“എന്നെ ഒഴികെ വേറൊരു പെണ്ണിനെയും ചേട്ടൻ തൊടരുത് എന്ന് ആവശ്യപ്പെട്ടാല്‍….??” എന്റെ കണ്ണില്‍ സൂക്ഷിച്ചു നോക്കിക്കൊണ്ട് അവള്‍ ചോദിച്ചു.
ഈ ചോദ്യം ഞാൻ പ്രതീക്ഷിച്ചാണ്. അതുകൊണ്ട്‌ നേരത്തെ എന്റെ മനസ്സിനെ ഞാൻ പാകപ്പെടുത്തി കഴിഞ്ഞിരുന്നു. അതുകൊണ്ട്‌ അവളുടെ ചോദ്യം എന്നെ വലുതായി വേദനിപ്പിച്ചില്ല.
അതുകൊണ്ട്‌ ഒരു സെക്കന്‍ഡ് പോലും പാഴാക്കാതെ ഞാൻ മറുപടി പറഞ്ഞു, “തീര്‍ച്ചയായും അതും ഞാൻ അനുസരിക്കാം.”
അതുകേട്ട് അവൾ സന്തോഷിച്ച് തുള്ളിച്ചാടും എന്നാണ് ഞാൻ കരുതിയത്. പക്ഷേ അവളുടെ മുഖത്ത് സങ്കടം നിറഞ്ഞു.. മനസ്സിൽ വേദന നിറഞ്ഞത് പോലെ അവളുടെ കണ്ണുകൾ നിറഞ്ഞ് ഒഴുകി. പെട്ടന്ന് ബെഡ്ഡിൽ കമിഴ്ന്നു കിടന്നു കൊണ്ട്‌ അവൾ ഏങ്ങലടിച്ചു കരയാന്‍ തുടങ്ങി. അതുകണ്ട് ഞാൻ അന്തംവിട്ടു.
“എടി മോളെ..?” ഞാൻ വേഗം അവളുടെ അടുത്തു കിടന്ന് അവളെ കുലുക്കി. “ഞാൻ നുണ പറയുന്നു എന്ന് കരുതിയാണോ നീ കരയുന്നത്..?”
സങ്കടത്തോടെ ഞാൻ ചോദിച്ചതും ജൂലിയുടെ കരച്ചില്‍ കൂടി.
“എന്റെ വാക്കുകളെ നിനക്ക് വിശ്വാസം ഇല്ലെങ്കില്‍ ഈ നിമിഷം തൊട്ട് നിന്നെയും ഞാൻ പോകുന്ന എല്ലാ ഇടതും കൂട്ടാം.” ഞാൻ വാഗ്ദാനം നല്‍കി. “നീയാണടി മോളെ എനിക്ക് വലുത്. നീയാണ് എന്റെ എല്ലാം. നീ ഇല്ലെങ്കില്‍ എന്റെ ജീവിതം നശിക്കും. എനിക്ക് ഭ്രാന്ത് പിടിക്കും.” ഞാൻ ഇടറിയ സ്വരത്തില്‍ പറഞ്ഞു.
ഉടനെ പൊട്ടിക്കരഞ്ഞു കൊണ്ട്‌ ജൂലി ചെരിഞ്ഞു കിടന്ന് എന്നെ കെട്ടിപിടിച്ചു.
“ചേട്ടന്റെ വാക്കുകളെ എനിക്ക് വിശ്വാസമാണ്, ചേട്ടാ. പക്ഷേ എനിക്ക് തരാന്‍ കഴിയാത്ത സന്തോഷത്തെ മറ്റുള്ളവരിൽ നിന്നും ചേട്ടൻ നേടരുതെന്ന് ചേട്ടനെ വിലക്കാൻ എനിക്ക് കഴിയില്ല, അതിനാണ് ഞാൻ കരയുന്നത്.” ജൂലി ഏങ്ങലടിച്ചു.
എന്നിട്ട് തുടർന്നു, “എന്നെ ഭോഗിച്ച് ചേട്ടന്റെ പകുതി വിശപ്പ് പോലും മാറ്റാൻ കഴിയുന്നില്ല എന്നറിയാം. എല്ലാം അറിഞ്ഞുകൊണ്ട് എങ്ങനെയാണ് എനിക്ക് ചേട്ടനെ വിലക്കാൻ കഴിയുക..? എന്റെ നിസ്സഹായാവസ്ഥ ഓര്‍ത്താണ് ഞാൻ കരയുന്നത്.” അത്രയും പറഞ്ഞ് ആർത്തു കരഞ്ഞുകൊണ്ട് ജൂലി അങ്ങോട്ട് തിരിഞ്ഞു കിടന്നു.
ഉടനെ ഞാൻ പുറകില്‍ നിന്നും അവളെ കെട്ടിപിടിച്ചു കൊണ്ട്‌ വിഷമത്തോടെ കിടന്നു. ഒന്നും സംസാരിക്കാൻ എനിക്ക് കഴിഞ്ഞില്ല — സത്യത്തിൽ എന്താണ് അവളോട് പറയേണ്ടതെന്ന് എനിക്ക് അറിയില്ലായിരുന്നു. അതുകൊണ്ട്‌ അവളെ ചേര്‍ത്തു പിടിച്ച് കൊണ്ട്‌ ഞാൻ വെറുതെ കിടന്നു.
ഒരുപാട്‌ നേരം കഴിഞ്ഞ് ജൂലിയുടെ കരച്ചില്‍ പതിയെ കുറഞ്ഞു വന്നു. അവസാനം അവൾ എന്റെ നേര്‍ക്ക് തിരിഞ്ഞ് എന്നെ ആലിംഗനം ചെയ്തു.
“എനിക്ക് ദേവിയെ ഒന്ന് കാണണം, ചേട്ടാ. ഇന്നുതന്നെ കാണണം. അവൾ ഇന്ന്‌ സ്കൂളിൽ പോയില്ല എന്നല്ലേ പറഞ്ഞേ..? നമുക്ക് ഇപ്പൊ തന്നെ ദേവിടെ വീട്ടില്‍ പോകാം.” ജൂലി പറഞ്ഞത് കേട്ട് ഞാൻ ഭയന്നു പോയി.
അവളോട് വല്ല പ്രശ്‌നവും ഉണ്ടാകാന്‍ വേണ്ടിയാണോ..!?
“എന്റെ പോന്നു ജൂലി, ഞാൻ —”
“പ്രശ്നം ഉണ്ടാക്കാൻ ഒന്നുമല്ല, ചേട്ടാ… എനിക്ക് അവളെ ഒന്ന് കാണണം, അത്രതന്നെ. ചേട്ടന്‍ ഡ്രെസ്സ് മാറ്റിയേ, നമുക്ക് ഇപ്പൊ തന്നെ പോകാം.” എന്നു പറഞ്ഞിട്ട് ജൂലി വേഗം എഴുനേറ്റ് ബാത്റൂമിൽ കേറി.
ഞാൻ വായും പൊളിച്ച് അങ്ങനെതന്നെ കിടന്നു. പത്തു മിനിട്ടില്‍ ജൂലി പുറത്ത്‌ വന്ന് മുടി ചീകി ഒരുങ്ങി. എന്നിട്ട് സാരി എടുത്ത് ഉടുക്കാൻ തുടങ്ങിയതോടെ ഞാൻ വിരണ്ടു.
ദൈവമേ, ഇവള്‍ കാര്യമായി തന്നെയാണോ പറഞ്ഞത്..?! ഞാൻ തലയാട്ടി കൊണ്ട്‌ എഴുനേറ്റിരുന്നു.
“വായ് നോക്കി ഇരിക്കാതെ വേഗം തയാറാകു, ചേട്ടാ. ഞാൻ കാര്യമായി തന്നെയാ പറഞ്ഞത്.”
അതും പറഞ്ഞ് അവള്‍ സാരി ഉടുത്ത് മാലാഖയെ പോലെ മാറുന്നതിനെ ആശ്ചര്യത്തോടെ ഞാൻ നോക്കിയിരുന്നു.
ജൂലി സുന്ദരിക്കുട്ടി എന്നതിൽ സംശയമില്ല. പക്ഷേ മുന്‍പൊക്കെ അവള്‍ സെക്സിനെയും എന്റെ നഗ്ന ശരീരത്തെയും വെറുത്തിരുന്ന കാരണം കൊണ്ടാണ് അവളുടെ സൌന്ദര്യത്തെ എനിക്ക് ആസ്വദിക്കാന്‍ കഴിയാതെ പോയത്. ആ കാരണങ്ങൾ കൊണ്ടാണ് ജൂലിയുടെ കൊതിപ്പിക്കുന്ന ഭംഗിയെ പോലും എന്റെ മനസ്സ് തഴഞ്ഞു വെച്ചിരുന്നത്. ഈയിടെയാണ് അതിൽ മാറ്റങ്ങൾ സംഭവിച്ചു തുടങ്ങിയത്. പക്ഷേ ഇപ്പോൾ അവള്‍ സാരി ഉടുക്കാൻ തുടങ്ങിയപ്പോൾ അവളുടെ യാഥാര്‍ത്ഥ സൗന്ദര്യം പുറത്തേക്ക്‌ വരാൻ തുടങ്ങി.
ജൂലിയ ഞാൻ ആദ്യമായി കണ്ടപ്പോൾ അന്നെനിക്ക് തോന്നിയിരുന്ന അതേ ആശ്ചര്യവും വികാരവും ആരാധനയും മറ നീക്കി പുറത്തേക്ക്‌ വന്നു.
ഇമ വെട്ടാതെ അവളെ തന്നെ ആരാധനയോടെ നോക്കി കിടക്കുന്നത് കണ്ടതും ജൂലിയുടെ മുഖത്ത് നാണം മിന്നി മറഞ്ഞു.
“എണീക്ക് ചേട്ടാ. ഞാൻ പ്രശ്നം ഉണ്ടാക്കാൻ അല്ല പോകുന്നത്. എനിക്ക് ദേവിയെ കാണണം. അവളോട് വെറുതെ സംസാരിക്കണം.” പറഞ്ഞിട്ട് അവൾ അലമാരയുടെ കണ്ണാടിക്ക് മുന്നില്‍ നിന്ന് അവളുടെ ഫുൾ രൂപം നോക്കി ചെറിയച്ചെറിയ അഡ്ജസ്റ്റ്മെന്റ്റ് നടത്തി.
ഞാൻ പതിയെ എഴുനേറ്റ് പാന്റും ഒരു ഫുള്‍ സ്ലീവ് ബനിയനും എടുത്തിട്ട ശേഷം അവളെ നോക്കി. സാരിയിൽ വല്ലാത്തൊരു സൗന്ദര്യം തന്നെയ. എന്റെ മൊബൈലില്‍ അവളെ ഞാനൊരു ഫോട്ടോ എടുത്തു.
അതുകണ്ട് അവൾ പുഞ്ചിരിച്ചു.
“ശെരി വാ, പോകാം.” പറഞ്ഞിട്ട് ഞാൻ നടക്കാൻ തുടങ്ങിയതും ജൂലി വേഗം വന്ന് എന്റെ കൈയും പിടിച്ച് കൂടെ നടന്നു.
വീടും പൂട്ടി ഞങ്ങൾ ഇറങ്ങി. ബൈക്കില്‍ കേറി എന്റെ അരയില്‍ വലതു കൈ ചുറ്റി അവൾ ഇരുന്നു. ബൈക്കും ഞങ്ങളുടെ ലക്ഷ്യസ്ഥാനത്തേക്ക് നീങ്ങി.
വഴിക്ക് വച്ച് അവളോട് ഞാൻ ദേവാംഗന ആന്റിയെ കുറിച്ചും, ദേവിയെ അവളുടെ ചില കൂട്ടുകാർ എങ്ങനെ ശല്യം ചെയ്തു എന്നും, പിന്നെ ഞാനും ദേവാംഗന ആന്റിയും തമ്മില്‍ ആദ്യമായി കണ്ടത് തൊട്ട് അവസാനം വരെയുള്ള കാര്യങ്ങൾ എല്ലാം വിശദമായി തന്നെ വിവരിച്ചു.
“എനിക്ക് ദേവാംഗന ആന്റിയോട് ഇഷ്ട്ടവും ബഹുമാനവും ആണ് തോന്നുന്നത്. അവർ ശെരിക്കും സ്ട്രോങ് ക്യാരക്ടര്‍ ആണ്.” എല്ലാം കേട്ടു കഴിഞ്ഞ ശേഷം ജൂലി അഭിപ്രായം പറഞ്ഞു.
അതിനുശേഷം ജൂലി ഒരുപാട്‌ കാര്യങ്ങൾ എന്നോട് ചോദിച്ചു. ഞാനും എല്ലാറ്റിനും മറുപടി കൊടുത്തു കൊണ്ട്‌ ബൈക്ക് ഓടിച്ചു. അവസാനം ദേവിയുടെ വീട്ടിനു മുന്നില്‍ എത്തിയതും ജൂലി ഇറങ്ങി ഗേറ്റ് തുറന്നു. ഞാൻ അകത്ത് കേറ്റിയതും അവള്‍ ഗേറ്റ് പൂട്ടിയ ശേഷം പിന്നെയും ബൈക്കില്‍ കേറിയിരുന്നു.
പുറത്ത്‌ ആരും തന്നെ ഇല്ലായിരുന്നു. പക്ഷേ എന്റെ ബുള്ളറ്റിന്റെ ശബ്ദം കേട്ടിട്ട് വീടിന്റെ വാതിൽ തുറന്ന് ആന്റി ധൃതിയില്‍ പുറത്തേക്ക്‌ വന്നത് കണ്ടു. തൊട്ടു പുറകെ ദേവിയും ഉണ്ടായിരുന്നു. കിങ്ങിണിയും പുറത്തേക്ക്‌ ഓടി വന്നു.
എന്നെ കണ്ടതും ആന്റിയുടെ മുഖത്ത് സന്തോഷം പടർന്നു. ആന്റി ചിരിച്ചു. ഒന്നും മനസ്സിലാവാതെ ദേവി അന്തിച്ചു നിന്നു.
