അവളുടെ മുഖത്ത് കഠിനമായ കോപവും സങ്കടവും ഉണ്ടായിരുന്നു എന്നല്ലാതെ വെറുപ്പൊന്നും കണ്ടില്ല.
“എന്നോട് ശെരിക്കും സ്നേഹം ഉണ്ടെങ്കിൽ എന്നോട് സത്യം പറ ചേട്ടാ, കഴിഞ്ഞ രാത്രി ഏതു പെണ്ണിന്റെ കൂടെയാണ് ചേട്ടൻ ഉണ്ടായിരുന്നത്..??!”
അവളുടെ ചോദ്യം കേട്ട് ഞാൻ അസ്വസ്ഥനായി നിന്നു. എന്താണ് പറയേണ്ടതെന്ന് ഒരെത്തും പിടിയും കിട്ടിയില്ല.
“എനിക്ക് ചേട്ടനോട് വെറുപ്പൊന്നുമില്ല…” ജൂലി സങ്കടത്തോടെ പറഞ്ഞു. “ചേട്ടനെ വെറുക്കാൻ കഴിയുന്നുമില്ല. പക്ഷേ എനിക്ക് ദേഷ്യം ഉണ്ട്, സങ്കടം ഉണ്ട്.. എന്റെ അവസ്ഥ കാരണം യാമിറ ചേച്ചിയുടെ കൂടെ അഴിഞ്ഞാടാൻ ഞാൻ സമ്മതിച്ചതല്ലേ…?” അവള് ദേഷ്യത്തില് ചോദിച്ചു. “പക്ഷേ നിങ്ങൾക്ക് അവരേയും പോരാതെ വന്നോ..? എന്തിനാണ് ഇനി വേറെ പെണ്ണിനെ തേടി പോയത്…..?” അവൾ പൊട്ടിക്കരഞ്ഞു. “ഇതൊന്നും എനിക്ക് താങ്ങാന് കഴിയുന്നില്ല. എന്തിനാണ് എന്നെ ഇങ്ങനെ വേദനിപ്പിക്കുന്നത്. എന്റെ അസുഖം കാരണം എനിക്ക് പരിമിതികള് ഉണ്ടായത് എന്റെ കുറ്റമാണോ..?” അത്രയും പറഞ്ഞിട്ട് അവൾ പൊട്ടിക്കരഞ്ഞു.
ഞാൻ പ്രതിമ പോലെ അനങ്ങാനാവാതെ അവൾ കരയുന്നതും നോക്കി നിന്നു.
പക്ഷേ കുറച്ചുനേരം കഴിഞ്ഞ് അവളുടെ കരച്ചില് അടങ്ങി. കണ്ണും മുഖവും തുടച്ചു ശേഷം ജൂലി എന്നെ നോക്കി. “പറ ചേട്ടാ, ആരാണ് ഈ സ്ത്രീ…? പറഞ്ഞില്ലെങ്കില് ഇനി ഒരിക്കലും ചേട്ടൻ എന്നെ കാണില്ല. എന്റെ ശരീരത്ത് ജീവനും ഉണ്ടാവില്ല…” കലിയിൽ അവള് ശബ്ദമുയർത്തി.
കുറെ നേരം ഞാൻ ഇതില് നിന്നും ഊരി പോകാനുള്ള വഴി എന്താണെന്ന് തല പുകച്ചു നോക്കി. പക്ഷെ എന്തു നുണ പറഞ്ഞാലും അവളെ വിശ്വസിപ്പിക്കാന് കഴിയുമെന്ന് തോന്നിയില്ല.
അതുകൊണ്ട് സത്യം പറയാൻ ഞാൻ തീരുമാനിച്ചു.
ദേവിയെ ആദ്യമായി കണ്ടത് തൊട്ട് കഴിഞ്ഞ രാത്രി നടന്ന ഞങ്ങളുടെ സെക്സ് വരെയുള്ള കാര്യങ്ങൾ ഒക്കെയും തുറന്നു പറഞ്ഞു. യാമിറ നന്നായ കാര്യവും ഞാൻ അവളോട് പറഞ്ഞു. യാമിറയുമായി രണ്ട് തവണ മാത്രം ബന്ധം പുലര്ത്തി എന്നും അതിനുശേഷം അവരുമായി ബന്ധപ്പെട്ടിട്ടില്ല എന്ന സത്യവും ഞാൻ പറഞ്ഞു.
ഞാൻ പറഞ്ഞു തീരും വരെ ജൂലി തടസ്സം സൃഷ്ടിക്കാതെ എന്നെതന്നെ നോക്കി നിന്ന് എനിക്ക് പറയാനുള്ളത് മുഴുവനും കേട്ടു.
ഞാൻ പറഞ്ഞു കഴിഞ്ഞിട്ടും അവള് ഒന്നും മിണ്ടിയില്ല. ഇപ്പോഴും അവളുടെ മുഖത്ത് സങ്കടവും ദേഷ്യവും ഉണ്ടായിരുന്നു.
“അന്ന് വിനില ചേച്ചി ചേട്ടനെയും കൂട്ടി കാണാന് ചെന്നത് ഇതേ ദേവിയെ തന്നെയാണോ..? അതോ ഇത് വേറെ ദേവിയാണോ…?” നല്ല ദേഷ്യത്തില് തന്നെ അവള് ചോദിച്ചു.
“ഈ ദേവി തന്നെയാണ്.” താഴെ നോക്കി ഞാൻ പറഞ്ഞു.
ഞാൻ അങ്ങനെ പറഞ്ഞതും ജൂലി ദേഷ്യത്തില് ഇറങ്ങി ഒറ്റ പോക്ക്. എനിക്കൊന്നും മനസ്സിലായില്ല. എന്നോട് കൂടുതൽ പ്രശ്നം ഉണ്ടാക്കാതെ ജൂലി പോകുന്നത് എനിക്ക് വിശ്വസിക്കാൻ കഴിഞ്ഞില്ല. അവള് റൂമിന്റെ പുറത്ത് പോയി മറയുന്നത് വരെ ഞാൻ നോക്കി നിന്നു.
ഈ കാര്യത്തിൽ എന്താണ് അവൾ ചെയ്യാൻ പോകുന്നത്..? ഇനി എന്തു സംഭവിക്കാന് പോകുന്നു എന്നൊരു രൂപവും എനിക്കില്ലായിരുന്നു.
വരുന്നത് വരട്ടെ.. എനിക്കൊന്നും ചെയ്യാൻ കഴിയില്ല…! ഞാൻ ബാത്റൂമിൽ കേറി കുളിച്ചിട്ട് പുറത്തുവന്ന് ലുങ്കിയും വേറെ ടീ ഷര്ട്ടും എടുത്തിട്ടു. ജൂലിയെ ഫേസ് ചെയ്യാനുള്ള കരുത്ത് ഇല്ലാത്തത് കൊണ്ട് ഞാൻ ബെഡ്ഡിൽ കേറി കിടന്നു.
അല്പ്പം കഴിഞ്ഞ് ജൂലി എനിക്കുള്ള ചായയുമായി വന്ന് അതിനെ എനിക്ക് തന്നു. പക്ഷേ എന്റെ മുഖത്ത് മാത്രം അവൾ നോക്കിയില്ല. ഇപ്പോൾ ദേഷ്യം ഒന്നും മുഖത്ത് കണ്ടില്ല.. പക്ഷേ ഭയങ്കര സങ്കടം നിറഞ്ഞു നിന്നു.
“ജൂലി—”
പക്ഷേ അവള് മിണ്ടാതെ ഇറങ്ങി പോയി.
വിഷമത്തോടെ ചായ കുടിച്ച ശേഷം ഞാൻ നേരെ കിച്ചനിലേക്ക് നടന്നു. ജൂലി കിച്ചനിൽ ഭിത്തിയിൽ ചാരി വിഷമത്തോടെ നില്ക്കുന്നതാണ് കണ്ടത്.
എന്നെ കണ്ടതും മുഖം വീർപ്പിച്ചു കൊണ്ട് അവള് എന്റെ കൈയിൽ നിന്നും കാലി ഗ്ലാസ്സിനെ പിടിച്ചു വാങ്ങി. എന്നിട്ട് ചെന്ന് അതിനെ കഴുകി വച്ചു.