“എങ്കി എനിക്ക് തോന്നിയതാവും അല്ലേ..?”
“ആ..”
“സമ്മാനം തരാനൊന്നുമല്ല ഞാൻ വന്നത്. പേടിക്കേണ്ട.. ഒന്ന് കാണണം എന്ന് തോന്നി..”
അവളൊന്നും മിണ്ടിയില്ല.
“നിന്നെ കാണുന്ന ദിവസങ്ങളിൽ എനിക്ക് നല്ലതാണ്..ഭാഗ്യമാണ്..ഇന്നലെ പുതിയൊരു ബിസിനെസ്സ് സ്റ്റാർട്ട് ആയി.. താങ്ക്സ്..”
അശ്വതി കണ്ണുകൾ ഉയർത്തി.
“ഇറങ്ങട്ടെ എന്നാ..?”
“എനിക്കൊരു കാര്യം പറയാനുണ്ട്..”
പുറകിലേക്ക് മാറി നിന്നുകൊണ്ട് അവൾ പറഞ്ഞു. ഉള്ളിലേക്കുള്ള ക്ഷണത്തോടെ അവളുടെ നീക്കം കണ്ട് അയാളുടെ ഉള്ളൊന്ന് തുടിച്ചു. ഉള്ളിലേക്ക് കയറി.
“എന്താ അശ്വതി..??”
“പ്രസാദേട്ടന് ഇനി പണം കൊടുക്കരുത്..?”
“എന്ത് പറ്റി..?”
“അങ്ങേർക്ക് അനാവശ്യ ചിലവാണ്..ഇവിടേക്ക് എത്തില്ല..”
“കള്ള് കുടിയുണ്ടോ അവന്..?”
“ഉണ്ടായിരുന്നു.. ഇങ്ങനെ പണം കാണുമ്പോൾ ഇനി എങ്ങനെയാവുമെന്ന് അറിയില്ല..”
“മ്മ്.. അപ്പൊ നിങ്ങടെ കാര്യം എന്തു ചെയ്യും..?”
“പണിയുടെ വേതനം മാത്രം നൽകിയാൽ മതി.”
“അതും നിങ്ങടെ കയ്യിൽ എത്തുമോ..?
അവളൊന്നും മിണ്ടിയില്ല..
“നിനക്കും കൊച്ചിനും ഒരു ബുദ്ധിമുട്ട് ഇല്ലാതെ വരാനാണ് അവന് ഞാൻ പണിക്ക് കേറുന്നതിനു മുൻപ് തന്നെ കുറച്ചധികം പണം കൊടുത്തത്..”
“ഇനി അങ്ങനെ വേണ്ട..”
കൗശലക്കാരനായ മാധവൻ വേറൊന്നും പറയാതെ ഇറങ്ങി. മുന്നിൽ ഒരായിരം അവസരങ്ങൾ തുറന്ന് കിട്ടുന്നത് പോലെയാണ് അയാൾക്ക് തോന്നിയത്. അവന്റെ ഈ സ്വഭാവം തന്നെയാണ് ഈ പെണ്ണിങ്ങനെ പെരുവഴിയിൽ ആവുന്നത്. ഒന്നാലോചിച്ചാൽ അത് തന്നെയാണ് അവളെ നേടാനുള്ള വഴിയും. അടുത്ത കരുക്കൾ നീക്കാനുള്ള വക്ര ബുദ്ധി അയാൾ ആലോചിച്ചു. മുട്ടനാടുകളെ തമ്മിലടിപ്പിച്ചു ചോര കുടിക്കുന്നത് പോലെ. അശ്വതിയുടെ ചോര കുടിക്കാൻ….!
അന്ന് രാത്രി പ്രസാദ് വരുമ്പോൾ രണ്ടെണ്ണം വീശിയാണ് വന്നത്. മദ്യത്തിന്റെ മണം അടിച്ചപ്പോഴേ അവൾക്ക് ഓക്കാനം വന്നു. പ്രസാദിന്റെ നിൽപ് കണ്ട് ദേഷ്യം വന്ന് കണ്ണുകൾ ചുവന്നു.
“നിങ്ങൾ വീണ്ടും തുടങ്ങിയല്ലേ..?, ഞാൻ വിചാരിച്ചിരുന്നു ഇതിങ്ങനെയേ വരൂന്ന്..”
“ഇല്ലെടി.. ഒരു രണ്ടെണ്ണം.. പണിയുടെ ക്ഷീണത്തിന്..”
“പൈസ ഇനി ഇതിലേക്കും പോയാൽ നമ്മൾ എങ്ങനെയാ ജീവിക്കുന്നെ..?”
“അതൊന്നും ഓർത്ത് പേടിക്കേണ്ട.. എല്ലാം ശെരിയാകും..”
“ഏട്ടൻ ശെരിയാകാതെ എങ്ങനെ ആവനാണ്..?”
“ഒച്ച വെക്കല്ലെടി.. മാധവേട്ടൻ കേൾക്കും..”
“നിൽക്കാനൊരിടവും കയ്യിൽ പൈസയും കിട്ടിയപ്പോൾ പഴയത് പോലെയാവുകയാണോ..?”
“നി ഒന്ന് മിണ്ടാതെ നിന്നെ അച്ചൂ..”
“പറ്റില്ല.. ഞങ്ങളെ എന്തിനാ ഇവിടെ കൊണ്ടുവന്നത്..? നിങ്ങൾക്ക് നിങ്ങടെ ഇഷ്ടം പോലെ ആയിക്കൂടെ..?”
“ഒഹ്.. ഇനി കുടിക്കില്ല. സത്യം.. ഇന്ന് കൂടെയുള്ളവർ പറഞ്ഞപ്പോ ചുമ്മാ ഒന്ന് അടിച്ചതാ..”
“ഓ.. അപ്പൊ കൂടെയുള്ളവർ ഒക്കെ ആയി..”
“നി ഒന്ന് മിണ്ടാതെ നിന്നെ.. പോ.. പോയി കിടക്കാൻ നോക്ക്. എസിയുടെ തണുപ്പ് കൊണ്ട് കിടക്ക് ചൂടൊന്നു മാറട്ടെ നിന്റെ..”
“അതും നിങ്ങൾ ആക്കിയതല്ലല്ലോ.. അന്യന്റെ ഔദാര്യമല്ലേ..”
“എന്തായാലും നിനക്ക് സുഖമായില്ലേ…?”
അത് കേട്ടപ്പോൾ അവളാകെ അടിമുടി വിറച്ചു.
“നിങ്ങൾ ഒരു കാലത്തും നന്നാവില്ല. നിങ്ങളോടൊപ്പം ഇറങ്ങി തിരിച്ച എന്നെ കൊല്ലണം ആദ്യം..”
അവളുടെ തൊണ്ടയിടറി…
സങ്കടം വന്ന മുഖവുമായി റൂമിലേക്ക് പോയി വാതിൽ വലിച്ചടച്ചു. മദ്യ ലഹരിയിൽ ആണെങ്കിലും പറഞ്ഞത് കൂടിപ്പോയോ എന്നവന് തോന്നി.
അടുത്ത ദിവസം രാവിലെ പ്രസാദിന് വേണ്ടി അവൾ ഒന്നും ഉണ്ടാക്കിയില്ല. ഈ കുടി ഇനി വീണ്ടും ശീലമാകും. നേർവഴിക്കു വരുത്താൻ പറ്റുമോ നോക്കട്ടെ എന്ന് തന്നെ അവൾ ചിന്തിച്ചു. കടിഞ്ഞാൺ ഇട്ടേ മതിയാകു. പ്രസാദ് പോകുന്നത് വരെ അവന്റെ അടുത്തേക്കും പോയില്ല. കയ്യിലെ പൈസ തീരുമ്പോ താനേ വന്നോളും. ഇനി മാസാവസാനം അല്ലേ പൈസ കിട്ടു. അതിന് മുൻപ് മാധവട്ടനോട് പറഞ്ഞു അതിനും ഒരു പരിഹാരം കാണണം. അയാളുടെ ഇപ്പോഴുള്ള പെരുമാറ്റം വലിയ പന്തിക്കേടില്ലാത്തതാണ്.
ചിന്നു മോൾക്ക് ഭക്ഷണം വിളമ്പി കൊടുക്കുമ്പോഴാണ് കാർ സ്റ്റാർട്ട് ചെയ്ത ശബ്ദം കേൾക്കുന്നത്. വേഗം തന്നെയവൾ ജനലരികിൽ എത്തി. നോക്കുമ്പോൾ മുകളിലേക്ക് നോക്കി നിൽക്കുന്ന മാധവനെയാണ് കണ്ടത്. ഉള്ളിലൊരു നൂറായിരം ചമ്മൽ വികാരം ഇരച്ചു കയറി. അയാളുടെ പുഞ്ചിരി കൂടെ കണ്ടപ്പോൾ അങ്ങ് ഇല്ലാതായി.
ഏകലവ്യാ തുടർച്ച ഉണ്ടാക്കുമോ? ഇതിൽ പരം നല്ല കമ്പികഥ ഞാൻ അടുത്ത കാലത്തു കണ്ടിട്ടില്ല. നല്ല ശൈലി. തുടർച്ച ഉടനെ തന്നേ വേണം കേട്ടോ.