മൊഴിയെടുക്കൽ പൂർത്തിയായതിന് ശേഷം എസ്.ഐ. എന്നോട് പറഞ്ഞു: “തൽക്കാലം പ്രാഥമിക അന്വേഷണത്തിന്റെ ഭാഗമായി നിങ്ങളെ വിടുകയാണ്. അന്വേഷണവുമായി ബന്ധപ്പെട്ട് ആവശ്യപ്പെടുമ്പോൾ വീണ്ടും സ്റ്റേഷനിൽ ഹാജരാകണം.”
അപ്പോഴേക്കും അബിയും അജുവും ചേർന്ന് എന്റെ ഉപ്പയെയും കൂട്ടി സ്റ്റേഷനിൽ എത്തിച്ചിരുന്നു. പോലീസുകാരൻ ഉപ്പയോട് കാര്യങ്ങൾ പറഞ്ഞു :
മൊഴിയെടുക്കൽ കഴിഞ്ഞു . മോനെ കൂട്ടിട്ട് പോയ്ക്കോളൂ, ആവശ്യമുള്ളപ്പോൾ വിളിക്കും.”
അങ്ങനെ എന്താണ് യഥാർത്ഥത്തിൽ സംഭവിച്ചതെന്നറിയാതെ ആകെ മരവിച്ച ഒരു അവസ്ഥയിൽ ഞാൻ ഉപ്പയ്ക്കൊപ്പം പുറത്തേക്ക് വന്നു. ഞങ്ങൾ വീട്ടിലേക്ക് മടങ്ങി…)
വീട്ടിലെത്തി എന്റെ റൂമിൽ കയറിയതിന് ശേഷം എന്റെ സകല നിയന്ത്രണങ്ങളും നഷ്ടപ്പെട്ടു. ഒരു കൊച്ചുകുഞ്ഞിനെപ്പോലെ ഞാൻ അവിടെയിരുന്ന് പൊട്ടിക്കരഞ്ഞു.
പെട്ടെന്നാണ് ആകാശത്തുനിന്നും ഒരു നീല വെളിച്ചം എന്റെ മുറിയിലേക്ക് വീഴുന്നതുപോലെ എനിക്ക് തോന്നി . ആ ദിവ്യവെളിച്ചം എന്നോട് എന്തൊക്കെയോ പറയുന്നതായി ഞാൻ കണ്ടു. ക്രമേണ അതൊരു വലിയ ഉഗ്രരൂപമായി മാറുന്നതുപോലെ എനിക്ക് തോന്നി. ഭയപ്പെടുത്തുന്ന ആ രൂപം എന്നെ ആക്രമിക്കാനായി പാഞ്ഞടുക്കുന്നതായി എനിക്ക് അനുഭവപ്പെട്ടു. ആ ഭയത്തിൽ ഞാൻ ബോധരഹിതനായി താഴേക്ക് വീണു.
ആ ഭയാനകമായ രാത്രിക്ക് ശേഷം ഞാൻ അറിയാതെ അഞ്ചു വർഷങ്ങൾ കടന്നുപോയി…
അഞ്ചു വർഷങ്ങൾക്ക് ശേഷമുള്ള മറ്റൊരു ദിവസം പുലർച്ച.
ഞാൻ പതുക്കെ കണ്ണുകൾ തുറന്നു. പെട്ടെന്ന്, ആകാശത്തുനിന്നും വീണ്ടും ആ അസാധാരണമായ നീല വെളിച്ചം താഴേക്ക് പതിക്കുന്നത് ഞാൻ കണ്ടു…)
നീലവെളിച്ചം ഇപ്പോൾ കാണുമ്പോൾ
എനിക്ക് ഭയം തോന്നുന്നുണ്ടായിരുന്നില്ല.
അത് വളരെ ശാന്തവും സൗമ്യവുമായിരുന്നു. അത് എന്നോട് എന്തൊക്കെയോ സംസാരിക്കാൻ ശ്രമിക്കുന്നതുപോലെ തോന്നി.
ഞാൻ ആ നീലവെളിച്ചത്തിലേക്ക് കൂടുതൽ ശ്രദ്ധ കൊടുത്തു.
അപ്പോൾ ആ നീലവെളിച്ചം എന്നോട് പറഞ്ഞു: “ഇനി നീ ഭയപ്പെടേണ്ട… നിന്റെ ജീവിതത്തിൽ ഞാൻ ഇനി ഒരിക്കലും വരില്ല. ” അത്രയും പറഞ്ഞ് ആ നീലവെളിച്ചം അപ്രത്യക്ഷമായി.
എന്താ സംഭവിച്ചതെന്നറിയാതെ ഞാൻ അന്തംവിട്ടിരുന്നു.
ഞാൻ എവിടെയാണെന്നറിയാൻ ഞാൻ ശരിക്കും പാടുപെട്ടു.
എന്റെ കൈകാലുകൾ ചങ്ങലയിൽ ബന്ധിപ്പിച്ചിരിക്കുകയാണെന്ന് എനിക്ക് മനസ്സിലായി.
കൈകൾ അനക്കുമ്പോൾ എനിക്ക് കടുത്ത വേദന അനുഭവപ്പെടുന്നുണ്ടായിരുന്നു.
എന്റെ കയ്യിലും കാലുകളിലുമെല്ലാം ഈ ചങ്ങല ഉരഞ്ഞുള്ള മുറിവുകൾ ഉണ്ടായിരുന്നു. ഞാൻ എവിടെയാണെന്നും എന്താണ് സംഭവിക്കുന്നതെന്നും മനസ്സിലാവാതെ ഞാൻ ആ റൂമിന് പുറത്തേക്ക് നോക്കിയിരുന്നു.
നേരം പതിയെ വെളുത്തു തുടങ്ങി. അപ്പോൾ അതുവഴി ഭീമാകാരൻ ഒരു സെക്യൂരിറ്റി കടന്നുവന്നു.
ഞാൻ: “ചേട്ടാ…”
അയാൾ എന്നെ ക്രൂരമായി ഒന്ന് നോക്കി. അദ്ദേഹത്തിന് എന്നോട് ഒരുപാട് ദേഷ്യം ഉള്ളതായി ആ നോട്ടത്തിൽ കാണാൻ കഴിഞ്ഞു.
സെക്യൂരിറ്റി : “എന്തെടാ നായിന്റെ മോനെ… നിനക്ക് ചെയ്തുകൂട്ടിയതൊന്നും മതിയായില്ലേ?”
ഞാൻ ഒന്നും മിണ്ടിയില്ല. ഞാൻ എന്ത് ചെയ്തു എന്ന് എനിക്കറിയില്ലായിരുന്നു. ഞാൻ വളരെ ദയനീയമായി ആ ചേട്ടനെ നോക്കി.
സെക്യൂരിറ്റി: “ഓഹോ… നിനക്ക് സങ്കടമൊക്കെ വരുമോ? ഇങ്ങനെയൊന്നും ആയിരുന്നില്ലല്ലോ ഇത്രയും ദിവസം! നിനക്ക് എന്ത് പറ്റി?”
എനിക്ക് മനസ്സിലാവുന്നുണ്ടായിരുന്നില്ല അയാൾ എന്താണ് പറയുന്നതെന്ന്.
ഞാൻ: “ഞാൻ എന്ത് ചെയ്തു ചേട്ടാ?”
അയാൾ പെട്ടെന്ന് അത്ഭുതത്തോടെ എന്നെ നോക്കി. എന്നിട്ട് വന്ന വഴിക്ക് തിരികെ ഓടിപ്പോകുന്നത് ഞാൻ കണ്ടു. കുറച്ചു സമയങ്ങൾക്ക് ശേഷം അയാൾ ഒരു സ്ത്രീയുമായി എന്റെ അടുത്തേക്ക് നടന്നു വന്നു.
ആ നടന്നു വരുന്ന സ്ത്രീയുടെ രൂപം കണ്ടിട്ട് അതൊരു ഡോക്ടറാണെന്ന് എനിക്ക് മനസ്സിലായി. അവരുടെ കഴുത്തിൽ ഒരു സ്റ്റെതസ്കോപ്പ് ഉണ്ടായിരുന്നു.)
അവർ എന്റെ അടുത്തേക്ക് വന്നു. എന്നിട്ട് സെല്ലിന് പുറത്തായി നിന്ന് ചോദിച്ചു:
Keep writing broo