അമ്മയോട് പറയരുതെന്ന് ചട്ടം കെട്ടിയിരുന്നതിനാൽ ഒന്നും ഇറക്കി വെക്കാൻ പറ്റാതെ അതവളുടെ ഉള്ളിലൊരു ട്രോമ ആകുമോ എന്നവൻ ഓർത്തിരുന്നു….ഇപ്പോളാണ് ഒന്നു സമാധാനം ആയത്…
പക്ഷെ ആ സമാധാനക്കേടിനു കാരണം അവനും മനസ്സിലായിരുന്നില്ല…അല്ലെങ്കിലവൻ അത്ര കണ്ടങ്ങ് ചികഞ്ഞു ചിന്തിച്ചില്ല…
ഇടയ്ക്ക് ആമിമോളെയും അഭിയേയും അവൻ വീട്ടിലേക്ക് വിളിച്ചു വരുത്തിയിരുന്നു…അതും കൂടെ ആയപ്പോൾ അമ്മു ഓക്കേ ആയി…
കുടുംബ ക്ഷേത്രം ആയിട്ടും അച്ഛൻ കൊണ്ടുപോകാത്തതിന് ആമി കുറെ സങ്കടം പറഞ്ഞു…പിന്നവരുടെ എക്സാമിന്റെ കാര്യവും പറഞ്ഞു വിഷയം മാറിപ്പോയി…പത്തിലാണവൾ…ഇത്തവണ ബോർഡ് എക്സാം ആണ്…
ഇന്നാണ് ഉത്സവം കൊടിയിറങ്ങുന്ന ദിവസം….
ഇടക്കൊരു ദിവസം രാവിലേ നിർമ്മാല്യം തൊഴാൻ പോയി എന്നതൊഴിച്ചാൽ അവൾ പിന്നേ അമ്പലത്തിൽ പോയില്ലായിരുന്നു…
ഇനി സാരിയുടുക്കേണ്ടെന്ന് കട്ടായം പറഞ്ഞവരെ ഒരു പാട്ടുപാവാടയിലൊതുക്കി ലളിതാമ്മ….
ഞങ്ങളെന്താ സ്കൂൾപിള്ളേരൊന്നുള്ള ചിന്നൂന്റെ ചോദ്യമൊന്നും അവിടെ വിലപ്പോയില്ല…
അമ്മുവിന് കടുംനീലയിൽ വാടാമല്ലി ബോർഡർ ഉള്ളതും ചിന്നുവിന് കരിപ്പച്ചയിൽ മറൂൺ ബോർഡർ വരുന്നതും….രണ്ടും മായ തയ്ച്ചതാണ്…
താലപ്പൊലി എടുക്കണം ഇല്ലെങ്കിൽ വല്ല ചുരിദാറും ഇട്ടോണ്ടുപോയി പ്രതിഷേധിച്ചേനെ ഞാൻ…ചിന്നു മുറുമുറുക്കുന്നുണ്ട്…
“അമ്മുചേച്ചിയെന്താ സ്കൂൾ വാർഷികത്തിനു പോവാ…”
ചിരാത് കൊളുത്തി വെക്കാൻ വാഴതടയും മുറിച്ചു തോളിൽ വച്ചു വന്നവന്റെ വക കമന്റും വായും പൊത്തിപിടിച്ചുള്ള കിണിയും…ഉള്ള കോൺഫിഡൻസ് ആ വഴി പോയിക്കിട്ടി….
“എന്നാലും നമ്മളെത്ര തിന്നിട്ടും ഇതുമാത്രമെന്താടി ഒരു ഇമ്പ്രൂവ്മെന്റും ഇല്ലാതെ…” മാറിലേക്ക് നോക്കി ചിന്നു നെടുവീർപ്പൂടുന്നുണ്ട്…
“ഹാന്ന്….മായമ്മ എന്തൊക്കെയോ ലേഹ്യം വരേ വാങ്ങിത്തന്ന്…എന്നിട്ടും ങേഹേ…..”
“ദുഷ്ടേ….ഒരു സ്പൂണെങ്കിലും തരാൻ തോന്നിയോടി നിനക്ക്. ..വെറുതെ അല്ല…അതു മൊത്തോം മോൾടെ ബാക്കിലോട്ട പോയേക്കണേ…അതു കൊറച്ചു വീർത്തു വന്നട്ടുണ്ട്….ഇവിടെന്റെ കാര്യാണ് കഷ്ടം…ഇന്നലെ വൈഷ്ണ….. പാതിക്ക് നിർത്തി…
”ആഹ…ഇന്നലെ വൈഷ്ണവ്….ബാക്കി പറയ്…മ്മ് മ്മ്…“
” ആ ഇച്ചിരെയില്ലാത്ത ചെക്കനെ നീ വഴി തെറ്റിക്കുവോ….“
”അയ്യോടാ….അവനിനി തെറ്റാൻ ഒന്നും ബാക്കിയില്ല ഇപ്പൊത്തന്നെ അങ്ങ് ആമസോൺ എത്തീട്ടുണ്ട്…“
”ബെസ്റ്റ്…അതേയ്…നമ്മളെങ്ങോട്ടാ…“
”അമ്പലത്തിലേക്ക്…“
”ആണല്ലോ….അപ്പൊ കുറച്ച് ഭക്തി കാര്യം ഒക്കെ ആകാം നടക്കങ്ങോട്ട്….“ അമ്മു ചിന്നുവിനെ പിടിച്ചുവലിച്ചു…
”കൃഷ്ണാ സർവപാപങ്ങളും പൊറുക്കേണമേ….“ നടകീയമായി പറഞ്ഞു മുന്നോട്ട് നടക്കുന്നവളെ നോക്കി ചിരിച് അമ്മുവും നടന്നു….
ഉപദേവതക്കുള്ള താലപ്പൊലിയും കഴിഞ്ഞ് മേളവും കണ്ടുനിൽക്കുമ്പോൾ ആണ് ചിന്നു ചെവിയിൽ എന്തോ പറയുന്നത്….
മേളം കാരണം ഓ നും കേൾക്കുന്നുണ്ടായിരുന്നില്ല…
”എന്താടി…“
”നീ അങ്ങോടു നോക്കിയേ….“
”എന്ത്…“
”എടീ ആ മസ്റ്റാർഡ് യെല്ലോ ബ്ലൗസും സെറ്റുസരീമുടുത്ത ചേച്ചിയേ നോക്കാൻ….“
”കണ്ടോ…“
”ആ കണ്ടു….അതാരാ…..എന്ത് രസാടി കാണാൻ….“
”ആ…അനു സിതാരനെ പോലെ ഇണ്ടല്ലേ…..അതാണ് ഹരിയേട്ടന്റെ പഴേ ലൈൻ….നന്ദിത…“
”ങേഹ്….“ അമ്മു അവളെ നോക്കി…
അതേയെന്നവൾ കണ്ണടച്ചുകാട്ടി….
“ഇത്ര സുന്ദരിയോ….ഇതിനു കണ്ണില്ലായിരുന്നോ….”
“ഒന്നു പോടീ….ഏട്ടനെന്താ ഒരു കുഴപ്പം….അവരെ ഒരുമിച്ച് കണ്ടാൽ ശിവനും പാർവതിയും പൊലിണ്ടെന്ന് അമ്മ എപ്പോളും പറയുവാരുന്നു….”
“ ആര്?..മായമ്മയോ…”
“അല്ല എന്റമ്മ….”
അതുകേട്ടപ്പോൾ അമ്മുവിനൊരു ആശ്വാസം തോന്നിയോ…എന്തിനാണോ…
നന്ദിത….എന്താ ഒരു ചേല് അവരെ കാണാൻ…അഴകൊത്ത പെണ്ണ്….താനോ എക്സാക്ട് ഓപ്പോസിറ്റ്…കാണാൻ ക്യൂട്ട് ആണെന്നെ ഉള്ളൂ….
Addict ayi storykk vegam next part idu