ദേ ഞാൻ വീണ്ടും വന്നു.. തട്ടിക്കൂട്ടിയ ഒരു കഥയാണ് ഇത്. പല പോരായ്മകളും ഉണ്ടാകും.. എന്നാലും ക്ഷമിക്കണം… പ്രണയം, ജീവിതം മാത്രമേ ഉള്ളു.. (കമ്പി ഇല്ല)
ഒരു താളത്തിൽ വായിച്ചു പോകണം എന്ന് വിനീതമായി അഭ്യർത്ഥിക്കുന്നു..
സ്നേഹത്തോടെ…
ഒരു പ്രണയകഥ..
****
രാവിലെ 8 മണി ആയിട്ടും കിടന്നു ഉറങ്ങുക ആയിരുന്നു ഞാൻ..
ഞായർ ആണ്. ഇന്ന് പണി ഒന്നും ഇല്ല. അകെ കിട്ടുന്ന ഒരു ഒഴിവു ദിനം ആണ്..
നല്ല പുട്ടും കടലയും വേകുന്ന മണം മൂക്കിൽ അടിച്ചു കയറിയപ്പോൾ എനിക്ക് കിടക്കാൻ പറ്റിയില്ല. ഞാൻ എണീറ്റ് മുണ്ടു മുറുക്കി ഉടുത്ത ശേഷം അടുക്കളയിലേക്ക് നടന്നു..
അമ്മ സാരിതുമ്പ് എടുത്തു കുത്തി നിന്ന് പണിയിൽ ആണ്
“സുന്ദരീ? പുട്ട് ആണോ ഇന്ന്?”
അത് കേട്ടു അമ്മ തിരിഞ്ഞു.. എന്തൊരു അഴക് ആണ് എന്റെ അമ്മ…
പേര് പോലെ സുന്ദരി. സരസ്വതി. 45 വയസ് ആകുന്നു. എന്നാൽ കണ്ടാൽ ഒരു 32 ഒക്കെയേ തോന്നുള്ളു.. നീണ്ട കറുത്ത കണ്ണുകളും തെളിഞ്ഞ കളറും ഒതുങ്ങിയ ശരീരവും കറുത്ത തിങ്ങിയ കാർകൂന്തലും അമ്മയുടെ പ്രേതെകത ആണ്… എപ്പോഴും ചിരിച്ചുകൊണ്ടിരിക്കുന്ന ഒരു ദേവി..
“ആഹാ നീ എണീറ്റോ? കുറച്ചു കൂടി കിടന്നുണ്ടായിരുന്നോ ചെക്കാ നിനക്ക്?”
അമ്മ സ്നേഹത്തോടെ വന്നു മുഖത്തു തഴുകി..
“പുട്ടും കടലയും ഉണ്ടാക്കി എന്നെ കൊതിപ്പിച്ചതും പോരാ… എന്നിട്ടു ഇനിയും ഉറങ്ങിക്കൂടായിരുന്നോ എന്നോ?”
അമ്മ ചിരിച്ചു..
രണ്ടു കൈകൾ എന്നെ ചുറ്റി വരിഞ്ഞു..
“എന്താടീ?”
അനിയത്തികുട്ടി ആണ്. സിതാര.. അവൾ ഇംഗ്ലീഷ് സാഹിത്യം ആദ്യ വർഷം പഠിക്കുന്നു.
“ഏട്ടനെ ഇങ്ങനെ കാണാൻ കിട്ടില്ലല്ലോ? “
“ജീവിക്കണ്ടേ മോളെ?”
“മ്മ്മ്.. എന്റെ ഏട്ടൻ എത്ര കഷ്ടപ്പെടുന്നു അല്ലെ അമ്മെ?”
അമ്മയുടെ മുഖം ഒരു നിമിഷം മ്ലാനം ആയി..
“അതെ.. ഇന്ന് ഒരുമിച്ചു സന്തോഷിക്കേണ്ട ദിവസം ആണ്.. ചുമ്മാ സെന്റി അടുപ്പിക്കല്ലേ?”
ഞാൻ അവളെ പിടിച്ചു മുൻപോട്ടു വലിച്ചു. കണ്ണുകൾ ഈറൻ അണിഞ്ഞിരുന്നു… അമ്മയുടെ അതെ സൗന്ദര്യം ഉണ്ട് അവൾക്ക്..
“എന്ത് കഷ്ടപ്പാട് മോളെ? എല്ലാ ദിവസവും ഒരുപോലെ അല്ലല്ലോ…മാറ്റം വരും..”
ഞാൻ അവളുടെ കണ്ണ് തുടച്ചു..
“മ്മ്മ്.. നീ പോയി പല്ലു തേച്ചു വാ…”
അമ്മ പറഞ്ഞു..
“ശരി…”
ഞാൻ പുറത്തേക്കു നടന്നു. ബാത്രൂം പുറത്തു ആണ്. പല്ലു തേച്ചുകൊണ്ടു നിൽക്കുമ്പോൾ അപ്പുറത്തെ രണ്ടു നില വീടിന്റെ ബാൽക്കണിയിൽ അങ്ങേരുടെ ഭാര്യാ നിൽക്കുന്നു..
35 വയസ് ഉണ്ടാകും. ഞാൻ അവരെ നോക്കി ചിരിച്ചു. അവരും.
അവർക്കു എന്നോട് ഒരു ചാഞ്ചാട്ടം ഉണ്ട് എന്നെനിക്കറിയാം..
പിന്നെ എന്റെ അമ്മ സരസ്വതി ദേവിയുടെ കയ്യിൽ നിന്നും പെട കിട്ടും എന്ന് നന്നായി അറിയാവുന്നതുകൊണ്ട് ഡീസന്റ് ആയി നിൽക്കുന്നു..
ഈ പണക്കാരും ആയിട്ടുള്ള ഇടപാടുകൾ വേണ്ട എന്ന അഭിപ്രായം ആണ് എന്റെ…
പല്ലു തേച്ചു ഫ്രഷ് ആയി ഒരു ബനിയനും എടുത്തിട്ട് ഞാൻ നാടുമുറിയിലേക്കു ചെന്നു.. രണ്ടു ബെഡ് റൂമും ഒരു കൊച്ചു ഹാളും നടുക്കൊരു ചെറിയ റൂമും അടുക്കളയും ഉള്ളൊരു കൊച്ചു വീടാണ് ഞാനാളുടേത്..
അമ്മ ഡൈനിങ്ങ് ടേബിളിൽ എല്ലാം നിരത്തി വെച്ചിട്ടുണ്ടായിരുന്നു.
ആവി പറക്കുന്ന പുട്ടും കടലക്കറിയും നല്ല കടുപ്പമുള്ള avt ചായയും..
ഞങ്ങൾ സംസാരിച്ചു സന്തോഷത്തോടെ അത് കഴിച്ചു..
“എന്റെ സുന്ദരീ എന്തൊരു രുചി ആണ്…”
“എടാ നീ എന്നും ഇത് പറയുമല്ലോ?”
“പിന്നെ എന്റെ അമ്മയെ അല്ലാതെ അടുത്ത വീട്ടിലെ ഡെയ്‌സി ചേച്ചിയെ പറയണോ?”
“ആഹ്ഹ ഡാ കിട്ടും നിനക്ക്…!”
കണ്ടില്ലേ പറഞ്ഞെ ഉള്ളു..
“അല്ലെങ്കിലും ആ ചേച്ചിക്ക് ഏട്ടനെ നല്ല നോട്ടം ഉണ്ട്…”
അനിയത്തിയുടെ വക..
“ചിഞ്ചു കിട്ടും നിനക്ക്…”
ഞാൻ അവളെ നോക്കി കണ്ണുരുട്ടി..
“ഓ ഇപ്പൊ എനിക്കയോ കുറ്റം? രാവിലെ ഷർട് ഇടാതെ ജിം ബോഡിയും കാണിച്ചു അവിടെ പോയി നിൽക്കുന്നത് അവരെ കാണിക്കാൻ അല്ലെ ഏട്ടാ?”
അവൾ കുസൃതിയോടെ ചോദിച്ചു..
“ഈ കുരിപ്പിനെ കൊണ്ട് തോറ്റല്ലോ അമ്മെ?”
“അവൾ പറഞ്ഞതിലും കാര്യം ഇല്ലെടാ? കൊല്ലും ഞാൻ…”
ഇതിങ്ങനെ പോയാൽ പണി കിട്ടുമല്ലോ എന്ന് ആലോചിച്ചു ഞാൻ ഒരു കഷണം പുട്ടു കൂടി എടുത്തു കടല ഒഴിച്ച് കുഴച്ചു വായിലേക്ക് വച്ചു..
ഭക്ഷണം കഴിഞ്ഞു ബൈക്ക് എടുത്തു ടൗണിൽ പോയി. കപ്പയും ബീഫും വാങ്ങി. കുറച്ചു ബേക്കറി സാധനങ്ങളും. വീട്ടിൽ വന്ന് അത് അമ്മക്ക് കൊടുത്തു.
അതൊരു പതിവ് ആണ്.
ഇതൊക്കെ ആണ് ഞങ്ങളുടെ കൊച്ചു കുടുംബം..
പറഞ്ഞത് പോലെ ഞാൻ അർജുൻ ഹരിദാസ്. അജു എന്ന് വീട്ടിൽ വിളിക്കും. അമ്മ സരസ്വതി. അനിയത്തി സിതാര. അവൾക്ക് 19 വയസ് ആയി. എനിക്ക് 23 വയസും.
കുറച്ചു വർഷം ആയി ഇതാണ് ഞങ്ങളുടെ ജീവിതം. നല്ല വീടൊക്കെ ഉണ്ടായിരുന്നു. അച്ഛന്റെ മരണ ശേഷം അതൊക്കെ പോയി.. കൂട്ടുകാർക്കു വേണ്ടി മരിക്കും എന്ന് പറഞ്ഞുകൊണ്ടിരുന്ന അച്ഛന്റെ കൂട്ടുകാർ തന്നെ ആണ് അച്ഛൻ കുറെ അധികം പണം കൊടുക്കാൻ ഉണ്ടെന്നുള്ള രേഖ കാണിച്ചു തന്നത്.
വീട് വിൽക്കുക എന്നല്ലാതെ അമ്മക്ക് വേറെ വഴി ഇല്ലായിരുന്നു. സഹായത്തിനു എന്ന് പറഞ്ഞു വന്നവരുടെ കണ്ണുകൾ അമ്മയിൽ ആയിരുന്നു. അതിസുന്ദരി ആണ് എന്റെ അമ്മ.. അന്ന് ഇറങ്ങിയതാണ് കളത്തിൽ..
എം കോം ആദ്യ വർഷം പഠിച്ചു കൊണ്ടിരുന്ന ഞാൻ പൊയ്ക്കൊണ്ടിരുന്ന ജിമ്മിൽ ട്രെയ്നർ ആയി കയറി. ദിവസം 700 രൂപ കിട്ടും. പിന്നെ അടവിനു ഒരു വണ്ടി വാങ്ങി അത് ടാക്സി ആയി ഓടിക്കുന്നു. ഇത് രണ്ടും ഒരുമിച്ചു കൊണ്ട് പോകൽ വളരെ കഷ്ടപ്പാട് ആണ്..
എന്നാൽ എന്റെ അനിയത്തിയുടെ പഠിപ്പ് മുടങ്ങരുത്. അതുപോലെ വീട്ടിൽ ഒരു ബുദ്ധിമുട്ടും വരാൻ പാടില്ല.. അമ്മ നന്നായി തയ്ക്കും. അങ്ങനെ ഒരു ചെറിയ വരുമാനം അമ്മ ഉണ്ടാക്കുന്നുണ്ട്. അകെ മൊത്തം പറഞ്ഞാൽ കടങ്ങൾ ഒന്നും ഇല്ല. വണ്ടിയുടെ അടവ് ഉണ്ട്. എന്നാലും ഒരു സാധാരണ കുടുംബം.. സന്തോഷം ഉള്ളൊരു കൊച്ചു വീട്..
ബോഡി ബിൽഡിംഗ് ഒക്കെ പ്രൊഫഷണൽ ആയി ചെയ്യണം എന്നുണ്ട്. എന്നാൽ ഒരു പ്രോടീൻ പൗഡറിന്റെ വില ഉണ്ടെങ്കിൽ ഒരു മാസം ഞങ്ങൾ നന്നായി ജീവിക്കും. അപ്പൊ അങ്ങനെ പല ആഗ്രഹങ്ങളും കുഴിച്ചു മൂടി ജീവിക്കുന്നു. എന്നാലും സന്തോഷവാൻ ആണ്..
അന്നത്തെ ദിവസം വേഗം തീർന്നു…
***
പിറ്റേന്ന് രാവിലെ 5 മണിക്ക് എണീറ്റ് ഒന്ന് ഫ്രഷ് ആയി പഴയ പൾസർ ബൈക്കും എടുത്തു ഞാൻ ജിമ്മിലേക്ക് ചെന്നു. ജിം തുറന്നു ഒന്ന് ക്ലീൻ ചെയ്ത ശേഷം എല്ലാം ഒന്ന് സെറ്റ് ചെയ്തു.
ഡംബെല്സ് അവിടെയും ഇവിടെയും ഒക്കെ ആയി ചിതറി കിടക്കുന്നു. നമ്മുടെ ആളുകൾ എന്നാണ് ചിട്ടയും വൃത്തിയും പഠിക്കുക?
ഞാൻ മ്യൂസിക് സിസ്റ്റം ഓൺ ആക്കി. അപ്പോഴേക്കും കുറച്ചു പേര് വന്നു. അവരുടെ ഒപ്പം വർക്ക് ഔട്ട് ചെയ്തു കുറെ ഹെല്പും ചെയ്തു വന്നപ്പോൾ സമയം 11 മണി ആയി. ഇതിനിടയിൽ പോയി ഒരു സെറ്റ് ദോശ കഴിച്ചിരുന്നു..
