” ഞാൻ നടു റോഡിൽ ഫോണും പിടിച്ച് നില്ക്കാ, ഇങ്ങനെ പുറകെ പുറകെ കോൾ കണ്ടതുകൊണ്ടാണ് ടെൻഷൻ ആയത്.. ഇക്കാര്യം ആണെന്നറിഞ്ഞിരുന്നെങ്കിൽ ഞാൻ റോഡിൽ നിന്നും മാറി അപ്പാർട്ട്മെന്റ് എത്തിയിട്ടെ വിളിക്കുമായിരുന്നുള്ളു..”
അവളുടെ സംസാരത്തിൽ ചെറിയ ദേഷ്യം ഉണ്ടായിരുന്നു.
ഇത്രയും മിസ്ഡ് കോൾ വന്നപ്പോൾ എന്തെങ്കിലും അത്യാവശ്യ കാര്യം അല്ലെങ്കിൽ, എന്തെങ്കിലും അപകടം പറ്റിയത് ആവാം എന്നുള്ള സ്വാഭാവികമായ ചിന്ത ആയിരുന്നു അതിന് കാരണം.
” പെണ്ണേ എനിക്ക് ടൈം ഇമ്പോര്ടന്റ ആണ്, ഞാൻ പറഞ്ഞില്ലേ ശനിയാഴ്ച രാവിലെ വന്നാൽ പിന്നെ ഞായറാഴ്ച വൈകുന്നേരം എനിക്ക് തിരിച്ചു പോകണം, ഈ മാസം ബിസിനസുമായി ബന്ധപ്പെട്ട് വളരെ തിരക്കുള്ള സമയമാണ്, പക്ഷേ എനിക്ക് എന്റെ പെണ്ണിനെ കാണുകയും വേണം,
അതു കൊണ്ട് മാഡത്തിന്റെ ഫ്രീ ടൈം എപ്പോഴാണെന്ന് അറിഞ്ഞു കഴിഞ്ഞാൽ പിന്നെ എനിക്ക് അതിനനുസരിച്ച് കാര്യങ്ങൾ ചെയ്യാം ”
” എന്റെ ശിവ, എന്തായാലും ഞാൻ ഒന്ന് ആലോചിച്ചിട്ട് പറയാം ”
ഒരു കൊഞ്ചലോടെ ഉള്ള ചിരിയിൽ, ശിവയെ കാണാൻ ഉള്ള അവളുടെ ഇഷ്ടവും ആഗ്രഹവും എടുത്ത് പറയുന്നുണ്ടായിരുന്നു.
” ശരി നീ ആലോചിച്ചിട്ട് സമയം നോക്കിയിട്ട് വിളിക്ക്, കുറച്ച് തിരക്കാണ് ബൈ ”
അതും പറഞ്ഞ് അവൻ കോൾ കട്ട് ചെയ്തു.
തിരികെ അപ്പാർട്ട്മെന്റിലേക്ക് വാഹനം ഓടിക്കുമ്പോഴും സ്റ്റെല്ലയുടെ മനസ്സിൽ ശിവ പറഞ്ഞ കാര്യങ്ങൾ തന്നെയായിരുന്നു, ശനിയാഴ്ച രാവിലെ എത്തുകയാണെങ്കിൽ ഞായറാഴ്ച വൈകുന്നേരം അവൻ തിരിച്ചു പോവുകയും ചെയ്യും.
ഇതിനിടയിൽ ആകെയുള്ളത് ശനിയാഴ്ച രാത്രിയാണ് ആൽബിയാണെങ്കിൽ രാത്രി നിൽക്കുന്ന കാര്യത്തെപ്പറ്റി ചിന്തിക്കാൻ പോലും തന്നെ സമ്മതിക്കില്ല.
എന്ത് ചെയ്യും..?? ആകെ പ്രശ്നമാണല്ലോ എന്തായാലും ആല്ബി ആയിട്ടൊന്നും സംസാരിച്ചു നോക്കട്ടെ.
അവൾ വീട്ടിലെത്തിയപ്പോഴേക്കും സമയം ഏകദേശം അഞ്ചര കഴിഞ്ഞിട്ടുണ്ടായിരുന്നു, അന്ന മോൾക്ക് ചായ കൊടുത്ത്, സ്വയം ഒന്ന് ഫ്രഷ് ആയ ശേഷം ആൽബി വരുന്നത് വരെ അവൾ കാത്തിരുന്നു,
ആൽബി വന്ന് കയറിയതും എന്തൊക്കെയോ കാര്യമായി സംസാരിക്കാനുള്ള രീതിയിലായിരുന്നു സ്റ്റെല്ലയുടെ പെരുമാറ്റം, അതുകൊണ്ടു തന്നെ അവൻ നടക്കുന്ന ഓരോ വഴിയും അവളും പുറകെ നടന്നു.
റൂമിൽ ഡ്രസ്സ് മാറിക്കൊണ്ടിരിക്കുമ്പോഴാണ് സ്റ്റെല്ല തനിക്കൊപ്പം ബെഡ്ഢിൽ വന്നിരിക്കുന്നത് ആൽബിൻ ശ്രദ്ധിച്ചത്.
” എന്നാ പറ്റി പെണ്ണെ ഒരുമാതിരി വാലിൽ തീപിടിച്ച കുറുക്കനെപ്പോലെ..?? ”
“ഒന്നുമില്ല ആൽബി എങ്ങനെയുണ്ടായിരുന്നു ഓഫീസിലെ കാര്യങ്ങൾ..?? ”
” കുഴപ്പമില്ലായിരുന്നു ഇറ്റ് വാസ് ഫൈൻ..!! ”
” ആൽബി എനിക്കൊരു കാര്യം പറയാനുണ്ടായിരുന്നു..?? ”
ചെറിയ മുഖവുരയോടെ സ്റ്റെല്ല സംസാരിച്ചു തുടങ്ങി.
” എന്താ..?? ”
” അത് ശിവ ഈ ശനിയാഴ്ച രാവിലെ ഇവിടെ എത്തുമെന്ന് പറഞ്ഞിട്ടുണ്ട് , അപ്പോൾ എന്നെ കാണണം എന്നൊരു ആഗ്രഹം പറഞ്ഞു എന്താ ചെയ്യേണ്ടത്..?? ”
” ഓ കാമുകൻ വിളിച്ചിരുന്നു, അതിന്റെ എക്സൈറ്റ്മെന്റ് ആയിരുന്നോ ഇപ്പോ കണ്ടത്..?? ”
” എന്റെ ആൽബി തമാശ കളഞ്ഞിട്ട് കാര്യം പറ, ശിവക്ക് ഞായറാഴ്ച വൈകുന്നേരം തിരിച്ചു പോകണം എന്നാ പറയുന്നേ , എന്താ ചെയ്യാ നീ പറ..??
” നീ ടെൻഷൻ അടിക്കല്ലെ പെണ്ണെ, എന്തായാലും ഞായറാഴ്ച വൈകുന്നേരം വരെ സമയമില്ലേ നമുക്ക് ആലോചിക്കാം..”
ആൽബി അലക്ഷ്യമായി മറുപടി തന്നത് പോലെ ആണ് സ്റ്റെല്ലക്ക് തോന്നിയത്,
അത് കൊണ്ട് തന്നെ അവനോട് സംസാരിക്കുമ്പോൾ തന്റെ കൈവിരലുകൾ ഞൊടിച്ചു കൊണ്ട് അവൾ തന്റെ മാനസിക സമ്മർദ്ദം അവനെ അറിയിക്കാൻ ശ്രെമിച്ചു.
കുറച്ചു നാൾ കൂടിയാണ് ശിവയെ മീറ്റ് ചെയ്യാൻ പോകുന്നത് അതിന്റെ ടെൻഷനും എക്സൈറ്റ്മെന്റും അവളുടെ ഉള്ളിൽ നല്ലത് പോലെ ഉണ്ടായിരുന്നു,
അതേ സമയം ആൽബി വളരെ കൂളായിട്ട് ആണ് ആ വിഷയം സംസാരിക്കുന്നതും കൈകാര്യം ചെയ്യുന്നതും ,
ആൽബിയെ ഈ കാര്യത്തിൽ തനിക്ക് നിർബന്ധിക്കാൻ കഴിയില്ല പക്ഷേ ശിവയുടെ സൈഡിലേക്ക് വരുമ്പോൾ സമയത്തിന്റെ പ്രശ്നം എത്രത്തോളം ഇമ്പോർടന്റ് ആണെന്നും അവൾക്ക് അറിയാമായിരുന്നു.