കാലും തോളുമെല്ലാം പുറത്താണ്…വളർന്നിറങ്ങിയ മുടിയും താടിയും കാരണം മുഖം മര്യാദക്ക് കാണുന്നുകൂടെ ഇല്ല…
പൂട സാമി….with broad shoulder n narrow waist line…കൊള്ളാലോ…അവൾ മൊത്തത്തിലൊന്നു നോക്കി ഉള്ളിൽ പറഞ്ഞു…
അയ്യേ…..നാണമില്ലാത്തവൻ…വൃത്തികെട്ടവൻ….ബ്ലാഹ്…..ഒരു സെക്കന്റ് ഒന്നു വായിനോക്കിയെങ്കിലും അടുത്ത സെക്കൻഡിൽ ബോധം വന്നു…
മുഖം കോട്ടിയവൾ അവനു മുകളിലൂടെ ചാടികടന്ന് അടുക്കളയിലേക്ക് ഓടി…
ഇടക്കൊന്നു തിരിഞ്ഞുനോക്കി….
എവിടെ ബോംബിട്ടാ അറിയൂല….
അടുക്കളയിൽ പുട്ട് കുത്തി ഇടുന്നുണ്ട് മായമ്മ…..
അടുക്കളയാകെ ഒന്നു നോക്കി..ഭിത്തിയാകെ പുകഞ്ഞു പോയിട്ടുണ്ടെങ്കിലും നല്ല അടുക്കും ചിട്ടയും…എല്ലാം നല്ല വൃത്തിക്ക് സൂക്ഷിച്ചിരിക്കുന്നു..നീളത്തിലുള്ള അടുക്കളയാണ്..ഒരരുകിൽ അടുപ്പും കിച്ചൻ സ്ലാബിന് മുകളിൽ സ്റ്റോവും…ഭിത്തിയിൽ ഒരു ഷെൽഫിൽ പാത്രങ്ങളും മറ്റു സാധനങ്ങളും അടുക്കി വെച്ചിരിക്കുന്നു..സ്റ്റോവ് നോട് ചേർന്നുള്ള ചെറിയ ഷെൽഫിൽ കറിപൊടികളും മറ്റു കൂട്ടുകളും..
സ്ലാബിന്റെ താഴെ 4,5 പ്ലാസ്റ്റിക് സ്റ്റോറേജ് ബക്കറ്റുകൾ വച്ചിട്ടുണ്ട്..
“ആ…എണീറ്റോ…”
“മ്മ്..”
“ഇത്ര നേരത്തെയോ….”
അവൾ ഹാളിലെ ക്ലോക്കിലേക്ക് ഒന്നു നോക്കി…5 മണി ആയല്ലോ….
“വീട്ടിൽ ഈ നേരത്ത് എണീറ്റു കുളിക്കണം…”
“അതു വീട്ടിൽ അല്ലെ ഇവിടിപ്പോ പോയി കിടന്നുറങ്ങിക്കോ….”
“ഇനിയിപ്പോ കിടന്ന ഉറങ്ങൂലാമ്മ…”
“ഞാൻ എന്തേലും സഹായിക്കണോ….”
കുക്കിംഗ് ന്റെ abcd അറിയില്ലെങ്കിലും ചോദിച്ചു…
“മോൾക്കിതൊക്കെ ചെയ്തു പരിചയം ഉണ്ടോ അതിനു….”
ഇല്ലെന്നവൾ നിഷ്കളങ്കമായി ചുമലുകൂച്ചി…
ആ നിൽപ്പും ഭാവവും…സ്കൂൾ കുട്ടിയെപ്പോലെ തോന്നി മായക്ക്…
“എന്നാ ചെല്ല് കുളിച്ചോ…നല്ല ശീലമല്ലേ..തെറ്റിക്കണ്ട…എന്നത്തേക്കാളും ഒരു പിടി അരീം ഒരു കഷ്ണം പുട്ടും കൂടുതൽ ഉണ്ടാക്കിയപ്പോരേ…അതു ഞാൻ ചെയ്തോളാമേ….” അവളുടെ തലയിൽ പിടിച്ചു കുലുക്കികൊണ്ട് മായ ബാക്കി പണിയിലേക്ക് തിരിഞ്ഞു….
അവളൊന്നു ചിരിച്ചു തിരിഞ്ഞപ്പോളാണ് ഓർത്തത്…ബ്രഷ് ഇല്ല…ഇട്ടുമാറാനുള്ള ഡ്രസ്സ് എടുത്തിട്ടുമില്ല..
ഇനിയുമാ ഹിമാലയത്തിന്റെ മണ്ടേൽ കൂടെ ചാടേണ്ടി വരുമോ….
അവൾ അവൻ കിടക്കുന്നിടത്തേക്ക് എത്തിവലിഞ്ഞു നോക്കി…
എണീറ്റിട്ടില്ല…അതേ കിടപ്പുതന്നെ….
പമ്മി പമ്മി പതിയെ അടുത്തേക്ക് ചെന്നു…
സൂക്ഷിച്ചു നോക്കി..
ഇല്ല..ഉറക്കം തന്നെ ആണ്…കുംഭ കർണ്ണന്റെ അമ്മയ്യച്ഛന് പടിക്കുവാകും…
പുച്ഛിച്ചു കൊണ്ടവൾ ചാടി കടന്നു…
വീഴാൻ പോയതും കട്ടിളപ്പടിയിൽ ചാടിപിടിച്ചു..
പിന്നോട്ടൊന്നു പാളിനോക്കി….ആശ്വാസം….
ഇടാനുള്ള ഡ്രെസ്സും എടുത്തു പിന്നെയും തിത്തെയ് കളിച്ചവൾ അവനു മേലെ ചാടി…
ശ്വാസം വിടാതെ ഒന്നു തിരിഞ്ഞനോക്കിയതും….
ഒതുക്കിപിടിച്ച തുണിക്കിടയിൽ നിന്നും ഊർന്നു പോയ ബ്രാ…
കൃത്യമായി അവന്റെ പുറത്ത് തന്നെ ലാൻഡ് ചെയ്തിട്ടുണ്ട്….
ശബ്ദമില്ലാതെ തലക്കടിച്ചവൾ അടുത്തുചെന്നു..
ഒറ്റ ശ്വാസത്തിനു വിരൽ കൊണ്ട് തോണ്ടിയെടുത്തു ഒരോട്ടം വച്ചു കൊടുത്തു…
മായ കണ്ടു അടുക്കള കടന്നു പാഞ്ഞു പോകുന്നവളെ..
ഇനിയവൻ എങ്ങാനും എണീറ്റു പേടിപ്പിച്ചോ എന്നോർത്തു ഹാളിലേക്ക് നോക്കിയതും വാഴ വെട്ടിയിട്ട പോലെ കിടപ്പുണ്ട്…
പണിയില്ലേൽ പിന്നെ നട്ടുച്ച ആണല്ലോ കണക്ക്….
“അമ്മാ…ടൂത് പൌഡർ ഉണ്ടോ….”
അടുക്കളപ്പുറത്തു നിന്നും വിളിച്ചു ചോദിക്കുന്ന കേട്ട് മായ പുറത്തേക്കിറങ്ങി…
“പേസ്റ്റ് വേണ്ടേ മോളെ…”
“ബ്രഷ് ഇല്ല..അതാ…” അവൾക്കൊരു മടിപോലെ പറയാൻ..
“ഒരു മിനിറ്റ്…”
“ദാ ഇതുപയോഗിച്ചോ പുതിയ ബ്രഷാ…”
അവളതു വാങ്ങി അകത്തേക്ക് കയറി…
Addict ayi storykk vegam next part idu