കുറച്ച് നേരം മൈൻഡ് ചെയ്യാതെ നിന്നു പിന്നെ ഒരു ഗ്ലാസ് കൂടെ എടുത്ത് അടുത്തേക്ക് ചെന്നു…അതിലേക്ക് പകുതി പകർത്തി കൊടുത്തു…
അമ്മു കണ്ണുയർത്തി നോക്കിയപ്പോൾ രണ്ടുപേരുടെയും നോട്ടം ഉടക്കി…അവൻ മാറിപ്പോയി…
ചിന്നു കണ്ണും മിഴിച്ചു നോക്കുന്നുണ്ട്….
“അടി പാവി….അന്തർധാര അപ്പൊ മ് മ് മ് ആണല്ലേ…..” അവളെ അടിമുടി നോക്കി ചിന്നു…
“ബാക്കിള്ളൊരു പൊട്ടന്മാര്….”
അമ്മു ഡെസ്കിനടിയിലൂടെ ഒരു ചവിട്ട് കൊടുത്തു…
“എന്തുവാടി പുല്ലേ…..എന്റെ കാല്….”
“വേണ്ടാത്തത് പറഞ്ഞിട്ടല്ലേ….കണക്കായിപ്പോയി…”
“എങ്ങനേ….കെയറേട്ടനും കാന്താരീം ഒക്കെ ഏത് വകേൽ ആയെന്ന് മോളേ ഞാൻ വീട്ടിലെത്തീട്ടൊന്ന് കാണുന്നുണ്ട് അപ്പൊ മൊഴിഞ്ഞേക്കണേ….”
എന്റെ കൂടെ വന്നാൽ അഞ്ചുമിനിട്ടിൽ കൂടുതലെടുത്താൽ കാവടി തുള്ളുന്ന സാധനാ…ഇപ്പോ ഒരുത്തി അരമണിക്കൂർ എടുത്ത് മൂഞ്ചുന്ന കണ്ടിട്ട് മിണ്ടാണ്ടിരിക്കുന്നെ….“ കൊച്ച് പഴേ കലിപ്പ് മൊത്തം പുറത്തിട്ടു…
”ഒന്നു മിണ്ടാതിരിയെടീ…ഞാൻ കുടിക്കുന്നില്ല…പോരെ…“ പിണങ്ങിയവൾ ഗ്ലാസ് തിരിച്ചു വച്ചു…
”ഹരിയേട്ടാ അമ്മുന് വേണ്ടാന്ന്….“ കേൾക്കാൻ നോക്കിയിരുന്നവൾ വിളിച്ചുകൂവി….
”എന്തേ…അമ്മു ചേച്ചിടെ തൊണ്ടേൽ പൂച്ച പെട്റ്റു കിടപ്പുണ്ടോ….ഇറങ്ങാണ്ടിരിക്കാൻ….“ അല്പം മട്ടും തരീമുള്ള കുടിച്ചുതീർന്ന ഗ്ലാസ് ഡെസ്കിലേക്ക് വച്ചു മുണ്ടിന്റെ തുമ്പ്കൊണ്ട് ചുണ്ട് തുടച്ച് അവൻ ചോദിച്ചു..
ഉരുട്ടിനോക്കുന്നുണ്ട് അമ്മു…
”അയ്യോ….ഞാനങ്ങു ദഹിച്ചു….കുടിച്ചിട്ടേണീറ്റ് പോവാൻ നോക്കിയേ രണ്ടും…മഴക്കോളുണ്ട് എനിക്ക് കണ്ടത്തിൽ പോകാനുള്ളതാ….“
”രാത്രി അടിക്കാനുള്ള ആമ്പിയൻസ് സെറ്റ് ആക്കാൻ ആയിരിക്കും….“ അമ്മു മുറുമുറുത്തു…
”ആണെങ്കി നിനെക്കെന്താടി….നിന്റെ തന്തയാ ഫണ്ടുമുക്കീടെ കാശൊന്നുമല്ലല്ലോ….“ അമ്മു കഴിക്കാത്ത പഴംപൊരി കവറിനുള്ളിലേക്ക് പൊതിഞ്ഞു വെക്കുന്നതിനിടെ അവൻ ശബ്ദമടക്കി ചോദിച്ചു….
”എന്റച്ഛന് പറഞ്ഞാലുണ്ടല്ലോ…..“ അവളും ശബ്ദമടക്കി മുരണ്ടു…
”ഉയ്യോഹ്….അമ്മുച്യാച്ചി കലിപ്പിലാ….“ ഡെസ്കിലേക്ക് ഒന്നു ചാഞ്ഞു ഹരി…..
”ഇതെന്തോന്ന് പാണ്ടിപ്പടമോ….മാറിക്കെ അങ്ങട്….“ ഓപ്പോസിറ്റ് ഡെസ്കിലിരുന്ന പ്രായം ചെന്ന രണ്ടുപേർ നോക്കുന്നുണ്ടെന്ന് കണ്ട് ചിന്നു ഇടക്ക് കയറി…ഇല്ലേൽ നാളെയിവരുടെ ഗഥ ആകും വിബിസി ഹോട്ന്യൂസ്….
റോഡിലൂടെ നടക്കുന്നതിനിടയിൽ ഹരിയുടെ ബൈക്കവരെ മറികടന്നുപോയി….മനഃപൂർവം അമ്മുവിന്റെ സൈഡ് ചേർത്ത് ഇടിക്കാനെന്നവണ്ണം ആണവൻ പോയത്…
“നോയ്ക്കോ….ഇവന് ഞാനൊരൂസം ആസിഡ് കലക്കി കൊടുക്കും….അമ്മേനെ ഓർത്തിട്ടാ…..” അവന്റെ നടുപ്പുറം നോക്കിയൊന്ന് കൊടുക്കാൻ പറ്റാത്തത് റോഡിൽ രണ്ട് ചവിട്ട് ചവിട്ടി തീർത്ത് അമ്മു പല്ലിറുമ്മി..
“ങ്ങൂഹും…ഡോണ്ടു ഡോണ്ടു….പൊളിറ്റിക്കൽ കറക്റ്റ്നെസ്സ്….”
ചിന്നുവിന്റെ ഫോൺ വൈബ്രേറ്റ് ചെയ്യുന്നുണ്ട്….വൈഷ്ണവ് ആണ്….അവളുടെ ജൂനിയർ ആണ് കക്ഷി….ചെക്കന് ഇവളോട് അസ്ഥിക്ക് പിടിച്ച പ്രേമം…ആദ്യം കണ്ണുപൊട്ടണ ചീത്ത വിളിച്ചെങ്കിലും മാസങ്ങൾകൊണ്ട് വന്നു വന്നു കുറുകി തുടങ്ങീട്ടുണ്ട് രണ്ടും….ചിന്നുവിന്റെ ഇതുവരെയുള്ള സ്റ്റോറി കേട്ടതിൽ 5ആമത്തെ ആത്മാർത്ഥതയാണ് ഇത്….എന്താവുവോ എന്തോ….
സൊള്ളി സൊള്ളി റോഡിന്റെ നടുക്കലേക്ക് പോണവളെ പിടിച്ച് സൈഡ് ആക്കി അമ്മു മടുത്തു…
വീട്ടിൽ ചെന്നാൽ വിളിക്കാൻ പറ്റില്ല…രാത്രി അമ്മ വീട്ടിൽ ഇല്ലേൽ മായേടെ കൂടെ ആണല്ലോ കൊച്ചിന്റെ കിടപ്പ്…അല്ലേൽ അരുൺ വീട്ടിൽ കാണും..അപ്പോ ഒട്ടും പറ്റില്ല…അതാണീ കൊണ്ടുപിടിച്ച സംസാരം…
വീട്ടിൽ ചെന്നു കയറുമ്പോൾ എവിടേക്കോ പോകാനായി ഒരുങ്ങിനിൽക്കുവാണ് മായ…
“പരീക്ഷ എങ്ങനേണ്ടാരുന്നു ഇന്ന്…” അമ്മുവിന്റെ കയ്യിൽ നിന്നും ബാഗും ചിന്നുവിന്റെ കയ്യിലെ കവറും വാങ്ങി അകത്തേക്ക് വച്ചു മായ…
Addict ayi storykk vegam next part idu