അപ്പോളാണ് താൻ തേടി നടന്നത് അജ്ഞാതൻ കാണുന്നത്.. പിന്നെ ഒട്ടും അമാന്തിച്ചില്ല. കയ്യിലിരുന്ന ആയുധം വായുവിൽ വീശി.. ചോര ആ മുറിയിലെ ഭിത്തിയിൽ തെറിച്ചു..
പെരിയവരുടെ നിലവിളി ആ ഫ്ലോർ മുഴുവൻ വിറങ്ങലിച്ചു.. അത് കേട്ട് ഉണർവോടെ ഉണ്ടായ ഒരേയൊരാൾ ചിലപ്പോൾ ബാലു ആയിരിക്കും..
പെരിയവരുടെ മുറിയുടെ മുന്നിൽ എത്തുന്നതിനു മുമ്പ് തന്നെ ബാലു ആ അലർച്ച കേട്ടു.. രതിയിലെ ശബ്ദം ആണെന്ന് ആദ്യം ബാലുവിന് തോന്നി.. പക്ഷെ എന്തൊ ഒരു അപാകത ഉണ്ട് ആ അലർച്ചയിൽ.. ബാലു വേഗം പെരിയവരുടെ മുറിയുടെ അടുത്തേക്ക് നടന്നു..
ഡോറിന് മുന്നിൽ എത്തിയപ്പോ ആണ് ആരോ പെട്ടന്ന് പുറത്തേക്ക് ഓടി വന്നത്.. ബാലു അയാളെയോ അയാൾ ബാലുവിനെയോ പ്രതീക്ഷിച്ചിരുന്നില്ല.. അത് കൊണ്ട് രണ്ടു പേരും ഇടിച്ചു നിലത്തേക്ക് വീണു..
വീണിടത്തു നിന്ന് ബാലു പെട്ടന്ന് ചാടി എഴുന്നേറ്റ്.. ഇതാരാണ്.. പെരിയവർ അല്ല. ഒരു ചെറുപ്പക്കാരൻ ആണ്.. നല്ല ഉയരം.. നല്ല ശരീരം.. മുഖം കാണാൻ വയ്യ.. മുഖം മൂടി ഉണ്ട്..
മുഖം മൂടി ഈ സമയത്തു വരുന്നത് ആരാണ്..? ഞാൻ ആലോചിച്ചു.. കള്ളൻ തന്നെ. അവന്റെ കയ്യിൽ ഒരു ചെറിയ സഞ്ചി പോലൊരു ബാഗ് ഉണ്ട്.. ശബരിമലക്ക് കൊണ്ട് പോകുന്ന തോൾ സഞ്ചി പോലെ ഒന്ന്.. അപ്പോൾ കള്ളൻ തന്നെ.. ഞാൻ ഉറപ്പിച്ചു..
ഞാൻ ചിന്തിച്ചത് തന്നെ അയാളും ചിന്തിച്ചിരിക്കണം. അതിനാലാവണം എഴുന്നേറ്റ ഉടനെ തന്നെ അവൻ എന്നെ ആക്രമിക്കാൻ ശ്രമിച്ചത്.. അത് പ്രതീക്ഷിച്ചത് കൊണ്ട് അവന്റെ അടിയിൽ നിന്ന് ഞാൻ ഒഴിഞ്ഞു മാറി.. അപ്പോൾ അവൻ പിന്നെയും മുന്നോട്ടു വന്നു എന്നെ ആക്രമിക്കാൻ തുടങ്ങി..
തിരിച്ചു അങ്ങോട്ട് അടിക്കാൻ ഞാൻ ചിന്തിച്ചു എങ്കിലും അവന്റെ കയ്യിൽ ഒരു കഠാര ഞാൻ ശ്രദ്ധിച്ചിരുന്നു. പരമാവധി അതിൽ നിന്ന് ഒഴിവാകാൻ ആണ് ഞാൻ ശ്രമിച്ചത്..
‘കള്ളൻ.. കള്ളൻ..’
ഞാൻ അതിനിടയിൽ വിളിച്ചു കൂവി.. അവൻ എന്നെ ആക്രമിക്കാൻ തുനിയുമ്പോ എല്ലാം പറ്റുന്ന പോലെ അടുത്തുള്ള ഡോറുകളിൽ ഞാൻ തട്ടി.. കള്ളൻ അപ്പോളും എന്നെ വിടാതെ ആക്രമിച്ചു കൊണ്ടിരുന്നു. പക്ഷെ അവന്റെ കത്തിക്ക് ഇത് വരെ എന്നെ തൊടാൻ കഴിഞ്ഞിട്ടില്ല. ഞാൻ പിന്നിലോട്ട് പരമാവധി നീങ്ങി നീങ്ങി ആണ് മൂവ് ചെയ്തത്..
ഞാൻ വിളിച്ചു കൂകുക കൂടി ചെയ്തതോടെ കള്ളന്റെ പ്രധാന ലക്ഷ്യം ഇവിടെ നിന്നും എങ്ങനെ എങ്കിലും പുറത്തു കടക്കുക എന്നത് മാത്രം ആയിരുന്നു.. അവന്റെ ശ്രദ്ധ എന്നിൽ നിന്നും രക്ഷപ്പെടുന്നതിലേക്ക് ആയി.. ആ സമയത്തു ഞാൻ അവന്റെ കത്തി പിടിച്ച കയ്യിലേക്ക് കാൽ നീട്ടി ഒന്ന് ചവിട്ടി.. കള്ളന്റെ കയ്യിൽ നിന്നും കത്തി ദൂരേക്ക് തെറിച്ചു പോയി..
ഇതാണ് അവസരം.. ഞാൻ കള്ളനെ കടന്നു പിടിച്ചു.. പക്ഷെ അയാൾ നല്ല ആരോഗ്യവാൻ ആയിരുന്നു.. ശരീരം നന്നായി ഒന്ന് കുതറിച്ചപ്പോൾ എന്റെ പിടുത്തം ഒന്ന് അയഞ്ഞു
.. ആ സമയത്ത് അയാൾ മുന്നിലേക്ക് ഓടി രക്ഷപെടാൻ ശ്രമിച്ചു.. പുറകെ ഓടി ചെന്ന ഞാൻ മുന്നിലേക്ക് ആഞ്ഞു ചാടി അവന്റെ മുതുകിൽ ചവിട്ടി..
ഞങ്ങൾ രണ്ട് പേരും താഴേക്ക് വീണു. അവൻ കുറച്ചു മുന്നോട്ടു തെറിച്ചാണ് വീണത്.. എന്റെ ചവിട്ടിൽ അവന്റെ സഞ്ചി മുന്നോട്ടു തെറിച്ചു വീണു. സഞ്ചി നിലത്ത് വീണപ്പോ എന്തോ പാട്ട പോലെ ഒന്ന് നിലത്തു വീണത് പോലെ ഒരു ശബ്ദം ഞാൻ കേട്ടു.. മോഷണവസ്തു ആണ്.. എന്താണോ ആവൊ…?
സഞ്ചി കയ്യിൽ നിന്ന് പോയതും അവന് വെപ്രാളം ആയി.. നിലത്തു നിന്ന് പിടഞ്ഞു എഴുന്നേറ്റ് അവൻ മുന്നോട്ടു ഓടാൻ ശ്രമിച്ചു.. സഞ്ചി എടുക്കാൻ ആവണം. പക്ഷെ ഞാൻ പിന്നെയും അവനെ കടന്നു പിടിച്ചു.
അവൻ തിരിഞ്ഞു എനിക്ക് നേരെ വന്നപ്പോൾ അവന്റെ മുഖം നോക്കി ഞാൻ കൈ ചുരുട്ടി ഇടിച്ചു.. അവന് നല്ലോണം നൊന്തു. പക്ഷെ അത് അവന് കാര്യം ആക്കിയില്ല.. പിന്നിൽ കിടക്കുന്ന സഞ്ചിയിൽ ആയിരുന്നു അവന്റെ ശ്രദ്ധ മുഴുവൻ.. ഞാൻ അവനെ എന്ത് അടിച്ചിട്ടും അവൻ തളർന്നില്ല..