കവിൾ ചെരിച്ചു വച്ചിരിക്കുന്നു…ഒരു കൈ തലയിണയിലേക്ക് കയറ്റി വച്ചിട്ടുണ്ട്…തലയിലെ തോർത്തുകെട്ട് അഴിച്ചിട്ടില്ല….
സ്റ്റീൽ അലമാരിക്ക് മുന്നിലെ മങ്ങിതുടങ്ങിയ കണ്ണാടിക്കു മുന്നിൽ നിന്നു ഷർട്ട് അഴിച്ചു മാറുന്നതിനിടെ അവൻ അവളെ ആകെ മൊത്തമൊന്നു നോക്കി…ഒരു കൗതുകം…വെറും കൗതുകം…ഏത്…
ക്രീം കളർ കുർത്തയും വയലറ്റ് ലെഗ്ഗിങ്സും…ദേഹത്തിട്ട് തയ്പ്പിച്ച പോലുണ്ട്… സ്ലിം ആണേലും കുഴപ്പമില്ലാത്ത സ്ട്രക്ചർ…
…നനഞ്ഞ മുടി കെട്ടിവെച്ച തോർത്തുലഞ്ഞു ഏതാനും മുടിയിഴകൾ മുഖത്തേക്ക് വീണു കിടപ്പുണ്ട്….
അപ്പൊ മുരിങ്ങക്കോല് മാത്രം അല്ല…മീശത്തുമ്പ് കടിച്ചു പിടിച്ചവൻ ടോപ് പാതി തെന്നിമാറികിടന്ന പിന്നഴക് നോക്കി….ഒരു ബാംബ്ലൂസ് നാരങ്ങ പാതി മുറിച്ചു വച്ചപോലെ….ലെഗ്ഗിങ്സ് ആയതുകൊണ്ട് നന്നായി അറിയാം…
“അയ്യേ…..എനിക്കിത്രേം ദാരിദ്ര്യമോ…..ഒണക്ക പരല്….” അടുത്ത നിമിഷം നോട്ടം മാറ്റി പിറുപിറുത്തു
ഉറങ്ങുമ്പോ എന്തൊരു പാവം….
അല്ലാത്തപ്പോ അവൾ നിന്നെ എന്ത് ചെയ്തെടാ നാറീന്ന് തലച്ചോറ്….
അവനെ ഊക്കാൻ പിന്നെ പുറത്തുന്നു ആള് വേണ്ട…മൈൻഡ് തന്നെ നോക്കിക്കോളും…
അവൻ ബാഗും പാക്ക് ചെയ്ത് ഇറങ്ങാൻ നേരത്തും അവളാ കിടപ്പ് തന്നെ…അങ്ങനെ പാക്കിങ് എന്ന് പറയാൻ ഒന്നുമില്ല രണ്ട് മൂന്ന് ജോഡി ടിഷർട്ടും ഷോർട്സും ജട്ടിയും പിന്നെ പണിയുമ്പോ ഇടുന്ന മുണ്ടും ഷർട്ടും..അങ്ങോടു ഇട്ടോണ്ട് പോകുന്നത് തന്നെ തിരിച്ചിങ്ങോടും അപ്പോ അതു പാക്ക് ചെയ്യണ്ട..
“ഇവൾക്കീ തോർത്തഴിച്ചിട്ട് കിടന്നൂടെ….വല്ല പനീം പിടിപ്പിച്ചിട്ട് വേണം അമ്മയ്ക്ക് പണി ഉണ്ടാക്കി വെക്കാൻ…”
ഏതോ തോന്നലിൽ അവൾ എണീക്കുമെന്നൊന്നും ഓർക്കാതെ അവൻ ആ കട്ടിലിനടുത്തേക്ക് ചെന്ന് തോർത്തഴിക്കാനായി കൈ നീട്ടി…
പണ്ടേ ഒറ്റബുദ്ധിയാണ്….
അവൻ തോർത്തിൽ കൈ വെച്ചതും അവൾ ഒന്നു തിരിഞ്ഞു പിന്നെ മലർന്നങ്ങ് കിടന്നു….
ഹരിയുടെ ശ്വാസം നിലച്ചു….തന്റെ കൈ അവൾടെ തലക്ക് പിന്നിലാണ് എങ്ങാനും ഉണർന്നാൽ….
നെറ്റിക്കിരുവശവും മൂക്കിൻതുമ്പിലും വിയർപ്പ് പൊടിഞ്ഞു…
എനിക്കിതെന്തിന്റെ കേടായിരുന്ന്…
പതിയെ കൈ വലിക്കാൻ നോക്കി….അവളുടെ അടഞ്ഞ കൺപോളക്കുള്ളിൽ കൃഷ്ണമണി ചലിക്കുമ്പോലെ…
“എഴുന്നേക്കല്ലേ ദൈവമേ…..”
അനങ്ങാതെ ശ്വാസം അടക്കി അവളുടെ മുഖത്ത് നോക്കി നിന്നു….
കുഞ്ഞു മുഖം….നേർത്ത പുരികം…നീണ്ടുകൂമ്പിയ കണ്ണുകൾ…ചെറിയ ചാമ്പക്ക പോലത്തെ മൂക്ക്…ചുണ്ടിലേക്ക് നോക്കാതെയവൻ നോട്ടം മാറ്റി….
പതിയെ കൈ ഒരു അരയിഞ്ച് അനക്കി നീക്കി….
വീണ്ടും മുഖത്തേക്ക് നോക്കി…അറിഞ്ഞോ…
ഹേയ് ഇല്ല..
അവളുടെ മുഖത്ത് സൂക്ഷിച്ചു നോക്കി തന്നെ കൈ വീണ്ടും അനക്കി…
അതിനിടയിലാണ് ആ നെറ്റിയിലെ വകച്ചിലിനിടയിലെ സിന്ദൂരത്തരി കണ്ണിൽ പെട്ടത്…
അങ്ങനെ കാണാൻ മാത്രം ഒന്നുല്ല…അന്നു താൻ തൊട്ട് കൊടുത്തതിന്റെ ബാക്കിയാവും…
നോട്ടം കഴുത്തിലേക്ക് അവൻ പോലുമറിയാതെ നീങ്ങിപ്പോയി….
ആ മഞ്ഞനൂല്…..ഇല്ല അതു കഴുത്തിലില്ല….
ഒന്നൂടെ സൂക്ഷിച് നോക്കി…ഉടുപ്പിനുള്ളിൽ എങ്ങാനും….
കണ്ണുടക്കിയത് മറ്റൊന്നിലാണ്….പെന്റഗൺ നെക്ക് കുർത്തയുടെ കഴുത്തിറങ്ങി കണ്ട അവളുടെ മുലയിടുക്ക്….ഒരു നിമിഷം നോട്ടം അവിടെ സ്റ്റക്ക് ആയി..
അവന്റെ തൊലിക്കുള്ളിലൊക്കെയൊരു തരിപ്പ് പോലെ….
വലതു മുലയുടെ തുടക്കത്തിലേ ബ്രൗൺ നിറത്തിലുള്ള കാക്കപ്പുള്ളി മറുക്…..
നോട്ടമവിടെ ഒന്നുറച്ചു പോയെങ്കിലും അടുത്ത നിമിഷം ബോധം വന്നപോലെ കണ്ണിറുക്കിയടച്ചു….
കൈ വലിച്ചെടുത്തു ഒറ്റക്കുതിപ്പിന് ബാഗ് പോലുമെടുക്കാതെ പുറത്തിറങ്ങി…
എവിടെയൊക്കെയോ വശീകരിക്കാൻ ഉള്ളൊരു കഴിവുണ്ട് പിശാശിന്….
മുഖം അമർത്തിത്തുടച്ചു അടുക്കളയിലേക്ക് ഇറങ്ങി…
Addict ayi storykk vegam next part idu