ഞാൻ ചിരിച്ചു കൊണ്ട് പറഞ്ഞു..
“കൊല്ലും ഞാൻ… ഞാൻ അത്ര പാവം ഒന്നും അല്ല.. “
അവൾ കൈ നീട്ടി എന്റെ കഴുത്തിൽ പിടിച്ചു.. എനിക്ക് ചിരി വന്നു…
അവൾ ചിരിച്ചു എന്നാൽ എന്തോ ആലോചിച്ചു പറഞ്ഞു..
“സത്യത്തിൽ ഞാൻ അവനെ കൊല്ലാൻ ആണ് അമേരിക്കയിൽ പോയത്….”
ഞാൻ ഞെട്ടിപ്പോയി….
“ങേ? ശരിക്കും?”
“മ്മ്മ് അതെ….”
എന്റെ കയ്യിൽ നിന്നും വണ്ടി പാളും എന്നായപ്പോൾ ഞാൻ അത് ഒതുക്കി നിർത്തി..
“അച്ചു.. സീരിയസ് ആയിട്ടു?”
“അതെ അജു.. ഞാൻ ഒരു ഒരു വർഷം എടുത്തു ഹാർട്ട്ബ്രേക്കിൽ നിന്നും റിക്കവർ ആകാൻ.. പിന്നെ എനിക്ക് പക തോന്നി.. അവൻ കാരണം അല്ലെ എന്റെ പരെന്റ്സ് അടക്കം എന്നെ വെറുത്തതു…? അച്ഛൻ പിന്നെയും ക്ഷമിച്ചു.. എന്നാലും അമ്മ….”
അവൾ കണ്ണ് തുടച്ചു..
“എനിക്ക് പക കയറിയപ്പോൾ ഞാൻ ഒരു കോളേജിൽ ചേർന്നു.. ന്യൂ യോർക്കിൽ.. അവൻ ലോസ് ആഞ്ചലസിൽ ആണ്… ഞാൻ അവിടെ ചെന്നു പഠനം തുടങ്ങി.. എനിക്ക് അറിയുന്ന കുറച്ചു ആഫ്രിക്കൻ അമേരിക്കൻസ് ഉണ്ടായിരുന്നു.. അവരെ കൊണ്ട് ആദ്യം അവനെ കൊല്ലാൻ പ്ലാൻ ചെയ്തു…. “
“എന്നിട്ട്?”
ഞാൻ ആകാംഷയോടെ ചോദിച്ചു..
“പിന്നെ കൊല്ലണ്ട എന്ന് തീരുമാനിച്ചു… കാരണം ആ പെണ്ണ് അവനെ ഇട്ടിട്ടു പോയിരുന്നു.. സൊ ഞാൻ അവന്റെ രണ്ടു കാലും ഒടിക്കാൻ മാത്രമേ പറഞ്ഞുള്ളു.. അവർ അത് ചെയ്യുകയും ചെയ്തു.. “
അവൾ അതും പറഞ്ഞു ഒരു കള്ളച്ചിരി ചിരിച്ചു…
“ഇതാണല്ലേ ചെകുത്താന്റെ ചിരി?”
ഞാൻ അവളോട് വായ പൊളിച്ചു കൊണ്ട് തന്നെ ചോദിച്ചു..
“നോ ബേബി.. ഐ ആം ആൻ ഏയ്ഞ്ചൽ…അത് കൊണ്ടല്ലേ കൊല്ലാതിരുന്നത്?”
അവൾ അതും പറഞ്ഞു ചിരിച്ചു…
എനിക്കൊന്നും പറയാൻ ഇല്ലായിരുന്നു.. പക്ഷെ അവൾ ചെയ്തതിൽ തെറ്റ് ഒന്നും ഇല്ല എന്ന് എനിക്ക് തോന്നി..
“ആൻഡ് അജു.. നിനക്കും എനിക്കും മാത്രമേ ഇത് അറിയുള്ളു.. സൊ ടെൽ നോബോഡി…”
ഞാൻ വേഗം ഫോൺ പോക്കറ്റിൽ നിന്നും എടുത്തു ടൈപ്പ് ചെയ്യുന്നത് പോലെ കാണിച്ചു..
“അജു എന്താ ചെയ്യുന്നത്?”
“ഫേസ്ബുക്കിൽ ഇടുകയാണ്..”
“എന്ത്?”
“അച്ചു ഒരുത്തന്റെ കാല് തല്ലി ഒടിച്ചു എന്ന്….!”
ഒരു പൊട്ടിച്ചിരി ആയിരുന്നു അതിനുള്ള മറുപടി… ഞാനും ചിരിച്ചു..
“നിന്റെ ഒപ്പം കൂടിയതിൽ പിന്നെ ആണ് അജു ഞാൻ ഇങ്ങനെ ചിരിക്കുന്നത്….”
“എന്നാൽ മോൾ ചിരിച്ചു മരിക്കും…” അതും പറഞ്ഞു ഞാൻ വണ്ടി എടുത്തു…
കളിതമാശകൾ ആയി ഞങ്ങൾ വീട്ടിൽ എത്തി. ഞാൻ വണ്ടി പാർക്ക് ചെയ്തു. അവൾ അന്നത്തെ പോലെ ഒരു കവർ എടുത്തു തന്നു. ഞാൻ അത് തുറന്നു നോക്കി. രണ്ടായിരത്തിന്റെയും അഞ്ഞൂറിന്റെയും കുറച്ചു നോട്ടുകൾ അടുക്കി വച്ചിരിക്കുന്നു..
ഞാൻ അതിൽ നിന്നും ഒരു അഞ്ഞൂറിന്റെ നോട്ട് എടുത്തു.. ബാക്കി അവൾക്ക് കൊടുത്തപ്പോൾ അവളുടെ മുഖം വാടി..
“അച്ചു.. എന്റെ വണ്ടി പോലും അല്ല ഇത്ര ദൂരം ഓടിയത്. അതുകൊണ്ടു അതിൽ നിന്നും ഏറ്റവും കുറഞ്ഞ ഒരു നോട്ട് എടുത്തു എന്നെ ഉള്ളു… അച്ചുവിന് വേണ്ടി ഫ്രീ ആയി ഓടാനും എനിക്ക് കുഴപ്പം ഒന്നും ഇല്ല…”
അത് കേട്ടപ്പോൾ ചെറിയ ഒരു പുഞ്ചിരി അവിടെ വിരിഞ്ഞു..
“പൊയ്ക്കോട്ടേ?”
“മ്മ്മ്.. ഞാൻ വിളിക്കാം അജു… “
“ശരി…”
ഞാൻ എന്റെ വണ്ടി എടുത്തു നേരെ വീട്ടിൽ വന്നു. സന്ധ്യ ആകാൻ ആയി. അമ്മ ദീപം വെച്ചിട്ടുണ്ട്. അതിൽ ഒന്ന് തൊഴുതു ഞാൻ അകത്തേക്ക് ചെന്നു..
“ആഹാ വന്നോ….” അമ്മ എന്നെ കണ്ടതും ചിരിച്ചു കൊണ്ട് വന്നു.. എത്ര ക്ഷീണം ഉണ്ടെങ്കിലും ഈ മുഖം കണ്ടാൽ അതൊക്കെ മാറും..
അമ്മ ചായ തന്നു..
“അവളെവിടെ അമ്മെ? “
“അടുക്കളയിൽ ഉണ്ട്. ഏട്ടന് വേണ്ടി കോഴിക്കറി ഉണ്ടാക്കുന്നു…”
“ഇന്ന് ബാത്‌റൂമിൽ കിടക്കേണ്ടി വരുമോ അമ്മെ?”
അത് കേട്ടുകൊണ്ടാണ് അവൾ വന്നത്..
“കൊല്ലും ഞാൻ…”
എന്ന് പറഞ്ഞു അവൾ ഓടി വന്നു എന്റെ ചുമലിൽ ഒരു അടി അടിച്ചിട്ട് അതെ സ്പീഡിൽ ഓടി പോയപ്പോൾ എനിക്ക് ചിരി വന്നു..
അമ്മയുടെ കൈപ്പുണ്യം അവൾക്കു കിട്ടിയിട്ടുണ്ട്.. അതങ്ങനെ ആണല്ലോ…
***
പിറ്റേന്ന് ഞാൻ ജിമ്മിൽ ഒരു ചെക്കനെ നന്നായി ട്രെയിൻ ചെയ്യിപ്പിച്ചു കൊണ്ടിരുന്നപ്പോൾ ആണ് അച്ചു വിളിക്കുന്നത്…
“അച്ചൂസ്.. എന്താ വിശേഷം…?”
“ഒന്നും ഇല്ല അജു… എനിക്കൊന്നു സംസാരിക്കണം. എപ്പോൾ പറ്റും?”
“മ്മ്മ്.. ജിം അടക്കാൻ ആയി.. ഇന്ന് വൈകുന്നേരം എവിടെ എങ്കിലും? “
“ശരി.. ഞാൻ വീട്ടിൽ വന്നു കൂട്ടാം….”
അത് വേണോ എന്ന് ചോദിക്കുന്നതിന് മുൻപേ കക്ഷി ഫോൺ വച്ചിട്ട് പോയി… അഹ് എന്തെങ്കിലും ആക്കട്ടെ..
“ചേട്ടാ ഒരു നൂറു കിലോ ഇട്ടു തരുമോ? വീഡിയോ എടുത്തു ടിക്ടോകിൽ ഇടാൻ ആണ്….”
ഈ ചോദ്യം ആണ് എന്നെ ഉണർത്തിയത്..
“ങേ….!”
ഞാൻ അവനെ ഒന്ന് നോക്കി.. അകെ ഒരു ആഴ്ച ആയെ ഉള്ളു ജിമ്മിൽ വരാൻ തുടങ്ങിയിട്ട്. കൊച്ചു ചെറുക്കൻ.. അവനു ടിക് ടോക് ഉണ്ടാക്കാൻ നൂറു കിലോ വേണം പോലും. പത്തു കിലോ ഡംബെല്ൽ പൊക്കാൻ വയ്യാത്തവൻ ആണ്..
എന്റെ നോട്ടം കണ്ടിട്ടാകാണം.. അവൻ വേഗം അവിടുന്ന് പോയി..
ഇതൊക്കെ ആണ് ഇന്നത്തെ പിള്ളേരുടെ വിചാരങ്ങൾ…
വൈകുന്നേരം ഞാൻ വീട്ടിൽ നിന്നും അവൾക്ക് വഴി പറഞ്ഞു കൊടുത്തു.
അവൾ വേഗം വന്നു. ഒരു ചുവന്ന ജീപ്പിൽ ആണ് വന്നത്. വില്ലിസ് ജീപ്പ്. ഇവൾ ഒരു വണ്ടി പ്രാന്തി ആണല്ലോ എന്ന് ഞാൻ മനസ്സിൽ ആലോചിച്ചു..
“നല്ല വീട്… “ എന്ന് പറഞ്ഞു മുൻപിലെ തുളസിത്തറ ഒന്ന് വലം വച്ചിട്ടാണ് അവൾ കയറി വന്നത്..
ഞാൻ അവളെ വിളിച്ചു അകത്തു ഇരുത്തി. അനിയത്തി അവളെ കണ്ടു ഓടി വന്നപ്പോൾ അവൾ കയ്യിൽ ഉണ്ടായിരുന്ന ബേക്കറി കവർ അവൾക്ക് കൊടുത്തു..
അമ്മയും വന്നു.. അവർ സംസാരിച്ചപ്പോഴേക്കും ഞാൻ പോയി ഡ്രസ്സ് മാറി വന്നു. ഒരു കറുത്ത ബനിയൻ ആണ് ഞാൻ ഇട്ടത്..
“ഇതാര് അർണോൾഡ്ഓ….”
അച്ചു എന്നെ കളിയാക്കിയപ്പോൾ അനിയത്തി പൊട്ടിച്ചിരിച്ചു.. “കുരിപ്പേ നിനക്ക് തരാം എന്ന് ഞാൻ മനസ്സിൽ പറഞ്ഞു…
“അർണോൾഡ് അല്ലെ.. ഞാനൊരു പാവം… “
എന്ന് പറഞ്ഞപ്പോൾ അവൾ ചിരിച്ചു..
“അമ്മയുടെ മോനെ ഞാൻ ഇപ്പൊ ഇങ്ങു കൊണ്ടുവരാം കേട്ടോ?”
എന്ന് പറഞ്ഞപ്പോൾ അമ്മ ചിരിച്ചു.. അവർക്കൊക്കെ അവളെ വലിയ ഇഷ്ടമാണ്..
ഞങ്ങൾ പോയത് ഒരു മാളിലേക്ക് ആണ്. അതിന്റെ മുകളിലെ നിലയിൽ കുറെ അധികം സ്ഥലം ഇരിക്കാൻ ഉണ്ട്..
അവൾ രണ്ടു കാപ്പി ഓർഡർ ചെയ്തു.. ഒപ്പം കട്ലെറ്റും..
“അച്ചു പറ.. എന്താ പറയാൻ ഉള്ളത്?”
“അമ്മയെ ഞാൻ ഒന്ന് വാച്ച് ചെയ്തു.. അച്ഛനോടും അറിയാത്തതു പോലെ കുറച്ചു കാര്യങ്ങൾ ചോദിച്ചു മനസ്സിൽ ആക്കി…”
“ആഹാ.. കൊള്ളാമല്ലോ… നല്ല കാര്യം…”
“ഇനി ഞാൻ എന്താ വേണ്ടത് അജു?”
“നിന്റെ അമ്മയെ ആദ്യം എന്റെ വീട്ടിൽ എത്തിക്കണം.. അവിടുന്ന് തുടങ്ങാം….”
“അമ്മ വരാം എന്നല്ലേ പറഞ്ഞത്? അന്ന് അജുവിനോട്..”
“അതെ.. തയ്‌ക്കാൻ വരാം എന്നല്ലേ പറഞ്ഞത്? അപ്പോൾ അമ്മക്ക് പുതിയ സാരി എടുത്തു കൊടുക്കാൻ ആരോടെങ്കിലും പറ.. നീ ഇപ്പോൾ കൊടുക്കണ്ട.. അതിനു സമയം വരും…”
