‘എനിക്ക് ഒന്നും മനസിലായില്ല..’
ഞാൻ പറഞ്ഞു
‘മരിച്ചത് അലക്സാണ്ടർ ചമ്പാരൻ ആണ്. അയാളുടെ തന്നെ ഹോട്ടലിൽ വച്ച്..’
ജോർജ് സാർ പറഞ്ഞു
‘പെരിയവരോ..? എപ്പോ..? എന്ത് പറ്റിയതാ..?
ഞാൻ ആ സംഭവം ആദ്യമായ് കേട്ടത് പോലെ അഭിനയിച്ചു
‘ റിപ്പോർട്ട് വന്നിട്ടില്ല.. അറ്റാക്ക് ആയിരിക്കാം എന്ന് പറയുന്നു.. എന്നാലും ആ സമയത്തു അവിടെ ഒരു കള്ളൻ ഉണ്ടാവുക എന്നത് ഒരു യഥാർശ്ചികത ആവില്ലല്ലോ..’
ജോർജ് സാർ പറഞ്ഞു
സാർ പറയുന്നത് പകുതി കള്ളമാണെന്ന് എനിക്ക് അറിയാം. അലക്സാണ്ടർ ചമ്പാരൻ കുത്ത് കൊണ്ട് ചത്ത് മലച്ചു കിടന്നത് ഞാൻ എന്റെ കണ്ണ് കൊണ്ട് കണ്ടതാണ്. പക്ഷെ അതൊരു സാധാരണ മരണം ആണെന്ന് സാർ പറയുന്നത് എന്തിനാണ്. പോലീസ് നമ്മളോട് കള്ളം പറയുന്നു എങ്കിൽ അത് നമ്മളെ കുടുക്കാൻ ആയിരിക്കണം.. ഞാൻ ഓർത്തു..
ചോദ്യം ചെയ്യൽ പിന്നെയും തുടർന്ന്.. മണിക്കൂറുകൾ കടന്നു പോയ്. എന്നെയും സുനിയെയും ഒരുമിച്ച് ഇരുത്തിയും ഒറ്റയ്ക്ക് ഇരുത്തിയും എല്ലാം ചോദ്യം ചെയ്യാൻ തുടങ്ങി. ഞങ്ങൾ അവിടെ ചെല്ലാൻ ഉണ്ടായ സാഹചര്യം അവർക്ക് കൺവിൻസ് ആയിട്ടുണ്ട്. പക്ഷെ ഇപ്പോളും അവർ വേറെന്തോ ഞങ്ങളിൽ നിന്ന് അറിയാൻ ശ്രമിക്കുന്നുണ്ട്. ചമ്പാരന്റെ മരണത്തെ കുറിച്ചുള്ള സത്യം ഇപ്പോളും അവർ ഞങ്ങളോട് വിട്ടു പറയുന്നുമില്ല..
‘സാർ. ഞങ്ങൾ പറയുന്നത് സത്യം ആണെന്ന് ക്ലിയർ ആയില്ല. പിന്നെ ഇനിയും എന്തിനാണ് ഞങ്ങളെ ഇവിടെ പിടിച്ചു ഇരുത്തുന്നത്..?
ഒടുവിൽ ഞാൻ അത് ചോദിച്ചു
‘എടാ ഒരു possible crime ന്റെ prime suspects ആയേക്കാവുന്ന ആളുകൾ ആണ് നിങ്ങൾ. രണ്ട് ചോദ്യം ചോദിച്ചു വിടാൻ പറ്റില്ല. നീ ഒന്ന് ക്ഷമിക്ക്..’
ജോർജ് സാർ എന്റെ തോളിൽ പിടിച്ചു സമാധാനിപ്പിച്ചു. പക്ഷെ ആ പിടുത്തത്തിൽ കുറച്ചൊരു ബലം കൊടുക്കൽ ഇല്ലാതില്ലാതില്ല..
അപ്പോളാണ് ഞങ്ങൾ ഇരിക്കുന്ന ക്യാബിൻ തുറന്നു ഒരു ലേഡീ പോലീസ് സാറിന്റെ അരികിലേക്ക് ഒരു ഫയൽ ആയി വന്നത്. നാല്പത് വയസ്സ് എങ്കിലും ഉണ്ടാകും. വെറുതെ യൂണിഫോമിൽ കൂടി കണ്ണോടിച്ചപ്പോൾ ആണ് ആ പേര് ഞാൻ കണ്ടത്.. – സീതാമഹാലക്ഷ്മി
‘സീതാമഹാലക്ഷ്മി…?
ഞാൻ പെട്ടന്ന് അറിയാതെ അത് വായിച്ചു. അത് കേട്ട് അവർ രണ്ട് പേരും എന്നെ നോക്കി
‘സോറി.. ഇന്നലെ ഇതേ പേരിൽ ഉള്ള വേറൊരു ലേഡീ പോലീസിനെ കണ്ടിരുന്നു.. ഞാൻ പെട്ടന്ന് അത് ഓർത്തു..’
ഞാൻ പറഞ്ഞു
‘ഈ സ്റ്റേഷൻ പരിധിയിൽ ഏതാടോ താൻ അല്ലാതെയൊരു മഹാലക്ഷ്മി..?
ജോർജ് സാർ അവരോട് ചോദിച്ചു. അവർ ഒന്ന് മന്ദഹസിച്ചു..
‘Actually അവർ പെരിയവരുടെ കൂടെ ഉള്ള ഒരാളെ പറ്റി അന്വേഷിച്ചു ആണ് വന്നത്. പക്ഷെ സെറ്റിലേക്ക് വന്നില്ല. പുറത്ത് നിന്ന് അന്വേഷിച്ചിട്ട് പോയി..’
ഞാൻ സാറിനോട് പറഞ്ഞു
‘പെരിയവരെ കുറിച്ച് ഒരു പോലീസികാരി വന്നു അന്വേഷിക്കുകയോ..?
ജോർജ് സാർ അത് കുറച്ചു സീരിയസ് ആയിട്ട് തന്നെ എടുത്തു..
‘അതേ..’
ഞാൻ പറഞ്ഞു
‘ആൾക്ക് എന്ത് age വരും..’
സാർ ചോദിച്ചു
‘ഒരു മുപ്പത് മാക്സിമം..’
ഞാൻ പറഞ്ഞു
ഞാൻ പറഞ്ഞത് അവർ സീരിയസ് ആയി എടുത്തു എന്ന് തോന്നി. കുറച്ചു നേരത്തെ ചോദ്യം ചെയ്യലിന് ഒടുവിൽ എന്തോ കിട്ടിയത് പോലെ അവർ എല്ലാവരും തിരക്കിലേക്ക് കടന്നു. അത് പറയേണ്ടി ഇരുന്നില്ല എന്ന് എനിക്ക് തോന്നി. അടുത്ത വള്ളി ആകുമോ..?
കുറച്ചു സമയം കൊണ്ട് തന്നെ കുറച്ചു പേരുടെ ചിത്രങ്ങൾ ജോർജ് സാർ എനിക്ക് കാണിച്ചു തന്നു. അവരാരും ഞാൻ കണ്ട സീതാമാഹാലക്ഷ്മി ആയിരുന്നില്ല. ഞാൻ പറയുന്ന age ൽ ആ പേരിൽ ആരും തന്നെ ഫോഴ്സിൽ ഇല്ലെന്നാണ് എനിക്ക് അറിയാൻ കഴിഞ്ഞത്
‘അപ്പോൾ പിന്നെ നീ കണ്ടത് ആരാ..?
ഒടുക്കം അതും എന്റെ കുണ്ടിക്ക് തിരിച്ചു കയറി
‘എനിക്ക് അറിയില്ല. യൂണിഫോം ആയിരുന്നു. അപ്പോൾ ഞാൻ കരുതിയത് ഒറിജിനൽ പോലിസ് ആയിരിക്കും എന്നാണ്..’
ഞാൻ പറഞ്ഞു
‘ആരും കണ്ടിട്ടില്ലാത്ത കള്ളനെ കാണുക, ആരും കാണാത്ത പോലീസ്കാരിയെ കാണുക.. അതും ഇവരെല്ലാം കൃത്യമായി നിന്റെ മാത്രം മുന്നിൽ വന്നു പെടുന്നത് എങ്ങനെ ആണെടാ ..’