വിയർത്തു മുഷിഞ്ഞു നാറിയതിനാൽ കുളിച്ചിട്ട് കിടക്കാമെന്ന് കരുതി ഡ്രസ്സ് എടുക്കാൻ അവൻ മുറിയിലേക്ക് കയറി…
അതോ അവളെ ഒന്നു കാണാനോ….അറിയില്ല
ചിന്നു ഭിത്തിയോട് ചേർന്ന് തലവഴി പുതപ്പുമൂടി കിടന്നുറങ്ങുന്നുണ്ട്…
അവളോട് പറ്റിക്കൂടി അമ്മുവും…
“ഇതെന്തോന്ന് സയാമീസ് ഇരട്ടകളോ…”
ജനലിന് പുറത്ത് നിന്ന് ചിന്നുവിന്റെ വീട്ടിലെ വെട്ടം മുറിയിലേക്ക് അടിക്കുന്നുണ്ട്…അതിന്റെ മങ്ങിയ വെളിച്ചത്തിൽ അമ്മുവിന്റെ മുഖം കാണാം…
മുടി പിന്നിയിട്ടു കിടന്നുറങ്ങുന്നവൾ ഇന്ന് അഴിഞ്ഞുലഞ്ഞാണ് കിടപ്പ്….കണ്തടം കരഞ്ഞുകരഞ് നീരുവച്ചു വീർത്തിരിക്കുന്നു…കരഞ്ഞു തളർന്നുറങ്ങിയപോലെ….
ഒരു നിമിഷം ആ കിടപ്പ് നോക്കി നിന്നിട്ട് ശബ്ദമുണ്ടാകാതെ അലമാരി തുറന്ന് മുണ്ടും എടുത്തവൻ പുറത്തേക്കിറങ്ങി….
രാവിലെ അമ്മുവിന് കണ്ണുതുറക്കാൻ പ്രയാസം തോന്നി….കടുത്ത തലവേദനയും….ചിന്നു എണീറ്റു പോയിരുന്നു…
തലേദിവസത്തെ കാര്യങ്ങൾ ഓർമ വന്നതും അവൾ തലയിൽ ഒന്നാമർത്തിപിടിച്ചു…പിന്നേ കണ്ണോണ്ണിറുക്കിയടച്ചു ശ്വാസം വിട്ട് എഴുന്നേറ്റ് പുറത്തേക്കിറങ്ങി….
ഹാളിൽ പതിവുപോലെ മുറിവാതിൽക്കൽ കിടപ്പുണ്ടവൻ…പതിവ് പോസിൽ…പക്ഷെയിന്ന് മുണ്ട് പുതച്ചിട്ടില്ല അരയിൽ തന്നെ ഉണ്ട്….
ഇടയ്ക്കവന്റെ കിടപ്പു നോക്കിയൊന്ന് നിക്കറുള്ളതാണ്…പക്ഷെ ഇന്നത്തിനുള്ള മൂഡ് ഇല്ലാത്തതിനാൽ നേരെ പല്ല് തേക്കാൻ പോയി….
അവനും എണീറ്റു പല്ലുതേക്കാൻ ഇറങ്ങിയപ്പോളും അടുക്കളയിൽ എന്തോ ആലോചിച് സാമ്പാറിന് അരിയുകയാണവൾ…തിരിച്ചു വരുമ്പോളും അങ്ങനെ തന്നെ….
അടുത്തു ഗ്ലാസിൽ മൂടി വെച്ചിരുന്ന ചായ എടുക്കാൻ കൈനീട്ടിയതും അവൾ നടുങ്ങി മാറി….
പേടി തട്ടിയത് പോലെ….
പാവം….
“അതേയ്…..ഇങ്ങനെ പേടി കിട്ടിയാൽ ഞങ്ങടെ ഇവിടൊക്കെ രണ്ട് തല്ല് കൊടുക്കാറാ പതിവ്…അമ്മുചേച്ചിക്ക് ഇനി അതിന്റെ കുറവാണേൽ ഒന്നല്ല ഒരഞ്ചാറെണ്ണം ഫ്രീ ആയിട്ട് തരാം….വേണോ….”
അവളെ ഒന്ന് മയപ്പെടുത്താനായി പറഞ്ഞതാണ്…
പക്ഷെ ഒരു കയ്യിൽ കിഴങ്ങും മറുകയ്യിൽ കത്തിയുമായി ആ നിൽപ് നിന്നതല്ലാതെ അവൾ ഒന്നും മിണ്ടിയില്ല….
“ഹാ….ഇതിനും മാത്രം ആലോചിച് കൂട്ടാനിപ്പോ എന്തുണ്ടായിന്ന….ഏതോ ഒരു നാറി നിന്റെ എവിടെയോ ഒന്ന് ഞൊണ്ടിയെന് ആണേൽ അതിനവന്റെ കൈ ഞാൻ ഒടിച്ചുകുത്തി ഇട്ടിട്ടുണ്ട്….
അതു കേട്ടതും അവൾ മുഖമുയർത്തി അവന്റെ കണ്ണിലേക്കു നോക്കി….തുളുമ്പിനിൽപുണ്ട് രണ്ട് കണ്ണും….
”പിന്നവൻ തൊട്ട പാർട്സ് ആണേൽ….“ പറഞ്ഞുംകൊണ്ട് അവളുടെ ഇടത്തെ കൈത്തുടയിൽ പിടിച്ചു ചെരിച്ചു നിർത്തി…
”അവിടെ തന്നെയുണ്ട് പറിച്ചോണ്ടൊന്നും പോയിട്ടില്ല….ഇനി അമ്മുചേച്ചിക്ക് അങ്ങനയൊരു ഡൌട്ട് ഉണ്ടേൽ ഞാൻ ഒന്ന് തപ്പിനോക്കട്ടെ…പോയില്ലെന്ന് ഉറപ്പിക്കണോലോ….“അവളുടെ നിതബത്തിലേക്ക് നോക്കി ഒരു കള്ളചിരിയോടെ പറഞ്ഞു നിർത്തിയതും കണ്ണീർകുടുക്ക ആയിനിന്നവളുടെ മുഖത്ത് കലി ഇരച്ചുകയറിയത് പെട്ടെന്നാണ്….
കത്തിയും കയ്യിൽ മുറുക്കിയവൾ തിരിഞ്ഞതും അവൻ ഹാളിലേക്ക് ഓടിയിരുന്നു…കയ്യിലിരുന്ന കിഴങ്ങ് അവൾ അവന്റെ പുറം വഴി വലിച്ചെറിഞ്ഞു….
“പട്ടി…..തെണ്ടി….ചെറ്റ…” എന്നിട്ടും കലിതീരാതെ കട്ടിങ് ബോർഡിൽ നാല് കുത്തുകുത്തി….
“അമ്മു ചേച്ചിക്ക് ഡൗട്ടാ…..” തിരിഞ്ഞതും കട്ടിളപടിയിൽ ഇരുകയ്യും വച്ച് ശ്രിംഗാരചിരിയോടെ നിൽപ്പുണ്ട്…..
“നിന്നെയിന്ന്….. കത്തി തിരയാൻ ആഞ്ഞതും അവൻ പിന്നേം ഓടി…
പിന്നൊരു രണ്ട് മൂന്ന് ദിവസത്തേക്ക് ഇടയ്ക്കിടെ അമ്മുചേച്ചിടെ ഡൗട്ട് തീർക്കാൻ അവൻ ഇങ്ങനെ വരും….അവളതിന് ആദ്യമൊന്നും മിണ്ടിയില്ലേലും പിന്നെപ്പിന്നെ തറുതല പറഞ്ഞും കയ്യിൽ കിട്ടുന്നതെടുത്തു വീക്കിയും മറുപടിയും കൊടുത്തു….
അത്രമേൽ വേദനിപ്പിച്ച ആ സംഭവം ഇവന്റെ ഈ ചൊറിയൽ കാരണം മറഞ്ഞു തുടങ്ങിയത് അവൾക്കു പോലും മനസ്സിലായില്ലെങ്കിലും അവനു മനസ്സിലായിരുന്നു….
Addict ayi storykk vegam next part idu