” ഹലോ ഭഗത് നീ അന്ന് പറഞ്ഞത് പ്രകാരം മലേഷ്യയിൽ ഇപ്പോൾ സാം ഗ്യാങ്ങ് പൂർണമായി ഒതുങ്ങിയിട്ടുണ്ട് അല്ലേ..??”
” അതെ ചേട്ടാ, ഞാനും സ്വാമിയും കൂടി ഉറപ്പു വരുത്തിയ കാര്യമാണ് എന്താ പെട്ടെന്ന്..?? ”
“ഒന്നുമില്ല, എന്തായാലും ഈ ആഴ്ച മലേഷ്യയിലേക്ക് പോവുകയാണല്ലോ അതുകൊണ്ട് കൂടുതൽ പ്രശ്നങ്ങളിലേക്ക് പോകണ്ട എന്ന് കരുതി…!! ”
” പ്രശ്നങ്ങളൊന്നുമില്ല ചേട്ടാ ഞാൻ പറഞ്ഞിരുന്നല്ലോ ആ മലേഷ്യക്കാരി പെണ്ണിനെ കൊന്നതിനു ശേഷം അവളുടെ ഭർത്താവ് പോലീസിൽ കംപ്ലൈന്റ് ചെയ്തിട്ടുണ്ടായിരുന്നു, അതിനു ശേഷം പോലീസ് ഇവന്മാർക്കെതിരെ ആക്ടീവായതുകൊണ്ട്, അവന്മാരെല്ലാം അവിടെ നിന്നു മാറിയിരിക്കുകയാണ്, ഇപ്പോൾ എവിടെയാണെന്ന് പോലും അറിയില്ല, ”
ഭഗത്ത് ഒന്ന് നിർത്തി പിന്നെ വീണ്ടും തുടർന്നു…
” ഇപ്പോൾ മലേഷ്യയിൽ സാം ബ്രദർസ് ഗ്യാങ്ങ് തീരെ ആക്ടീവ് അല്ല ജോർജ് ടൗണും മെലാക്കയും ഇപ്പോൾ തിരികെ നമ്മുടെ കൺട്രോളിലേക്ക് വന്നു കൊണ്ടിരിക്കുകയാണ്..”
“ശരി ഭഗത്ത്, ഞാൻ നോക്കിക്കോളാം ” അതും പറഞ്ഞ് ശിവ കോൾ കട്ട് ചെയ്തു,
‘ ഒക്കേ സോ നൗ തെ ഗെയിം ഇസ് ഓൺ ‘ വഴിയിൽ നിറഞ്ഞു കിടക്കുന്ന ചെളി വെള്ളം തെറിപ്പിച്ചു കൊണ്ട് ശിവയുടെ BMW കോർമംഗല ലക്ഷ്യമാക്കി ചീറി പാഞ്ഞു..
അടുത്ത രണ്ടു മൂന്നു ദിവസങ്ങൾ കൂടി വളരെ നോർമലായി തന്നെ കടന്നു പോയി, അന്നത്തെ ദിവസം പരസ്പരം കണ്ടതിനു ശേഷം ശിവയോ സ്റ്റെല്ലയൊ പരസ്പരം കോൺടാക്ട് ചെയ്തിട്ടുണ്ടായിരുന്നില്ല , അവന്റെ മറുപടി കിട്ടുന്നതുവരെ അവളായിട്ട് മെസ്സേജ് അയക്കാനും പോയില്ല,
ആഴ്ചയിലെ അവസാന ദിവസമായ വെള്ളിയാഴ്ച ചില തിരക്കിട്ട ജോലികളിൽ മുഴുകിക്കൊണ്ടിരിക്കുമ്പോഴാണ് ഫോണിൽ തുടർച്ചയായി മെസ്സേജ് വരുന്ന ശബ്ദം സ്റ്റെല്ല കേൾക്കുന്നത്,
ചെയ്തുകൊണ്ടിരിക്കുന്ന പണി നിർത്തിവെച്ച് പെട്ടെന്ന് ഫോൺ എടുത്തു നോക്കിയതും മെസ്സേജ് വന്നു കിടക്കുന്നത് ശിവയുടെ നമ്പറിൽ നിന്നാണ്,
അത് കണ്ടതും അവളുടെ നെഞ്ചിൽ കൂടി ഒരു മിന്നൽ കടന്നുപോയി,
‘അവന്റെ മറുപടി എന്തായിരിക്കാം ‘
ചുറ്റുപാടും ഒന്ന് നോക്കിയ ശേഷം ഫോൺ കയ്യിൽ പിടിച്ച് സ്റ്റെല്ലാ ഒരു വാഷ് റൂം ബ്രേക്ക് എടുത്തു,
വാട്സ്ആപ്പ് തുറന്നു നോക്കിയതും ഇങ്ങനെ മെസ്സേജ് വന്നു കിടപ്പുണ്ടായിരുന്നു,
‘ പെണ്ണേ എനിക്ക് സമ്മതമാണ്, പിന്നെ എനിക്കും കൂടി ഒരു ആഗ്രഹം ഉണ്ട് അത് നിന്നോട് നേരിട്ട് പറയാം ഫ്രീ ആകുമ്പോൾ എന്നെ വിളിക്ക് ‘
മെസ്സേജ് കണ്ടതിനു ശേഷം അവൾ ഫോണും കയ്യിൽ പിടിച്ച് കുറച്ചു സമയം അങ്ങനെ തന്നെ നിന്നു.
ഒന്ന് ദീർഘ നിശ്വാസം എടുത്ത് വിട്ട ശേഷം ശിവയുടെ നമ്പർ ഡയൽ ചെയ്ത് ഫോൺ ചെവിയിലേക്ക് വെച്ചു,
അപ്പുറത്ത് ബെല്ലടിക്കുമ്പോൾ ഇവിടെ സ്റ്റെല്ലയുടെ നെഞ്ചിടിപ്പും ക്രെമേണ ഉയരുന്നുണ്ടായിരുന്നു,
ഒരു തവണ ഫുൾ റിങ് അടിച്ചെങ്കിലും അപ്പുറത്ത് കോൾ കണക്ട് ആയിരുന്നില്ല, രണ്ടു മിനിട്ട് കഴിഞ്ഞതും അവന്റെ നമ്പറിൽ നിന്ന് തിരികെ കോൾ വന്നു,
ഹെലോ ശിവാ..”
” ഹായ് സ്റ്റെല്ലാ, തിരക്കായിരുന്നോ..?? ”
“ആം ചെറിയ തിരക്കുണ്ടായിരുന്നു , ഞാൻ നിന്റെ മെസ്സേജ് കണ്ടപ്പോൾ ഫോണും എടുത്ത് പുറത്തേക്ക് ഇറങ്ങിയതാണ് ”
സ്റ്റെല്ല അപ്പോഴും കൈ വിരലുകൾ ടെൻഷനോടെ ഞൊടിച്ചു കൊണ്ടിരുന്നു,
” പെണ്ണേ ഒരു കാര്യം നേരിട്ട് പറയാനുണ്ട് അതുകൊണ്ടാണ് ഫോൺ വിളിക്കാൻ പറഞ്ഞത്…”
” എന്താ ശിവ….?? ”
” നീ പറഞ്ഞതുപോലെ എനിക്ക് സമ്മതമാണ് നിന്റെ ആഗ്രഹത്തിന് ഞാൻ തീർച്ചയായും കൂടെ നിൽക്കും, പക്ഷേ എനിക്കും കൂടി ഒരു കണ്ടീഷൻ ഉണ്ട്….”
” അതെന്താ….?? ”
അതായത് നമുക്ക് മലേഷ്യയിലേക്ക് തന്നെ പോകാം, നിങ്ങൾക്ക് രണ്ടുപേർക്കും വേണ്ട ടിക്കറ്റും വിസയും ചെയ്യും ഞാൻ ഏർപ്പാട് ചെയ്യാം..”
ശിവ ഒന്ന് നിർത്തി പിന്നെ വീണ്ടും തുടർന്നു….
” പക്ഷേ ആദ്യത്തെ രണ്ട് ദിവസം നീ തനിച്ചായിരിക്കണം എനിക്കൊപ്പം , രണ്ട് ദിവസം കഴിഞ്ഞ് ആൽബി വന്നാൽ മതി, അപ്പോഴേക്കും നമ്മൾ രണ്ടുപേരും പഴയത് പോലെ കംഫർട്ടബിൾ ആയിടുണ്ടാകും ”
ശിവ പറഞ്ഞു നിർത്തിയതും സ്റ്റെല്ലയുടെ ഉള്ളിൽ കൂടി ഒരു ഞെട്ടൽ കടന്നുപോയി…!!
‘ ഇത് ആൽബിയോട് താൻ എങ്ങനെ പറഞ്ഞു സമ്മതിപ്പിക്കും,
ശിവ പറഞ്ഞതിൽ ചെറിയ കാര്യമുണ്ട് എന്ന് തന്നെ കൂട്ടാം ഇപ്പോൾ ഉള്ള ഈ അന്തരം ഒന്നും മാറിക്കിട്ടും, പക്ഷേ ആൽബി സമ്മതിക്കുമോ..?? ‘