കൊള്ളാലോ…സ്ലിം ആൻഡ് സെക്സി….
പിന്നാ അലവലാതി എന്താ……
“അയ്യേ…..ആ ചെറ്റ എന്ത് പറഞ്ഞാ എനിക്കെന്താ…” അവൻ നോക്കിയതോർമ്മ വന്നതും ഊരിയിട്ട ചുരിദാർ ടോപ്പെടുത്തു മാറ് മറച്ചു…
“ഇനിയാ തെണ്ടീടെ മുന്നിക്കൂടെങ്ങനെ നടക്കും ഈശ്വരാ….”
“മോളേ….കഴിക്കാൻ വാട്ടോ…മണി 2 കഴിഞ്ഞില്ലേ….”
ഉച്ചക്ക് ക്ലാസ്സ് വിട്ടോണ്ട് കഴിക്കാതെ ആണ് വന്നത്..12.30ന്റെ ഒറ്റ ബസ് കിട്ടാൻ ഓടിയതാ…
നല്ല വിശപ്പ്…പക്ഷെ അവനും ഹാളിൽ കാണും…
ഒരു വിധം കടിച്ചു പിടിച്ചു ഡോർ അല്പം തുറന്നു നോക്കി…
ദീവാൻകൊട്ടിൽ കിടപ്പുണ്ട്…ടീവിയിലാണ് കണ്ണ്…ചാനൽ നോക്കി നോക്കി പോണുണ്ട്….
പതുക്കെ മുങ്ങാം…ടീവിലല്ലേ ശ്രദ്ധ എന്നും വിചാരിച്ചു മുറീന്നിറങ്ങി….
“നിന്റെ മാറിലെ മായാ ചന്ദനപ്പൊട്ടെനിക്കല്ലേ……” ടിവിന്ന് കേട്ട പാട്ട്…
ഒരൊറ്റ ഓട്ടമായിരുന്നു…
അതുകണ്ട് ചിരി കടിച്ചു പിടിച്ചൊതുക്കിയവൻ ടീവി ഓഫ് ചെയ്തു കുളിച്ചു മാറാൻ ഡ്രസ്സ് എടുക്കാൻ വീണ്ടും മുറിയിലേക്ക് കയറി….
ആകെ മൊത്തമൊരു മാറ്റം….നല്ലൊരു മണം ഒക്കെ…
ചുറ്റുപാടും നോക്കി…
പിങ്ക് കർട്ടൻ….ഓഫ്വൈറ്റ് ബെഡ്ഷീറ്റ്….പിങ്ക് പില്ലോ കവർ…ഇതെന്റെ മുറി തന്നെയാണോ….
ബെഡിനടുത്തിട്ട സ്റ്റൂളിൽ ഒരു പാത്രത്തിൽ വെള്ളം നിറച്ചു അതിൽ ചെമ്പകപ്പൂ ഇട്ട് വച്ചിരിക്കുന്നു…അതിന്റെയാണ് മുറീലുള്ളയാ മണം…
ഇതിത്രേം ക്ലീൻ ഒക്കെ ആക്കാമായിരുന്നോ….
അലമാരി തുറന്നപ്പോ അതിശയിച്ചു പോയി….എല്ലാം നല്ല നീറ്റ് ആയിട്ട് ഓർഗനൈസ് ചെയ്തു വച്ചിരിക്കുന്നു…പ്ലാസ്റ്റിക് കവർ വിരിച്ചു അതിനു മുകളിൽ തുണികൾ എല്ലാം മടക്കി ഒതുക്കി വെച്ചിരിക്കുന്നു…
ഒരു കള്ളി അവളും എടുത്തിട്ടുണ്ട്…കംഫർട്ട് ന്റെയാണെന്നു തോന്നുന്നു നല്ല മണം…
“അപ്പൊ ബാധ ഉടനൊന്നും ഒഴിയാൻ ഉദ്ദേശമില്ലെന്നർത്ഥം….” ജീൻസിന്റെ പോക്കറ്റിൽ നിന്നും പണിക്കാശ് എടുത്തു പ്ലാസ്റ്റിക് കൂടിന്റെ അടിയിലേക്ക് വച്ചു…
ഡ്രെസ്സുമെടുത്തു പുറത്തേക്കിറങ്ങി…
_________________________________
ഒന്നു രണ്ട് മാസം കഴിഞ്ഞു…
അമ്മു വീടുമായി മൊത്തത്തിൽ ഇണങ്ങി…
ഋഷിയേട്ടന്റെ വിവാഹം ആളുടെ അപ്പച്ചീടെ മോളുമായി കഴിഞ്ഞു…
ഇടക്ക് ചെറിയമ്മ കാണാതെ ആമിമോൾ വിളിക്കാറുണ്ട്…
ഒരിക്കൽ അഭിയുടെ കൂടെ അമ്പലത്തിലേക്കാണെന്നും പറഞ്ഞു വന്നിട്ട് ഇവിടെ വന്നു തന്നെ കണ്ടാണ് പോയത്…
വന്നുകയറിയപ്പോ ഹരിയെ പേടിയോടെ നോക്കിയവൾ ഇറങ്ങാറായപ്പോളേക്ക് ചിലച്ചു ചിലച്ച് കുപ്പിയിൽ ഇറക്കിയിരുന്നു…
അതോ ഗ്രൗണ്ട് സപ്പോർട്ട് കൂട്ടാൻ അവനായിട്ട് ഇറങ്ങിക്കൊടുത്തതോ..
എന്താണേലും തന്നെ വിളിക്കുമ്പോൾ 10 മിനിറ്റ് തന്നോടും അരമണിക്കൂർ അവനോടും ആണിപ്പോ സംസാരം…ഇതിനും മാത്രം എന്താണാവോ…
കൊയ്ത്തു കഴിഞ്ഞ കണ്ടത്തിൽ എല്ലാക്കൊല്ലവും പാട്ടത്തിന് പയർ വിത്തിടാറുണ്ട് ഹരി…ഇക്കൊല്ലവും ഇട്ടു…അതിന്റെ പിറകെ നടപ്പും പണിക്ക് പോക്കും ഒക്കെയായി തിരക്കാണിപ്പോ..
അമ്മുവിന് സെമെസ്റ്റർ എക്സാം തുടങ്ങി…നാളെ ലാസ്റ്റ് എക്സാം ആണ്…
പകൽ നല്ല ചൂടായൊണ്ട് രാവിലെ നേരത്തെ എണീറ്റ് പഠിക്കും…
പിറ്റേന്ന് രാവിലെ പഠിച്ചു കൊണ്ടിരിക്കുമ്പോൾ ആണ് ഹാളിൽ കിടന്നുറങ്ങുന്നവന്റെ അലാറം അടിക്കുന്നത്…
ഒന്നടിച്ചു…അഞ്ചുമിനിറ്റ് കഴിഞ്ഞപ്പോൾ പിന്നേം അടിക്കുന്നു…
അവൻ ഓഫ് ആക്കുന്ന ലക്ഷണം കാണുന്നില്ല…
അമ്മു സഹികെട്ട് എണീറ്റു ചെന്നു…
ഉറക്കപ്പിച്ചിൽ കണ്ണുപോലും തുറക്കാതെ ഫോൺ തപ്പുന്നുണ്ട്…
അവളെടുത്തേക്ക് നീട്ടിയിട്ടു കൊടുത്തു…
നടപ്പില്ല…പിന്നാ ഫോൺ എടുത്ത് ഓഫ് ചെയ്തു…അപ്പോളാണ് ലോക്സ്ക്രീനിലെ ഫോട്ടോ കാണുന്നത്…
അമ്മയും അവനും കൂടെ നിൽക്കുന്നതാണ്…വേഷവും ചന്ദനക്കുറിയും മായമ്മേടെ കയ്യിലെ ഇലക്കീറും കണ്ടിട്ട് അമ്പലത്തിൽ പോയ വഴി ആണെന്ന് തോന്നുന്നു…പഴയൊരു ഫോട്ടോ ആണ്…
Addict ayi storykk vegam next part idu