പുറത്ത് പേഷ്യൻസും ഞങ്ങളും വെയിറ്റിങ് ആണ്
ഓ… സോറി… ദാ… വരുന്നെടാ…
മോളൂസേ ഞങ്ങൾ പോട്ടെ നീ കഴിയുമ്പോ വിളിക്ക് ഞാൻ കൂട്ടാൻ വരാം
അവളുടെ നെറ്റിയിലും തലയിലും ഓരോ ഉമ്മ നൽകിയതും അവളെന്റെ കവിളിലും നെഞ്ചിലും ഉമ്മവെച്ചു
ഞാനും വരാം മേഡത്തോടൊന്നും സംസാരിച്ചില്ലല്ലോ അവളുടെ തട്ടം കുറച്ച് മുന്നോട്ടായി ചെരിഞ്ഞുപോയത് നേരെയാക്കി എന്റെ ഇടം കൈ കെട്ടിപിടിച്ചുകൊണ്ട് അവളെനിക്കൊപ്പം പുറത്തേക്കിറങ്ങി ആളുകൾ വല്ലാതെ നോക്കുന്നുണ്ടെങ്കിലും അതൊന്നും മൈന്റ് ചെയ്യാതെ ഞങ്ങൾ മേടത്തിനടുത്തേക്ക് ചെന്നു മേടവും അവളും പരസ്പരം സംസാരിച്ച ശേഷം വീട്ടിലേക്കും അബ്ദുള്ളക്കന്റെ വീട്ടിലും പോവണം എന്ന് പറഞ്ഞു അവളോട് യാത്രപറഞ്ഞിറങ്ങി
മേഡം : എന്താ മജ്നൂ തമ്മിൽ കാണുമ്പോ നിങ്ങൾ ഈ ലോകത്തല്ലേ
സോറി നൂറാ… ഞങ്ങൾ സംസാരിച്ചിരുന്നുപോയി
അതേ അതേ സംസാരിച്ചത് ഷർട്ടിൽ കാണാനുണ്ട് അവളുടെ ചുണ്ടിലും
സ്കൈ ബ്ലൂ ഷർട്ടിൽ അവളുടെ ചുണ്ടിൽ നിന്നും രക്തം പറ്റിയത് കണ്ട് എന്ത് പറയണമെന്നറിയാതെ ഒരുനിമിഷം സ്റ്റക്കായി എങ്കിലും പെട്ടന്ന് ഫോൺ എടുത്തുകൊണ്ട്
ഖാലിദിനേ വിളിച്ചു പറഞ്ഞിരുന്നോ ഇവിടെ എത്തിയത്
മെസ്സേജ് ഇട്ടിട്ടുണ്ട്
അബ്‌ദുല്ലക്കാന്റെ വീട്ടിലേക്കല്ലേ
അതേ
അബ്ദുല്ലക്കയുടെ മനോഹരമായ വലിയ വീടിന്റെ ഗേറ്റിനു മുന്നിൽ വണ്ടി ചെന്നു നിന്നു ഞാൻ ഇറങ്ങി ഗേറ്റ് തുറന്ന ശേഷം വണ്ടിയിൽ കയറി ഇരു വശങ്ങളിലെയും ചെടികൾക്ക് നടുവിലെ കല്ല് പതിച്ച മനോഹരമായ പാതയിലൂടെ വണ്ടി വീടിനു മുന്നിൽ ചെന്നു നിൽക്കുമ്പോ വണ്ടിയുടെ ശബ്ദം കേട്ട് പുറത്തേക്ക് വന്ന അബ്ദുല്ലക്ക വണ്ടിയിലേക്ക് നോക്കി ചിരിച്ചുകൊണ്ട് സിറ്റ് ഔട്ടിൽ നിൽക്കെ ബാക്ക് ഡോർ തുറന്ന് മേഡം പുറത്തേക്കിറങ്ങി മേഡത്തെ കണ്ടതും അബ്ദുല്ലക്ക ഓടി ഇറങ്ങി അരികിലേക്ക് വന്നു
അസ്സലാമു അലൈകും
വ അലൈകും അസ്സലാം…നൂറാ നീയും വന്നിരുന്നോ വണ്ടി കണ്ടപ്പോ ഞാൻ കരുതി ഡോക്ടർ ആണെന്ന്
സുഖമാണോ
അതേ നിനക്കോ
സുഖം
എപ്പോ എത്തീ
വന്നിട്ട് കുറച്ച് സമയം കഴിഞ്ഞേ ഉള്ളൂ
(വാക്കറും കൊണ്ട് പുറത്തേക്ക് വന്ന ആസിത്ത) ഇക്കാ… ആരാ… (എന്നെ കണ്ട്) നീ ആയിരുന്നോ വാ കയറ് എപ്പോ എത്തി
ഇപ്പൊ വന്നേ ഉള്ളൂ ഞങ്ങൾ അകത്തേക്ക് കയറുമ്പോ അബ്ദുല്ലക്ക മേഡത്തെ അസിത്തക്കും അസിത്തയെ മേഡത്തിനും പരിചയപ്പെടുത്തി ഒരു ബോക്സ്‌ ഈത്തപ്പഴവും പെർഫ്യൂമും ഉള്ള ബാഗ് അവർക്ക് കൊടുത്തു അവർ പരസ്പരം സലാം ചൊല്ലി സംസാരിക്കുന്നതിനിടെ ജോലിക്കാരി ജ്യൂസുമായി വന്നത് കുടിക്കുന്നതിനിടയിൽ
ഉഷാറായല്ലോ നടക്കാനൊക്കെ തുടങ്ങിയില്ലേ ഞാനെപ്പോഴേ പറഞ്ഞതല്ലേ ഓപ്പറേഷൻ കഴിഞ്ഞാൽ എല്ലാം ശെരിയാവുമെന്ന്
ഇപ്പൊ കുഴപ്പമില്ല നടക്കാൻ വാക്കർ വേണമെന്നുമാത്രം
അബ്ദുല്ലക്ക : ഉപ്പാനെ പള്ളിയിൽ കാണാറുണ്ട് ആളിപ്പോ ഉഷാറായിപ്പോയി
മ്മ്…
നിന്റെ ചുണ്ടിനെന്ത് പറ്റി
അത്… അത് പിനെ… പല്ല്… പല്ല് തട്ടിപോയതാ
പറഞ്ഞു കഴിഞ്ഞു സുഹൈലിനെ നോക്കുമ്പോ അവന് ചെറിയ ചിരിയുണ്ട് മേഡത്തിനു മനസിലാവാത്തത് കൊണ്ട് കുഴപ്പമില്ല പിന്നെയും കുറച്ചുസമയം സംസാരിച്ചു ഇറങ്ങി അവിടുന്ന് എന്റെ വീട്ടിലേക്ക് തിരിച്ചു വരുന്ന വഴി അസിത്ത ചുണ്ടിന്റെ കാര്യം ചോദിച്ചത് സുഹൽ മേഡത്തിനു പറഞ്ഞുകൊടുത്തു രണ്ടാളും എന്നെ കുറേ കളിയാക്കി വീടിന്റെ അവസ്ഥകൊണ്ട് മേഡത്തെ വീട്ടിലേക്ക് കൊണ്ടുപോവാൻ എനിക്ക് നല്ല മടിയുണ്ടായിരുന്നു വീടിന് മുന്നിലെ റോഡിൽ വണ്ടി ചെന്നു നിന്നതും ഞങ്ങൾ വണ്ടിയിൽ നിന്നുമിറങ്ങി (മുറ്റത്തേക്ക് ബൈക്കല്ലാത്തവണ്ടി പോവില്ല) ടിക്കിയിൽ നിന്നും ബാഗുകളും എടുത്തുകൊണ്ട് ഞങ്ങളും ഒപ്പം മേടവും ഞങ്ങൾക്കൊപ്പം വീട്ടിലേക്ക് നടന്നു വീടിനു മുന്നിലെത്തുമ്പോ കസേരയിൽ നിന്നും വലം കൈയിൽ വടി ഊനിപിടിച്ചുകൊണ്ട് എഴുനേൽക്കുന്ന ഉപ്പയുടെ അടുത്തേക്ക് ഓടിച്ചെന്ന് താങ്ങി
ഇല്ലെടാ കുഴപ്പമൊന്നുമില്ല നീ എന്താ ഒരറിയിപ്പുമില്ലാതെ പെട്ടന്ന് ഇന്നലെ വിളിച്ചപ്പോഴും വരുന്നതൊന്നും പറഞ്ഞില്ലല്ലോ നിന്റെ മുഖത്തെന്തുപറ്റി ചുണ്ട് അവിടെ ഇവിടെ ഒക്കെ വീങ്ങിയല്ലോ
അത് പല്ലിൽ തട്ടിപോയതാ പറഞ്ഞാൽ നിങ്ങൾ കാത്തിരിക്കില്ലേ അതുകൊണ്ടാ പറയാതെ പോന്നത് ഇതാണ് നൂറ നൂറാ ഇത് എന്റെ ഉപ്പ
മേഡം ഉപ്പാക്ക് സലാം ചൊല്ലിയത് മടക്കി നൂറാ കയറി ഇരിക്ക് മേഡം കയറി കൈയിലെ കവർ ഉപ്പാക്ക് കൊടുത്തശേഷം ഇരുന്നു ഉപ്പ പതിയെ കസേരയിലേക്കിരുന്നുകൊണ്ട് വെപ്പ് കാൽ നീട്ടിവെച്ചുകൊണ്ട് മുണ്ട് അതിലേക്ക് വലിച്ചിട്ടു
ഉമ്മ എവിടെ
അവള് സാധനം വാങ്ങാൻ കടയിൽ പോയതാ ഇപ്പൊ വരും
സുഹൈൽ : നിങ്ങളിരിക്ക് ഞാൻ ചായഎടുക്കാം
അകത്തേക്ക് പോയി കട്ടൻ ചായഉണ്ടാക്കി ഒരു പ്ളേറ്റിൽ വെച്ചു കൊണ്ടുവന്നു
ഇപ്പൊ എങ്ങനെ ഉണ്ട് നടക്കാൻ
ഇപ്പൊ കുഴപ്പമൊന്നുമില്ല ആദ്യം ഇത്തിരി ബുദ്ധിമുട്ടുണ്ടായിരുന്നു ഇപ്പൊ ശെരിയായി ഒരു മാസമായില്ലേ നടക്കാനായതോടെ ഇപ്പൊ പള്ളിയിലേക്കൊക്കെ പോവാറുണ്ട് നീ എന്താ പെട്ടന്ന്
ഖഫീലിന്റെ ഉപ്പാക്ക് ഹാർട്ടിൽ ചെറിയ പ്രശ്നം ഇവിടെ മിംസിൽ കാണിക്കാൻ വന്നതാ അവരെല്ലാം ഹോട്ടലിലാണ്
സുഹൈൽ : ഉമ്മ അത വരുന്നു
ഉപ്പ : നീ അകത്ത്തുപോയി നിൽക്ക്അവള് കാണണ്ട
ഞാൻ ഹാളിലേക്ക് കയറി നിന്നു (ഉമ്മ മുറ്റത്ത് നിന്ന് സുഹൈലിനെ കണ്ട്)
കുന്തം വിഴുങ്ങിയപോലെ നോക്കിനിക്കാതെ വന്നു പിടിക്കെടാ
സുഹൈൽ ഇറങ്ങി ചെന്നു
(പതിയെ)ഇതാരാടാ…
അതൊക്കെ പറയാം
നീ ചാടിച്ചെങ്ങാനും കൊണ്ടുവന്നതാണോ
നിങ്ങളെ കെട്ടിയോൻ അഹമ്മദ്ക്ക
ഡാ…
അള്ളോഹ്…
ഉപ്പയും നൂറയും ചിരിക്കുന്നത് കണ്ടു മേഡം എഴുനേറ്റ് നിന്ന് സലാം ചൊല്ലി കൈ നീട്ടി കൈ പിടിച്ചു സലാം മടക്കിക്കൊണ്ട് മേഡതോട് ഇരിക്കാൻ പറഞ്ഞു പറഞ്ഞത് മനസിലാവാതെ മേഡം സുഹൈലിന് നേരെ നോക്കിയതും സുഹൈൽ ഇരിക്കാൻ പറഞ്ഞു
ഉമ്മ : മൊഞ്ചു നോക്കി കൂട്ടികൊണ്ടോരുമ്പോ മലയാളം പറഞ്ഞാ തിരിയുന്നൊന്നിനെ കിട്ടീല്ലേ നിനക്ക് അതെങ്ങനെയാ എല്ലത്തിനും തനിഷ്ട്ടമല്ലേ സ്നേഹിച്ചവളെ ആരോ കെട്ടികൊണ്ടോയെന് ഒരുത്തൻ കല്യാണം വേണ്ടെന്നും പറഞ്ഞ് ഒരുത്തനിതാ ഇപ്പിങ്ങനെ ബാക്കിള്ളതിനി എങ്ങനാവുമോ (അകത്തെ ഇരുളിൽ വാതിലിന് വശം ചേർന്നുനിൽക്കുന്ന എന്നെ കാണാതെ പിന്നെയും എന്തൊക്കെയോ നൊടിഞ്ഞോണ്ട് അകത്തേക്ക് കയറിപോയി)
അവർ മൂന്നുപേരും ചിരിക്കുന്നുണ്ട് ഞാൻ പതിയെ പുറകെ ചെന്ന് തിരക്കിട്ട് എന്തോ ഉണ്ടാക്കാൻ നോക്കുന്ന ഉമ്മാനെ പുറകിൽ നിന്നും കെട്ടിപിടിച്ചു
ഒരു സോപ്പിടലും മാണ്ട വിട്ടേ
മ്മ്… (പിടിച്ചു നിർത്തി)
നേരം വെള്ത്ത ഇങ്ങള് പൊരേന്ന് കീഞ്ഞങ് പോകും ഞാക്ക് മിണ്ടാനും പറയാനും ഇങ്ങള് കെട്ടികൊണ്ടോന്ന പെണ്ണേ കാണൂ ഞാള് പറേന്നെ തിരിയാത്തേനെ മാത്രേ ഇനിക്ക് കിട്ടീള്ളൂ
