്ട് കാണാന്‍ നീ മാലാഖ തന്നെയ, മോളെ.” ആന്റി സന്തോഷത്തോടെ പറഞ്ഞു.
ജൂലി പുഞ്ചിരിയോടെ ബൈക്കില്‍ നിന്നും ഇറങ്ങി. അന്നേരം കിങ്ങിണി എന്റെ അടുത്തേക്ക് ഓടി വന്ന് രണ്ടു കൈയും ഉയർത്തി പിടിച്ചു.
ജൂലി വാത്സല്യപൂർവ്വം കിങ്ങിണിയെ നോക്കി. എന്നിട്ട് അവളെ സ്നേഹത്തോടെ പുറകില്‍ നിന്നും തൂകി എടുത്ത് അവളെ തിരിച്ച് ജൂലി സ്വന്തം ദേഹത്തോട് ചേര്‍ത്തു പിടിച്ചു.
കിങ്ങിണി കരയും എന്നാണ് ഞാൻ കരുതിയത്. പക്ഷേ അവൾ മുഖത്തെ പിന്നോട്ട് നീക്കി ജൂലിയെ ഒന്ന് നോക്കി. എന്നിട്ട് എല്ലാവരെയും ആശ്ചര്യപ്പെടുത്തി കൊണ്ട്‌ അവൾ സന്തോഷത്തോടെ കുണുങ്ങി ചിരിച്ച ശേഷം ജൂലിയുടെ കഴുത്തിനെ കെട്ടിപിടിച്ചു കൊണ്ട്‌ പമ്മി കിടന്നു. ജൂലി ചിരിച്ചുകൊണ്ട് ആന്റിയും ദേവിയുടെയും അടുത്തേക്ക് നടന്നു.
ഞാൻ അന്തം വിട്ട് പതിയെ ബൈക്കില്‍ നിന്നിറങ്ങി അവിടെതന്നെ നിന്നു. ആന്റിയും ദേവിയും ആശ്ചര്യത്തോടെ ജൂലിയെ കെട്ടിപിടിച്ചു തോളില്‍ കിടക്കുന്ന കിങ്ങിണിയെ ഒന്ന് നോക്കി. എന്നിട്ട് പരസ്പരം മിഴിച്ചു നോക്കി. ശേഷം എന്റെ മുഖത്തും അവരുടെ നോട്ടമെത്തി. അവസാനം ജൂലി അവരുടെ മുന്നില്‍ പോയി നിന്നതും സ്ത്രീകൾ മൂന്നുപേരും പരസ്പരം നോക്കി. എന്നിട്ട് ദീര്‍ഘ കാലത്തെ അടുപ്പമുള്ളത് പോലെ ഹൃദ്യമായി പുഞ്ചിരിച്ചു.
അടിപൊളി… ഇനി എന്നെ അവർ പുറത്താകുമോ..? ഞാൻ സംശയിച്ചു നിന്നു.
പക്ഷേ അന്നേരം ആന്റി എന്റെ മനസ്സ് വായിച്ച പോലെ എന്നെ നോക്കി ചിരിച്ചു.
“കേറി വാ മോനെ. നീ എന്താ അവിടെതന്നെ നിന്നു കളഞ്ഞത്…?”
“അല്ലാ ആന്റി…. സ്ത്രീകൾ ഒന്നുകൂടിയാൽ പിന്നേ പുരുഷന്‍മാര്‍ പുറത്താകും. ഇവിടെയും അങ്ങനെ സംഭവിക്കുമോ എന്നു ചിന്തിച്ചതും ഞാൻ അറിയാതെ നിന്നുപോയി.”
ഞാൻ പറഞ്ഞത് കേട്ട് അവർ മൂന്നുപേരും ചിരിച്ചു. ഞാൻ മെല്ലെ അവരുടെ നേര്‍ക്ക് നടന്നു.
“ദേവാംഗന ആന്റിയെ കുറിച്ച് സാമേട്ടൻ ഒരുപാട്‌ പറഞ്ഞിട്ടുണ്ട്.” ജൂലി ആന്റിയെ നോക്കി പറഞ്ഞതും ആന്റി മന്ദഹാസം തൂകി. “പിന്നേ മൂങ്ങയും വവ്വാലും പറക്കുന്ന വര്‍ഗ്ഗങ്ങള്‍ ഒക്കെയും ആന്റിക്ക് ഭയങ്കര ഇഷ്ട്ടമാണെന്നും വരുന്ന വഴിക്ക് ചേട്ടൻ പറഞ്ഞായിരുന്നു…!” ജൂലി എനിക്കിട്ട് ഒന്ന് താങ്ങി.
ഉടനെ ദേവി ജൂലിയെ മിഴിച്ചു നോക്കി. എന്നിട്ട് എന്നെ നോക്കി ദേവി വായ് പൊത്തി ചിരിച്ചു.
“കഴിഞ്ഞ ദിവസം ചേട്ടൻ അമ്മയെ മൂങ്ങ എന്ന് വിളിച്ചു.” ദേവി ചിരിച്ചുകൊണ്ട് ജൂലിയോട് പറഞ്ഞതും ജൂലി എന്നെ മിഴിച്ചു നോക്കി.
“എന്റെ ജൂലി മോളെ… ഇവിടെ വന്നു കേറിയ ഉടനെ എന്നെ നീ ഒറ്റി കൊടുക്കവാന്നോ?” ഞാൻ ചോദിച്ചു. “പോരാത്തതിന് ദേവിയും എനിക്കിട്ട് താങ്ങുന്നുണ്ടല്ലോ…!! എന്നെ പിന്തുണയ്ക്കാൻ മാത്രം ആരുമില്ല….!!” അസ്വസ്ഥതയോടെ ഞാൻ പറയുന്നത് കേട്ട് മൂന്ന്‌ സ്ത്രീകളും പൊട്ടിച്ചിരിച്ചു. ഒടുവില്‍ ചിരി നിര്‍ത്തി ആന്റി എന്നെയും ജൂലിയേയും നോക്കി.
“ശെരി, ആദ്യം അകത്തേക്ക് വരൂ. എന്നിട്ട് നമുക്ക് എല്ലാ കാര്യങ്ങളും ചർച്ച ചെയ്യാം.” ആന്റി പുഞ്ചിരിച്ചു.
“വാ ജൂലി.. വരൂ ചേട്ടാ.” ദേവി ജൂലിയെ കൂട്ടി കൊണ്ട്‌ അകത്തേക്ക് നടന്നതും ആന്റിയും ഞാനും അവര്‍ക്ക് പിന്നാലെ നടന്നു.
ഹാളില്‍ വലിയ സോഫയിൽ ജൂലിയെ ഇരിക്കാൻ ദേവി ക്ഷണിച്ചു. ജൂലി ഇരുന്ന ഉടനെ ആന്റിയും ദേവിയും അവളുടെ ഇരു വശത്തായി സ്ഥാനം പിടിച്ചു. ഞാൻ സ്ഥാനം പിടിച്ചത് അവരുടെ എതിര്‍ വശത്തുള്ള കുഷൻ ചെയറിലും.
ജൂലി ഇരുന്ന ഉടനെ കിങ്ങിണി താഴേക്ക് നിരങ്ങി ജൂലിയുടെ മടിയില്‍ ഇരുന്ന് അവളുടെ ദേഹത്ത് ചാരി.
“കിങ്ങിണി മോളെ, ഈ ആന്റിയെ മോൾക്ക് ഇഷ്ട്ടമായോ…?” ദേവി ചോദിച്ചു.
“ആം… ഇഷ്ടായി” കിങ്ങിണി ഇളകിയാടി ചിരിച്ചു.
“ശെരി നിങ്ങൾ സംസാരിച്ചിരിക്കു… ഞാൻ കുടിക്കാന്‍ എന്തെങ്കിലും എടുക്കാം.” പറഞ്ഞിട്ട് ദേവി എഴുനേറ്റു പോയി.
ശേഷം ആന്റിയും ജൂലിയും പല വർഷങ്ങൾക്ക് ശേഷം കണ്ടുമുട്ടിയ അമ്മയും മകളും പോലെ സംഭാഷണത്തിൽ ഏര്‍പ്പെട്ടത് എന്നെ ആശ്ചര്യത്തിൽ ആഴ്ത്തി. വെറും സെക്കണ്ടുകൾ മാത്രമാണ് വേണ്ടിവന്നത്, ആന്റിയും ജൂലിയും തമ്മില്‍ ആത്മബന്ധം സൃഷ്ടിക്കാൻ.
ഇനി എനിക്കിവിടെ റോള്‍ ഇല്ലെന്ന് മനസ്സിലായി, കാരണം ഞാൻ ഇവിടെ ഉള്ളത് പോലും മറന്നാണ് അവരുടെ വാചാലം. അതിനാല്‍ ഞാൻ എന്റെ മൊബൈൽ എടുത്ത് വെറുതെ കുത്തിക്കൊണ്ടിരുന്നു. കിങ്ങിണിക്ക് ബോര്‍ അടിച്ചെന്ന് തോനുന്നു, അവള്‍ ജൂലിയുടെ മടിയില്‍ നിന്നിറങ്ങി ഹാളിന്‍റെ മൂലയില്‍ നിർത്തിയിരുന്ന അവളുടെ ബൈക്കിന് നേരെ ഓടി. എന്നിട്ട് അതിൽ കേറി ഓടിച്ചു കളിക്കാന്‍ തുടങ്ങി.
ഹും, കിങ്ങിണി പോലും എന്നെ മൈന്റ് ചെയ്യുന്നില്ല. എന്റെ നീരസം മറച്ചു കൊണ്ട്‌ മൊബൈലില്‍ ഞാൻ കുത്തി കളിച്ചു.
ഇരുപത് മിനിറ്റ് കഴിഞ്ഞ് ദേവി കട്ടിയുള്ള മാമ്പഴം ജ്യൂസും നേന്ത്രപ്പഴവും കൊണ്ടുവന്ന് എല്ലാവർക്കും തന്നു.
അതുകഴിഞ്ഞ്‌ ഭാഗ്യത്തിന്‌ എന്നെയും അവരുടെ കൂട്ടത്തിൽ കൂട്ടി. ഞങ്ങൾ നാലുപേരും തമാശയും കാര്യങ്ങളും പറഞ്ഞിരുന്നു.
ഒരു മണിക്കൂര്‍ അങ്ങനെ കൊഴിഞ്ഞു നീങ്ങിയത് പോലും ഞങ്ങൾ അറിഞ്ഞില്ല.
അപ്പോഴാണ് ജൂലി ദേവിയോട് ആവശ്യപ്പെട്ടത്, “ദേവിയുടെ കല്യാണ ആൽബം ഇവിടെ ഇല്ലേ, ഉണ്ടെങ്കിൽ കാണിച്ച് തരാമോ..?”
“ഉണ്ടല്ലോ. ജൂലി വാ, നമുക്ക് റൂമിൽ ഇരുന്നു കാണാം.” അതും പറഞ്ഞ്‌ ദേവി ജൂലിയെ കൂട്ടിക്കൊണ്ടു പോയി.
ഈശ്വരാ… ജൂലി എന്തോ കരുതിക്കൂട്ടി ആണല്ലോ..!! എന്താണ് അവളുടെ ഉദ്ദേശം..? എനിക്ക് ഭയങ്കര ടെൻഷനും തലവേദനയും ഒരുമിച്ചു വന്നു.
“നിനക്ക് പറ്റിയ പെണ്ണ് തന്നെയാ, ജൂലി മോള്. എന്തു സുന്ദരിയ.. എത്ര ചേര്‍ച്ചയ നിങ്ങൾ തമ്മില്‍. നേരിട്ട് കണ്ടപ്പോ സാക്ഷാൽ സരസ്വതിയെ പോലുണ്ട്.” ആന്റി പറഞ്ഞത് കേട്ടാണ് എന്റെ ചിന്തയില്‍ നിന്നുണർന്നത്. “എനിക്ക് അവളെ ശെരിക്കും ബോധിച്ചു, ട്ടോ. കിങ്ങിണിക്ക് പോലും കണ്ട ഉടനെ ഇഷ്ട്മായെന്ന് വിശ്വസിക്കാനേ കഴിയുന്നില്ല.” ആന്റി പുഞ്ചിരിയോടെ ജൂലിയും ദേവിയും പോയ വഴിയെ നോക്കി.
“അവളെ ഭാര്യയായി ലഭിച്ചത്‌ എന്റെ ഭാഗ്യമാണ്, ആന്റി.” അഭിമാനത്തോടെ ഞാൻ പറഞ്ഞു.
അതുകേട്ട് ആന്റി എന്റെ നേര്‍ക്ക് തിരിഞ്ഞ് പുഞ്ചിരിച്ചു.
“അവളെ കിട്ടാൻ നി പുണ്യം ചെയ്തത് പോലെ നിന്നെ കിട്ടാന്‍ അവളും പുണ്യം ചെയ്തിട്ടുണ്ടാവണം…!!” പുഞ്ചിരി മാറാതെ ആന്റി പറഞ്ഞ ശേഷം എഴുനേറ്റ് എന്റെ അടുത്തേക്ക് വന്നു.
തേങ്ങയാണ്…! മനസ്സിൽ ഞാൻ പറഞ്ഞു. പലരുടെ ഭാര്യമാരുടെ കൂടെ കളിച്ചു നടക്കുന്ന എന്നെ കിട്ടിയത് അവളുടെ ശാപമാണ്.
