“ഇതതിനു നടുറോഡല്ലല്ലോ….ഇനിയാണേൽ തന്നെയെന്താ…സിപ്പപ്പല്ലേ…”
വേണേൽ പിടിയെന്നും പറഞ്ഞവൾ ഒന്നൂടെ നീട്ടിയപ്പോ അമ്മു വാങ്ങി…സൈഡ് പൊട്ടിച്ചു വായിലേക്ക് വച്ചു ചുറ്റും നോക്കി…ആരുമില്ല…കുടിച്ചു….
“ഇന്നിപ്പോ നീയും കൂടെ ഉള്ളോണ്ട…ഇല്ലേൽ ഹരിയേട്ടനോ അരുണേട്ടനോ വരും വിളിക്കാൻ പണി ഇല്ലാത്ത ദിവസം….”
”ഹരിയേട്ടനാണേൽ ദാ ആ കടേന്നു ചായേം ബോളീം വാങ്ങിച്ചു തരും….“ കുറച്ചപ്പുറെ കാണുന്ന ചായക്കടയിലേക്ക് നോക്കിയാണ് പറച്ചിൽ….
തുടങ്ങി കൊറിയേട്ടൻ പുരാണം….അതാണെലോ ക്രിഞ്ച് ഫെസ്റ്റും….സിപ്പപും കൂട്ടി പിറുപിറുത്തു അമ്മു മുന്നോട്ട് നടന്നു…
”ചിന്നുവേ…..“
”ഓയ്….“ പ്രോഗ്രാം ചെയ്തു വച്ച പോലെ വിളികേട്ടുകൊണ്ട് തിരിഞ്ഞതും ശാരീയേച്ചി….അവരുടെ വീടിന്റെ മുന്നിൽ നിൽപ്പുണ്ട്..
”ദൈവമേ….പെട്ട്…..“
”എന്താടി….“
”ഇതാണ് മോളേ ഇവിടത്തെ മെയിൻ പാഷാണം…രാവിലേ കണ്ടതൊക്കെ ഇതിനെ വച്ച് നോക്കുമ്പോ എന്ത്….“
”എന്തേച്ചി….“ നിഷ്കു ലുക്ക് വാരി വിതറി തിരിഞ്ഞു നോക്കി….
”നീ നേരെ വീട്ടിലോട്ടല്ലേ…..ദാ ഇത് ഒന്ന് മായേനെ ഏല്പിച്ചേരെ….ഒരു ചുരിദാറിന്റെ തുണിയാ…“
ചിന്നുവത് കയ്യിലേക്ക് വാങ്ങി മുന്നോട്ട് നടക്കാനാഞ്ഞു…
” അവിടെ നിന്നേടി….ആ ചെറുക്കൻ ആ മതിലോത്തെ പെണ്ണിനേം കൊണ്ട് വന്നു കേറീന്ന് കേട്ടല്ലോ ശെരിയാണോ….“ അടുത്തേക്ക് വന്നു കൊണ്ട് അവർ ഒതുക്കത്തിൽ ചോദിച്ചു….
തള്ള സമ്മതിക്കൂല….
”ചേച്ചിയേ ഇതിന്റെ അളവോ അപ്പൊ…“ ചിന്നു വിഷയം മാറ്റി…
”അളവ് മായേടെ കയ്യിൽ കാണും…ഇല്ലേൽ നാളെ അളവുചുരിദാർ തന്ന് വിടാംന്നു പറഞ്ഞേക്ക്ട്ടാ….“
”ആ….ശെരിയച്ചീ…..“
”വേം പോ പെണ്ണേ…നീയാരാന്ന് മനസിലായിട്ടില്ല….“ തപ്പിത്തടഞ്ഞു നടക്കുന്നവളെ തള്ളികൊണ്ട് പറഞ്ഞു…
”ഏതാടീ കൂടെയൊരു കൊച്ച്….ഇതാണോ ഇനി….“
”എന്റെ ഫ്രണ്ടാ….“ മുന്നോട്ട് വേഗം നടന്നോണ്ട് മറുപടി കൊടുത്തു…
”ഞാൻ ഇവിടെങ്ങും കണ്ടിട്ടില്ലല്ലോ….“ എത്തി വലിഞ്ഞു അമൃതയെ തന്നെ നോക്കി നിപ്പുണ്ട്….
”കൊറച്ചു മാറിയുള്ളതാ….“ ഉറക്കെ പറഞ്ഞോണ്ട് അമൃതയേം വലിച്ചു മുന്നോട്ട് നടന്നു…
”ഒന്നങ്ങ് അനങ്ങി നടക്ക് ശവമേ…..ഹോ ജസ്റ്റ് മിസ്സ്…“
ചെമ്പരത്തിവേലി കടന്നു മുറ്റത്തേക്ക് കയറുമ്പോൾ മായ നടക്കല്ലിൽ ഇരിപ്പുണ്ട്…
മുൻ വശത്തു മാത്രമാണ് ചെമ്പരത്തി..ബാക്കിയിരുവശവും വേലിചീരയും വെയില് കുറഞ്ഞിടത്തു കൊക്കോയും ഒക്കെ ആണ്..
അവരെ കണ്ടോണ്ട് മായ പേറ്റികൊണ്ടിരുന്ന അരി മുറത്തോടെ മാറ്റിവെച്ചിട്ട് എണീറ്റു…
“മടുത്തു പോയോ….” അമ്മുവിന്റെ വാടിയ മുഖം കണ്ട് ചോദിച്ചു….
“ഹേയ്….ഇല്ലാമ്മ..”
“ഉവ്വാ….തീരെ ഇല്ല….ഇതിങ്ങനേ കൊണ്ടോയി ആ കട്ടിലിൽ പ്രതിഷ്ടിച്ചേക്ക് ആ പരുവം ആയിട്ടുണ്ട്….” ചുരിദാർ തിണ്ണയിലെ അരപ്രൈസിലേക്ക് വച്ചുകൊണ്ട് അർച്ചന പറഞ്ഞു…
ഒരു വിളറിയ ചിരി ചിരിച്ചു അമ്മു…
“ചെന്നു കുളിച്ചിട്ട് വാ…അമ്മ ചായ ഉണ്ടാക്കി വെച്ചിട്ടുണ്ട്…
ഒന്നു കുളിച്ചു ചായ കുടിച്ചതും ഒരാശ്വാസം തോന്നി അവൾക്കു….
ഒരഞ്ചു മിനിറ്റ് കിടക്കാമെന്നോർത്ത് ബെഡിലേക്ക് കിടന്നതേ ഉള്ളൂ ബോധം കെട്ട പോലെ ഉറങ്ങിപ്പോയി…
പതിവുകൾ തെറ്റി…വിളക്ക് വെക്കുന്ന നേരത്ത് പോത്തുപോലെ ഉറക്കം തന്നെ…
മായ ഇടക്ക് വന്നു നോക്കി….ഷീണം കൊണ്ടല്ലേ ആദ്യായൊണ്ടായിരിക്കും ഉറങ്ങട്ടെന്ന് കരുതി…അവളൂരിയിട്ട യൂണിഫോം എടുത്തുകൊണ്ടുപോയി കഴുകി ഇട്ടു..
ആറുമണിയെന്നത് ഏഴായി എട്ടായി ഒൻപതായി….
ഹരിയിടക്ക് സാധനങ്ങളുമായി കയറിവന്നതും അതു അടുക്കളയിൽ വച്ചിട്ട് തിരിച്ചു ക്ലബ്ബിൽ പോയി പിന്നെയും വന്നതൊന്നും അവൾ അറിഞ്ഞിട്ടേ ഇല്ല….
അവൻ ബാഗിലേക്ക് വെക്കാനുള്ളത് എടുക്കാനായി മുറിയിലേക്ക് ചെല്ലുമ്പോൾ ബെഡിൽ കമിഴ്ന്നു കിടന്ന് ഉറങ്ങുന്നുണ്ട്….
Addict ayi storykk vegam next part idu