ഒരു രണ്ടുമിനിറ്റു തികച്ചു കഴിഞ്ഞില്ല വേലിക്കൽ ബൈക്ക് കൊണ്ടുവന്നു നിർത്തി ഹോണടിച്ചു…
“അമ്മുവേ….അവനാരിക്കും ചാർജറിനാണെങ്കിൽ അതൊന്ന് എടുത്തു കൊടുത്തേക്കാവോ…”
അമ്മു ഒന്ന് അന്തിച്ചു…..
ആ ജന്തുവിന്റെ ഏഴയലത്ത് പോകാൻ താല്പര്യമില്ല…പോകുവാണെന്നു കണ്ടപ്പോ സമാധാനം ആയതാ…ഇതിപ്പോ…ആ മോന്ത കാണാൻ ആയിട്ട് ഇനി ഇതുമായിട്ട് ചെല്ലണ്ട വരും….
ഓരോന്നാലോചിച്ചു ചാർജറും കയ്യിൽ പിടിച്ചു നിൽകുമ്പോൾ ആണ് കയ്യിൽ നിന്നും ആരോ അത് തട്ടിപ്പറിക്കുന്നത്….
“നിന്റെ ചെവീലെന്തോന്നാടി കോൺക്രീറ്റ് ഇട്ടുവച്ചേക്കുന്നോ….ഞാനിവിടെ കിടന്ന് തൊള്ള കീറീത് കേട്ടൂടാർന്നോ….”
കേബിൾ അടാപ്റ്ററിന് മുകളിൽ ചുറ്റി അവളെ ഒന്നിരുത്തി നോക്കി പറഞ്ഞു വാതിൽപടി കടന്നു…
“നീ വിളിക്കുന്ന പാടെ കൊണ്ടുത്തരാൻ നിന്റെ കെട്യോളിരിക്കുന്നോ ഇവിടെ….”
അതു കേട്ടതും നടക്കല്ലിറങ്ങിയവൻ ഒന്നു നിന്നു…പിന്നെ തിരിഞ്ഞു…
മൂഞ്ചി…വായീന്ന് വീണുപോയതാ…അമ്മു നാക്ക് കടിച്ചു…
“ച്യാച്ചിയേ…..” എന്നൊരാക്കി വിളി…
അമ്മു ആ ഡോർ ഒറ്റ അടയ്ക്കലായിരുന്നു….
“ഉഫ്….അതു നിന്റെ മോന്തക്കിട്ടല്ലന്ന് ആരും പറയില്ല….” അരുൺ അതും പറഞ്ഞു ബൈക്ക് സ്റ്റാർട്ട് ചെയ്തു…
സൂപ്പർഫാസ്റ്റിന്റെ സൈഡ് സീറ്റിൽ ഇരിക്കുമ്പോളും എന്തൊക്കെയോ ചിന്തകളാണ് മനസ്സിൽ…
കൂടെയിരിക്കുന്ന വിനീഷ് പോത്തുപോലെ ഉറക്കമാണ്…പിന്നിലെ സീറ്റിൽ അരുണും ജൈസണും ബാക്കിയുള്ളവർ എല്ലാം പിന്നിലെവിടോ ആണ്…ദീപു അച്ഛൻ ഇല്ലാത്തതുകൊണ്ടും ലോങ്ങ് ആയത് കൊണ്ട് ക്ലാസ്സ് മിസ്സാകും എന്നുള്ളൊണ്ടും വന്നിട്ടില്ല..
അവൻ മാത്രം പുറത്തെ ഇരുട്ടിലേക്കും ഇടയിലെ സ്ട്രീറ്റ് ലൈറ്റിന്റെ വെളിച്ചത്തിലെ കാഴ്ചകളിലേക്കും മിഴിനട്ട് ഇരുന്നു…
മനസ് ദൂരെയെവിടോ ആണ്…
കൃത്യമായി പറഞ്ഞാൽ വീട്ടിലെ തന്റെ മുറിയിൽ കട്ടിലിൽ ഇപ്പോൾ ഉറക്കമായിരിക്കുമെന്ന് തോന്നുന്ന ആ പെണ്ണിന്റെ അടുത്ത്….
മനസമാധാനം കിട്ടുന്നില്ല…ചെയ്തുപോയത് മഹാപാപമാണെന്ന് അവളെകാണുമ്പോളെല്ലാം ആരോ ചെവിക്കുള്ളിലിരുന്ന് വിളിച്ചു കൂവുമ്പോലെ….
ഇന്ന് വരെ ഒരോളപ്പുറത്തു കാണിച്ചുകൂട്ടിയ്യതിനെയെല്ലാം കവച്ചു വെക്കുന്നപോലെ…
അവളെ കാണുന്നവഴിക്ക് ചൊറിയുന്നതിന്റെ കാരണവും അതു തന്നെയാണ്….
അഭിമുഖീകരിക്കാൻ പറ്റുന്നില്ല…അറിയാതെ മുന്നിൽ വന്നുപെട്ടാലും അവളുടെ കണ്ണിലെ വെറുപ്പും ചിലപ്പോലുള്ള അറപ്പും കാണുമ്പോൾ എങ്ങനെ നേരിടുമെന്നും അറിയില്ല….
ക്ഷമ ചോദിക്കണമെന്നും അവളുടെ വീട്ടുകാരെ പറഞ്ഞു മനസിലാക്കി തിരിച്ചയക്കണമെന്നും ഒക്കെ കരുതും…
പക്ഷെ അവളെ കാണുമ്പോൾ എല്ലാം ചോർന്നുപോകും…
ഈയൊരാഴ്ച കൊണ്ട് വീട് മടുത്തെങ്കിലും ഹോസ്റ്റലിലേക്കോ മറ്റോ മാറിയാൽ മതിയായിരുന്നു…
പക്ഷെയവളുടെ അമ്മയോടുള്ള ഒട്ടൽ കാണുമ്പോൾ ഈ ജന്മത്തു ഇറങ്ങുമെന്ന് തോന്നുന്നില്ല…ഒരു മാതിരി പട്ടിണി കിടന്ന പിള്ളാർക്ക് ചക്ക കൂട്ടാൻ കിട്ടിയപോലെ. ….രണ്ടിന്റേം കാട്ടികൂട്ടൽ കാണുമ്പോൾ ഞാൻ മരുമോനും അവള് മോളും ആണ് തോന്നും…
മോള്….മരുമോള്….
അപ്പോ തന്റെ……
ശ്വാസം ഒന്നു വലിച്ചുവിട്ടു…
കണ്ണിറുക്കിയടച്ചു വിൻഡോലേക്ക് തലചാരി കിടന്നു…
താലികെട്ടിയപ്പോൾ ഇടതടവില്ലാതെ നിറഞ്ഞൊഴുകിയ കണ്ണുകൾ………സിന്ദൂരം തൊട്ടപ്പോൾ ഇരുകൈ കൊണ്ടും വാ പൊതിഞ്ഞു പിടിച്ചവൾ കരച്ചിലടക്കിയത്….
കോപ്പ്….കണ്ണടക്കുമ്പോളും അവളെ തന്നെയെന്തിനാ ഈശ്വരാ….
എനിക്കിങ്ങനാണേൽ അവൾക്കെന്താവും……ഒന്നു നിശ്വസിച്ചവൻ സീറ്റിലേക്ക് ചാരി പുറത്തേക്ക് മിഴിനട്ടു….
അന്നു രാത്രിയും ഉറക്കം കണ്ണ് മൂടുന്നവരെ അമൃതക്ക് കാളരാത്രിയായിരുന്നു….
ഫാൻ കറങ്ങുന്നുണ്ടെന്ന് ആ കരകര സൗണ്ട് കൊണ്ട് മാത്രമാണ് മനസിലാകുന്നെ…
Addict ayi storykk vegam next part idu