അങ്ങനെ കിടന്നാൽ തുണി ചുരുണ്ടിരിക്കുമെന്ന് പറഞ്ഞു അമ്മേടെ കയ്യിന്ന് സ്ഥിരം കിട്ടാറുള്ളതാ എന്നാലും സാരല്ല മറുത വേണേൽ തേച്ചിട്ടോണ്ട് പോട്ടെ…
വൈകിട്ട് കൊണ്ട് പോകാനുള്ളത് വെയിലത്തും ബാക്കി എല്ലാം മരത്തിന്റെ ചോട്ടിലെ തണലിലേക്കും വിരിച്ചു…
ഹോ…ഇനി രണ്ടാഴ്ചത്തേക്ക് അലക്കണ്ട…
കുളി കഴിഞ്ഞോണ്ടാവും നല്ല വിശപ്പ്…ബക്കറ്റ് എടുത്ത് അരകല്ലിന് മുകളിലേക്ക് കമിഴ്ത്തി അതിനടുത്തായി മാങ്ങയുംവച്ച് അകത്തേക്ക് കയറി..
ചോറു വാർത്തിട്ടിരിക്കുന്നത് നിവർത്തീട്ടില്ല…
“ അമ്മയിന്ന് തൊഴിലുറപ്പിനല്ലേ പോയെ….”
സാധാരണ മായ ചോറു കൊണ്ടുപോകാറുണ്ട്…
ഒരു പ്ലേറ്റിലേക്ക് ചോറും മുരിങ്ങയില ഇട്ടുവെച്ച പരിപ്പുകറിയും മീൻ പൊരിച്ചതും എടുത്ത് ഹാളിലെ ടീവിയുടെ മുന്നിൽ പോയിരുന്നു…
ഫോണെടുത്തു അമ്മയെ വിളിച്ചു…
“അമ്മാ….”
“ആ..നീയിപ്പോളാണോടാ എണീക്കണേ…”
“എന്റമ്മാ…അല്ല…ഇതെവിടാ…”
“ഞാൻ ടൗണിലാ…തയ്ക്കണ നൂലും മറ്റും തീർന്നു..പിന്നാ ശാരീടെ മോൾടെ കല്യാണ ബ്ലൗസിന്റെ വർക്ക് ചെയ്യണം അതിനുള്ളതും വാങ്ങണം..നിനക്ക് മെസേജ് ഇട്ടാരുന്നുലോ കണ്ടില്ലേ…”
“നോക്കീല….എപ്പോളാ വരണേ…ഞാൻ വിളിക്കാൻ വരണോ….”
“വേണ്ടടാ…ലളിതേച്ചിം കൂടെയുണ്ട്…ഞങ്ങള് കഴിഞ്ഞിട്ട് വന്നേക്കാം..”
“മ്മ്മ്…”
“ആ വെക്കല്ലേ…ആ സ്റ്റോവിന്റെ അടുത്തൊരു പാത്രത്തിൽ സോയാബീൻ ഉലത്തീത് ഇരിപ്പുണ്ട്..അതൂടെ എടുത്ത് കഴിക്കണോട്ടോ..അമ്മുമോൾ മീൻ കൂട്ടൂല അതോണ്ട് അവൾക്കു കൊണ്ടോകാൻ ഉണ്ടാക്കിയതിന്റെ ബാക്കിയാ….” അവൻ എന്തോ കഴിച്ചോണ്ട് സംസാരിക്കുമ്പോലെ തോന്നിയതുകൊണ്ട് മായ പറഞ്ഞു..
“ആമ്മാ…okaay….”
“പൈസ വല്ലോം വേണോ…” കയ്യിൽ ഒന്നും ഇല്ലെങ്കിലും അവൻ ചോദിച്ചു…അരുണിനോട് തല്കാലത്തേക്ക് മേടിച്ചു കൊടുക്കാം…
“വേണ്ടടാ…വച്ചേക്കുവാ…”
“മ്മ്മ്…”
അമ്മു മോളോ….ഇതൊക്കെ ഏത് വകേൽ….അമ്മയിതിനെ ദത്ത് വല്ലോം എടുത്തോ…
പുറത്തുപോകാൻ നേരം അടുക്കളയാകെ ഒന്ന് നോക്കി…സാധനങ്ങളൊക്കെ ശനിയാഴ്ച ചന്തേന്ന് അമ്മ വാങ്ങിയതാണ്…എന്നാലും എന്തേലും വാങ്ങാൻ ഉണ്ടാകും…
പഞ്ചസാര ടിൻ കാലിയാകാറായിട്ടുണ്ട്..അരി ബക്കറ്റ് നോക്കിയപ്പോൾ പകുതിയോളം ഉണ്ട്..
പരിപ്പ് പിന്നമ്മേടെ ആസ്ഥാന കറി ആയോണ്ട് അതും തീർന്നിട്ടുണ്ട്…
മൊത്തം ഒന്ന് കണ്ണോടിച്ചുനോക്കി അത്യാവശ്യം ഉള്ളതവൻ ഫോണിൽ ടൈപ്പ് ചെയ്തിട്ടു…ഇനിയൊരാഴ്ച ഇവിടെ കാണില്ലലോ അമ്മ എപ്പോളും കടേലേക്ക് ഓടണ്ടേ…
ആശാനോട് പണിക്കാശ് മുൻകൂർ വാങ്ങിക്കാം…നാട്ടുകാർ എന്തൊക്കെ പറഞ്ഞാലും തന്നെ വലിയ കാര്യമാണ് ആശാന്….
__________________________
വൈകിട്ട് അർച്ചനയോടൊപ്പം ആണ് അമൃത വന്നത്…
രാവിലത്തെ ഇടിയേക്കാൾ വലിയൊരു ഇടിയാണ് വൈകിട്ട് ബസിൽ…അവളുടെ നടുവെള്ളം ആയപോലുണ്ട്….
ബാഗും പിടിച്ച് റോഡിലൂടെ വാടിയുള്ള നടപ്പ് കണ്ടപ്പോ ഒരു ചെറിയ പാവമൊക്കെ തോന്നി അർച്ചനക്ക്…
“ടീ…”
“മ്മ്മ്….”
“ഇനിം കൊറേ നടക്കാനുണ്ടോ….”
“രാവിലെ വന്ന വഴി തന്നല്ലേ…പിന്നെന്തേ….”
“മടുത്തെടീ…..”
“ഞാനൊക്കെ ഡെയിലി ഇങ്ങനെ കഷ്ടപെട്ടാ വരണേ…ഇതൊക്കെ എന്ത്…ഇപ്പോ സ്കൂൾ പിള്ളാർക്ക് ലീവ് ആയോണ്ടല്ലേ..അവരൂടെ ഉണ്ടേൽ സൂചികുത്താൻ ഇട കിട്ടൂല….പോരാത്തതിന് അതുങ്ങടെ ബാഗ് വച്ചുള്ള ഇടീം….”
പറഞ്ഞുംകൊണ്ട് അമ്മുവിനെ നോക്കി….
അവളുടെ വെയിലുകൊണ്ട് ചുവന്ന മുഖോം പാറിപറന്ന മുടീം കണ്ടപ്പോ ഹരിയെ ഓർത്തു…അങ്ങേരാ പണി കാട്ടീലേൽ എങ്ങനെ നടക്കണ്ട കൊച്ചാ….
ചിന്നു st പൈസേടെ ബാക്കി കയ്യിലുണ്ടായിരുന്നത് കൊണ്ട് രണ്ട് സിപപ് വാങ്ങി…ഒന്ന് അമ്മുവിന് നേരെ നീട്ടി….
“റോട്ടിക്കൂടെയോ…അയ്യേ…നാണമാവും….” അമ്മുവിനാകെ മടിയാണ്….
Addict ayi storykk vegam next part idu