വിധി മറ്റൊന്നായിരുന്നു, കുറേ നേരമായി ആൽബിയെ കാണാത്തതുകൊണ്ടാവണം സ്റ്റെല്ല പുറത്തേക്ക് നോക്കിയതും ആ പയ്യൻറെ മുഖം അവൾ ശ്രദ്ധിച്ചു, പെട്ടെന്ന് അവളുടെ മുഖം മാറി..!!
പെണ്ണ് ഒന്നു കൂടി അവനെ നോക്കി ഉറപ്പു വരുത്തിയതും, സ്റ്റെല്ല ഡോർ തുറന്നു നേരെ അവന്റെ അടുത്തേക്ക് നടന്നടുത്തു, ആൽബിന് എന്താണ് ചെയ്യേണ്ടത് എന്ന് ഒരെത്തും പിടിയും കിട്ടിയില്ല.
അവൻ ആലോചിച്ചു കൊണ്ടിരിക്കുന്ന സമയം കൊണ്ട് തന്നെ സ്റ്റെല്ല ആ പയ്യന്റെ പുറകിൽ എത്തിയിരുന്നു, അവൻ തന്നെ ആണ് എന്ന് ഒന്ന് കൂടി ഉറപ്പിച്ച ശേഷം സ്റ്റെല്ല അവന്റെ തോളിൽ തട്ടി വിളിച്ചു,
പയ്യൻ തിരിഞ്ഞു നോക്കിയതും അവന്റെ കണ്ണുകൾ വിടർന്ന് കയ്യും ശരീരവും ആകെ വിറക്കാൻ തുടങ്ങിയിരുന്നു ,
“എന്നെ ഓർമ്മയുണ്ടോ നിനക്ക്..?? ”
ചോദ്യം കേട്ടതും അവൻ ഒന്നും മറുപടി നൽകാൻ ആവാതെ തരിച്ചു നിന്നു..!!
” ഡബ്ലിയു എം എക്സിൽ വർക്ക് ചെയ്യുന്ന ജിതിൻ അല്ലേ..?? നീ ആർക്കുവേണ്ടിയാണ് അന്ന് ആ സാധനം എൻറെ കയ്യിൽ തന്നത്, എനിക്ക് അതിന്റെ ഉത്തരം മാത്രം കിട്ടിയാൽ മതി..”
സജിനും ആൽബിനും കാര്യങ്ങൾ ഏകദേശം കയ്യിൽ നിന്നും പോയി തുടങ്ങി എന്ന് വ്യക്തമായി മനസ്സിലായി, ഇപ്പോൾ സ്റ്റെല്ലയെ പിന്തിരിപ്പിക്കാൻ സാധ്യമായ കാര്യമല്ല,
പയ്യൻ ഇപ്പോഴും നിന്ന് വിയർക്കുകയാണ്
“അത് ഞാൻ ആളു മാറി തന്നതാണ് ”
അവൻ എങ്ങനെയോ പറഞ്ഞു ഒപ്പിച്ചു,
” ആളു മാറിയതാണോ..??”
സ്റ്റെല്ലാ ഒരു ചിരിയോടെ അവനോട് ചോദിച്ചു,
” അതെ ചേച്ചി ആളു മാറിപ്പോയതാ സോറി ” സ്റ്റെല്ലയുടെ ചിരി കണ്ടതും അവനും ആശ്വാസത്തോടെ പറഞ്ഞു,
അതേ നിമിഷം ആൽബിൻ എത്രയും പെട്ടെന്ന് സ്റ്റെല്ലയുടെ അടുത്തേക്ക് എത്താൻ മുന്നോട്ട് നീങ്ങിയതും പടക്കം പൊട്ടുന്ന പോലെ ഒരു ശബ്ദം കേട്ട് അവർ രണ്ടുപേരും ഒരു പോലെ ഞെട്ടി…!!
ആൽബിൻ നോക്കിയതും ആ പയ്യൻ കവിള് പൊത്തി പിടിച്ചിരിക്കുകയാണ്, സ്റ്റെല്ല അവന്റെ കരണക്കുറ്റി അടിച്ചു പൊട്ടിച്ചിരിക്കുന്നു…!!!!
” നീ ആരായാലും, ഒറ്റ ചോദ്യം ഒരു ഉത്തരം , ആർക്കുവേണ്ടിയാണ് ആ സാധനം നീ അന്നെന്റെ കയ്യിൽ കൊണ്ട് തന്നത്..???” മറുപടി പറയാൻ ആവാതെ ആ പയ്യൻ അന്തം വിട്ടു നിന്നു , ആൽബിനും സജിനും എന്താണ് ചെയ്യേണ്ടത് എന്ന് മനസ്സിലാവാതെ അവരെ രണ്ടുപേരെയും നിരീക്ഷിച്ചു കൊണ്ടിരുന്നു,
അതേ സമയം അന്തരീക്ഷം പോലും മാറി തുടങ്ങിയിരുന്നു നീലാകാശം മാറി കാർമേഘങ്ങൾ പടർന്നു തുടങ്ങി ,
എങ്ങു നിന്നോ വീശി അടിച്ച കാറ്റ് അവിടം ആകെ ചുഴറ്റി അടിക്കാൻ തുടങ്ങി..!!
Guys Thank you for the support ,
അടുത്ത ഒരു പാർട്ടിൽ ക്ലൈമാക്സ് ഒതുങ്ങില്ല അത് കൊണ്ട് രണ്ട് പാർട്ട് കൂടി ഉണ്ടാകും, അതിനു ശേഷം അച്ചായത്തി നിങ്ങളോട് വിട പറയും , ഇനി വരുന്ന പാർട്ടുകൾ നിങ്ങളുടെ എക്ഷ്പെക്ട്റ്റ്ഷൻസ് Complete ചെയ്യാൻ പോവുന്നത് തന്നെ ആയിരിക്കും
Thank you for the support- അധീര ❤️