കാർത്തിക് : Good Morning ഫെസ്സ….
ഫെസ്സ പതിയേ വണ്ടി ഒന്ന് സൈഡ് ആക്കി, കാറിന്റെ സ്ക്രീനിൽ തന്നെ അവൾ മെസ്സേജ് ടൈപ്പ് ചെയ്തു….
ഫെസ്സ : Good Morning കാർത്തി, ഓഫീസിലേക്ക് ഓൺ ദി വേ ആണ്, എത്തിയിട്ട് മെസ്സേജ് അയക്കാം…
കാർത്തിക് : okay ഫെസ്സ, Drive Safe….
ഫെസ്സ : 😊😊😊
അവൾ ഒരു നിറ പുഞ്ചിരിയോടെ വണ്ടി എടുത്തു…
അരമണിക്കൂറിനുള്ളിൽ അവൾ ഓഫീസിലേക്ക് എത്തി, ആദ്യം തന്നെ തലേ ദിവസത്തെ കുറച്ച് ഫയലുകൾ കൺഫെർമേഷൻ നൽകി ഡെസ്കിലേക് അയക്കാൻ ഉണ്ടായിരുന്നു, അത് തീർത്തു…. ഒരു ചൂട് കോഫി കുടിച്ചു….
പതിയെ അവൾ മൊബൈൽ എടുത്തു, ഇൻസ്റ്റാഗ്രാമിൽ കാർത്തിക്കിന്റെ ചാറ്റ് ഓപ്പൺ ചെയ്തു…
ഫെസ്സ : കാർത്തി, ഞാൻ ഓഫീസിൽ എത്തി… താൻ എവിടെയാ? ഫ്ലാറ്റിൽ ആണോ?
കാർത്തിക് ഓൺലൈനിൽ ഇല്ല, അവൾ ഫോൺ മേശയിൽ വെച്ചു… ജനാലയിലൂടെ ഒന്ന് പുറത്തേക്ക് നോക്കി… കുറേ വണ്ടികൾ നിര നിരനിരയായി അങ്ങോട്ടും ഇങ്ങോട്ടും പോവുന്നു….
പെട്ടെന്ന് അവളെ ഞെട്ടിച്ചുകൊണ്ട് അവളുടെ ഫോൺ റിങ്ങായി…..
അവൾ ആകാംഷയോടെ ഒന്ന് നോക്കി…. Instagram Call
“Kaarthik is calling you”…..
അവളുടെ മുഖം നാണം കൊണ്ട് ചുവന്നു, അവൾ ഫോൺ കൈയിൽ എടുത്തു ഒരു നിമിഷം അതിലേക്ക് നോക്കി…. വല്ലാത്തൊരു അനുഭൂതി…
അവൾ Accept എന്ന് തൊട്ടു… ഫോൺ കാത്തോരം ചേർത്തു…
ഫെസ്സ : ഹലോ……
കാർത്തിക് : ഹലോ….. ഓഫീസിലേക്ക് എത്തിയോ?
ഫെസ്സ : ആ ഡാ…. എത്തി… നീയോ?
കാർത്തി : On the Way ആണ് മാഡം, ഒരു അരമണിക്കൂറിൽ എത്തും…
ഫെസ്സ : ഡ്രൈവിങ്ങിൽ ആണോ?
കാർത്തി : അതേല്ലോ…..
ഫെസ്സ : എന്നിട്ടാണോ ഈ മൊബൈലിൽ കോണിച്ചു കൊണ്ടിരിക്കുന്നത്, നാടല്ല മോനെ…. റെടാറിൽ പെട്ടാൽ 1000 പോവും….
കാർത്തി : അതൊക്കെ ഞാൻ ശ്രദ്ധിച്ചോളാം മോളെ, ബ്ലൂ ടൂത്ത് കണക്റ്റഡ് ആണ്, അത് കൊണ്ട് തല്കാലം സീൻ ഇല്ല…
ഫെസ്സ : ഹ്മ്മ്….
കാർത്തിക് : പിന്നെ, ബ്രേക്ക്ഫാസ്റ്റ് ഒക്കെ കഴിച്ചോ?
ഫെസ്സ : ആ ഡാ…. കഴിച്ചു, അതൊക്കെ കഴിഞ്ഞിട്ടാ ഇറങ്ങിയത്….
കാർത്തിക് : എനിക്ക് അവിടെ ചെന്നിട്ടാ…. അറബിക് ഞങ്ങളെ തീറ്റിച്ചില്ലെങ്കിൽ ഒരു സമാധാനം കിട്ടില്ലെന്ന്…..
ഫെസ്സ : അയ്യടാ…. തീറ്റിക്കാൻ പറ്റിയൊരാള്ള്…….
കാർത്തിക് : അതെന്താ മോളെ അങ്ങനെയൊരു ടോക്ക്, ചേട്ടന് എന്താ ഒരു കുറവ്…
ഫെസ്സ : കുറവല്ല, കൂടുതൽ ഉണ്ടെങ്കിലേ ഉള്ളു….
രണ്ടുപേരും ഒന്ന് പൊട്ടി ചിരിച്ചു….
കാർത്തിക് : അതെന്താപ്പാ…. ആ കൂടുതൽ ഉള്ളത്….
ഫെസ്സ : അത്, എന്തെങ്കിലും ആയിക്കോട്ടെപാ…..
രണ്ട് പേരും വീണ്ടും ചിരിച്ചു…..
കാർത്തിക് : എന്നാലും പറയടോ….
ഫെസ്സ : പറയില്ലെടോ…
കാർത്തിക് : വാശികാരി ആണല്ലെ?
ഫെസ്സ : ഒരു പൊടിക്ക്…..
കാർത്തിക് : വാശിക്കാരിക് ഇനി എന്താ പരിപാടി…
ഫെസ്സ : ഇന്ന് ഇനി ഒന്നും ഇല്ല, ഈ മാസം വർക്ക് കുറച്ച് കുറവാണ്, അത്കൊണ്ട് വെറുതെ മൊബൈലിൽ തോണ്ടി ഇരിക്കും…
കാർത്തിക് : ഉച്ചക്ക് ഫ്രീ ആണോ?
ഫെസ്സയുടെ കാലിൽ നിന്നും ഒരു തരിപ്പ് തല വരെ കയറി, അവളുടെ കണ്ണുകൾ വിടർന്നു, ഹൃദയതാളം കാതിൽ കേൾക്കാം, ദേഹം വല്ലാതെ കുളിരുന്നു….
ഫെസ്സ : എന്താ ഡാ?
കാർത്തിക് : ഒന്ന് കാണാനായിരുന്നു….
ഫെസ്സ : എവിടെ വെച്ച്?
കാർത്തിക് : ലഞ്ച് ഏതെങ്കിലും റെസ്റ്റോറന്റിൽ ആകാം….
ഫെസ്സ മൊത്തത്തിൽ വിറക്കാൻ തുടങ്ങി, എന്ത് പറയും…. ഹാഷിം അല്ലാതെ ഒരു പുരുഷന്റെ കൂടെ താൻ ആദ്യമായായിരിക്കും ഒരു മേശയിൽ ഇരുന്നു ഭക്ഷണം പങ്കിടാൻ പോവുന്നത്, ആരെങ്കിലും കണ്ടാൽ? ആരെങ്കിലും അറിഞ്ഞാൽ?….
പക്ഷെ…. പോവാതിരിക്കാൻ പറ്റില്ല, ഇന്ന് പോയില്ലെങ്കിൽ പിന്നെ തനിക് ഒരിക്കലും പോവാനുള്ള ധൈര്യം വരില്ല, രണ്ടും കല്പിച്ചു പോവാം … ജീവിതം ഒന്നല്ലേ ഉള്ളു…. ഒന്നെങ്കിൽ ജീവിച്ചു തീർക്കണം അല്ലെങ്കിൽ മരിക്കുന്നതാണ്നല്ലത്…