“ശിവ, ആൽബിക്ക് ഒരു എക്സാം വരുന്നുണ്ടായിരുന്നു അപ്പോൾ ഞാനും ആൽബിയും അതിന്റെ തിരക്കിലായിരുന്നു, ഇപ്പോൾ നിനക്ക് മെസ്സേജ് അയക്കാൻ വേണ്ടി മാത്രമാണ് ഫോൺ എടുത്തത് അല്ലാതെ വേറെ തിരക്കൊന്നുമില്ല , സോറി മെസ്സേജ് നോക്കാത്തത് ”
സ്റ്റെല്ല അവനെ നോക്കി ചുണ്ട് കൂട്ടി പിടിച്ചതും ശിവ അപ്പുറത്തു ചിരിച്ചു,
” പിന്നെ സുഖമാണോ പെണ്ണെ..?? ”
” അത്ര സുഖം ഒന്നുമില്ല രണ്ടു ദിവസം മുന്നേ എന്നെ കേറി മേഞ്ഞു പോയതല്ലേ ഇപ്പോൾ ശരീരം ഒക്കേ വേദന എടുക്കാൻ തുടങ്ങി ” ഒരു കൊഞ്ചലോടെ സ്റ്റെല്ല അവളുടെ മുടി ചീകി ഒതുക്കി കൊണ്ടിരുന്നു ,
അവളുടെ മറുപടിക്ക് അവൻ പിന്നെയും ചിരിക്കുകയാണ് ഉണ്ടായത്,
” ശിവ, പിന്നെ പോയ കാര്യങ്ങളൊക്കെ എന്തായി എവരിതിങ് ഈസ് ഗോയിങ് ഗുഡ്..?? ”
” യെസ് , നല്ല രീതിയിൽ തന്നെ പോകുന്നു, നോ ഇഷ്യൂസ് ആൻഡ് ഹാപ്പി ”
ശിവ മറുപടി കൊടുത്തതും അപ്പുറത്ത് സ്റ്റെല്ലയുടെ മുഖം തെളിഞ്ഞു,
” വലിയ റൂം ആണല്ലോ ശിവ ഒറ്റയ്ക്കാണോ കിടപ്പ്..?? ”
സ്റ്റെല്ല ചോദിച്ചതിന് മറ്റൊരു അർത്ഥം കൂടിയുണ്ടെന്ന് മനസ്സിലായതും ശിവ അവന്റെ കുറ്റി താടിയിൽ ചൊറിഞ്ഞ് അവളെ നോക്കി ചിരിച്ചു കൊണ്ടിരുന്നു,
” ഒരാളെ കൊണ്ടുവരണം എന്നുണ്ട് പക്ഷേ ആൾ വരാൻ തയ്യാറല്ലല്ലോ പിന്നെ എന്ത് ചെയ്യാൻ ”
” അത് ആരെയാണാവോ..?? ”
പെണ്ണിന്റെ കൊഞ്ചലോടെയുള്ള ചോദ്യം.
” അതൊക്കെയുണ്ട് കൂട്ടിക്കൊണ്ടു വരാൻ ഞാൻ തയ്യാറാണ് പക്ഷേ വരാൻ അവൾ തയ്യാറല്ല ”
ശിവ തന്നെയാണ് ഉദ്ദേശിക്കുന്നത് എന്ന് മനസ്സിലായതും പെണ്ണ് ഒരു പുഞ്ചിരിയോടെ അവളുടെ ചാടി കിടക്കുന്ന മുടി ഇഴകൾ പുറകിലേക്ക് മാടി വെച്ചു കൊണ്ടിരുന്നു,
” സമയമായിട്ടില്ല ശിവ നമുക്ക് നോക്കാം ”
” ആ നോക്കാം എന്ന് പറഞ്ഞല്ലോ അതുമതി ”
സ്റ്റെല്ലയോട് നല്ല രീതിയിൽ സംസാരിക്കുന്നുണ്ടെങ്കിലും ശിവയുടെ മനസ്സിൽ ചില കാര്യങ്ങൾ കലങ്ങി മറിഞ്ഞ് കിടപ്പുണ്ടായിരുന്നു, അവളോട് അതൊന്ന് സംസാരിച്ചു ക്ലിയർ ചെയ്യാനായി അവൻ ഒരു തുടക്കമിട്ടു
” പെണ്ണേ ഇപ്പോൾ ഫ്രീയാണോ ഒരു കാര്യം പറയാനുണ്ടായിരുന്നു..?? ”
” എന്താ ശിവ..?? ”
” അത്ര ഇംപോർട്ടൻറ് ആയിട്ടുള്ള കാര്യമൊന്നുമല്ല എന്നാലും നിന്നോട് ഒന്ന് സംസാരിക്കാം എന്ന് കരുതി ”
” ആ പറഞ്ഞോ ഞാൻ ഫ്രീയാണ്..” സ്റ്റെല്ലയിലും ആകാംക്ഷ മൊട്ടിട്ടു തുടങ്ങിയിട്ടുണ്ടായിരുന്നു,
” എടി കഴിഞ്ഞ ദിവസം ഞാൻ നിന്റെ വീട്ടിൽ വന്നില്ലായിരുന്നൊ, അപ്പോൾ ആൽബി…”
” ശിവ സോറി, ആൽബി വന്നു എന്ന് തോന്നുന്നു ഞാൻ പിന്നെ വിളിക്കാം കേട്ടോ ” സ്റ്റെല്ല കൈ വീശി കാണിച്ച് പെട്ടെന്ന് തന്നെ കോൾ കട്ട് ചെയ്തു,
ആൽബി പുറത്തുണ്ട് എന്ന് മനസ്സിലായതും അവൾ വേഗം പോയി ഡോർ തുറന്നു കൊടുത്തു.
” ആൽബി ആൽബി.. കൺഗ്രാറ്റ്സ് ”
ഡോർ തുറന്നതും സ്റ്റെല്ല ആൽബിയെ കെട്ടിപ്പിടിച്ചു, അവളെ തിരികെ കെട്ടിപ്പിടിച്ച് കൊണ്ട് അതേ പോലെ തന്നെ പുറകോട്ട് നടന്ന് ആൽബി ഹാളിലേക്ക് വന്നു,
” പറ എക്സാം എങ്ങനെയുണ്ടായിരുന്നു പറ വേഗം പറ വേഗം പറ…”
പെണ്ണിന്റെ കൊഞ്ചലോടെയുള്ള തുള്ളിച്ചാട്ടങ്ങൾ കണ്ടതും, ആൽബി അവളെ കെട്ടിപ്പിടിച്ച് നെറ്റിയിലേക്ക് അമർത്തി ചുംബിച്ചു,
” എല്ലാം അടിപൊളിയായിരുന്നു ”
” അത് വെറുതെയല്ല ഞാൻ പ്രാർത്ഥിച്ചിട്ടാ ”
” അപ്പോൾ ഞാൻ പഠിച്ചതിനും പ്രിപ്പയേർഡ് ആയതിനുമൊന്നും ഒരു വിലയുമില്ല പെണ്ണേ ”
” അങ്ങനെയല്ല താൻ പാതി ദൈവം പാതി എന്നാണല്ലോ ”
സ്റ്റെല്ലയും വിട്ടുകൊടുത്തില്ല.
” എന്നാൽ എന്റെ പാതി പോയിട്ട് കഴിക്കാൻ എന്തെങ്കിലും എടുത്തു വെക്ക്, ബാക്കി ഞാൻ വന്നിട്ട് പറയാം ”
ആൽബി അതും പറഞ്ഞ് റൂമിലേക്ക് കയറി ബാഗും മറ്റു കാര്യങ്ങളും എടുത്ത് വച്ച ശേഷം ഒരു ടർക്കിയും എടുത്ത് നേരെ വാഷ് റൂമിലേക്ക് കയറി,
അവൻ ഇറങ്ങുമ്പോഴേക്കും സ്റ്റെല്ലാ ബ്രഡ് ഓംലെറ്റും കോഫിയും റെഡിയാക്കി വെച്ചിട്ടുണ്ടായിരുന്നു, ടേബിളിൽ അതെല്ലാം തയ്യാറാക്കിവെച്ച് അവനെയും കാത്ത് സ്റ്റെല്ല ഫോൺ നോക്കിയിരുന്നു.