പരസ്പരം സംസാരിക്കാതെ എല്ലാം മനസിലാക്കിയ ആശ്വാസത്തിൽ ഞങ്ങളെങ്ങനെ നിന്നു. പ്രത്യേക അനുഭൂതിയായിരുന്നു ആ സമയത്ത് ഞങ്ങൾക്ക്..
“”ടാ ഒരുപക്ഷെ സത്യം നിന്നോട് പറയുന്നതിന് മുൻപ് ഞാൻ മരിച്ചു പോയിരുന്നെങ്കിൽ നീയെന്തു ചെയ്യുമായിരുന്നു “” സങ്കടങ്ങളെല്ലാം മാറിയ ആ നിമിഷത്തിൽ അവളെന്നോട് ചോദിച്ചു.
“”നിന്നോട് ഞാൻ പറഞ്ഞില്ലേ..
മറ്റെന്തിനെക്കാളും ഞാനിഷ്ടപ്പെടുന്നത് നിന്നെയാണ്.. അങ്ങനെയെന്തെങ്കിലും സംഭവിച്ചാൽ ഞാനൊരു ഭ്രാന്തനായി മാറിയേക്കാം. അല്ലെങ്കിൽ സ്വയം ഇല്ലാതാവും “”
“”എന്നിട്ടാണോ എന്നെ ഇത്രേം കാലം വിളിക്കാതിരുന്നേ?””
“”എന്റെ മാനസികാവസ്ഥ അങ്ങനെയായിരുന്നു. അതൊക്കെ പോട്ടെ, ഞാനാണ് ഞാൻ നിന്നോട് മിണ്ടിയില്ലെങ്കിൽ നീയെന്ത് ചെയ്തേനെ.””
“”എന്ത് ചെയ്യാൻ, ജീവിതകാലം മുഴുവൻ ഞാൻ കാത്തിരിക്കും നിനക്ക് വേണ്ടി.””
“”ആണോ, എന്നാലെന്നെയൊന്നു കെട്ടിപിടിക്ക് “” ഞാൻ പറഞ്ഞതും അവളെന്നെ കെട്ടിപിടിച്ചു.. ഞാനവളെയും..
“”മതിയോ “”
“”ഇല്ല, അന്ന് നമ്മൾ ബാക്കി നിർത്തിയ പരിപാടി തുടരണ്ടേ?””
“”വേണം, എനിക്കെല്ലാം വേണം.. നീ പറയുന്നത് മാത്രേ ഞാനിനി കേൾക്കൂ.. “” എന്റെ നെഞ്ചിൽ കിടന്നവൾ കുറുകി.. വല്ലാത്തൊരു സുഗന്ധമായിരുന്നു അവൾക്കപ്പോൾ. മുടികൾക്ക് പോലും എന്നെ കോരിതരിപ്പിക്കാനുള്ള കഴിവുണ്ടെന്നു തോന്നി.. അത്രമാത്രം സന്തോഷത്തിലും ആവേശത്തിലുമായിരുന്നു ഞങ്ങൾ. നഷ്ടപ്പെട്ടു പോയ ജീവൻ തിരിച്ചു കിട്ടിയതുപോലെ.
“”എങ്കിൽ ഈ തിരുവോണത്തിന് ഇവിടെ എന്റെ റൂമിൽ വച്ചു ഞാനെന്റെ പെണ്ണിനെ സ്വന്തമാക്കും.. എല്ലാ അർത്ഥത്തിലും “” അവളുടെ കഴുത്തിൽ ചുണ്ടുകൾ ചേർത്ത് ഞാൻ പറഞ്ഞു.
“”Mm”” അവളൊന്നു മൂളിയതേയുള്ളു..
അപ്പോഴേക്കും താഴെ നിന്നും ഞങ്ങളെ എല്ലാവരും വിളിച്ചു.. പെട്ടെന്ന് തന്നെ ഞങ്ങൾ താഴേക്കു പോയി.. വളരെ ആവേശത്തിലായിരുന്നു ഞങ്ങൾ.
രാത്രി കിടക്കാൻ നേരമാണ് നീലിമക്ക് ഫോട്ടോ അയക്കുന്ന കാര്യം ഞാനോർത്ത്.. ഉടനെ ഫോൺ എടുത്തു അവളുടെ നമ്പർ സേവ് ചെയ്തു.. സമയം 11 മണിയായി.. അവൾ ഉറങ്ങിയിട്ടുണ്ടാവുമോ.. എന്തായാലും അയച്ചിട്ടേക്കാം. മൊത്തത്തിൽ ഇന്നൊരു നല്ല ദിവസമാണെന്ന് തോന്നുന്നു. അവളുടെ വാട്സ്ആപ്പ് തുറന്ന് നോക്കിയ ഞാൻ ആദ്യം നോക്കിയത് അവളുടെ DP ആണ്. AN എന്നെഴുതിയ ഒരു എംബ്ലം മാത്രം.
ഒരു HI ഇട്ടതിനു ശേഷം ഞാനാ ഫോട്ടോ അയച്ചുകൊടുത്തു. അപ്പോഴാണ് ഞാനും ആ ഫോട്ടോ ശ്രദ്ധിച്ചത്.. നീലിമയും അങ്കിയും സൗന്ദര്യത്തിന് വേണ്ടി മത്സരിക്കുന്നത് പോലെ.. ഞാനത് കുറെ നേരം നോക്കി നിന്നു.. അപ്പോഴാണ് നീലിമയുടെ റിപ്ലൈ വന്നത്..
“”Hi “”
“”എന്താടീ ഉറക്കമൊന്നുമില്ലേ “” ഞാൻ ഉടനെ റിപ്ലൈ കൊടുത്തു.
“”ആയിട്ടില്ല, അഭി വിളിച്ചു കഴിഞ്ഞിട്ടേയുള്ളു.. “”
“”ഓഹ് ശരിയാ, ഞാനവനെ വിളിക്കാൻ മറന്നു.. നീ അവനോടു പറഞ്ഞോ നമ്മൾ കണ്ടത്.””
“” പറഞ്ഞെടാ.. ഭയങ്കര ഹാപ്പിയിലാ അവൻ.. നിന്റെ നമ്പർ കൊടുത്തിട്ടുണ്ട്.. ഞാൻ തന്ന നമ്പറിൽ അവനൊരു വാട്സ്ആപ്പ് ഇട്ടോണം “”
“”Mm ഇട്ടേക്കാം, എടീ നിന്നെ ഇങ്ങനെ കാണുമെന്നു വിചാരിച്ചതേയില്ല ഞാൻ.. ഭയങ്കര സർപ്രൈസ് ആയിപോയി.””
“”സത്യാടാ, ഇന്ന് കണ്ടില്ലെങ്കിൽ പിന്നെ കാണുകയേയില്ല.. “”
“”അതേ, എന്നാലും നിനക്കൊരു മാറ്റാവുമില്ലാട്ടോ.. അന്നും ഇന്നും ഒരേപോലെ “” അവളുടെ ശരീരത്തെ കുറിച്ച് ഞാൻ പറഞ്ഞു.
“”പോടാ.. സത്യം പറ “”
“”സത്യം… ഞാനെന്തിനാ നിന്നോട് നുണ പറയണേ..””
“”എന്നിട്ട് അഭി എപ്പോഴും ദേഷ്യപ്പെടും, ശരീരം ശ്രദ്ധിക്കുന്നില്ല തടി കൂടുതലാണെന്ന് “”
“”അവന്റെ ആഗ്രഹം അങ്ങനെയായിരിക്കും, അതൊക്കെ പോട്ടെ പിന്നെ എന്തൊക്കെയുണ്ട് വിശേഷങ്ങൾ “”
“”സുഖം അങ്ങനെയൊക്കെ പോകുന്നു, അല്ല ഇന്ന് നമ്മൾ മൂന്നു പേരും സംസാരിച്ചപ്പോൾ നീയും അവളും വല്ലാതെ സംസാരിച്ചില്ലല്ലോ.. എന്തെങ്കിലും പ്രശ്നം ഉണ്ടോ “”