‘ഇനി നമ്മൾ തന്നെ ഉണ്ടെങ്കിൽ ആണെങ്കിൽ പോലും മർഡറിനെ കുറിച്ച് നമ്മൾ സംസാരിക്കരുത്..’
ഞാൻ സുനിയോട് പറഞ്ഞു..
തിരികെ റൂമിൽ വന്നിരുന്നു കഴിഞ്ഞു ഞങ്ങൾ സാധാരണ പോലെ സംസാരിക്കാൻ ശ്രമിച്ചു. ഉള്ളിൽ ടെൻഷൻ ഉണ്ടായിരുന്നു എങ്കിലും അത് പുറമെ വരാതെ നോർമൽ ആയി ഞങ്ങൾ സംസാരിച്ചു.. പോലീസിന്റെ ഈ സംശയത്തിന്റെ കണ്ണിൽ നിന്ന് എങ്ങനെ മാറും എന്നതായിരുന്നു എന്റെ ചിന്ത
അതെ സമയം അലക്സാണ്ടർ ചമ്പാരൻ എന്ന ബിസിനസ്സ് അതികായൻ മരിച്ചത് ഒരു വലിയ വാർത്ത ആയിരുന്നു.. ആ വാർത്തയിലെ ഏറ്റവും വലിയ വൈരുധ്യം എന്താണെന്ന് വച്ചാൽ പ്രായാധിക്യം കൊണ്ട് പെരിയവർ മരിച്ചു എന്നാണ് എല്ലായിടത്തും. ഇത്രയും വലിയ ഒരാൾ ക്രൂരമായി കൊല്ലപ്പെട്ടിട്ടും അതൊരു വാർത്തയെ ആയില്ല.. അതെനിക്ക് ഷോക്കിങ് ആയിരുന്നു.. ഈ കൊലപാതകം പുറത്ത് അറിയരുത് എന്ന് ചമ്പാരൻ ഫാമിലിക്കും നിർബന്ധം ഉള്ളത് പോലെ എനിക്ക് തോന്നി
ചമ്പാരൻ ഫാമിലി തീരെ പ്രതീക്ഷിക്കാത്ത ആ ദുരന്തം കണ്ടു പകച്ചു നിൽക്കുക ആയിരുന്നു.. മൃതദേഹം പൊതു ദർശനത്തിന് വയ്ക്കാൻ തീരുമാനിച്ചു എങ്കിലും വളരെ ചുരുക്കം ചിലർക്ക് മാത്രമേ അതിന് കഴിയൂ. പ്രശസ്തർ ആയ പലരും വെറുതെ ചമ്പാരന്റെ വീടിന് മുന്നിൽ വന്നു തിരിച്ചു പോകുകയാണ്.. ചമ്പാരന്മാർ എന്തോ മറയ്ക്കുന്നുണ്ട്.. ഒപ്പം എന്തിനെയോ ഭയക്കുന്നുമുണ്ട്..
‘നീ ഇത് ഇവിടെ എന്തെടുക്കുവാ..’
തന്റെ മുറിയുടെ വാതിൽ തള്ളി തുറന്നു ഒരല്പം ഈർഷ്യയോടെ ടോമി ചമ്പാരൻ ഭാര്യയോട് ചോദിച്ചു
‘കാണാൻ വയ്യേ.. ഞാൻ ഡ്രസ്സ് ചെയ്യുവാണ്..’
വില കൂടിയ സാരി ഭംഗിയിൽ ഞൊറിഞ്ഞു കുത്തി കയറ്റി ഭാര്യ ലൈല മറുപടി പറഞ്ഞു..
‘കൊറേ നേരം ആയല്ലോ…’
ടോമി പിന്നെയും കയർത്തു..
അലക്സാണ്ടർ ചമ്പാരന്റെ രണ്ടാമത്തെ പുത്രൻ ആണ്. ഇരുവർക്കും സന്താന ഭാഗ്യം ഇല്ല
‘നിങ്ങൾ ഒന്ന് ധൃതി വയ്ക്കാതെ.. ഞാൻ വരുന്നു.. ഒരു ടെൻ മിനിട്സ്..’
ലൈല പറഞ്ഞു
‘നിനക്ക് ഒന്ന് മര്യാദക്ക് വന്നൂടെ.. എന്റെ അപ്പൻ ചത്തു കിടക്കുമ്പോളും അവൾക്ക് ഒരുങ്ങി ചമഞ്ഞു തന്നെ വരണം..’
ടോമി തന്റെ ഈർഷ്യയുടെ കാരണം വ്യക്തമാക്കി.. ഒരു സ്ലീവ്ലെസ്സ് സാരി ആണ് ലൈല ധരിച്ചിരിക്കുന്നത്. ഈ വേഷത്തിൽ അവർ വളരെ സെക്സിയുമാണ്..
‘ഓ പിന്നെ.. എന്ന് വച്ച് എനിക്ക് തുണി ഇല്ലാതെ വരാൻ പറ്റുമോ…?
ലൈല മുഷിപ്പോടെ പറഞ്ഞു.. ടോമിയുടെ മുഖം മാറുന്നത് ശ്രദ്ധിച്ച ലൈല പെട്ടന്ന് ഒരുങ്ങി ഇറങ്ങി വിഷയം മാറ്റി
‘അതേയ്.. ആളെ കിട്ടിയോ..? പോലീസ് എന്ത് പറഞ്ഞു..?
ലൈല ചോദിച്ചു
‘ഇത് വരെ ഒരു ലീഡും കിട്ടിയില്ല..’
ടോമി പറഞ്ഞു..
അലക്സാണ്ടർ ചമ്പാരനെ കുത്തി മലത്തി കടന്നു കളഞ്ഞത് ആരാണെന്ന് ഇത് വരെയും പോലീസിന് കണ്ടു പിടിക്കാൻ കഴിഞ്ഞിട്ടില്ല. ചില പ്രത്യേക കാരണങ്ങൾ കൊണ്ട് ചമ്പാരൻ കുടുംബം തന്നെ ഇതൊരു സ്വാഭാവിക മരണം ആക്കിയാണ് പുറത്ത് വിട്ടത്. അത് കൊണ്ട് തന്നെ ഇതിന്റെ പിന്നാലെ ഒരു ഒഫീഷ്യൽ അന്വേഷണവും ഇല്ല..
കയ്യിലിരിപ്പ് ചൊവ്വേ അല്ലാത്തത് കൊണ്ട് തന്നെ ഇഷ്ടം പോലെ ശത്രുക്കളെ ചമ്പാരന്മാർ സമ്പാദിച്ചിട്ടുണ്ട്. അവരിൽ ആരെങ്കിലും ആകാം ഇതിന് പിന്നിൽ. മാത്രം അല്ല തങ്ങളുടെ അവസ്ഥ അവരെല്ലാം തിരിച്ചറിഞ്ഞാൽ അത് വലിയ തിരിച്ചടി ആകുമെന്നും അറിയുന്നത് കൊണ്ട് ചമ്പാരന്മാർ ആ കൊലപാതകം ഒരു മരണം മാത്രമായ് പുറം ലോകത്തെ അറിയിച്ചു. തങ്ങളെ ഒന്നും ബാധിക്കുന്നില്ല എന്ന് കാണിച്ചു കൂട്ടാൻ അവർ സാധാരണ പോലെ മുന്നോട്ടു പോയി.. ഷൂട്ടിംഗ് തന്നെ മൂന്നാം പക്കം തുടങ്ങി പിന്നെയും..
ഞാനും സുനിയും ഇടക്ക് ഇതിനിടയിൽ പെട്ടത് സെറ്റിൽ ഉള്ള ആരും അങ്ങനെ അറിഞ്ഞിരുന്നില്ല. ഞങ്ങളും ഈ വിഷയം ആരോടും പറയാനും പോയില്ല. കാര്യങ്ങൾ എല്ലാം ഒരു വിധം നോർമൽ ആയി തന്നെ മുന്നോട്ടു പോയി.. ഞാനും സുനിയും പേടി കാരണം റൂമിന് പുറത്ത് തനിച്ചുള്ളപ്പോൾ പോലും ഒന്നും അതിനെ കുറിച്ച് മിണ്ടാറില്ലായിരുന്നു.