തമ്പുരാട്ടി – 6 44

“എന്റെ ശ്രീദേവിക്കെന്നെ ഒന്നും ചെയ്യാ ങ്കഴീല്ലാന്നെനിക്കറിയാ.പെട്ടന്നുള്ള ദേഷ്യത്തിന്റെ പുറത്ത് എടുത്തതല്ലേയീ തോക്ക്. എനിക്ക് മനസ്സിലാവും. സാരമില്ലമ്മേ…”അമ്മയുടെ മുഖത്തു ഒരു ഞെട്ടലുണ്ടായി. ഞാൻ ശ്രീദേവി എന്ന് വിളിച്ചോണ്ട് ആണോ. മനസ്സിൽ എപ്പോഴും എന്റെ പെണ്ണായി ശ്രീദേവിന്ന് പറഞ്ഞു പറഞ്ഞു അറിയാതെ വായിൽ നിന്ന് വന്നു പോയതാണ്.അനുഷേച്ചിക്ക് ഇനി കളിയാക്കാൻ അത് മതി. അമ്മയെന്നെ ഇനി ഒന്നും ചെയ്യൂല്ലന്ന് ആ മുഖം കാണിച്ചു തന്നു. ഒന്ന് സ്നേഹത്തോടെ സംസാരിച്ചാ അലിയുന്നതാണോ അമ്മയുടെ ഒളിപ്പിച്ചു വെച്ച മനസ്സ്.

“പണ്ട് വല്യച്ഛന്റെ നേരെ അമ്മയിതു ചൂണ്ടിയപ്പോ . എന്റെ കയിലുമുണ്ടായിയുന്നു അമ്മയെ ,വല്യച്ഛന്റെ എടുത്തൂന്ന് രക്ഷിക്കാൻ തുരുമ്പെടുത്തതാണേലുമൊരു കത്തി ഓർമയില്ലേ?ആ ചെറിയ ചെക്കൻ എന്റെയുള്ളിൽ ഇപ്പോഴുമുണ്ട്. അമ്മ തോക്ക് എടുക്കണേൽ ഞാൻ കത്തിയുമെടുക്കും.അമ്മ വാശിയിൽ ആണേൽ ഞാനും വാശിയിലാ.

ഞാൻ കണ്ട് വളർന്നത് അച്ഛനെയല്ല ,അമ്മയെയാ .അപ്പോപ്പിന്നെ അമ്മയുടെ വാശിയെനിക്കും കിട്ടൂല്ലേ? “ മുഖത്തു നോക്കി പറയാൻ എനിക്ക് ഒരു മടിയും തോന്നിയില്ല. ഇങ്ങനെയൊന്നും പറഞ്ഞീല്ലേൽ അമ്മയിനിയും ഇതേപോലെ വേണ്ടാത്ത പ്രശ്നങ്ങൾ ഉണ്ടാക്കിയാലോ.പക്ഷെ നമ്പൂരിച്ചി പെണ്ണിനെ ഒന്ന് വേദന ആക്കാൻ അറിയാതെ പോലും എനിക്ക് ഉദ്ദേശമില്ല. ഞാൻ പറഞ്ഞ കാര്യങ്ങൾ എല്ലാം ആലോചിച്ചു നിൽക്കുന്ന അമ്മയെയാണ് പിന്നെ കണ്ടത്.

”ഇനിയും അമ്മക്ക് എന്നെ കൊല്ലാണോ വേണ്ടല്ലോ? .ഞാൻ എന്തായാലും ഏട്ടത്തിക്ക് വാക്ക് കൊടുത്താ..ഏട്ടത്തിയെയും കൊണ്ടേ ഞാൻ അകത്തേക്ക് കേറൂ..“ അമ്മയുടെ മുഖം ആദ്യമായി തോറ്റ പോലെ താഴ്ന്നു. കയ്യിലെ തോക്കിന്റെ മുന ലക്ഷ്യമില്ലാതെ മാറി. എന്നെയും അനുഷേച്ചിയെയും ഏട്ടത്തിയെയും നോക്കാൻ കഴിയാതെ അമ്മ പ്രയാസപെടുന്നത് ഞാൻ കണ്ടു. അമ്മക്കൊന്നും പറയാനില്ല എന്ന് കണ്ടപ്പോ ഉണ്ട ഇനിയും നെഞ്ചിൽ കൊള്ളാതിരിക്കാൻ തോക്ക് എന്റെ നേർക്ക് നിന്ന് മാറ്റി.

എതിർപ്പ് ഇല്ലന്ന് മനസിലായപ്പോ,കിട്ടിയ അവസരം ഒഴിവാക്കേണ്ട എന്ന ബോധം കേറിയപ്പോ, ഞാൻ ഏട്ടത്തിയെയും അനുഷേച്ചിയെയും കൂട്ടി അമ്മയെ പാടെ അവകണിച്ചു സ്പീഡിൽ അകത്തേക്ക് നടന്നു.

അനുഷേച്ചിക്ക് എന്താ സംഭവിച്ചേന്ന് ഉൾകൊള്ളാനുള്ള ബുദ്ധിമുട്ട് ആണേൽ ഏട്ടത്തിക്ക് വീണ്ടും പേടിയാണ്. അമ്മയെ വീണ്ടും വീണ്ടും തിരിഞ്ഞു നോക്കുന്നത് കണ്ടു. ആദ്യമായി അമ്മയുടെ മുന്നിൽ ജയിച്ച സന്തോഷം എന്റെ ഉള്ളിൽ നിറഞ്ഞു ചാടി. ഇത്രേം ധൈര്യം എങ്ങനെ എനിക്ക് വന്നൂന്ന് ഇപ്പോഴും വിശ്വസിക്കാൻ വയ്യ.

സ്റ്റെപ് കേറി മുകളിലെ നിലയിൽ എത്തിയപ്പോ സന്തോഷം കൊണ്ട് ഞാൻ ചേച്ചിയെയും ഏട്ടത്തിയെയും ഒരുമിച്ചു കൊതി തീരും വരെ കെട്ടിപ്പിടിച്ചു. പിന്നെ അനുഷേച്ചി ഏട്ടത്തിയെയും വാവയെയും കൊണ്ട് ചേച്ചിയുടെ റൂമിലേക്ക് പോയി. താഴെ റൂമുകളിൽ ഏട്ടത്തി കിടക്കുന്നതിനേക്കാൽ നല്ലത് അനുഷേച്ചിയുടെ കൂടെ കിടക്കുന്നതാണ്. അമ്മയുടെ നിരീക്ഷണത്തിൽ നിന്ന് മറുമല്ലോ?

ഇത്തിരി നേരാം എന്റെ റൂമിൽ വാതിലടച്ച് ഞാനിരുന്നു. അമ്മയോട് ജയിച്ച സന്തോഷം ഉള്ള് നിറഞ്ഞങ്ങു പൊന്താണ്. ഇനിയാ ചന്ദ്രന്റെയും നാട്ടുകാരുടെയും മുന്നിലൂടെ എനിക്കൊന്ന് നെഞ്ച് വിടർത്തി നടക്കണം. പറ്റിയ ഏട്ടത്തിയെയും കൈ പിടിച്ചു അങ്ങാടിയിലൂടെ ഒരു നടത്തം. അവനൊക്കെ സ്വപ്നത്തിൽ കരുതി കാണില്ല ഇങ്ങനെ ഒക്കെ നടക്കുമെന്ന്.

അറിയട്ടെ നാറികൾ. എന്നിട്ട് ഞെട്ടട്ടെ. ഇനിയും ഏട്ടത്തി അവരുടെ മുന്നിലൂടെ പോവുമ്പോ ബഹുമാനവും പേടിയും കൊണ്ട് അവരുടെ തല താഴണം. സ്വപനങ്ങൾ പലതും കണ്ടു ഞാൻ റൂമിലൂടെ അങ്ങട്ടും ഇങ്ങട്ടും നടന്നു. പടിഞ്ഞാറേക്കുള്ള ജനൽ തുറന്നപ്പോ അണയാൻ പോവുന്ന സൂര്യന്റെ ചുവന്ന വെളിച്ചം ,മരങ്ങൾക്കിടയിലൂടെ മുറിഞ്ഞു മുറിഞ്ഞു എന്റെ മുറിയിലും,വെളുത്ത ബെഡ്‌ഡിലും നിറഞ്ഞു . വാതിലിൽ ആരോ മുട്ടി. തുറന്നു നോക്കിയപ്പോ. തല ചെരിച്ചു ഇത്തിരി സങ്കടത്തോടെ അനുഷേച്ചി.