” എന്നാൽ പിന്നെ ഞാനും ത്രീ ഫോർത്ത് ഇടാമായിരുന്നല്ലോ..”
” ഇട്ടു കൂടായിരുന്നോ ആരാ നിന്നോട് വേണ്ട എന്ന് പറഞ്ഞത്..?? ”
ആൽബി ചിരിച്ചുകൊണ്ട് ചോദിച്ചതും അവൾ മുഖം കനപ്പിച്ചു.
” നിന്നോടൊക്കെ പറയുന്ന എന്നെ പറഞ്ഞാൽ മതി ”
സ്റ്റെല്ല സംസാരിച്ചു കൊണ്ടിരിക്കുമ്പോൾ തന്നെ ആൽബിൻ കാർ പതിയെ മുന്നോട്ടു എടുത്തു,
സർവീസ് റോഡിൽ നിന്നും ഈലക്ട്രോണിക് സിറ്റി – സിൽക്ക് ബോർഡ് മെയിൻ ഹൈവേയിൽ കൂടി വാഹനം ഓടി കൊണ്ടിരുന്നു
വലിയ ട്രാഫിക്ക് ഇല്ലാത്തതിനാൽ തന്നെ അര മണിക്കൂർ കൊണ്ട് അവർ സിൽക്ക് ബോർഡ് പാസ്സ് ചെയ്ത് മടിവാള എത്തിയിരുന്നു..
സെന്റ് ജോൻസ് മുതൽ ഗംഗോത്രി സർക്കിൾ വരെ നീണ്ട് കിടക്കുന്ന തെരുവിൽ തുറന്ന് വച്ചിരിക്കുന്ന പലതരം ഷോപ്പുകൾ..
ഫാൻസി സ്റ്റോറും, ഡ്രെസ്സ് ഷോപ്പ്സും മലയാളി ചായക്കടകളും മുതൽ സിഗരറ്റിനു വേണ്ടി മാത്രം തുറന്ന് വച്ചിരിക്കുന്ന ഷോപ്പുകൾ വരെ എല്ലാം കൊണ്ടും വല്ലാത്ത ഭംഗിയാണ് മടിവാളക്ക്,
സെന്റ് ജോൺസിൽ നിന്നും മാരുതി നഗറിലേക്ക് പോവുന്ന റോഡിൽ വാഹനം പ്രവേശിച്ച് പതിയെ മുന്നോട്ട് നീങ്ങിയതും ആൽബിൻ ഒരു നിമിഷം പുറം കാഴ്ച്ചകൾ ശ്രെദ്ധിച്ചു,
പല ദേശങ്ങളിൽ നിന്നെത്തി ജീവിക്കാൻ വേണ്ടി വിവിധ ജോലികളിൽ ഏർപ്പെട്ട് പരസ്പരം ജഡ്ജ് ചെയ്യാനൊ പോരടിക്കാനോ സമയം പാഴാക്കാതെ സ്വന്തം കാര്യങ്ങളിൽ തിരക്കോടെ ഓടി നടക്കുന്നവർ
‘ ബാംഗ്ലൂർ ജീവിതം പഠിപ്പിക്കും എന്ന് പറയുമ്പോൾ പബ്ബും മാളും വില കൂടിയ കാറും വൈൈറ്റ് കോളർ ജോബും മാത്രമാണെന്ന് വിചാരിക്കുന്നവർ ഇവിടുത്തെ ട്രാഫിക്കിലും തെരുവിലും വഴി വക്കിലും പൊരുതി ജീവിക്കുന്നവരെ കണ്ടിട്ടില്ല എന്നെ പറയാൻ പറ്റൂ ‘
കുറച്ച് അധികം സമയം മടിവാളയിൽ തന്നെ ചിലവഴിച്ചു ഷോപ്പിങ് എല്ലാം പൂർത്തിയാക്കി സ്റ്റെല്ലയുടെ നിർബന്ധ പ്രകാരം ഒരു ഫുഡ് സ്പോട്ട് തിരഞ്ഞു പിടിച്ച് അവിടുത്തെ ഷവായയും ട്രൈ ചെയ്തപ്പൊഴെക്കും ആൽബി മടുത്തിരുന്നു…
ഉച്ചക്ക് ശേഷം , രണ്ട് ആഴ്ച്ച കൂടുമ്പോൾ പതിവുള്ള ത്രെഡിങ്ങും പെഡിക്യുറും മാനിക്യുറും ചെയ്യുവാനായി സ്റ്റെല്ല തിരക്കായതും, ബ്യൂട്ടി പാർലറിനു വെളിയിൽ ആൽബിയും അന്നമോളും അവരുടെ ഭാഷയിൽ ലോക കാര്യങ്ങളെ പറ്റി ചർച്ച ചെയ്തു കൊണ്ടിരുന്നു,
അത്യാവശ്യം തിരക്കുള്ള ആ പാർലറിനുള്ളിൽ വന്ന് പോകുന്ന ചില സ്ത്രീകളെ ആൽബിൻ ശ്രെദ്ധിച്ചു,
” എന്തോരം കഷ്ടപ്പാടും ബുദ്ധിമുട്ടും ആണെന്ന് നോക്കണേ ഈ പെണ്ണുങ്ങൾക്ക്..”
ചിരിച്ചു കൊണ്ട് സ്വയം പറഞ്ഞു അവൻ ചിലരെ എല്ലാം സൂക്ഷ്മമായി വീണ്ടും നിരീക്ഷിച്ചിരിക്കെ , സമയം പതിയെ ഇഴഞ്ഞു നീങ്ങി കൊണ്ടിരുന്നു
” വന്നവരെയും പോയവരെയും ഒക്കേ നോക്കി കഴിഞ്ഞോ..?? ”
തൊട്ട് പുറകിൽ സ്റ്റെല്ലയുടെ ശബ്ദം കേട്ടതും ആൽബിൻ ഒന്ന് ഞെട്ടി..!!
” അയ്യേ ഞാൻ ചുമ്മാ ഓരോന്ന് ആലോചിച്ച് ഇരിക്കാരുന്നു..”
അവന്റെ ചമ്മിയ മുഖം കണ്ട് അവൾക്കും ചിരി പൊട്ടിയിരുന്നു.
” ആൽബി എങ്ങനെ ഉണ്ട്..?? ”
അവന്റെ കണ്മുന്നിലേക്ക് നീട്ടി പിടിച്ച കൈ വിരലുകൾക്ക് പിന്നിൽ സ്റ്റെല്ലയുടെ ചിരിക്കുന്ന മുഖം.
” കൊള്ളാലോ.. അടിപൊളി ആയിട്ടുണ്ട് ”
ആൽബിൻ അവളുടെ കയ്യിൽ കൂടി അവന്റെ കൈ ഓടിച്ചു,
മൃദുലവും നയനാനന്ദകരവുമായ അവളുടെ വിരലുകൾ, നീളമുള്ള നഖങ്ങൾ മെറൂൺ കളറിൽ പോളിഷ് ചെയ്ത് മിനുസവും വശ്യവുമാക്കിയിരിക്കുന്നു..
സൂക്ഷ്മമായ രീതിയിൽ വൃത്തിയോടെ ചെയ്തിരിക്കുന്നതിനാൽ ഒറ്റനോട്ടത്തിൽ തന്നെ കൈകൾക്ക് ആകർഷണവും ഭംഗിയും തോന്നിക്കുന്നുണ്ടായിരുന്നു..
” ഇത് നോക്ക് എങ്ങനെ ഉണ്ട്..?? ”
പെണ്ണിന്റെ കൊഞ്ചലോടെ ഉള്ള അടുത്ത ചോദ്യത്തിന് പുറമേ അവൾ കാൽ പാദങ്ങൾ മുന്നോട്ട് വച്ചു,
പെഡിക്ക്യൂറിന് ശേഷം ഒരു സ്ത്രീയുടെ കാലുകൾക്ക് ലഭിക്കുന്ന അതി മനോഹരമായ മാറ്റം എടുത്ത് പറയുന്ന രീതിയിൽ ശുചിത്വം തോന്നിക്കുന്ന വെളുത്ത കാൽ പാദങ്ങൾ..
തിളങ്ങുന്ന ചർമ്മം, സമാനമായ നീളത്തിൽ രൂപപ്പെടുത്തിയ നഖങ്ങൾക്ക് മീതെ മെറൂൺ കളറിൽ തന്നെ ചായം പകർന്നിരിക്കുന്നു.. അത്രത്തോളം ശ്രെദ്ധയോടെ ചെയ്ത ഒരു രൂപകല്പന പോലെ അവളുടെ പാദങ്ങൾക്ക് ശില്പസൗന്ദര്യത്തിന്റെ തോന്നലാണ് നൽകുന്നത്.