സമയം പിന്നെയും മുന്നോട്ട് ഓടി കൊണ്ടിരുന്നു ഇടയ്ക്കെപ്പോഴോ എന്തോ ആലോചിച്ചതും ഒരു ചിരിയോടെ അവൾ ഫോൺ കയ്യിലേക്ക് എടുത്തു, ശേഷം ശിവയുടെ നമ്പറിലേക്ക് ഡയൽ ചെയ്തു കൊണ്ട് നോക്കിയിരുന്നു.
രണ്ട് തവണ ഫുൾ റിങ് അടിച്ചെങ്കിലും അപ്പുറത്ത് കോൾ കണക്റ്റ് ആയിരുന്നില്ല, എപ്പോഴെങ്കിലും മിസ്കോൾ കാണുമ്പോൾ തിരിച്ചു വിളിക്കുമെന്ന് ഉറപ്പുള്ളതിനാൽ അവൾ ഫോൺ തിരികെ വെച്ച് , വീണ്ടും തന്റെ വർക്കുകളിലേക്ക് തിരിഞ്ഞു.
ഈവെനിംഗ് സമയം കഫ്റ്റീരിയയിൽ നിൽക്കുമ്പോഴും പിന്നീട് പല തിരക്കുകളിൽ ഏർപ്പെട്ടപ്പോഴുമെല്ലാം അവൾ ശിവയിൽ നിന്നും കോൾ പ്രതീക്ഷിച്ചു എങ്കിലും വിളി വന്നിട്ടുണ്ടായിരുന്നില്ല,
വൈകുന്നേരം ലോഗ് ഔട്ട് ചെയ്ത് ഇറങ്ങാൻ തുടങ്ങുമ്പോഴാണ് അപ്രത്യക്ഷമായി അവളുടെ ഫോൺ ശബ്ദിക്കുന്നത്,
ആൽബി ആയിരിക്കാം എന്ന് കരുതി കോൾ എടുത്തു നോക്കിയതും ഡിസ്പ്ലേയിൽ ശിവയുടെ പേര് തെളിഞ്ഞു വന്നു.
ഒരു ചിരിയോടെ അവൾ കോൾ അറ്റൻഡ് ചെയ്ത ചെവിയിലേക്ക് ചേർത്തു. “എന്താണാവോ ഇത്ര തിരക്ക്..??”
” പതിവില്ലാത്ത പല നമ്പറിൽ നിന്നും വിളി വരുമ്പോൾ എന്താ കാര്യം എന്ന് ആലോചിച്ചു സംശയിച്ചു പോയതാ..?? ”
അപ്പുറത്ത് ശിവയുടെ ശബ്ദം.
” കുറച്ചു വൈകിയാലും എന്താ..?? വിളിക്കാമെന്ന് പറഞ്ഞിട്ട് വിളിക്കാതിരുന്നില്ലല്ലോ..??”
സ്റ്റെല്ലയുടെ പ്രണയാർദ്രമായ ശബ്ദം.
” എന്നിട്ട് എവിടെയാ.. ശിവ..?? ”
” ഞാൻ ഫിലിപ്പീൻസ് മനില സിറ്റി, ഈ ആഴ്ച ഇവിടെ തന്നെയായിരിക്കും കുറച്ച് റിയൽ എസ്റ്റേറ്റുമായി ബന്ധപ്പെട്ട കാര്യങ്ങൾ ശരിയാക്കാൻ വന്നതാണ് , ”
” ആണോ..?? ”
” എന്താ പെണ്ണേ പ്രശ്നങ്ങളെല്ലാം സോൾവ് ആയോ..? തീരെ പ്രതീക്ഷിക്കാത്ത സമയത്ത് ഒരു വിളി ”
” അതിന് നിനക്കെന്നെ വിളിക്കണം എന്നൊന്നും ഇല്ലല്ലോ..?? ”
സ്കൂട്ടിയിലേക്ക് കയറിയിരുന്ന് അവൾ ഒരു കൊഞ്ചലോടെ സംസാരിച്ചുകൊണ്ടിരുന്നു.
” ദേ എന്നെ കൊണ്ടൊന്നും പറയിപ്പിക്കരുത് ഇപ്പൊ വേണേൽ വന്ന് കൂട്ടി ക്കൊണ്ടു പോരാൻ എനിക്കറിയാം, നീയായിട്ട് വേണ്ട എന്ന് പറഞ്ഞിട്ടാണ് ഞാൻ ഡിസ്റ്റൻസ് ഇടുന്നത് ”
” എനിക്കറിയാം പൊന്നേ ചുമ്മാ പറഞ്ഞതല്ലേ, എന്തായാലും വലിയ കുഴപ്പമില്ലാതെ കാര്യങ്ങളൊക്കെ പോകുന്നുണ്ട്, നീയെന്നാ ഇനി ഇങ്ങോട്ട്..?? ”
” ഈ ആഴ്ച കഴിയും..”
” ആണോ എങ്കിൽ വന്നിട്ട് വിളിക്ക് ”
അവളുടെ സംസാരത്തിൽ ശിവയെ കാണാനുള്ള എല്ലാ കൊതിയും നിറഞ്ഞു നിന്നിരുന്നു.
” വന്നിട്ടെ വിളിക്കാൻ പറ്റുകയുള്ളൂ അതിനു മുന്നേ വിളിച്ചു കൂടെ..?? ”
” വലിയ തിരക്ക് ഉള്ള ആളല്ലേ സമയം കിട്ടുമ്പോൾ വിളിക്ക്, നമുക്ക് സംസാരിക്കാം ” രണ്ടു പേരും പഴയ പ്രണയത്തോടെയുള്ള സല്ലാപങ്ങളിൽ ഏർപ്പെട്ട് വീണ്ടും അടുക്കാൻ തുടങ്ങിയിരുന്നു,
കുറച്ചുസമയം കൂടി പരസ്പരം വിശേഷങ്ങൾ എല്ലാം പങ്കുവെച്ച ശേഷം അവൾ കോൾ കട്ട് ചെയ്തു,
തിരികെ വീട്ടിലേക്ക് സ്കൂട്ടി ഓടിക്കുമ്പോഴും അവളുടെ മുഖത്ത് കഴിഞ്ഞ് പോയ സംഭാഷണങ്ങൾ ഓർത്ത് ഒരു ചെറിയ ചിരി ഉണ്ടായിരുന്നു.
ഒരാഴ്ച കൂടി കഴിഞ്ഞാൽ ശിവയെ കാണാം എന്തായാലും ആൽബി പറഞ്ഞ കാര്യങ്ങൾ പെട്ടെന്ന് അവനോട് പങ്കുവെക്കാൻ കഴിയില്ല,
കുറച്ചു സമയം എടുത്ത് എല്ലാ കാര്യങ്ങളും ഒന്ന് അവതരിപ്പിച്ച ശേഷം ആൽബിയുടെ ആഗ്രഹങ്ങളും സാധിച്ചു കൊടുക്കണം,
എല്ലാം ആലോചിച്ചപ്പോൾ അവൾക്ക് ശരീരം ആകെ കോരിത്തരിക്കുന്നതു പോലെ തോന്നി.
അന്നത്തെ ദിവസം അവൾ പതിവിലും നേരത്തെ എത്തിയെങ്കിലും ഡേ കെയറിൽ അറിയുന്ന ഒരു സ്ത്രീയുമായി കുറച്ചു അധിക നേരം സംസാരിച്ചു നിന്നു , 5.30 PM നു അടുത്ത് അപ്പാർട്മെന്റിൽ എത്തിയപ്പോഴും ആൽബി വന്നിട്ടുണ്ടായിരുന്നില്ല
ഡേ കെയറിൽ നിന്നും കുഞ്ഞിനെ ലേറ്റായി കൂട്ടിയിട്ടുണ്ടായിരുന്നതിനാൽ ആദ്യമേ തന്നെ അവളുടെ കാര്യങ്ങൾ എല്ലാം നോക്കിയ ശേഷം ചെറിയൊരു കാപ്പിയും കുടിച്ച് സ്റ്റെല്ല കുഞ്ഞിനെയും എടുത്ത് നടക്കാൻ ഇറങ്ങി.
ഇലക്ട്രോണിക് സിറ്റിയുടെ തെരിവുകളിൽ ആ സമയം ആളും ബഹളവും വളരെ കുറവായിരുന്നു, വഴിയോരം ചേർന്ന് അവൾ കുഞ്ഞിനെയും കൊണ്ട് മുന്നോട്ട് നടന്നു. വല്ലാത്ത ഉന്മേഷം തോന്നുന്ന സമയം ആൽബിയെയും തന്റെ കാമുകനെയും ഒരുപോലെ അടുപ്പിച്ചു നിർത്തുന്ന സമയം.