”ഇനി നീ…നിനക്ക് പുട്ട് വേണോ…”
“മ്മ്മ്…” ചിന്നൂ വേണോ വേണ്ടയോ എന്നാ മട്ടിലൊന്നു മൂളി…
“എന്നാ പോയി പല്ലുതേച്ചു കുളിച്ചു വന്നേ….എന്നിട്ട് കഴിക്കാം…”
രണ്ട് വഴിക്ക് വിട്ടു….
8 മണി ആകാറായതും ചിന്നൂ ഡ്രസ്സ് മാറി വന്നു…
അടുക്കളയിൽ ഒരു ചെയർ ഇട്ട് സ്ലാബിലേക്ക് പ്ലേറ്റ് വച്ചു കഴിക്കുന്നുണ്ട് അമൃത….
“അതേ…ഞാനിറങ്ങുവാ…ബസ് പിടിക്കണം…”
ആരോടും അല്ലാത്ത മട്ടിൽ പറഞ്ഞു ചിന്നു…
“ഇത്ര നേരത്തെയോ….”
“പിന്നെ…. മഹാറാണി കാറിൽ അരമണിക്കൂറിനു വന്നുപോകുംപോലല്ല…..ബസ് സ്റ്റോപ്പിലേക്ക് നടക്കണം അവിടുന്ന് ബസ് കിട്ടണം പിന്നെ സ്റ്റാൻഡ് എത്തണം അവിടുന്ന് അടുത്ത ബസിൽ കോളേജിലേക്ക്….”
അമൃത വേഗം പ്ലേറ്റ് അവിടെ വച്ചെഴുന്നേറ്റു…..
“അഞ്ച് മിനിട്ടൂടെ ഉണ്ട് കഴിച്ചിട്ട് പോന്നാ മതി….”
“നിനക്കിത് മുന്നേ വന്നപ്പോ പറഞ്ഞൂടാർന്നോ…”
“അയ്യോടി…ചോദിക്കാൻ നിന്റെ വായിലെന്താ നാക്കില്ലാർന്നോ….”
പിന്നൊന്നും പറയാൻ നിക്കാതെ അമ്മു വേഗം പുട്ട് വാരി വായിലേക്കിട്ട് കൈ കഴുകി….
ഓടിച്ചെന്നു ഹാളിൽ എടുത്തു വച്ചിരുന്ന ബാഗ് എടുത്തു…
“അമ്മാ….ഇറങ്ങുവാ…”
“നിക്ക് ഒരു മിനിറ്റ്…..”
കയ്യിൽ എന്തോ ചുരുട്ടിപിടിച്ചു വെച്ചുകൊടുത്തു…
“ബസിനൊക്കെ പോണ്ടെ അല്ലെ….“
”എന്റെ കൈയിൽ ഉണ്ടമ്മാ….“ അവൾ തിരികെ കൊടുത്തിട്ടും അവർ വാങ്ങാൻ കൂട്ടാക്കിയില്ല….
മായ അവരെ വേലി കടത്തിവിട്ടു….
എന്നും ആമിയെ സ്കൂളിൽ ആക്കി കോളേജിലേക്ക് പോകുന്നത് ഓർത്തതും തൊണ്ട കനത്തു…..കണ്ണിറുക്കി പിടിച്ചു കടിച്ചൊതുക്കി….
വഴിയിൽ ഇന്നലത്തെ സംഭവം അറിഞ്ഞവർ വിചിത്രജീവിയെ കാണുന്നപോലെ നോക്കുന്നുണ്ട്….
“ഓഹ് ഇനിയിപ്പോ കുറച്ചുദിവസത്തേക്ക് ഈ തെണ്ടികളുടെ surveillance ഉണ്ടാകും….വേറെ പണിയില്ലേ ഇവർക്കൊന്നും….”
ചിന്നു അവളോടായി പറഞ്ഞു….
“എന്നാലും നിന്നെ ഞാൻ സമ്മതിച്ചെടി….ഇത്രക്ക് സീൻ ആയിട്ടും പിറ്റേന്ന് തന്നെ…..”
അമ്മു അവളുടെ മുഖത്തേക്ക് നോക്കി…
കളിയാക്കൽ ഒന്നും അല്ല…ഒരാരാധന പോലെ….
ആക്കുന്നെയാണോ….
ബസ് വന്നതും കയറി….
അങ്ങനെ ബസിലൊന്നും പോയി പരിചയം ഇല്ലാത്തതിനാൽ ബാലൻസ് കിട്ടുന്നില്ലായിരുന്നു അമൃതക്ക്….
“എടീ….”
“മ്മ്മ്…”
“ഇരിക്കാൻ പറ്റൂലെ…..”
“st പൈസക്ക്…..ഇരിക്കാൻ…”ചിന്നു തിരിഞ്ഞ് അവളെ ഒന്ന് നോക്കി…
“മ്മ്മ്…”
“ആ പെട്ടിപ്പുറത്തു പോലും ഇരുത്തൂല പിന്നാ….”ഡ്രൈവറുടെ ഇടതുവശത്തെ സീറ്റ് ലേക്ക് നോക്കി ചിന്നു അമൃതയോട് പറഞ്ഞു…
“നിങ്ങളപ്പോ അങ്ങോടും ഇങ്ങോടും നിക്കുവോ….”
“അതേ…..നിന്നു തന്നെ വരണം….ഇതിപ്പോ കേറിയിട്ടല്ലേ ഉള്ളൂ….കുറച്ച് കഴിഞ്ഞാൽ തിരക്ക് കൂടും പിന്നെ നല്ല സുഖവാ…..”
ഇടക്കൊരു ഫോർച്യുണർ ബസിനെ ഓവർടേക്ക് ചെയ്തു പോയതും അവളൊന്നു നോക്കി…
വീട്ടിലെ അല്ല….ഒന്ന് നെടുവീർപ്പിട്ടു…
“ടീ….”
“എന്താ…”
“നിത്യ അടുത്ത സ്റ്റോപ്പിന്ന് കേറും…അവളോട് പറയണോ….” ചിന്നു പിന്നിലേക്കൊന്ന് ചായ്ഞ്ഞ് ചോദിച്ചു….
“ആ എനിക്കറീല്ല….” ഓരോ വളവിലും ആടിയുലഞ് കമ്പിയിൽ തൂങ്ങി ബാലൻസ് ചെയ്യാൻ നോക്കുന്നതിനിടെ അമൃത പറഞ്ഞു….
“നിന്നെ ബസിൽ കാണുമ്പോ അവൾ എന്തായാലും ചോദിക്കും…പിന്നെ കോളേജിൽ ആരും അറിഞ്ഞില്ലേൽ അറിയിക്കാൻ നിക്കണ്ട….ഇങ്ങനങ്ങു പോട്ട്…കല്യാണം മാറ്റിവച്ചുന്നോ മറ്റോ പറയ്….”
“നീയിത്രക്ക് നന്മ മരം ആയിരുന്നോ…..” കഴിഞ്ഞ കൊല്ലം ഡിഗ്രി ഫൈനൽ ഇയറിൽ ഇലക്ഷൻ എന്നും പറഞ്ഞു കോളേജിൽ കാണിച്ചുകൂട്ടിയത് തലയിലൂടെ ഒരു മാത്ര ഓടിയ അമൃത ഒന്നിരുത്തി ചോദിച്ചു….
ഇനി ഇതിലും വല്ല പണി ഉണ്ടോ എന്നറിയില്ലലോ….
“അതേ…. രാജകുമാരിടെ സ്റ്റാറ്റസ് വച്ച് നടന്ന കല്യാണം എഴുന്നള്ളിക്കാൻ നാണക്കേട് ആകണ്ട എന്ന് വച്ചപ്പോ എനിക്കിട്ട്….ചെല്ല്…തമ്പുരാട്ടി സൗകര്യം പോലെ എന്താന്ന് വച്ചാൽ പറഞ്ഞോ…..”
Addict ayi storykk vegam next part idu