“ഹ ഹ ഹ ഹ…….”
അവന്റെ മുഖം കണ്ട നീരജ കണ്ട്രോൾ ഇല്ലാതെ ചിരിച്ചു പോയി…
“എന്നാലും ന്റെ കിച്ചൂട്ടാ….ഹ ഹ ഹ…”
“പോടി പട്ടി….എന്റെ അവസ്ഥ കണ്ടു ചിരിക്കുന്നോടി…തടിച്ചി… ”
കുറുമ്പ് അഭിനയിച്ചു ചാടി എഴുന്നേറ്റ കിച്ചു നീരജയെ കെട്ടിമുറുക്കി അവളുടെ തുടുത്ത കവിളിൽ ആഞ്ഞു കടിച്ചു ഓടി മുറിയിൽ കയറി വാതിൽ അടച്ചു.
“ആഹ്…..ഡാ ചെക്കാ….ഇറങ്ങി വാടാ,…..എന്റെ കവിൾ നൊന്തു,….നിന്നെ എന്റെ കയ്യിൽ കിട്ടട്ടെ കാട്ടി തരാം ഞാൻ…”
വാതിലിൽ മൂന്നു കൊട്ട് ആഞ്ഞു കൊട്ടി നീരജ തന്റെ കലി തീർത്തു.
കിച്ചു അപ്പോഴും ഷോർട്ടിൽ തുറിച്ചു നിന്ന കുട്ടനെ നോക്കി താടിക്ക് കയ്യും വെച്ചു ഇരുന്നതെ ഉള്ളൂ.
“ഡാ…കിച്ചൂട്ടാ അടുത്ത സാറ്റർഡേ ഉം സൺഡേ ഉം നിനക്ക് പരിപാടി എന്തേലും ഉണ്ടോ…”
ഫോണിൽ വൈകിട്ട് ഇരുന്നു സിനിമ കാണുന്ന നേരം നീരജ കിച്ചുവിന്റെ മടിയിൽ നിന്നു തല പൊക്കി ചോദിച്ചു.
“ഉണ്ടെങ്കിൽ…”
സിനിമ പോസ് ചെയ്തു കൈ ഒന്നു നീട്ടി ഞൊട്ടയൊടിച്ചു കിച്ചു കിറി കോട്ടി ചോദിച്ചു.
“ഒരു ഉണ്ടെങ്കിലും ഇല്ല, അടുത്ത സാറ്റർഡേ ഉം സൺഡേ ഉം നമ്മൾ ടൂർ പോവാ…”
അവന്റെ മടിയിൽ നിന്ന് തല പൊക്കി കണ്ണു കൂർപ്പിച്ചു നീരജ പറഞ്ഞു.
“ഓഫീസിൽ നിന്ന് ഇയർലി ടൂർ ഉള്ളത് കറക്ട ഞാൻ കേറിയ ഉടനെ കിട്ടിയത് കണ്ടോ മോനെ, അതാ എന്റെ ഐശ്വര്യം…”
ഷർട്ട് ന്റെ കൊളറിൽ വലിച്ചു നീരജ തല പൊക്കി.
“ഉവ്വാ…അയിന്…”
“അയിന്,….ഒറ്റ കുത്തു ഞാൻ വെച്ചു തരും, സീരിയസ് ആയിട്ട് ഒരു കാര്യം പറയുമ്പോഴാ ചെക്കന്റെ ഒരു അയിന്…
അടുത്ത ശനി ഇറങ്ങുമ്പോൾ എന്റെ കൂടെ കണ്ടേക്കണം, കേട്ടല്ലോ…”
ദേഷ്യം പിടിച്ചു സോഫയിൽ നിന്ന് ഇറങ്ങി ചവിട്ടി തുള്ളി മുറിയിലേക്ക് പോവുന്ന നീരജയെ നോക്കി കിച്ചു ചിരിച്ചു.
അവന്റെ ലോകം എന്നോ അവളിലേക്ക് ചുരുങ്ങി പോയതാണെന്ന് ആ ചിരിയിൽ നിറഞ്ഞിരുന്നു. ആ ചിരിയിൽ തന്റെ ജന്മത്തിന്റെ അർത്ഥം മുഴുവൻ കണ്ടെങ്കിലും ഓടിയൊളിക്കുന്ന അവളോട് അവന്റേത് മാത്രം ആവാൻ അവളുടെ ഹൃദയം തലച്ചോറിനോട് കലഹം ചൊല്ലി.
******************************
“ഡാ….ന്റെ സ്വെറ്റർ എവിടാ….”
മുറിയിൽ നിന്നു കാറി വിളിക്കുന്ന നീരജയുടെ ഒച്ച കേട്ട് ബാഗിൽ തന്റെ ജീൻസ് തള്ളി നിറച്ചുകൊണ്ടിരുന്ന കിച്ചു കാലുകൊണ്ട് ചവിട്ടിപ്പിടിച്ചു സിബ് ഇട്ടു റൂമിലേക്ക് നടന്നു,
” ആ ബാഗ് ഇൽ ഇനി ഒരു കർച്ചീഫ് പോലും കേറില്ല മുക്കാലും ഈ തടിച്ചീടെ ഉടുപ്പ് തന്നെയാ…”
റൂമിലേക്ക് കേറി വരുമ്പോൾ ക്ലിപ്പ് കടിച്ചു പിടിച്ചു മുടി വാരി കെട്ടുന്ന നീരജയെ കിച്ചു കണ്ണിമ വെട്ടാതെ നോക്കി നിന്നുപോയി. മഞ്ഞ ചുരിദാറിൽ ഒത്ത പെണ്ണ് മാറുയർത്തി കൈകൾ പൊക്കി നെഞ്ചു വിരിചു പിടിച്ചു നിന്നു മുടി കെട്ടുന്ന വശ്യത കണ്ടു കിച്ചുവിന്റെ പകുതി ബോധം പോയി.
“മുഖത്തു നോക്കട ചെകുത്താനെ….”
കണ്ണുരുട്ടി ചാട്ടുളി പോലെ പുരികം വളച്ചു ചുണ്ടിൽ കള്ള ദേഷ്യം വരച്ചു നിൽക്കുന്ന നീരജയെ അവൻ നോക്കി നിന്നു.
“ഇവിടെ ഇപ്പൊ നിന്റെ ചോരകുടി മാത്രം സഹിച്ചാൽ മതി പുറത്തു അങ്ങനെ അല്ലല്ലോ, പിന്നെ അവിടെ നല്ല തണുപ്പും ഉണ്ടാവും, അതോണ്ടല്ലേ മോനു…”
പറഞ്ഞു തീർക്കുമ്പോൾ കള്ളക്കുറുമ്പിൽ നിന്ന് സ്വതസിദ്ധമായ വാത്സല്യത്തിലേക്ക് എത്തിയിരുന്നു അവളുടെ വാക്കുകൾ, പണ്ടുള്ള പോലെ അവനോടു വഴക്കടിക്കാൻ കഴിയാത്തത് അപ്പോഴും മനസ്സിന്റെ ഏതോ കോണിലിട്ട് കൂട്ടി കിഴിക്കുകയായിരുന്നു നീരജ.
******************************
“ആ ചുവപ്പ് കൊള്ളാല്ലേ….”
“ആ തരക്കേടില്ല…”
സൂര്യനെല്ലി എത്തും മുന്നേ ഉള്ള ഹെയർപിൻ വളവിൽ ചായകുടിക്കാൻ നിർത്തിയ ടെംപോയിൽ നിന്നും കയ്യും തിരുമ്മി ചൂട് കൂട്ടി ഇറങ്ങിയ കിച്ചുവിന്റെ മുൻപിൽ നോർത്തിൽ നിന്നും ഇറങ്ങിയ ഒരു ലോഡ് പെണ്ണുങ്ങളെ ദൈവം ഇറക്കി വിട്ട പോലെ ആയിരുന്നു, തക്കാളിപ്പെട്ടി മറിഞ്ഞ പോലെ ചായക്കടയ്ക്ക് ചുറ്റും ഉരുണ്ടു നടന്ന പത്തിരുപത് തക്കാളികളിൽ നിന്നു ഏറ്റവും ഭംഗിയുള്ള മുഴുത്ത തക്കാളിയുടെ അംഗലാവണ്യം കണ്ണിലേക്ക് പതിപ്പിക്കുകയായിരുന്നു കിച്ചു കൂടെ നീരജയുടെ കൂടെ ജോലി ചെയ്യുന്ന നിവിനും ഉണ്ടായിരുന്നു. കിച്ചുവിന്റെ കമെന്റിന് മൂളിക്കൊടുത്ത നിവിൻ ചുമ്മ ആ പെണ്ണിനെ ഒന്നു പാളി നോക്കി, ജീൻസിൽ കൊള്ളാതെ ഇടുപ്പിൽ തുടങ്ങി ഇരുവശത്തേക്കും തെറിച്ചു ചാടിക്കിടന്ന അരയും പിൻഭാഗവും ഓരോ അടി വെക്കുമ്പോഴും ഇളകിത്തെറിക്കുന്നുണ്ട്. ഇടുപ്പിന്റെയും ചാടി ചളുങ്ങിയ പൊക്കിളിനെയും കാറ്റുകൊള്ളിക്കാനായി എത്താത്ത ഒരു ചെറിയ റൗണ്ടനെക്ക് ടി ഷർട്ട് ആയിരുന്നു ആ പെണ്ണ് ഇട്ടിരുന്നത്. ആകെ മൊത്തം ഉഴിഞ്ഞു നോക്കി കിച്ചുവും നിവിനും തിരിഞ്ഞത് കയ്യിൽ ചോളവുമായി തങ്ങളെ തേടി വന്ന നീരജയുടെയും അഡ്മിനിസ്ട്രേറ്റർ ആയ ദീപ്തിയുടെയും നേരെ ആയിരുന്നു. കിച്ചുവിനെ കടിച്ചു കീറാൻ എന്ന ഭാവത്തിൽ നിൽക്കുന്ന നീരജയെ കണ്ടതും ന്യായീകരിക്കാൻ നിൽക്കാതെ ഒരു നാണംകെട്ട ചിരി ചിരിച്ചു കിച്ചു കണ്ണു കൊണ്ടും ചുണ്ടനക്കിയും അവളോട് സോറി പറഞ്ഞു. ചവിട്ടിത്തുള്ളി വന്ന നീരജ അവന്റെ കൈമുട്ടിൽ പിച്ചിയാണ് ദേഷ്യം തീർത്തത്. ചോദിച്ചു വാങ്ങിയത് ആയതുകൊണ്ട് കിച്ചു കടിച്ചു പിടിച്ചു നിന്നതെ ഉള്ളൂ. എന്നാൽ പാളി നോക്കിയപ്പോഴാണ് ദീപ്തിയുടെ കണ്ണും ദേഷ്യം കൊണ്ടു ചുവന്നതും കവിളുകൾ ചെറുതായി വിറക്കുന്നതും അവൻ കണ്ടത്.